PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେବଗଡ : ରିଆମାଳ ରେଞ୍ଜ ନୁଆଁଡିହି ସେକ୍ସନ ଖିଲେଇ ଜଙ୍ଗଲରେ ହାତୀ ଆକ୍ରମଣ ଯୋଗୁଁ ବନ ଶ୍ରମିକ ଗୁରୁତର
  • ||
  • କୋଣାର୍କ : ରୋଗ କଷ୍ଟ ସହିନପାରି ସ୍କୁଲ ହତାରେ ଆତ୍ମହତ୍ୟା କଲେ ବୃଦ୍ଧ
  • ||
  • ଭୁବନେଶ୍ଵର : ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୫୦କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୭୩୪ ପଜେଟିଭ୍
  • ||
  • ନୀଳଗିରି : ମାଡ଼ିଆସୁଛନ୍ତି ନୀଳଗିରି ଆଡକୁ ଝାଡ଼ଖଣ୍ଡ ହାତୀ, ଚାଷୀ ଆତଙ୍କିତ
  • ||
  • କଳାହାଣ୍ଡି : ପୋଖରୀରେ ବୁଡି ୨ ଶିଶୁ ମୃତ
  • ||
  • ଜଳେଶ୍ଵର : ବିପଦ ସଂକେତ ଉପରେ ପ୍ରବାହିତ ହେଉଛି ଜଳକା, ବନ୍ୟା ପାଣି ଘେରରେ ୧୦ରୁ ଉର୍ଦ୍ଧ୍ଵ ଗ୍ରାମ
  • ||
  • ଲମତାପୁଟ : ଅଟୋରୁ ୧୦ ଲକ୍ଷ ଟଙ୍କାର ଗଞ୍ଜେଇ ଜବତ, ଗାଡି ଛାଡି ୨ ମାଫିଆ ଫେରାର୍
  • ||

ଅନନ୍ତଙ୍କ ପ୍ରାର୍ଥିପତ୍ର କାଏମ, ଅଭିଯୋଗକୁ ଖାରଜ କଲେ ରିଟର୍ଣ୍ଣିଂ ଅଫିସର

ଭୁବନେଶ୍ୱର,୬ା୪(ବ୍ୟୁରୋ): ଅଫିସ୍‌ ଅଫ ପ୍ରପଟି ଓ ମିଥ୍ୟା ସତ୍ୟପାଠକୁ ପ୍ରସଙ୍ଗ କରି ବିଜେଡି ପ୍ରାର୍ଥୀ ଅନନ୍ତ ନାରାୟଣ ଜେନାଙ୍କୁ ଆଜି ଘେରିଛି ବିଜେପି । ଭୁବନେଶ୍ୱର ମଧ୍ୟ ନର୍ବିାଚନମଣ୍ଡଳୀରୁ ପ୍ରାର୍ଥୀ ହୋଇଥିବା ଅନନ୍ତଙ୍କ ପ୍ରାର୍ଥୀପତ୍ର ଖାରଜ କରିବା ଦାବିରେ ଏଡିଏମ୍‌ ଅଫିସ ଆଗରେ ଜୋରଦାର ବିକ୍ଷୋଭ ହୋଇଛି । କିନ୍ତୁ ରିଟର୍ଣ୍ଣିଂ ଅଫିସର ଏହାର ଶୁଣାଣି କରି ଜଗନ୍ନାଥ ପ୍ରଧାନ ଆଣିଥିବା ପିଟିସନ୍‌କୁ ଖାରଜ କରିବା ସହ ଅନନ୍ତଙ୍କ ପ୍ରାର୍ଥୀପତ୍ରକୁ କାଏମ ରଖିଛନ୍ତି । ଏହାକୁ ବିରୋଧ କରି ରାସ୍ତାରୋକ, ଧସ୍ତାଧସ୍ତି ଓ ନାରାବାଜିରେ ୪ଘଣ୍ଟା ଧରି ହୁଲସ୍ତୁଲ ହୋଇଛି ଏଡିଏମ୍‌ ଅଫିସ ।

ବିଧାୟକ ପ୍ରାର୍ଥୀ ଅନନ୍ତ ବିଡିଏ ଅଧ୍ୟକ୍ଷ ପଦରୁ ଇସ୍ତଫା ଦେଇନାହାନ୍ତି । ନାମାଙ୍କନ ଦାଖଲ ସମୟରେ ସେ ଅଧ୍ୟକ୍ଷ ପଦରୁ ଇସ୍ତଫା ଦେଇଥିବା ନେଇ କୌଣସି ତଥ୍ୟ ନାହିଁ । ଲାଭଜନକ ପଦବୀରେ ଥିବା ସତ୍ତ୍ୱେ ସେ ତାଙ୍କ ସତ୍ୟପାଠରେ ଏ ନେଇ ସୂଚନା ଦେଇନାହାନ୍ତି । ଖାଲି ସେତିକି ନୁହେଁ, ମେୟରଙ୍କ ବିରୋଧରେ କିଛି ଅପରାଧିକ ମାମଲା ଅଛି । କିନ୍ତୁ ସେ ସତ୍ୟପାଠରେ ସେ ସବୁକୁ ଉଲ୍ଲେଖ କରିନାହାନ୍ତି । ଏଣୁ ତାଙ୍କ ପ୍ରାର୍ଥୀପତ୍ରକୁ ଖାରଜ କରାଯାଉ ବୋଲି ଦାବି କରି ଗତକାଲି ବିଜେପି ପ୍ରାର୍ଥୀ ଜଗନ୍ନାଥ ପ୍ରଧାନ ରିଟର୍ଣ୍ଣିଂ ଅଫିସରଙ୍କୁ ପିଟିସନ ଦେଇଥିଲେ । ଆଜି ଦିନ ୧୦ଟାରେ ଏହାର ଶୁଣାଣି ଥିଲା । ଶୁଣାଣିକୁ ଆଖି ଆଗରେ ରଖି ଏଡିଏମ୍‌ ଅଫିସ ସମ୍ମୁଖକୁ ପୁଲିସ ଛାଉଣୀ କରାଯାଇଥିଲା । ଶୁଣାଣି ସାମାନ୍ୟ ବିଳମ୍ବ ହୋଇଥିଲା । ପ୍ରାୟ ୧୧ଟା ବେଳକୁ ଜଗନ୍ନାଥ ପ୍ରଧାନ ତାଙ୍କ ଓକିଲଙ୍କ ସହ ଆସି ପହଞ୍ଚିଥିଲେ । ଉଭୟେ ରଟିର୍ଣ୍ଣିଂ ଅଫିସରଙ୍କ ପାଖକୁ ଯାଇ ଆଲୋଚନା କରିଥିଲେ । ରିଟର୍ଣ୍ଣିଂ ଅଫିସର ଶୁଣାଣି ଆରମ୍ଭ କରିବା ସହ ଶ୍ରୀପ୍ରଧାନଙ୍କ ପିଟିସନ୍‌କୁ ଖାରଜ କରିଥିଲେ ।

ଏହାକୁ ନେଇ ଶ୍ରୀପ୍ରଧାନଙ୍କ ସମର୍ଥକମାନେ ପ୍ରତିକ୍ରିୟ୍ରାଶୀଳ ହୋଇ ଉଠିଥିଲେ । ଏଡିଏମ୍‌ ଅଫିସ ଆଗରେ ଶ୍ରୀପ୍ରଧାନ ନିଜେ ଧାରଣାରେ ବସିଥିଲେ । ତାଙ୍କ ସମର୍ଥକମାନେ ଏଡିଏମ୍‌ ଅଫିସ ସମ୍ମୁଖ ରାସ୍ତାକୁ ବନ୍ଦ କରିଥିଲେ । ରାସ୍ତାରୋକ ଯୋଗୁ ପ୍ରାୟ ଅଧ ଘଣ୍ଟା ଯାଏ ରାସ୍ତାରେ ଗାଡି ଚଳାଚଳ ଠପ୍ ହୋଇ ଯାଇଥିଲା । ପରେ ଡିସିପି ଅନୁପ ସାହୁ ଆସି ସେଠାରେ ପହଞ୍ଚିଥିଲେ ।

ସେ ଉତ୍ୟକ୍ତ ବିଜେପି କର୍ମୀଙ୍କୁ ବୁଝାସୁଝା କରି ରାସ୍ତାରୁ ହଟାଇଥିଲେ । ଏତିକି ବେଳେ ଅନନ୍ତଙ୍କ କିଛି ସମଥର୍କ କାଗଜପତ୍ର ଆଣି ଏଡିଏମ୍‌ ଅଫିସି ଆସଛନ୍ତି ବୋଲି କିଛି ବିଜେପି କର୍ମୀ ହୋହଲ୍ଲା କରିଥିଲେ । ଏହାକୁ ନେଇ ଉତ୍ତେଜନା ସୃଷ୍ଟି ହୋଇଥିଲା । ବିଜେପି କର୍ମୀମାନେ ଏଡିଏମ୍‌ ଅଫିସ ଭିତରକୁ ପଶିବାକୁ ଉଦ୍ୟମ କରିଥିଲେ । ଏହାକୁ ନେଇ ପୁଲିସ ଓ ବିଜେପି କର୍ମୀଙ୍କ ମଧ୍ୟରେ କିଛି ସମୟ ପାଇଁ ଧସ୍ତାଧସ୍ତି ଓ ଠେଲାପେଲା ହୋଇଥିଲା ।

ପୁଲିସ ଶ୍ରୀ ପ୍ରଧାନଙ୍କୁ ବୁଝାସୁଝା କରିଥିଲା । କିନ୍ତୁ ସେମାନେ ଏଡିଏମ୍‌ ଅଫିସ ଆଗରେ ଧାରଣାରେ ବସିଥିଲେ । ପୁଲିସ ସହ ଆଲୋଚନା ପରେ ଶ୍ରୀ ପ୍ରଧାନ ଭିତରକୁ ଯାଇଥିଲେ । ରିଟର୍ଣ୍ଣିଂ ଅଫିସରଙ୍କ ସହ ଆଲୋଚନା ପରେ ତାଙ୍କ ସମର୍ଥକମାନେ ଶାନ୍ତ ପଡ଼ିଥିଲେ । ତେବେ ରିଟର୍ଣ୍ଣିଂ ଅଫିସର ଜାଣଶିୁଣ ଅନନ୍ତଙ୍କୁ ସମର୍ଥନ କରୁଛନ୍ତି ବୋଲି ଶ୍ରୀପ୍ରଧାନ ଅଭିଯୋଗ କରିଛନ୍ତି । ଅନନ୍ତ ସତ୍ୟପାଠରେ ତଥ୍ୟ ଲୁଚାଇଛନ୍ତି । କିନ୍ତୁ ରଟିର୍ଣ୍ଣିଂ ଅଫସିର ଏହାକୁ ଦେଖି ଖାରଜ କରିବା ବଦଳରେ ଏଥିରେ କାରସାଦି କରିଛନ୍ତି ବୋଲି ସେ ଅଭିଯୋଗ କରିଛନ୍ତି ।

ସେପଟେ ରିଟର୍ଣ୍ଣିଂ ଅଫିସର ଏହି ଅଭେିଯାଗକୁ ଖଣ୍ଡନ କରିଛନ୍ତି । ଫର୍ମ-୨(ବି) ରେ ଅନନ୍ତ ନାରାୟଣ ଜେନା ଅଫିସ ଅଫ ପପ୍ରଟିରେ ନାହାନ୍ତି ବୋଲି ଲେଖିଛନ୍ତି । ଏଥିସହ ସତ୍ୟପାଠର ଫର୍ମ-୨୬ରେ ତାଙ୍କ ବିରୋଧରେ କୌଣସି ଅପରାଧିକ ମାମଲା ନାହିଁ ବୋଲି ଲେଖିଛନ୍ତି । ଏହାକୁ ଆମେ ଯାଞ୍ଚ କରିଛୁ । କନ୍ତିୁ ଏହା ସତ କି ମିଛ, ତାକୁ ଜାଣିବା ମୋ କ୍ଷମତା ପରିସରରେ ଆସୁନି । ଏଣୁ ବିଜେପି ପ୍ରାର୍ଥୀ ଜଗନ୍ନାଥ ପ୍ରଧାନ ଆଣିଥିବା ପିଟିସନ୍‌କୁ ଆମେ ଖାରଜ କରିଛୁ ବୋଲି ରିଟର୍ଣ୍ଣିଂ ଅଫିସର ଅରୁଣ କୁମାର ବେହେରା କହିଛନ୍ତି ।