PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ: ବାଇକ୍‌କୁ ଧକ୍କା ଦେଲା ଅଜଣା ଗାଡି, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ପାଟଣା: ଜମିବାଡ଼ି ବିବାଦକୁ କେନ୍ଦ୍ରକରି ଦୁଇ ପରିବାର ଭିତରେ ଗଣ୍ଡଗୋଳ, ବଡ଼ ଭାଇ ମୁଣ୍ଡରେ ପଥର ଛେଚିଦେଲେ ସାନ ଭାଇର ପରିବାର
  • ||
  • ଭୁବନେଶ୍ଵର: ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ ଗାନ୍ଧୀ ମାର୍ଗରେ ହେଉଛି ଫୁଲଡ୍ରେସ୍ ରିହର୍ସଲ, ସୁରକ୍ଷା ବ୍ୟବସ୍ଥା ପାଇଁ ଟ୍ରାଫିକ୍ କଟକଣା
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ସଂକ୍ରମଣ ଗ୍ରାଫ୍ : ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୭୨୯୧ ଜଣ କରୋନା ପଜିଟିଭ
  • ||
  • ଭୁବନେଶ୍ଵର: ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ଖଲ୍ଲିକୋଟ: ପରିବା ବୋଝେଇ ଅଟୋକୁ ଧକ୍କା ଦେଲା ବାଲି ବୋଝେଇ ଟ୍ରକ୍, ଜଣେ ମୃତ ୨ ଗୁରୁତର
  • ||
  • ପୁରୀ: ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ କୋଭିଡ୍ ପଜିଟିଭ୍‌, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ୱର : ମାସେ ଚିକିତ୍ସା ପରେ ଜଙ୍ଗଲକୁ ଫେରିଲା ୧୨ ଫୁଟର ଅହିରାଜ, ଢ଼େଲାମାଡ଼ରେ ଭାଙ୍ଗିଥିଲା ପିଞ୍ଜରା ହାଡ଼
  • ||
  • ଭୁବନେଶ୍ଵର : ଆଉ ଦୁଇ ଦିନ ଭିଜିବ ଓଡ଼ିଶା, ଉପକୂଳ ସମେତ ୭ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଆଶଙ୍କା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୨ କୁଇଣ୍ଟାଲ ଗଞ୍ଜେଇ ଜବତ, ୨ ମାଫିଆ ଗିରଫ
  • ||

ପୁଟିନଙ୍କ ଯେସାକୁ ତେସା ନୀତି: ମିସାଇଲ ଚୁକ୍ତିରୁ ରୁଷ ବି ଓହରିଲା

source:news.sky.com

ମସ୍କୋ,୨ ।୨(ଏଜେନ୍ସି): ଇଣ୍ଟରମିଡିଏଟ ରେଞ୍ଜ ନ୍ୟୁକ୍ଲିୟର ଫୋର୍ସେସ(ଆଇଏନଏଫ) ଟ୍ରିଟିରୁ ଶୁକ୍ରବାର ଆମେରିକା ଓହରିଯିବା ପରେ ଶନିବାର ରୁଷ ମଧ୍ୟ ଏଥିରୁ ଓହରିଯିବାକୁ ଘୋଷଣା କରିଛି । ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନ ବିଦେଶ ମନ୍ତ୍ରୀ ସର୍ଗେଇ ଲାଭରୋଭ ଏବଂ ପ୍ରତିରକ୍ଷା ମନ୍ତ୍ରୀ ସର୍ଗେଇ ସୋଇଗୁଙ୍କ ସହ ଆଲୋଚନା କରିବା ପରେ ଏହି ଘୋଷଣା କରିଛନ୍ତି । ପୁଟିନ କହିଛନ୍ତି କି ଆମେରିକା ଏହି ଚୁକ୍ତିରୁ ଓହରିଯାଇଥିବାରୁ ରୁଷ ବି ଏହାକୁ ଆଉ ମାନିବ ନାହିଁ । ଆମେରିକାର ପ୍ରତିଟି ପଦକ୍ଷେପ ପ୍ରତି ରୁଷ ଯେସାକୁ ତେସା ନୀତି ଆପଣାଇବ । ରୁଷ ଏବେ କାଲିବର କ୍ରୁଜ ମିସାଇଲର ସ୍ଥଳସେନା ସଂସ୍କରଣ ଏବଂ ଭୂପୃଷ୍ଠରୁ ମାଡ଼ କରାଯାଇପାରୁଥିବା ଏକ ନୂଆ ହାଇପରସୋନିକ୍‌ କ୍ରୁଜ୍‌ ମିସାଇଲ ନିର୍ମାଣ କରିବ ।
ଆମେରିକା ଓ ରୁଷ ମଧ୍ୟରେ ହୋଇଥିବା ଆଇଏନଏଫ ଚୁକ୍ତି ଅନୁଯାୟୀ, ଉଭୟ ଦେଶ ସ୍ଥଳଭାଗରୁ ୫୦୦ରୁ ୫୫୦୦ କିମି ଦୂରତା ଯାଏଁ ମାଡ଼ କରିପାରୁଥିବା ମିସାଇଲ ବିକଶିତ କିମ୍ବା ମୁତୟନ କରିବେ ନାହିଁ । ରୁଷ ଯେଉଁ କାଲିବର ମିସାଇଲ ବ୍ୟବହାର କରୁଛି ତାହାକୁ ଏବେ ଯୁଦ୍ଧଜାହାଜ ଏବଂ ବୁଡ଼ାଜାହାଜରୁ ଉତ୍‌କ୍ଷେପଣ କରାଯାଉଛି । ଏହା ୧୫୦୦ କିମି ଦୂରତା ଯାଏଁ ଲକ୍ଷ୍ୟଭେଦ କରିପାରିବ । ଦୁଇ ଦେଶ ୟୁରୋପରେ ସାମରିକ ପ୍ରତିଦ୍ୱନ୍ଦ୍ୱିତା ଏଡାଇବାକୁ ଏଭଳି ଚୁକ୍ତି କରିଥିଲେ । କାରଣ ଆମେରିକା ଆଶଙ୍କା କରୁଥିଲା କି ରୁଷ ଏଭଳି ମିସାଇଲକୁ ବ୍ୟାପକ ମାତ୍ରାରେ ୟୁରୋପୀୟ ଦେଶ ଏବଂ ସେଠାରେ ମୁତୟନ ଆମେରିକୀୟ ସୈନିକଙ୍କ ଉପରେ ପ୍ରୟୋଗ କରିପାରେ ।
ତେବେ ଆମେରିକାର ଟ୍ରମ୍ପ ପ୍ରଶାସନ ଏବେ ଅଭିଯୋଗ କରୁଛି କି ୨୦୧୪ ମସିହାରୁ ରୁଷ ଏହି ଚୁକ୍ତିର ଉଲ୍ଲଂଘନ କରିଆସୁଛି । ଏହାଯୋଗୁ ୟୁରୋପୀୟ ଦେଶ ଏବଂ ଆମେରିକାର ସୁରକ୍ଷା ପ୍ରତି ଗମ୍ଭୀର ବିପଦ ସୃଷ୍ଟି ହେଉଛି । ତେଣୁ ଆମେରିକା ଆଉ ଚୁପ୍‌ ହୋଇ ବସିବ ନାହିଁ ଏବଂ ସିଏ ବି ନୂଆ ଧରଣର ମିସାଇଲ ବିକଶିତ କରିବ । ତେବେ ଦୁଇ ଦେଶଙ୍କ ଏ ପ୍ରକାର ମନୋଭାବ ଯୋଗୁ ଏବେ ବିଶ୍ୱରେ ପୁଣି ଥରେ ଅସ୍ତ୍ର ପ୍ରତିଯୋଗିତା ଆରମ୍ଭ ହେବ ବୋଲି ଆଶଙ୍କା କରାଯାଉଛି ।

ସମ୍ବନ୍ଧିତ ଖବର