କଟକ,୧୭/୦୫: ସାରଥି ପୋର୍ଟାଲର  ରକ୍ଷଣାବେକ୍ଷଣ କାର୍ଯ୍ୟ ଚାଲୁଥିବାରୁ ଆସନ୍ତା ୨୦ ତାରିଖ  ଯାଏ ନୂତନ ଡ୍ରାଇଭିଂ ଲାଇସେନ୍ସ (ଡିଏଲ୍‌) ଏବଂ  ଲର୍ଣ୍ଣର୍ସ ଲାଇସେନ୍ସ (ଏଲ୍‌ଏଲ୍‌) ଆବେଦନକାରୀଙ୍କ  ପାଇଁ ସମସ୍ୟା ଦେଖାଦେବ । ତେଣୁ ଏହି ସମୟରେ ଆବେଦନକାରୀମାନେ ସମସ୍ୟାର ସମ୍ମୁଖୀନ  ହେବେ ବୋଲି ପରିବହନ ବିଭାଗ ପକ୍ଷରୁ ସୂଚନା  ଦିଆଯିବା ସହ ଏଥିପାଇଁ ଦୁଃଖ ପ୍ରକାଶ କରାଯାଇଛି ।  

ଏସ୍‌ଟିଏର ଅତିରିକ୍ତ କମିସନର ଦୀପ୍ତିରଞ୍ଜନ ପାତ୍ର  କହିଛନ୍ତି ଯେ, ଡ୍ରାଇଭିଂ ଲାଇସେନ୍ସ ଆବେଦନ  କାର୍ଯ୍ୟ ହେଉ କିମ୍ବା ଗାଡ଼ିର ବିଭିନ୍ନ କାର୍ଯ୍ୟ ‘ସାରଥି’  ପୋର୍ଟାଲ୍‌ରେ କରାଯାଇଥାଏ । ଏବେ ଏହି ପୋର୍ଟାଲ୍‌ର  ରକ୍ଷଣାବେକ୍ଷଣର ଆବଶ୍ୟକତା ପଡ଼ିଛି । ଫଳରେ  ଡିଏଲ୍‌ କିମ୍ବା ଏଲ୍‌ଏଲ୍‌ ପାଇଁ ଆବେଦନବେଳେ କିଛି  ସମସ୍ୟା ଦେଖାଦେଇପାରେ ବୋଲି ଶ୍ରୀ ପାତ୍ର କହିଛନ୍ତି ।  ୨୦ତାରିଖ ପରେ ଆଉ କୌଣସି ସମସ୍ୟା ରହିବନି  ବୋଲି ସେ ପ୍ରତିଶ୍ରୁତି ଦେଇଛନ୍ତି।