କରୋନା ସମ୍ପର୍କରେ ସୋସିଆଲ୍‌ ମିଡିଆରେ ଗୁଜବ : ଆଉ ଜଣଙ୍କୁ ଗିରଫ କଲା ପୁଲିସ

ସମ୍ବଲପୁର,୧୮।୩ : କରୋନା ସଂକ୍ରମଣ ସମ୍ପର୍କିତ ଗୁଜବ ସୋସିଆଲ ମିଡିଆରେ ପୋଷ୍ଟ କରିବା ଅଭିଯୋଗରେ ଟାଉନ ଥାନା ପୁଲିସ୍‌ ଜଣେ ଅଭିଯୁକ୍ତକୁ ଗିରଫ କରିଛି । ଅଭିଯୁକ୍ତ ସ୍ଥାନୀୟ ଅଞ୍ଚଳର ବୋଲି ଜଣାପଡ଼ିଛି । ଯୁବକ ଜଣଙ୍କ ଭୁବନେଶ୍ୱରରେ କରୋନା ସଂକ୍ରମିତ ଯୁବକଙ୍କ ସଂସ୍ପର୍ଶରେ ଆସି ସମ୍ବଲପୁର ଅଞ୍ଚଳରେ ଜଣେ ଯୁବକ କରୋନାରେ ଆକ୍ରାନ୍ତ ହୋଇଛନ୍ତି ବୋଲି ମିଛ ଖବର ହ୍ୱାଟସ୍‌ଆପ୍‌ରେ ପ୍ରଚାର କରିଥିଲେ । ଖବର ପ୍ରଚାର ପରେ ପୁରା ସହରରେ ଭୟର ବାତାବରଣ ସୃଷ୍ଟି ହୋଇଥିଲା । ଏନେଇ ପୁଲିସ୍‌ ଖବର ପାଇବା ପରେ ସମ୍ପୃୃକ୍ତ ଯୁବକଙ୍କୁ ଗିରଫ କରିଛି । ତାଙ୍କ ବିରୋଧରେ ଆଇପିସି ଧାରା ୧୮୮, ୫୦୦, ୫୦୪ ଏବଂ ସେକସନ ୫୪ ପ୍ରାକୃତିକ ବିପର୍ଯ୍ୟୟ ଆକ୍ଟ ୨୦୦୫ ନିୟମ ଅନୁସାରେ ଗିରଫ କରାଯାଇଛି ।

ସୂଚନାନୁସାରେ କ୍ଷେତରାଜପୁର ଥାନାଞ୍ଚଳର ଉକ୍ତ ୨୫ ବର୍ଷିୟ ଯୁବକ ସମ୍ବଲପୁର ସହରରେ କରୋନାରେ ଜଣେ ଆକ୍ରାନ୍ତ ହୋଇଥିବା ନେଇ ଗୁଜବ ସୋସିଆଲ ମିଡିଆ ଯୋଗେ ପ୍ରଚାର କରିଥିଲେ । ଭୁବନେଶ୍ୱରରେ ଚିକିତ୍ସା ହେଉଥିବା ଯୁବକ ଦିଲ୍ଲୀରୁ ଟ୍ରେନ୍‌ ଯୋଗେ ଆସୁଥିବା ବେଳେ ଉକ୍ତ ଟ୍ରେନ୍‌ରେ ଆସୁଥିବା ସମ୍ବଲପୁରର ଜଣେ ଯୁବକ ସଂକ୍ରମିତ ଯୁବକଙ୍କ ସଂସ୍ପର୍ଶରେ ଆସିଥିବାରୁ ସେ ମଧ୍ୟ ସଂକ୍ରମିତ ହୋଇଥିବା ନେଇ ହ୍ୱାଟସ୍‌ ଆପରେ ପ୍ରଚାର କରିଥିଲେ । ଖବର ଚାରିଆଡ଼େ ବ୍ୟାପିବା ପରେ ଆଜି ସମ୍ବଲପୁରର ବିଭିନ୍ନ ଅଞ୍ଚଳରେ ଭୟ ସୃଷ୍ଟି ହୋଇଥିଲା । ପରେ ଘଟଣା ସତ୍ୟାସତ ତଦନ୍ତ କରିବା ପାଇଁ ଜିଲ୍ଲା ପ୍ରଶାସନ ପୁଲିସକୁ ନିର୍ଦ୍ଦେଶ ଦେଇଥିଲା । ପୁଲିସ୍‌ ଖୋଳତାଡ଼ କରି ଘଟଣା ସମ୍ପୂର୍ଣ୍ଣ ମିଥ୍ୟା ବୋଲି ଜାଣିଥିଲା । ଆଉ ସୋସିଆଲ ମିଡିଆରେ ପୋଷ୍ଟ କରିଥିବା ଉକ୍ତ ଯୁବକଙ୍କୁ ପୁଲିସ ଗିରଫ କରିଛି ।

   ସମ୍ବନ୍ଧିତ ଖବର


୨-୩ ମାସରେ ତିଆରି ହୋଇଯିବ କରୋନା ଔଷଧ : ଏମ୍ସ୍ ଅଧ୍ୟୟନ

WHOର ଚେତାବନୀ ! ଭାରତରେ ଫାଟିବ କରୋନା ବୋମା

କରୋନା-ଶାରିରୀକ ସମ୍ପର୍କ ରଖିବା ସମୟରେ ମାସ୍କ ପିନ୍ଧିବା ପାଇଁ ପରାମର୍ଶ ଦେଲେ ହାଭାର୍ଡର ଗବେଷକ

ପୁଣି କଳା ପଲସର ଆତଙ୍କ : ଗୁଳି ଫୁଟାଇ ଭୁଜାଲିରେ ହାଣି ଲୁଟିନେଲେ ୯ ଲକ୍ଷ ଟଙ୍କା

ଉଗ୍ରରୂପ ନେଲା ପାରିବାରିକ କଳହ : ହତ୍ୟା ପରେ ଯୁବକଙ୍କୁ ସ୍ତ୍ରୀ ଏବଂ ପୁଅ-ଝିଅ ପୋଡି ଦେଇଥିବା ଅଭିଯୋଗ

ରାଜ୍ୟ ପାଇଁ ଆଶ୍ବସ୍ତି ଖବର: ସୁସ୍ଥ ହେଲେ ଆଉ ୧୧୨ ଜଣ କରୋନା ଆକ୍ରାନ୍ତ, କେନ୍ଦ୍ରାପଡ଼ା ଜିଲ୍ଲାରୁ ସର୍ବାଧିକ