PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୀରାକୁଦରେ ପର୍ଯ୍ୟଟନର ବିକାଶ ପାଇଁ ୧୩୦ କୋଟି ବ୍ୟୟ ହେବ
  • ||
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

ରୋଜଭ୍ୟାଲି ଚିଟ୍‌ଫଣ୍ଡ ମାମଲା: ସିବିଆଇ ଜାଲରେ ବଙ୍ଗଳା ଫିଲ୍ମ ନିର୍ମାତା

ଭୁବନେଶ୍ୱର,୨୪ା୧(ବ୍ୟୁରୋ): କିଛି ମାସର ବ୍ୟବଧାନ ପରେ ପୁଣି ରୋଜଭ୍ୟାଲି ଚିଟ୍‌ଫଣ୍ଡ ତଦନ୍ତ ଜୋର୍‌ ଧରିଛି । ସିବିଆଇ ଜାଲରେ ଫସିଛନ୍ତି ଜଣେ ପ୍ରଖ୍ୟାତ ବଙ୍ଗଳା ଫିଲ୍ମ ନିର୍ମାତା ଏବଂ ବିତରକ ଶ୍ରୀକାନ୍ତ ମେହେଟ୍ଟା । ଫିଲ୍ମ ନିର୍ମାଣ ପାଇଁ ସେ ରୋଜଭ୍ୟାଲି ସଂସ୍ଥାଠାରୁ ୨୪ କୋଟି ଟଙ୍କ ଉଠାଇଥିବା ଅଭିଯୋଗ ହୋଇଛି । ଏହି ଆଧାରରେ ସିବିଆଇ ଅଧିକାରୀମାନେ ତାଙ୍କୁ ଆଜି କୋଲକାତାରୁ ଗିରଫ କରିଛନ୍ତି । ସେଠାରୁ ବିମାନରେ ତାଙ୍କୁ ଭୁବନେଶ୍ୱର ଅଣାଯାଉଛି । ତାଙ୍କୁ ସ୍ୱତନ୍ତ୍ର ସିଜେଏମ୍‌ (ସିବିଆଇ) କୋର୍ଟରେ ହାଜର କରାଯିବ ।
ସିବିଆଇ ଜଣେ ବରିଷ୍ଠ ଅଧିକାରୀଙ୍କ କହିବା ମୁତାବକ, ଶ୍ରୀକାନ୍ତଙ୍କର ‘ଶ୍ରୀ ଭେଙ୍କେଟଶ ଫିଲ୍ମସ୍‌ ଏଣ୍ଟରଟେନ୍‌ମେଣ୍ଟ ପ୍ରାଇଭେଟ ଲିମିଟେଡ୍‌’ ନାଁରେ ଫିଲ୍ମ ନିର୍ମାତା ସଂସ୍ଥା ରହିଛି । ସେ ଚୋଖରବାଲି, ରେନ୍‌କୋର୍ଟ, ମେମୋରିଜ୍‌ ଇନ୍‌ ମାର୍ଚ୍ଚ, ଅଟୋଗ୍ରାଫ୍‌ ଭଳି ଅନେକ ଜାତୀୟ ପୁରସ୍କାର ଜିତିଥିବା ସିନେମା ବନାଇଛନ୍ତି । ଫିଲ୍ମ ନିର୍ମାଣ ପାଇଁ ଟଙ୍କା ଠକିବା ଲକ୍ଷ୍ୟରେ ରୋଜଭ୍ୟାଲିର ଅଧ୍ୟକ୍ଷ ଗୌତମ କୁନ୍ଦୁଙ୍କ ସହ ମିଳାମିଶା କରିଥିଲେ । ଫିଲ୍ମ କରିବାକୁ କହି ଗୌତମଙ୍କୁ ଫୁସୁଲାଇ ଏକାସାଙ୍ଗରେ ୨୪ କୋଟି ଟଙ୍କା ଉଠାଇଥିଲେ । ଫିଲ୍ମରୁ ଉପାର୍ଜିତ ଲାଭାଂଶ ଦେବେ ବୋଲି ପ୍ରତିଶ୍ରୁତି ଦେଇଥିଲେ । ରୋଜଭ୍ୟାଲି ଗ୍ରୁପ୍‌ ନାଁରେ ଏହି ଟଙ୍କା ବିନିଯୋଗ କରି ଶ୍ରୀକାନ୍ତ ଏକାଧିକ ସିନେମା ନିର୍ମାଣ କରିଥିଲେ । ଗୌତମ ଟଙ୍କା ଫେରସ୍ତ ମାଗିବା ବେଳେ ଶ୍ରୀକାନ୍ତ ତାଙ୍କୁ ଧରାଛୁଆଁ ଦେଉନଥିଲେ । ଏପରିକି ସେ ପଶ୍ଚିମବଙ୍ଗର ପ୍ରଭାବଶାଳୀ ନେତାଙ୍କ ନାଁରେ ଧମକ ଦେଉଥିବା ଅଭିଯୋଗ ହୋଇଛି । ଆସନ୍ତାକାଲି କୋର୍ଟରେ ହାଜର ପରେ ରିମାଣ୍ଡ ଆବେଦନ କରାଯିବ ବୋଲି ସିବିଆଇ ଅଧିକାରୀ ସୂଚନା ଦେଇଛନ୍ତି ।
ସୂଚନାଥାଉକି, ରୋଜଭ୍ୟାଲି ଚିଟ୍‌ଫଣ୍ଡ ସଂସ୍ଥା ଓଡ଼ିଶା ଓ ପଶ୍ଚିମବଙ୍ଗରୁ ଲୋକଙ୍କଠାରୁ ପାଖାପାଖି ୧୫ ହଜାର କୋଟି ଠକି ନେଇଥିଲା । ଉଭୟ ସିବିଆଇ ଓ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ମାମଲାର ତଦନ୍ତ ଚଳାଇଛି । ସଂସ୍ଥାର ଅଧ୍ୟକ୍ଷ ଗୌତମଙ୍କୁ ୨୦୧୫ ମାର୍ଚ୍ଚ ୧୫ରେ ଇଡି ଗିରଫ କରିଥିଲା । ସେହିପରି ତୃଣମୂଳ କଂଗ୍ରେସ (ଟିଏମ୍‌ସି) ନେତା ତଥା ପୂର୍ବତନ ସାଂସଦ ସୁଦୀପ ବନ୍ଦୋପାଧ୍ୟୟଙ୍କୁ ମଧ୍ୟ ସିବିଆଇ ଗିରଫ କରିଛି ।