PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ- କାଳବୈଶାଖୀର ତାଣ୍ଡଵ। ସେରଗଡ ବ୍ରାହ୍ମଣଛାଇ ଗାଁରେ ଗଛ ପଡି ଦୁଇ ମୃତ
  • ||
  • ବରିଷ୍ଠ ବିଜେଡି ନେତ୍ରୀ ଭି. ସୁଜ୍ଞାନୀ କୁମାରୀ ଦେଓଙ୍କ ଆଶୁ ଆରୋଗ୍ୟ କାମନା କଲେ ମୁଖ୍ୟମନ୍ତ୍ରୀ, ଅସୁସ୍ଥତା କାରଣରୁ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ପୂର୍ବତନ ବିଧାୟକା
  • ||
  • ପଶ୍ଚିମବଙ୍ଗରେ ବିଜେପି କାର୍ଯ୍ୟକର୍ତ୍ତାଙ୍କ ଉପରେ ଟିଏମସିର ଆକ୍ରମଣର ପ୍ରତିବାଦରେ କେନ୍ଦ୍ରମନ୍ତ୍ରୀଙ୍କ ଉପବାସ
  • ||
  • ପଶ୍ଚିମବଙ୍ଗ: ତୃତୀୟ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ମମତା ବାନାର୍ଜି
  • ||
  • କୋଭିଡ୍ ମୁକାବିଲା ପାଇଁ ୫୦ ହଜାର କୋଟି ଦେବ ଆର୍‌ବିଆଇ
  • ||
  • ବଲାଙ୍ଗୀର: ଡେଲିମାର୍କେଟରେ ସଂଘବଦ୍ଧ ଭାବେ ପରିବା ବିକ୍ରି କରିବାକୁ ପ୍ରଶାସନ ବିରୋଧ କରିବାରୁ ଉତ୍ତ୍ୟକ୍ତ ହୋଇ ରାସ୍ତାରେ ପରିବା ଫିଙ୍ଗିଲେ ବେପାରୀ, ପୁଲିସ ଏବଂ ମ୍ୟୁନିସିପାଳିଟି ପକ୍ଷରୁ ବୁଝାମଣା ଜାରି
  • ||
  • ଗୁଡ଼ଭେଲା: ବିଦ୍ୟୁତ ଖୁଣ୍ଟକୁ ପଟିଲା ଟ୍ରକ ଅଳ୍ପକେ ବର୍ତ୍ତିଲେ ଲୋକେ
  • ||
  • ହାଇଦ୍ରାବଦରୁ ଫେରୁଥିଲେ ପ୍ରବାସୀ ଶ୍ରମିକଙ୍କ ୧୨ ବର୍ଷର ଝିଅ, ସୀମାନ୍ତ ମୋଟୁରେ ଚାଲିଗଲା ଜୀବନ
  • ||
  • ଉପକୂଳରେ ତାତି ଉଭାନ୍‌, ଆସନ୍ତା ୪ ଦିନ ରାଜ୍ୟର ବିଭିନ୍ନ ସ୍ଥାନରେ କାଳବୈଶାଖୀ
  • ||
  • ଆନ୍ଧ୍ର ପ୍ରଦେଶ ଓ ତେଲେଙ୍ଗାନାରୁ ଫେରିଲେ ୧୪ ଦିନିଆ କ୍ୱାରେଣ୍ଟାଇନ୍‌ ବାଧ୍ୟତାମୂଳକ
  • ||
  • ଓଡ଼ିଶାରେ ଚିହ୍ନଟ ହେଲେ ୯୮୮୯ ଜଣ କରୋନା ପଜିଟିଭ ଚିହ୍ନଟ, ଆଖିବୁଜିଲେ ୧୬ ଜଣ ସଂକ୍ରମିତ
  • ||
  • ଓଡ଼ିଶା: ଆଜିଠୁ ରାଜ୍ୟବ୍ୟାପୀ ୧୪ ଦିନିଆ ‘ଲକଡାଉନ୍‌,’୧୯ ତାରିଖ ପର୍ଯ୍ୟନ୍ତ ବଳବତ୍ତର ରହିବ
  • ||

ଓଡ଼ିଶାରେ ରୁଫ୍‌ ଟପ୍‌ ସୌର ପ୍ରକଳ୍ପ :୧୦୦୦ ସରକାରୀ କୋଠାରୁ ମିଳିବ ବିଜୁଳ

ଭୁବନେଶ୍ୱର,୨୭ା୧(ବ୍ୟୁରୋ): ଓଡ଼ିଶାର ପ୍ରମୁଖ ସହରରେ ଥିବା ସରକାରୀ ବିଲ୍ଡିଂ ବା କୋଠାରେ ସ୍ଥାପନ ହେବ ରୁଫ୍‌ ଟପ୍‌ ସୌର ପ୍ରକଳ୍ପ । ମୋଟ୍‌ ୧୦୦୦ ସରକାରୀ ବିଲ୍ଡିଂରେ ଏହି ରୁଫ୍‌ ଟପ୍‌ ସୌର ପ୍ରକଳ୍ପ ସ୍ଥାପନ ହେବ । ଏହି ଉପାୟରେ ୧୫ ମେଗାୱାଟ୍‌ ବିଜୁଳି ଉôପାଦନ ପାଇଁ ରାଜ୍ୟ ସରକାର ଲକ୍ଷ୍ୟ ରଖିଛନ୍ତି ।
ରୁଫ୍‌ ଟପ୍‌ ସୌର ପ୍ରକଳ୍ପରେ ଦେଶର ଅଗ୍ରଣୀ ରାଜ୍ୟ ଓଡ଼ିଶା ଏ କ୍ଷେତ୍ରରେ ଅନ୍ୟ ରାଜ୍ୟ ତୁଳନାରେ ଢେର୍‌ ଆଗରେ ରହିବାକୁ ଆଶା ରଖିଛି । ରାଜ୍ୟ ସରକାରଙ୍କ ଜଣେ ବରିଷ୍ଠ ଅଧିକାରୀ କହିଛନ୍ତି, ଦେଶର ବିଭିନ୍ନ ଭାଗରେ ରୁଫ୍‌ ଟପ୍‌ ସୌର ପ୍ରକଳ୍ପ ସ୍ଥାପନ ହେଉଛି । ତେବେ କୌଣସି ରାଜ୍ୟ ସରକାର ବ୍ୟାପକ ଭାବେ ଏହି ପ୍ରକଳ୍ପ ହାତକୁ ନେଇ ନାହାନ୍ତି । ଓଡ଼ିଶା ସରକାର କିନ୍ତୁ ରାଜ୍ୟର ୧୭ଟି ସହରର ପ୍ରାୟ ୯୦୦-୧,୦୦୦ ସରକାରୀ ବିଲ୍ଡିଂରେ ରୁଫ୍‌ ଟପ୍‌ ପ୍ୟାନେଲ୍‌ ସ୍ଥାପନ କରି ସୌରଶକ୍ତି ଉôପାଦନ ପାଇଁ ଲକ୍ଷ୍ୟ ରଖିଛନ୍ତି ।
ବର୍ତ୍ତମାନ ରାଜ୍ୟ ସରକାର ଦ୍ୱୈତନଗରୀ କଟକ-ଭୁବନେଶ୍ୱରରେ ଥିବା ସରକାରୀ ବିଲ୍ଡିଂରେ ୪ ମେଗାୱାଟ୍‌ର ରୁଫ୍‌ ଟପ୍‌ ସୌର ପ୍ରକଳ୍ପ ସ୍ଥାପନ କରିଛନ୍ତି । ଆଜ୍ୟୁର୍‌ ପାୱାର ମରକ୍ୟୁରୀ ପ୍ରାଇଭେଟ୍‌ ଲିମିଟେଡ୍‌ ଏହି ପ୍ରକଳ୍ପଗୁଡ଼ିକୁ କାର୍ଯ୍ୟକାରୀ କରୁଛି । ଚଳିତ ବର୍ଷ ଫେବ୍ରୁଆରୀରେ ଏହାକୁ ରାଜ୍ୟ ଗ୍ରୀଡ୍‌ ସହ ସଂଯୋଗ କରାଯିବ ।
ସରକାରୀ କୋଠାରେ ପ୍ରସ୍ତାବିତ ସୌର ରୁଫ୍‌ ଟପ୍‌ ପ୍ରକଳ୍ପ ସ୍ଥାପନ ପାଇଁ ରାଜ୍ୟ ସରକାର ସମ୍ବଲପୁର, ବୁର୍ଲା, ହିରାକୁଦ, ରାଉରକେଲା, ପୁରୀ, ଖୋର୍ଦ୍ଧା, ବ୍ରହ୍ମପୁର, ଛତ୍ରପୁର, ଜୟପୁର, କୋରାପୁଟ, ସୁନାବେଡ଼ା, ବାଲେଶ୍ୱର, ଭଦ୍ରକ ଓ ବାରିପଦା ସହରକୁ ଚିହ୍ନଟ କରିଛନ୍ତି । ଏହାବ୍ୟତୀତ କଟକ ଓ ଭୁବନେଶ୍ୱରର ଯେଉଁ ସରକାରୀ ବିଲ୍ଡିଂରେ ମଧ୍ୟ ରୁଫ୍‌ ଟପ୍‌ ସୌର ପ୍ରକଳ୍ପ ସ୍ଥାପନ କରାଯାଇନି, ସେଗୁଡ଼ିକୁ ମଧ୍ୟ ଏଥିରେ ସାମିଲ କରାଯିବ । ଖୁବ୍‌ଶୀଘ୍ର ପ୍ରସ୍ତାବିତ ସୌର ପ୍ରକଳ୍ପଗୁଡ଼ିକ ପାଇଁ ରାଜ୍ୟ ସରକାରଙ୍କ ଗ୍ରୀନ୍‌ ଏନର୍ଜୀ ଡେଭଲପ୍‌ମେଣ୍ଟ କମ୍ପାନି (ଜେଡ୍‌କଲ୍‌) ଟେଣ୍ଡର ଆହ୍ୱାନ କରିବ ।
ସୌର ରୁଫ୍‌ ଟପ୍‌ ପ୍ରକଳ୍ପକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ କେନ୍ଦ୍ର ସବ୍‌ସିଡି ଯୋଗାଇବା ଉଚିତ ବୋଲି ରାଜ୍ୟ ସରକାର ବାରମ୍ବାର ଦାବି କରିଆସୁଛି । ଏହାବାଦ୍‌ ରାଜ୍ୟ ସରକାର ଏଭଳି ପ୍ରକଳ୍ପକୁ ରିହାତି ମଧ୍ୟ ଦେଉଛନ୍ତି । ସୂଚନା ଥାଉକି, ଅକ୍ଷୟ ଶକ୍ତି ନୀତି-୨୦୧୬ରେ ରାଜ୍ୟ ସରକାର ୨୦୨୨ ସୁଦ୍ଧା ଓଡ଼ିଶାରେ ୨,୨୦୦ ମେଗାୱାଟ୍‌ର ସୌରଶକ୍ତି ଉôପାଦନ ପାଇଁ ଲକ୍ଷ୍ୟ ରଖିଛନ୍ତି ।