ଶଙ୍ଖ ଧରିଲେ ରୁଦ୍ର ନାରାୟଣ

ଭୁବନେଶ୍ୱର,୨୪ା୩(ବ୍ୟୁରୋ): ସମାଜସେବୀ ତଥା ସ୍ୱେଚ୍ଛାସେବୀ ଅନୁଷ୍ଠାନ ‘ଜୟ ଓଡ଼ିଶା’ର ପ୍ରତିଷ୍ଠାତା ରୁଦ୍ରନାରାୟଣ ସାମନ୍ତରାୟ ଆଜି ବିଜେଡିରେ ମିଶିଛନ୍ତି । ବିଜେଡି ରାଜ୍ୟ କାର୍ଯ୍ୟାଳୟରେ ଆୟୋଜିତ ମିଶ୍ରଣ ପର୍ବରେ ବିଜେଡି ସଭାପତି ନବୀନ ପଟ୍ଟନାୟକଙ୍କ ଉପସ୍ଥିତିରେ ରୁଦ୍ର ତାଙ୍କ ହଜାର ହଜାର ସମର୍ଥକଙ୍କ ସହ ବିଜେଡିରେ ଯୋଗ ଦେଇଛନ୍ତି । ପ୍ରଥମେ ସହିଦନଗର ଦୁର୍ଗାପୂଜା ମଣ୍ଡପ ପାଖରୁ ରୁଦ୍ରଙ୍କ ନେତୃତ୍ୱରେ ଏକ ବିଶାଳ ବାଇକ୍‌ ରାଲି ବାହାରିଥିଲା । ବିଜେଡି ଓ ନବୀନଙ୍କ ପ୍ଲାକାର୍ଡ ଓ ପତାକା ଧରି ରାଜ୍ୟ କାର୍ଯ୍ୟାଳୟ ପର୍ଯ୍ୟନ୍ତ ଶୋଭାଯାତ୍ରାରେ ଆସିଥିଲେ । ସେପଟେ ରାଜ୍ୟ କାର୍ଯ୍ୟାଳୟରେ ବି ବଡ଼ ଆୟୋଜନ ହୋଇଥିଲା । ପ୍ରାୟ ୫ହଜାର ଲୋକଙ୍କ ସମାଗମ ହୋଇଥିଲା । ନବୀନ ସେଠାରେ ପହଞ୍ଚିବା ପରେ ତାଙ୍କୁ ସ୍ୱାଗତ କରାଯାଇଥିଲା । ନବୀନଙ୍କ ଉପସ୍ଥିତିରେ ରୁଦ୍ର ଓ ତାଙ୍କ ସମର୍ଥକମାନେ ଦଳରେ ମିଶିଥିଲେ ।

ନବୀନ ରୁଦ୍ରଙ୍କୁ ଦଳକୁ ସ୍ୱାଗତ କରିବା ସହ ତାଙ୍କ ଯୋଗଦାନ ଦ୍ୱାରା ଦଳ ଆହୁରି ସୁଦୃଢ ହେବ ବୋଲି କହିଛନ୍ତି । ନବୀନ ପଟ୍ଟନାୟକଙ୍କ ସ୍ୱଚ୍ଛ ଓ ନିର୍ମଳ ଭାବମୂର୍ତ୍ତିରେ ସେ ପ୍ରଭାବିତ ହୋଇ ବିଜେଡିରେ ମିଶିଛନ୍ତି । ଆଗାମୀ ଦିନରେ ବିଜେଡିକୁ ସଶକ୍ତ କରିବାକୁ ସେ ଆପ୍ରାଣ ଉଦ୍ୟମ କରିବେ ବୋଲି ରୁଦ୍ର କହିଛନ୍ତି । ରୁଦ୍ରଙ୍କୁ ଭୁବନେଶ୍ୱର ମଧ୍ୟ ନିର୍ବାଚନମଣ୍ଡଳୀରୁ ଟିକେଟ ମିଳିପାରେ ବୋଲି ଚର୍ଚ୍ଚା ହେଉଛି । ରୁଦ୍ର ‘ଜୟ ଓଡ଼ିଶା’ ସଂଗଠନ ମାଧ୍ୟମରେ ଦୀର୍ଘ ବର୍ଷ ତଳୁ ଅନେକ ସାମାଜିକ କାର୍ଯ୍ୟକ୍ରମ କରି ଆସୁଛନ୍ତି । ବିଶେଷ କରି ସହରର ବସ୍ତି ଅଞ୍ଚଳରେ ତାଙ୍କ ପ୍ରଭାବ ରହିଛି । ଦଳ ତାଙ୍କୁ ଟିକେଟ ଦେଇ ପ୍ରାର୍ଥୀ କରିପାରେ ବୋଲି ଚର୍ଚ୍ଚା ହେଉଛି ।

   ସମ୍ବନ୍ଧିତ ଖବର


ମନ୍ଦିର ଖୋଲିବାକୁ ନିଆରା ପ୍ରୟାସ: ଆଇସ୍‌କ୍ରିମ୍‌ କାଠିରେ ଦୁର୍ଗାମୁଖା, ଦିଆସିଲି କାଠିରେ ଶ୍ରୀଜଗନ୍ନାଥ ତିଆରି କଲେ ଦୁଇ ଛାତ୍ର

ଗୌରବ ଆଣିଲେ କନ୍ଧମାଳର ସନ୍ଧ୍ୟାରାଣୀ: ଛୁଞ୍ଚି ମୁନରେ ୬୬, ୧୫୮ କାରୁକାର୍ଯ୍ୟ କରି ଗିନିଜ୍ ବୁକରେ କଲେ ରେକର୍ଡ

ବିବାଦରେ ଥାନା ଅଧିକାରୀ, ଦୁର୍ଗାପୂଜା ଶୁଭେଚ୍ଛା ବିଜ୍ଞାପନରେ ରଖିଥିଲେ ଦଳୀୟ ଚିହ୍ନ ଓ ନେତାଙ୍କ ଫଟୋ….

ବରମୁଣ୍ଡା ଓଭରବ୍ରିଜ ତଳୁ ମୃତଦେହ ଉଦ୍ଧାର

ଖଣି ଇଷ୍ପାତ ଓ ପୂର୍ତ୍ତ ବିଭାଗର ମନ୍ତ୍ରୀ ପ୍ରଫୁଲ୍ଲ ମଲ୍ଲିକଙ୍କୁ କରୋନା

ବିବାହିତାଙ୍କୁ ପ୍ରେମ କରି ଠକି ଚମ୍ପଟ୍ ମାରିଥିଲେ ଲମ୍ପଟ ପ୍ରେମିକ, ଧରାପଡି ଜେଲ୍‌ ଗଲା ଯୁବକ