PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେପିରେ ମିଶିଲେ ସୁନୀଲ ଜାଖଡ, କଂଗ୍ରେସ ସହ ୫୦ ବର୍ଷର ସମ୍ପର୍କରେ ପୂର୍ଣ୍ଣଛେଦ
  • ||
  • ୟାସିନ ମଲ୍ଲିକ ଦୋଷୀ ସାବ୍ୟସ୍ତ, ଆତଙ୍କବାଦୀଙ୍କୁ ପାଣ୍ଠି ଯୋଗାଣ ମାମଲାରେ ବାନ୍ଧିଥିଲା ଏନ୍‌ଆଇଏ
  • ||
  • ପୁରୀ : ଏଥର ଭକ୍ତ ଦେଖିବେ ସ୍ନାନଯାତ୍ରା, ହେଲେ ସ୍ନାନ ବେଦିରେ ଶ୍ରୀବିଗ୍ରହଙ୍କୁ କରିପାରିବେନି ସ୍ପର୍ଶ
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍,୨୪ ଘଣ୍ଟା ମଧ୍ୟରେ ବାହାରିଲେ ୧୨ ଜଣ କରୋନା ପଜିଟିଭ
  • ||
  • ଭୁବନେଶ୍ୱର : ଆଜି-କାଲି ବର୍ଷା ଆଶଙ୍କା, ତିନି ଦିନ ପରେ ପୁଣି ତାତି
  • ||
  • ପୁରୀ: ରଥଖଳା ହାଲ୍‌ଚାଲ୍‌… ଅଖ ଅନୁକୂଳ, ନାହାକା ଚକରେ ପଇତା ଓ ୧୫ ଚକ ପ୍ରସ୍ତୁତ
  • ||
  • ମୋହନା: ରାସ୍ତା କଡ଼ରୁ ଯୁବକଙ୍କ କ୍ଷତବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର
  • ||
  • କୁତ୍ରା: ୧୨ ବର୍ଷର ନାବାଳିକା ୭ ମାସର ଗର୍ଭବତୀ, ଥାନାରେ ଏତଲା ଦେଲେ ପରିବାରଲୋକ
  • ||
  • ବାରଙ୍ଗ: ପ୍ରେମ ସମ୍ପର୍କକୁ ନେଇ ଜଘନ୍ୟ ହତ୍ୟାକାଣ୍ଡ : ପ୍ରେମିକକୁ ହତ୍ୟା କଲେ ପ୍ରେମିକା ପରିବାର, ଇନ୍‌ଫୋସିଟି ଥାନା ନିକଟରୁ ଯୁବକଙ୍କ ମୃତଦେହ ଉଦ୍ଧାର
  • ||
  • ଭାରତ ସୀମାରେ ଅନୁପ୍ରବେଶ ଉଦ୍ୟମ କରୁଛନ୍ତି ୧୭୦ ଆତଙ୍କବାଦୀ, ତାଲିମ ଦେଉଛି ପାକିସ୍ତାନୀ ସେନା ଏବଂ ISI
  • ||

ଦାୟିତ୍ବ ନେଲେ ସିବିଆଇର ନିର୍ଦେଶକ ଋଷି କୁମାର ଶୁକ୍ଲା, ପ୍ରଥମ ପର୍ଯ୍ୟାୟରେ ହେବ ୫ଟି ଦୁର୍ନୀତିର ତଦନ୍ତ

ନୂଆ ଦିଲ୍ଲୀ ୪/୨ : ନୂତନ ଭାବେ ନିଯୁକ୍ତ ହୋଇଥିବା ସିବିଆଇର ନିର୍ଦେଶକ ଋଷି କୁମାର ଶୁକ୍ଲା ଆଜି ପଦ ସମ୍ଭାଳିଛନ୍ତି | ଆଲୋକ ବର୍ମା ସିବିଆଇ ନିର୍ଦେଶକ ପଦବୀରୁ ଇସ୍ତଫା ଦେବାପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଗଠିତ ଚୟନ କମିଟି ଶନିବାର ଦିନ ମଧ୍ୟପ୍ରଦେଶର ପୂର୍ବତନ ଡିଜିପି ଋଷି କୁମାର ଶୁକ୍ଲାଙ୍କୁ ସିବିଆଇର ନୂଆ ନିର୍ଦେଶକ ଭାବେ ନିଯୁକ୍ତ କରିଥିଲେ | ଆଲୋକ ବର୍ମାଙ୍କ ଇସ୍ତଫା ପରେ ନାଗେଶ୍ୱର ରାଓ ତାମଚଳା ସିବିଆଇ ନିର୍ଦେଶକ ପଦବୀ ସମ୍ଭାଳିଥିଲେ | ଆଜି ନାଗେଶ୍ୱର ରାଓଙ୍କ ଠାରୁ ଋଷି ଶୁକ୍ଲା ନିର୍ଦେଶକ ଦାୟିତ୍ବ ନେଇଛନ୍ତି | ସିବିଆଇର ନବ ନିଯୁକ୍ତ ନିର୍ଦେଶକ ଋଷି କୁମାର ଶୁକ୍ଲା ହଜାର କୋଟିର ପିଏନବି ଦୁର୍ନୀତି ଏବଂ ଆଇସିଆଇସିଆଇ ବ୍ୟାଙ୍କ ଦୁର୍ନୀତି ସମେତ ୫ଟି ମାମଲାର ଯାଞ୍ଚ ପ୍ରକ୍ରିୟା ଆରମ୍ଭ କରିବେ |

ସୂଚନାଯୋଗ୍ୟ ଯେ, ହୀରା ବ୍ୟବସାୟୀ ନିରବ ମୋଦି ଏବଂ ତାଙ୍କ ମାମୁଁ ମେହୁଲ ଚୋକସିଙ୍କ ହଜାର କୋଟିର ପିଏନବି ଦୁର୍ନୀତି, ୩୨୫୦ କୋଟି ଟଙ୍କାର କରଜ ଅନିୟମିତତାର ଆଇସିଆଇସିଆଇ ବ୍ୟାଙ୍କ- ଭିଡିଓକନ ଦୁର୍ନୀତି ମାମଲା ସହ ୫ଟି ବଡ ବଡ ଦୁର୍ନୀତି ମାମଲାର ଯାଞ୍ଚ ସିବିଆଇ ତାଲିକାର ସବୁଠାରୁ ଉପରେ ରହିବେ |ଅଗଷ୍ଟା ୱେଷ୍ଟଲ୍ୟାଣ୍ଡ ହେଲିକେପ୍ଟର ସୌଦା, ମଦ ବ୍ୟବସାୟୀ ବିଜୟ ମାଲ୍ୟାଙ୍କ ହଜାର କୋଟି ଟଙ୍କାର ବକେୟା କରଜ ଏବଂ ପୂର୍ବତନ ଅର୍ଥମନ୍ତ୍ରୀ ପି.ଚିଦାମ୍ବରମ ଏବଂ ତାଙ୍କ ପୁଅ କୀର୍ତ୍ତି ଚିଦାମ୍ବରମଙ୍କ ସହ ଜଡିତ ଆଇଏନଏକ୍ସ (INX Media Case) ମିଡ଼ିଆ ମାମଲାର ଯାଞ୍ଚ ଉପରେ ପ୍ରାଥମିକତା ଦେବ ସିବିଆଇ | ସିବିଆଇର ଜଣେ ଅଧିକାରୀ କହିଛନ୍ତି ଯେ, ଚନ୍ଦା କୋଚର ଏବଂ ତାଙ୍କ ସ୍ୱାମୀ ଦୀପକ କୋଚର, ଭିଡିଓକନର ନିର୍ଦେଶକ ଧୃତ ଏବଂ ଅନ୍ୟମାନଙ୍କ ବିରୋଧରେ ସିବିଆଇ ସମନ ଜାରି କରିବା ବ୍ୟବସ୍ଥା କରୁଛି |