ବିଜେପିରେ ୨୮ ବର୍ଷର ଇନିଂସ ଶେଷ

ନୂଆଦିଲ୍ଲୀ,୬ା୪(ଏଜେନ୍ସି): ବିଜେପିର ବିଦ୍ରୋହୀ ନେତା ଶତ୍ରୁଘ୍ନ ସିହ୍ନା ପଦ୍ମ ଛାଡ଼ି ହାତ ଧରିଛନ୍ତି । ଫଳରେ ବେିଜପେିର ତାଙ୍କର ୨୮ ବର୍ଷର ଇନିଂସରେ ବିରାମ ଲାଗିଛି । ଦିଲ୍ଲୀସ୍ଥିତ କଂଗ୍ରେସ କାର୍ଯ୍ୟାଳୟରେ ଦଳର ଅଧ୍ୟକ୍ଷ ରାହୁଲ ଗାନ୍ଧିଙ୍କ ଉପସ୍ଥିତିରେ ସେ କଂଗ୍ରେସରେ ସାମିଲ ହୋଇଛନ୍ତି । ଏହା ସହିତ ସେ ବିହାରର ପାଟନାସାହିବ ଆସନରୁ ନିର୍ବାଚନ ଲଢ଼ିବେ ବୋଲି ମଧ୍ୟ କଂଗ୍ରେସ ଘୋଷଣା କରିଛି । ଏଠାରୁ ସେ ବିଜେପିର ବରିଷ୍ଠ ନେତା ରବିଶଙ୍କର ପ୍ରସାଦଙ୍କ ବିପକ୍ଷରେ ନିର୍ବାଚନ ଲଢ଼ିବେ ।

କଂଗ୍ରେସରେ ସାମିଲ ହେବା ପରେ ଶତ୍ରୁଘ୍ନ ବିଜେପିକୁ ଏହାର ୩୯ତମ ପ୍ରତିଷ୍ଠା ଦିବସର ଶୁଭକାମନା ଜଣାଇଥିଲେ । ବିଜେପିର କେତେକ ଲୋକଙ୍କ ନୀତି ଯୋଗୁ ତାଙ୍କ ନିକଟରେ ଦଳତ୍ୟାଗ କରିବା ବ୍ୟତୀତ ଅନ୍ୟ କୌଣସି ଉପାୟ ନଥିଲା ବୋଲି ସେ ପ୍ରକାଶ କରିଛନ୍ତି । ପରେ ବିଜେପି ଉପରେ ଜୋର୍‌ଦାର ବର୍ଷି ସେ କହିଥିଲେ, ବିଜେପିର ବରିଷ୍ଠ ଲୋକମାନଙ୍କୁ ଅଣଦେଖା କରାଯାଇ ସେମାନଙ୍କୁ ମାର୍ଗଦର୍ଶକ ଗୋଷ୍ଠୀରେ ରଖାଯାଉଛି । କିନ୍ତୁ ଆଜି ପର୍ଯ୍ୟନ୍ତ ସେମାନଙ୍କୁ ନେଇ ଗୋଟେ ହେଲେ ବି ବୈଠକ ହୋଇନାହିଁ ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ବିଜେପି ଅଧ୍ୟକ୍ଷ ଅମିତ୍‌ ଶାହଙ୍କ ଉପରେ ନିଜର କ୍ଷୋଭ ଜାହିର କରି ଶତ୍ରୁଘ୍ନ ବିଜେପିକୁ ‘ୱାନ୍‌ ମ୍ୟାନ୍‌ ସୋ’ ଏବଂ ୨ ମ୍ୟାନ ଆର୍ମି’ର ଆଖ୍ୟା ଦେଇଛନ୍ତି । ତେବେ ଶତ୍ରୁଘ୍ନ ନିଜ ଭାଷଣରେ ବିଜେପିର ବରିଷ୍ଠ ନେତା ଆଡ୍‌ଭାନୀ ଓ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କୁ ପ୍ରଶଂସା କରଛନ୍ତି । ୧୯୯୧ ମସିହାରେ ଶତ୍ରୁଘ୍ନ ବିଜେପିରେ ଯୋଗ ଦେଇଥେିଲ । ୨୦୧୪ରେ ସେ ବିଜେପି ଟିକେଟରେ ବିଜୟୀ ହୋଇଥିଲେ ।

   ସମ୍ବନ୍ଧିତ ଖବର


ସୁଶୀଲ ମୋଦୀଙ୍କୁ ରାଜ୍ୟସଭା ଟିକେଟ୍: ପାଶଓ୍ବାନଙ୍କ ସ୍ଥାନରେ ହେଲେ ବିଜେପି ପ୍ରାର୍ଥୀ, ପୂର୍ବତନ ଉପମୁଖ୍ୟମନ୍ତ୍ରୀ କେନ୍ଦ୍ରରେ ହୋଇ ପାରନ୍ତି ମନ୍ତ୍ରୀ

ମମତାଙ୍କୁ ଆଉ ଏକ ଝଟକା: ଦକ୍ଷିଣ କୁଚବିହାର ବିଧାୟକଙ୍କ ଇସ୍ତଫା ପରେ ପରିବହନ ମନ୍ତ୍ରୀଙ୍କ ଇସ୍ତଫା, ବିଜେପିରେ ମିଶିବାକୁ ଏବେ ଦିଲ୍ଲୀରେ ମିହିର

ଅହମ୍ମଦ ପଟେଲଙ୍କ ପରେ କିଏ? କଂଗ୍ରେସ କୋଷାଧ୍ୟକ୍ଷ ପଦ ପାଇଁ କମଲନାଥ, ବେଣୁଗୋପାଳ ଓ ଗେହଲଟ୍‌ଙ୍କ ମଧ୍ୟରୁ ଜଣକୁ ବାଛିବେ ସୋନିଆ

ବିଜେପିକୁ ଓବେସୀଙ୍କ କଡାପ୍ରଶ୍ନ, ବିଜେପି ଶାସିତ ୪ ରାଜ୍ୟରେ କାହିଁକି ନାହାନ୍ତି ଜଣେ ହେଲେ ମୁସଲିମ ମନ୍ତ୍ରୀ ?

ଓଡିଆ ଗୀତରେ ରାପ୍‌ ପରେ ଆଲ୍‌ବମ୍‌ ଭିଡିଓ ସୁଟିଂରେ ବ୍ୟସ୍ତ ସୁର ଭାଇନା: କୁଆଖିଆ ନଦୀ ପଠାରେ ଚାଲିଛି ମ୍ୟୁଜିକ୍‌ ଭିଡିଓ ସୁଟିଂ

ଲାଲୁ ଯାଦବଙ୍କ ସେବାଦାର ଇରଫାନ୍‌ ଅନସାରୀ ନିଖୋଜ ! ଅଡ଼ିଓ ଭାଇରାଲ ହେବା ପରଠୁ ଗାଏବ୍‌