PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖପ୍ରାଖୋଲ:ଗମ୍ଭାରି ଛକ ନିକଟରେ ଏକ କାରରୁ ୬ ପେଟି କଫସିରଫ ଜବତ, ୨ଜଣ ଯୁବକଙ୍କୁ ଅଟକ ରଖି ପଚରାଉଚରା କରୁଛି ପୁଲିସ
  • ||
  • କୋଭିଡ଼ ପରିଚାଳନା ପାଇଁ ୩ ଜିଲ୍ଲାକୁ ୭.୬୨ କୋଟି ମଂଜୁର କଲେ ମୁଖ୍ୟମନ୍ତ୍ରୀ, ପୁରୀ ପାଇଁ ୨ କୋଟି, ସୁବର୍ଣ୍ଣପୁର ପାଇଁ ୧ କୋଟି ଟଙ୍କା ଓ ସମ୍ବଲପୁର ଜିଲ୍ଲା ପାଇଁ ୪ କୋଟି ୬୨ ଲକ୍ଷ ମଂଜୁର କଲେ ନବୀନ
  • ||
  • ଭୁବନେଶ୍ୱର: ସାଢ଼େ ୪ଟାରେ ଘୋଷଣା କରିବେ ଅତିରିକ୍ତ ମୁଖ୍ୟ ଶାସନ ସଚିବ ଓ ଡିଜିପି
  • ||
  • ଜୁନ ପହିଲାରେ କେରଳ ଛୁଇଁବ ମୌସୁମୀ ବାୟୁ, ଭାରତୀୟ ପାଣିପାଗ କେନ୍ଦ୍ରର ସୂଚନା
  • ||
  • ଲାଞ୍ଜିଗଡ଼ରେ ଅଞ୍ଚଳରେ ହାତୀ ଉପଦ୍ରବ, ଆମ୍ବ ଗଛ ଭାଙ୍ଗିଲେ, ନର୍ସରିକୁ ନଷ୍ଟ କଲେ
  • ||
  • କଳାହାଣ୍ଡି: ବିଲ ମଝିରୁ ନାବାଳକର ମୃତଦେହ ଉଦ୍ଧାର ,ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ପଶ୍ଚିମ ବଙ୍ଗ ଯାଉଥିବା ଟ୍ରେନ୍ ପାସେଞ୍ଜରମାନଙ୍କ ପାଇଁ RTPCR ନେଗେଟିଭ୍ ରିପୋର୍ଟ ବାଧ୍ୟତାମୂଳକ
  • ||
  • ରାଉରକେଲା: ୩୦ଟି ଗୋଦାମ ଉପରେ ପୋଲିସ ଓ ଯୋଗାଣ ବିଭାଗର ମିଳିତ ଚଡାଉ, ଖସିଲା ଆଳୁ ଓ ପିଆଜ ଦର
  • ||
  • ସୁନ୍ଦରଗଡ: ତଲସରା ଥାନା ଅନ୍ତର୍ଗତ ବଘିଆବେରନା ଗ୍ରାମ ଜଙ୍ଗଲରୁ ମହିଳାଙ୍କ ଅର୍ଦ୍ଧ ଦଗ୍ଧ ମୃତଦେହ ଉଦ୍ଧାର
  • ||
  • କରୋନାରେ ଆଖିବୁଜିଲେ ବିଶିଷ୍ଟ ନାଟ୍ୟ ପ୍ରତିଭା ନାଟ୍ୟଶ୍ରୀ ଡ. ପଞ୍ଚାନନ ମିଶ୍ର
  • ||
  • ଜଳେଶ୍ଵର : ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ଅସ୍ପଷ୍ଟ
  • ||
  • ରାଜ୍ୟ: କରୋନାରେ ଆଖିବୁଜିଲେ ୧୭ ଜଣ ସଂକ୍ରମିତ, ମୃତକଙ୍କ ସଂଖ୍ୟା ୨୧୨୧କୁ ଛୁଇଁଲା
  • ||
  • ଓଡ଼ିଶାରେ ୫ ଲକ୍ଷ ଟପିଲା କରୋନା ସଂକ୍ରମିତଙ୍କ ସଂଖ୍ୟା, ୨୪ ଘଣ୍ଟାରେ ଚିହ୍ନଟ ହେଲେ ୧୦୫୨୧ ଜଣ ଆକ୍ରାନ୍ତ
  • ||
  • ଜାମ୍ମୁ କାଶ୍ମୀର : ସୁରକ୍ଷାବାହିନୀକୁ ବଡ଼ ସଫଳତା, ୩ ଆତଙ୍କୀ ନିପାତ, ଭୟରେ ଜଣେ ଆତଙ୍କବାଦୀ କଲା ଆତ୍ମସମର୍ପଣ
  • ||
  • ଭୁବନେଶ୍ଵର : ତାତିରୁ ମିଳିଛି ସାମାନ୍ୟ ଆଶ୍ଵସ୍ତି, ଖସିଛି ପାରଦ, ୯ ଯାଏଁ କାଳବୈଶାଖୀ ସମ୍ଭାବନା
  • ||
  • ତାଳଚେର : ଅନୁଗୁଳ ତଳଗଡ଼ ଗ୍ରାମରେ ହାତୀ ଆକ୍ରମଣରେ ଜଣେ ମହିଳା ମୃତ
  • ||

ସାଫ୍‌ ମହିଳା ଚାମ୍ପିଅନସିପ୍‌: ଆଜି ଭାରତ-ବାଂଲାଦେଶ ସେମି

ନୂଆଦିଲ୍ଲୀ, ୧୯ ।୩ (ଏଜେନ୍ସି): ନେପାଳରେ ଚାଲିଥିବା ସାଫ୍‌ ମହିଳା ଚାମ୍ପିଅନସିପ୍‌ରେ ସେମି ଫାଇନାଲ୍‌ ମ୍ୟାଚ୍‌ ଆସନ୍ତାକାଲି ଖେଳାଯିବ । ପ୍ରଥମ ସେମି ଫାଇନାଲ୍‌ ନେପାଳ ଓ ଶ୍ରୀଲଙ୍କା ଏବଂ ଦ୍ୱିତୀୟ ସେମି ଫାଇନାଲ୍‌ ଭାରତ ଓ ବାଂଲାଦେଶ ମଧ୍ୟରେ ଖେଳାଯିବ ।

ଗ୍ରୁପ୍‌ ବି’ରେ ଭାରତ ସାମିଲ ହୋଇ ଶ୍ରୀଲଙ୍କା ଓ ମାଳଦ୍ୱୀପକୁ ପରାଜିତ କରିଥିଲା । ଗ୍ରୁପ୍‌ ଟପ୍ପର ସହ ଦଳ ସେମି ଫାଇନାଲ୍‌ରେ ପ୍ରବେଶ କରିଥିଲା । ଉଭୟ ମ୍ୟାଚ୍‌ରେ ଭାରତ ଅତି ଚମତ୍କାର ପ୍ରଦର୍ଶନ କରିଥିଲା । ମାଳଦ୍ୱୀପ ବିପକ୍ଷରେ ୬-୦ ଏବଂ ଶ୍ରୀଲଙ୍କା ବିପକ୍ଷରେ ୫-୦ ଗୋଲ୍‌ରେ ବିଜୟୀ ହୋଇଥିଲା । ଗତ ୨ଟି ମ୍ୟାଚ୍‌ରେ ଦଳ ୧୧ଟି ଗୋଲ୍‌ ସ୍କୋର କରିଛି । ଆସନ୍ତାକାଲି ବାଂଲାଦେଶ ବିପକ୍ଷରେ ମଧ୍ୟ ଗୋଲ ବର୍ଷା କରି ଭାରତ ଫାଇନାଲ୍‌ରେ ପ୍ରବେଶ କରିବାର ଲକ୍ଷ୍ୟ ରଖିଛି ।

ଏମିତି ଫିଫା ମାନ୍ୟତା ତୁଳନାରେ ବାଂଲାଦେଶ ଅତି ଦୁର୍ବଳ । ତଥାପି କୌଣସି ଦଳକୁ ଦୁର୍ବଳ ମନେ କରିବା ଅନୁଚିତ । ଭାରତୀୟ କୋଚ୍‌ ମେମୋଲ ରକି କହିଛନ୍ତି, ଆମେ ଆମର ବିଜୟ ଧାରା ବଜାୟ ରଖିବାକୁ ଚାହୁଁ । କୌଣସି ଦଳକୁ ଆମେ ଦୁର୍ବଳ ମନେ କରୁ ନାହୁଁ । ଶ୍ରେଷ୍ଠ ପ୍ରଦର୍ଶନ ସହ ମ୍ୟାଚ୍‌ ବିଜୟୀ ହେବୁ । ଟାଇଟଲ ବଜାୟ ରଖିବା ଆମର ଏକ ମାତ୍ର ଲକ୍ଷ୍ୟ ।’ ବାଂଲାଦେଶ ଗତ ୪ଟି ସଂସ୍କରଣରୁ ମାତ୍ର ଥରୁଟିଏ ଫାଇନାଲ୍‌ ଖେଳିବାର ସୌଭାଗ୍ୟ ଲାଭ କରିଛି । ଅର୍ଥାତ ଗତ ସଂସ୍କରଣରେ ଭାରତ ଓ ବାଂଲାଦେଶ ଫାଇନାଲରେ ଭେଟାଭେଟି ହୋଇଥିଲେ । ହେଲେ ଶେଷରେ ଭାରତ ହିଁ ବିଜୟୀ ହୋଇଥିଲା ।

ପୂର୍ବରୁ ଭାରତ ଗତ ୪ଟି ଯାକ ସଂସ୍କରଣରେ ଚାମ୍ପିଅନ ((୨୦୧୦, ୨୦୧୨, ୨୦୧୪, ୨୦୧୬) ହୋଇଛି । ଏଥର ମଧ୍ୟ ଟାଇଟଲ ଦାବିଦାର ରହିଛି । ବାଂଲାଦେଶ ବିପକ୍ଷ ମୁକାବିଲା ପାଇଁ ଭାରତୀୟ ଦଳ ବେଶ ଭଲ ଭାବେ ପ୍ରସ୍ତୁତି କରିଛି । ଗତ ୧୭ ତାରିଖରେ ଗ୍ରୁପ୍‌ର ଶେଷ ମ୍ୟାଚ୍‌ ଭାରତ ଖେଳିଥିଲା । ଦୁଇ ଦିନର ବିଶ୍ରାମ ଓ ପ୍ରାକ୍‌ ପ୍ରସ୍ତୁତି ସହ ଆସନ୍ତାକାଲି ସେମି ଫାଇନାଲ୍‌ ଖେଳିବ ।

ପ୍ରଥମ ସେମି ଫାଇନାଲ୍‌ରେ ନେପାଳ ଦାବିଦାର ରହିଛି । ଗ୍ରୁପ୍‌ ପର୍ଯ୍ୟାୟରେ ଶ୍ରୀଲଙ୍କା ୨-୦ରେ ମାଳଦ୍ୱୀପକୁ ପରାଜିତ କରିଥିଲା । ମାତ୍ର ନେପାଳ ଗ୍ରୁପ୍‌ ପର୍ଯ୍ୟାୟରେ ୨ଟି ଯାକ ମ୍ୟାଚ୍‌ ବିଜୟୀ ହୋଇ ଟପ୍ପର ହୋଇଥିଲା । ଭୁଟାନକୁ ୩-୦ ଗୋଲ୍‌ରେ ଏବଂ ବାଂଲାଦେଶକୁ ୩-୦ ଗୋଲ୍‌ରେ ହରାଇ ନେପାଳ ସେମି ଫାଇନାଲ୍‌ରେ ପ୍ରବେଶ କରିଥିଲା ।