ନୂଆଦିଲ୍ଲୀ, ୧୨/ ୦୧: ଲଣ୍ଡନ ଅଲମ୍ପିକ୍ସରେ ବ୍ରୋଞ୍ଜ ମେଡାଲ ବିଜେତା ସାଇନା ନେହଓ୍ବାଲଙ୍କ ପାଇଁ ଭଲ ଖବର। ସେ ବୁଧବାର ଆରମ୍ଭ ହେବାକୁ ଥିବା ଥାଇଲଣ୍ଡ ଓପନ୍ ୨୦୨୧ ଖେଳିପାରନ୍ତି। ବ୍ୟାଡମିଣ୍ଟନ୍ ଆସୋସିଏସନ୍ ଅଫ୍ ଇଣ୍ଡିଆ ପକ୍ଷରୁ ମିଳିଥିବା ସୂଚନା ମୁତାବିକ ସାଇନାଙ୍କ କରୋନା ରିପୋର୍ଟ ପଜିଟିଭ ନଥିଲା। ଯେଉଁ ରିପୋର୍ଟ ସାମ୍ନାକୁ ଆସିଥିଲା ସେଥିରେ ଭୁଲ ଥିଲା। ସୂଚନାଥାଉକି, ଆଜି ସାଇନା କୋଭିଡ ପଜିଟିଭ ଚିହ୍ନଟ ହୋଇଥିବା ନେଇ ସୂଚନା ରହିଥିଲା। ଏପରିକି ସେ ଥାଇଲାଣ୍ଡ ଓପନ ୨୦୨୧ ଖେଳିବେ ନାହିଁ ବୋଲି ସୂଚନା ରହିଥିଲା।
ପୂର୍ବରୁ ସାଇନା ନେହଓ୍ବାଲ କହିଥିଲେ କି, ମୋତେ ଏପର୍ଯ୍ୟନ୍ତ ଗତକାଲି ହୋଇଥିବା କରୋନା ରିପୋର୍ଟ ମିଳିନାହିଁ। ହେଲଲେ ମ୍ୟାଚ୍ ପାଇଁ ଓ୍ବାର୍ମଅପ୍ କରିବା ପୂର୍ବରୁ ମୋତେ କରୋନା ପଜିଟିଭ ହୋଇଥିବା କହି ମେଡିକାଲରେ ଭର୍ତ୍ତୀ ହେବା ପାଇଁ କହିଥିଲେ ବୋଲି ସାଇନା କହିଥିଲେ।
wp:embed {"url":"https://twitter.com/bwfmedia/status/1348886006041251840","type":"rich","providerNameSlug":"twitter","responsive":true,"className":""}ବ୍ୟାଡମିଣ୍ଟନ୍ ଓ୍ବାର୍ଲଡ ଫେଡେରେଶନ୍ ପକ୍ଷରୁ ଟୁଇଟ କରି କୁହାଯାଇଛି ଯେ, ଆଜି ୪ ଜଣ ଖେଳାଳି କରୋନା ପଜିଟଭ ଚିହ୍ନଟ ହୋଇଥିଲେ। ସେହି ଖେଳାଳିଙ୍କର ପୁନଃ ଟେଷ୍ଟ ହେବା ପରେ ସେ ମଧ୍ୟରୁ ଇଣ୍ଡିଆ, ଜର୍ମାନୀ ଓ ଇଜିପ୍ଟର ଜଣେ ଲେଖାଏଁ ଖେଳାଳିଙ୍କ ରିପୋର୍ଟ ନେଗେଟିଭ ଆସିଛି। ଅନ୍ୟପଟେ ଜଣେ ଭାରତୀୟ ଖେଳାଳିଙ୍କ ରିପୋର୍ଟ ପଜିଟିଭ ଆସିଥିବା ସୂଚନା ରହିଛି।
