ଅନୁଗୁଳ ୮/୩: ସଡକ ଦୁର୍ଘଟଣାରେ ଦମ୍ପତ୍ତି ମୃତ । ୫୫ନଂ ଜାତୀୟ ରାଜପଥରେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ ବଅଁରପାଳ ବ୍ଲକ ସାନକେରଜେଙ୍ଗ ନିବାସୀ ଚିନ୍ତାମଣୀ ଗୋଛାୟତ ଓ ତାଙ୍କ ସ୍ତ୍ରୀ ବହୁରାଣୀ ଗୋଛାୟତ ମୃତ୍ୟୁବରଣ କରିଛନ୍ତି ।

{"id":97718,"sizeSlug":"large"}

ସୂଚନା ଅନୁସାରେ ଚିନ୍ତାମଣି ତାଙ୍କ ସ୍ତ୍ରୀ ସହିତ ସକାଳ ପ୍ରାୟ ୯ଟା  ସମୟରେ ନିଜ ସ୍କୁଟର (OR 19 K 0549) ରେ ଅନୁଗୋଳର ୫୫ନଂ ଜାତୀୟ ରାଜପଥ ରେ ଯାଉଥିଲେ। ଏହି ସମୟରେ ରାସ୍ତାରେ ଦ୍ରୁତଗତିରେ ଯାଉଥିବା ଟ୍ରକ ସ୍ଥାନୀୟ ମାଉସୀ ମା' ମନ୍ଦିର ନିକଟରେ ସ୍କୁଟରକୁ ଧକ୍କା ଦେଇଥିଲା ।। ଦୁର୍ଘଟଣାରେ ଘଟଣାସ୍ଥଳରେ ଉଭୟଙ୍କର ମୃତ୍ୟୁ ହୋଇଥିଲା । ଏହାପରେ ଘଟଣାକୁ କେନ୍ଦ୍ରକରି  ଘଟଣା ସ୍ଥଳରେ ଉତ୍ତେଜନା ଦେଖାଦେଇଥିଲା । ଦୁର୍ଘଟଣାସ୍ଥଳରେ ଅନୁଗୋଳ ପୋଲିସ ପହଞ୍ଚି ପରିସ୍ଥିତି ନିୟନ୍ତ୍ରଣ କରିବା ସହ ତଦନ୍ତ ଜାରି ରଖିଛି । ଦୁର୍ଘଟଣା ଘଟାଇଥିବା ଟ୍ରକଟିକୁ ପୋଲିସ ଜବତ କରିଥିବା ସୂଚନା ମିଳିଛି ।