PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର : CHSE ଅଫିସରେ ସମ୍ମୁଖରେ ହାତ କାଟିଲେ ଛାତ୍ରୀ, ହସ୍ପିଟାଲରେ ଭର୍ତ୍ତି
  • ||
  • ସମ୍ବଲପୁର : ଭିଜିଲାନ୍ସ ପଞ୍ଝାରେ OCCL ସିନିୟର ମ୍ୟାନେଜର, ଆୟ ବର୍ହିଭୁକ୍ତ ସମ୍ପତ୍ତି ଠୁଳ ଅଭିଯୋଗ
  • ||
  • ଗଞ୍ଜାମ: ରାତି ଅଧରେ ବିଭତ୍ସ ହତ୍ୟା, ଶୋଇଥିବା ବେଳେ ଯୁବକଙ୍କୁ ହାଣିବା ପରେ ମୁହଁକୁ ପଥରରେ ଛେଚି ହତ୍ୟା
  • ||
  • ଖୋର୍ଦ୍ଧା: ସଦର ଥାନା ତାପଙ୍ଗ ଗ୍ରାମରେ ଖୁଦୁରୁକୁଣୀକୁ ନେଇ ଗଣ୍ଡଗୋଳ ଜଣକୁ ହତ୍ୟା
  • ||
  • ଭୁବନେଶ୍ୱର: ୨୪ ଘଣ୍ଟା ମଧ୍ୟରେ ଆଉ ୫୧୦ ଜଣ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୨୦ ହଜାର ପାର୍
  • ||
  • ଭୁବନେଶ୍ୱର: ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୪୧କୁ ବୃଦ୍ଧି
  • ||
  • ଭୁବନେଶ୍ୱର: ଖୋଲା ଡ୍ରେନ୍‌ରେ ଛାତ୍ର ଭାସିଯିବା ଘଟଣା, ୧୮ ଘଣ୍ଟା ପରେ ଠାବ ହେଲା ରାଜାଙ୍କ ମୃତଦେହ
  • ||
  • ବୁର୍ଲା : ଭିସୁଟ୍‌ରେ ପଶିଲା କରୋନା, କୁଳପତିଙ୍କ ସମେତ ୨ ଛାତ୍ର ଆକ୍ରାନ୍ତ ଚିହ୍ନଟ
  • ||
  • ଭୁବନେଶ୍ୱର : ଆଗାମୀ ୧୦ ଦିନ ମଧ୍ୟରେ ବଙ୍ଗୋପସାଗରରେ ଏକାଧିକ ଘୁର୍ଣ୍ଣିବଳୟର ସୃଷ୍ଟି, ଓଡିଶାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା
  • ||
  • ଅନୁଗୁଳ : ବନ୍ଦ କ୍ୱାର୍ଟର୍ସରେ ଲୁଚାଇ ରଖିଥିଲେ, ଏକ୍ସପାରି ହେବା ପରେ ରାତାରାତି ଗାଡ଼ି ଗାଡ଼ି ଔଷଧ ଫିଙ୍ଗି ଦେଲେ…
  • ||
  • ପୁରୀ : ଆଜି ଶ୍ରୀମନ୍ଦିରରେ ଇନ୍ଦ୍ର ଗୋବିନ୍ଦ ବନ୍ଦାପନା
  • ||
  • ପିପିଲି : ଆଜିଠୁ ଜମିବ ଉପନିର୍ବାଚନ ପ୍ରଚାର, ମଇଦାନକୁ ଓହ୍ଲାଇବେ ତିନି ଦଳର ଷ୍ଟାର ପ୍ରଚାରକ
  • ||

କେନ୍ଦ୍ରାପଡ଼ାରେ ଶଶୀଭୂଷଣ ବିଜେଡି ପ୍ରାର୍ଥୀ

source:http://www.odishabytes.com

ଭୁବନେଶ୍ୱର,୮ା୪(ବ୍ୟୁରୋ): ମଙ୍ଗଳବାର ନାମାଙ୍କନ ଦାଖଲର ଶେଷ ଦିନ । ମାତ୍ର ତିନି ଦଳରେ ଟିକେଟକୁ ନେଇ ଶେଷ ପର୍ଯ୍ୟନ୍ତ ଅଡ଼ୁଆ ଲାଗି ରହିଥିଲା । କେଉଁଠି ପ୍ରାର୍ଥୀ ଟିକେଟ ଫେରାଇଲେଣି ତ ଆଉ କେଉଁଠି ପ୍ରାର୍ଥୀ ବଦଳିଲେଣି । ପୁଣି କେଉଁଠି ନାମାଙ୍କନ ଦାଖଲର କେଇ ଘଣ୍ଟା ପୂର୍ବରୁ ପ୍ରାର୍ଥୀଙ୍କ ନାମ ଘୋଷଣା କରାଯାଇଛି । କେନ୍ଦ୍ରାପଡ଼ା ବିଧାନସଭା ଆସନକୁ ନେଇ ବିଜେଡିରେ ଢେର ଦିନ ହେବ ଅଙ୍କ କଷା ଚାଲିଥିଲା । ଏହି ଆସନରୁ ବିଜେଡି କାହାକୁ ପ୍ରାର୍ଥୀ କରିବ, ଦଳ ବେଶ୍‌ ବିଚାର ବିମର୍ଷ ଚଳାଇଥିଲା । ଆଜି ବିଳମ୍ବିତ ରାତିରେ କେନ୍ଦ୍ରାପଡ଼ା ଆସନ ପାଇଁ ଶଶୀଭୂଷଣ ବେହେରାଙ୍କୁ ପ୍ରାର୍ଥୀ ଘୋଷଣା କରିଛି ବିଜେଡି ।

ଶଶୀଙ୍କ ନାମ ଘୋଷଣା ପରେ ନରିାଶ ହୋଇଛନ୍ତି ବିଧିାୟକ କିଶୋର ତରାଇ ଓ ପୂର୍ବତନ ବିଧାୟିକା ସିପ୍ରା ମଲ୍ଲିକ । ଉଭୟ ଟିକେଟ ପାଇଁ ଜୋରଦାର ଲବି ଚଳାଇଥିଲେ । ଶଶୀ ଗତ ଥର ଜୟଦେବ ଆସନରୁ ଜିତିଥିବାବେଳେ ଏଥର ସେଠାରେ ଅରବିନ୍ଦ ଢାଲିଙ୍କୁ ପ୍ରାର୍ଥୀ କରିଛି ବିଜେଡି । ଜୟଦେବରେ ନିରାଶ କରିବା ପରେ ଶଶୀଙ୍କୁ କେନ୍ଦ୍ରାପଡ଼ା ପଠାଇଛନ୍ତି ନବୀନ । ଶଶୀଙ୍କୁ କେନ୍ଦ୍ରାପଡ଼ା ବିଧାନସଭା ଆସନରେ ପ୍ରାର୍ଥୀ କରାଯିବ ବୋଲି ପ୍ରଥମେ ‘ପ୍ରମେୟ’ ଖବର ପ୍ରକାଶ କରିଥିଲା । ଆଜିର ଘୋଷଣା ସହ ବିଜେଡିର ପ୍ରାର୍ଥୀ ଘୋଷଣା କାର୍ଯ୍ୟ ସରିଛି । ହେଲେ କଂଗ୍ରେସର ଅଡ଼ୁଆ ତୁଟିନି । ପିପିଲି, ବେଗୁନିଆ ଓ ତିର୍ତ୍ତୋଲ ପରେ କଂଗ୍ରେସକୁ ତାଜା ଝଟ୍‌କା ମିଳିଛି ବଡ଼ଚଣା ଓ ନିମାପଡ଼ାରୁ । ଉଭୟ ବଡ଼ଚଣା ଓ ନିମାପଡ଼ା ପାଇଁ ଘୋଷିତ ପ୍ରାର୍ଥୀ କଂଗ୍ରେସ ଟେିକଟ ଫେରାଇ ଦେଇଛନ୍ତି । ବଡ଼ଚଣା ଆସନରୁ କଂଗ୍ରେସ ଟିକେଟ ପାଇଥିବା ବରିଷ୍ଠ ନେତା ସୀତାକାନ୍ତ ମହାପାତ୍ର ନିର୍ବାଚନ ଲଢ଼ିବାକୁ ମନା କରିଛନ୍ତି ।

ସୀତାକାନ୍ତ କହିଛନ୍ତି, ଦଳ ତାଙ୍କ ଉପରେ ପୁଣି ଥରେ ଆସ୍ଥା ପ୍ରକଟ କରିଥିବାରୁ ସେ କଂଗ୍ରେସ ଅଧ୍ୟକ୍ଷ, ପିସିସି ସଭାପତି ଓ କାର୍ଯ୍ୟକାରୀ ସଭାପତିଙ୍କୁ କୃତଜ୍ଞତା ଜଣାଉଛନ୍ତି । ମାତ୍ର ଟିକେଟ ଘୋଷଣାରେ ବହୁ ବିଳମ୍ବ ହୋଇଯାଇଛି । ବର୍ତ୍ତମାନ ହାତରେ ଆଉ ବେଶି ସମୟ ନାହିଁ । ସ୍ୱଳ୍ପ ସମୟ ଭିତରେ ଲୋକଙ୍କ ପାଖରେ ପହଞ୍ଚିବା କଷ୍ଟକର । ତେଣୁ ସେ ନିର୍ବାଚନ ଲଢ଼ିବେ ନାହିଁ । ସେହିପରି ନିମାପଡ଼ା ପାଇଁ କଂଗ୍ରେସ ଟିକେଟ ପାଇଥିବା ପୁରୀ ଜିଲ୍ଲା ସଭାପତି ସତ୍ୟବ୍ରତ ପାତ୍ର (ରମୁ) ମଧ୍ୟ ନିର୍ବାଚନ ଲଢ଼ିବେନି ବୋଲି ଘୋଷଣା କରିଛନ୍ତି । ସେ ମଧ୍ୟ ଟିକେଟ ବଣ୍ଟନରେ ବିଳମ୍ବ ନେଇ ଅସନ୍ତୋଷ ଜାହିର କରିଛନ୍ତି । ଟିକେଟ ଘୋଷଣାରେ ବିଳମ୍ବ ହୋଇଯାଇଥିବାରୁ ନିର୍ବାଚନ ଲଢ଼ିବେନି ବୋଲି ସତ୍ୟବ୍ରତ କହିଛନ୍ତି । ସେ ମଧ୍ୟ ପୁରୀ ଜିଲ୍ଲା ସଭାପତି ପଦରୁ ଇସ୍ତଫା ଦେଇଛନ୍ତି । ସତ୍ୟବ୍ରତ କହିଛନ୍ତି ଯେ, ନିରଞ୍ଜନ ପିସିସି ସଭାପତି ହେବା ପାଇଁ ମୁଁ ବହୁ ପରିଶ୍ରମ କରିଥିଲି । କିନ୍ତୁ ନିର୍ବାଚନରେ କଂଗ୍ରେସର ଶେଷ ଟିକେଟଟି ମତେ ମିଳିଲା । ନିରଞ୍ଜନ ସଭାପତି ହେବା ପରେ କଂଗ୍ରେସକୁ ବୁଡ଼ାଇଦେଲେ । ବାପପୁଅ ମିଶି ଟିକେଟ୍‌ ନେଇଗଲେ । ଯେଉଁମାନେ ଟଙ୍କା ଦେଇ ନ ପାରିଲେ ସେମାନଙ୍କୁ ଶେଷ ପର୍ଯ୍ୟନ୍ତ ଟିକେଟ୍‌ ପାଇଁ ଅପେକ୍ଷା କରିବାକୁ ପଡ଼ିଲା ବୋଲି ରମୁ ଅଭିଯୋଗ କରିଛନ୍ତି ।

ସୀତାକାନ୍ତ ମନା କରିବା ପରେ ବଡ଼ଚଣା ଆସନ ପାଇଁ ଟିକେଟ ଆଶାୟୀ ଥିବା ଶୁଭେନ୍ଦୁ ମହାନ୍ତିଙ୍କୁ କଂଗ୍ରେସ ସେଠାରୁ ପ୍ରାର୍ଥୀ ଘୋଷଣା କରିପାରେ । ମାତ୍ର ଶୁଭେନ୍ଦୁ ଏହି ପ୍ରସ୍ତାବରେ ରାଜି ହେଉଛନ୍ତି କି ନାହିଁ, ତାହା ଜଣାପଡ଼ିନି । ତେବେ ନିମାପଡ଼ା ଆସନରୁ କାହାକୁ ଦଳ ପ୍ରାର୍ଥୀ କରିବ, ସେ ନେଇ ଚିନ୍ତା ବଢ଼ିଛି । ବିଜେପି ବାଲେଶ୍ୱରର ଭୋଗରାଇ ନିର୍ବାଚନମଣ୍ଡଳୀ ପାଇଁ ପ୍ରାର୍ଥୀ ବଦଳାଇଛି । ପୂର୍ବରୁ ସେଠାରେ ମାନସ ମହାନ୍ତିଙ୍କୁ ଟିକେଟ ମିଳିଥିବାବେଳେ ତାଙ୍କ ବଦଳରେ ଅଂଶୁମାନ ମହାନ୍ତିଙ୍କୁ ପ୍ରାର୍ଥୀ କରାଯାଇଛି । ବିଜେପି ରାଜ୍ୟ ଉପସଭାପତି ସମୀର ମହାନ୍ତି ଏହି ସୂଚନା ଦେଇଛନ୍ତି ।

ସମ୍ବନ୍ଧିତ ଖବର