ଏସବିଆଇ ଗ୍ରାହକ ଧ୍ୟାନ ଦିଅନ୍ତୁ, ୧ ମଇରୁ ବଦଳିଯିବ ସେଭିଂ ଆକାଉଣ୍ଟର ନିୟମ

ନୂଆଦିଲ୍ଲୀ,୧୩।୪:ଭାରତୀୟ ଷ୍ଟେଟ୍ ବ୍ୟାଙ୍କ(ଏସବିଆଇ) ନିଜର ଗ୍ରାହକଙ୍କ ପାଇଁ ଏକ ଗୁରୁତ୍ବପୂର୍ଣ୍ଣ ପଦକ୍ଷେପ ଗ୍ରହଣ କରିଛି। ଯାହାଫଳରେ ଆସନ୍ତା ମଇ ମାସରୁ ଏସବିଆଇରେ ସେଭିଂ ଖାତାରେ ମିଳୁଥିବା ସୁଦ୍ଧର ନିମୟ ବଦଳିଯିବ। ବ୍ୟାଙ୍କ ନିଜର ଡିପୋଜିଟ୍ ଓ ଲୋନର ସୁଦ୍ଧ ଦର ଭାରତୀୟ ରିଜର୍ଭ ବ୍ୟାଙ୍କ(ଆରବିଆଇ)ର ବେଞ୍ଚମାର୍କ ଦର ସହିତ ଯୋଡି ଦିଆଯିବ। ଏହି ନୂଆ ନିଷ୍ପତ୍ତିରେ ୧ ଲକ୍ଷ ଟଙ୍କାରୁ ଅଧିକ ଡିପୋଜିଟ୍ ଓ ଲୋନର ସୁଦ୍ଧ ଦରକୁ ରେପୋ ରେଟ୍ ସହିତ ଯୋଡି ଦିଆଯାଇଛି। ଏହାର ଅର୍ଥ ସ୍ପଷ୍ଟ ଯେ ଆରବିଆଇର ରେପୋ ରେଟରେ ପରିବର୍ତ୍ତନ ହେବା ଦ୍ବାରା ବ୍ୟାଙ୍କରେ ଜମା ଦର ଉପରେ ପ୍ରଭାବ ପଡିବ। ତେଣୁ ଆସନ୍ତା​‌ ମାସରୁ ଏସବିଆଇ ସେଭିଂ ରେଟରେ ପରିବର୍ତ୍ତନ କରିବାକୁ ଯାଉଛି।

  କ’ଣ ବଦଳିବ?

  • ୧ ଲକ୍ଷ ଟଙ୍କା ପର୍ଯ୍ୟନ୍ତ ବାଲାନ୍ସରେ ଏବେ ୩.୫ ପ୍ରତିଶତ ଦରରେ ସୁଦ୍ଧ ମିଳିବ। ସେଭଳି ୧ ଲକ୍ଷ ଉପରୁ ଅଧିକ ବାଲାନ୍ସ ଥିଲେ ସୁଦ୍ଧ ଦର ୩.୨୫ ପ୍ରତିଶତ ହେବ। ଏହି ନୂଆ ଦର ୧ ମଇ ୨୦୧୯ରୁ ଲାଗୁ ହେବ।
  • ୧ ଲକ୍ଷରୁ ଅଧିକ ସମସ୍ତ କ୍ୟାସ୍ କ୍ରେଡିଟ୍ ଓ ଓଭରଡ୍ରାଫ୍ଟ ଆକାଉଣ୍ଟକୁ ଏସବିଆଇ ରେପୋ ରେଟ ସହିତ ଳିଙ୍କ କରିଦେଇଛି। ନିକଟରେ ରିଜର୍ଭ ବ୍ୟାଙ୍କ ସୁଦ୍ଧ ଦରରେ ୦.୨୫ ପ୍ରତିଶତ ହ୍ରାସ କରିଥିଲା, ଏହାକୁ ଦେଖି ବ୍ୟାଙ୍କ ଏହି କାଟ୍ କରିଛି।

      ନୂଆ ବ୍ୟବସ୍ଥା ୧ ମଇରୁ ଲାଗୁ ହେବ:

  • ଦୀର୍ଘ ଦିନ ହେବ ଲୋକଙ୍କର ଅଭିଯୋଗ ଥିଲା ଯେ, ଆରବିଆଇର ସୁଦ୍ଧ ଦରର ହ୍ରାସ ପରେ ବ୍ୟାଙ୍କର ସୁଦ୍ଧ ଦର ଉପରେ ଏହାର ପ୍ରଭାବ  ଦେଖିବାକୁ ମିଳୁନାହିଁ। ତେଣୁ ଆରବିଆଇ ଗ୍ରାହକଙ୍କ ଏହି ଅଭିଯୋଗକୁ ଦୂର କରିବ।
  •  ବ୍ୟାଙ୍କର ଚେୟାରମ୍ୟାନ୍ ରଜନୀଶ କୁମାର କହିଛନ୍ତି ୧ ଲକ୍ଷ ଟଙ୍କାରୁ କମ୍ ଲୋନ୍ ଏବଂ ଡିପୋଜିଟ୍ ଏମସିଏଲଆର ଅର୍ଥାତ ମାର୍ଜିନାଲ କଷ୍ଟ ଅଫ୍ ଫଣ୍ଡସ୍ ବେସଡ୍ ଲ୍ୟାଣ୍ଡିଂ ରେଟ୍ ସମ୍ପର୍କିତ ରହିବ। ଛୋଟ ଗ୍ରାହକଙ୍କୁ ବଜାର ଅସ୍ଥିରତାରୁ ବଞ୍ଚାଇବା ପାଇଁ ଏଭଳି କରାଯାଇଛି

    କିଭଳି ମୂଲ୍ୟ ଧାର୍ଯ୍ୟ ହେବ:

  • ଦେଶର ସବୁଠାରୁ ବଡ ବ୍ୟାଙ୍କ କହିଛି ୧ ମଇରୁ ଏକ ଲକ୍ଷରୁ ଅଧିକ  ସମସ୍ତ ସେଭିଂ ବ୍ୟାଙ୍କ ଡିପୋଜିଟ୍ ଓ ସର୍ଟ-ଟର୍ମ ଲୋନ ଆରବିଆଇର ବେଞ୍ଚମାର୍କ ରେପୋ ରେଟ୍ ସହିତ ଯୋଡାଯିବ।
  • ରୋପୋ ରେଟ୍ ଏବେ ୬ ପ୍ରତିଶତ ରହିଛି। ବ୍ୟାଙ୍କର ରେପୋ ରେଟ୍ ଉପରେ ଆରବିଆଇ ଋଣ ଦେଇଥାଏ, ସେଭଳି ସେଭିଂ ବ୍ୟାଙ୍କର ଦର ରେପୋ ରେଟ୍ ଠାରୁ ୨..୭୫ ପ୍ରତିଶତ କମ୍ ହେବ। ସେଭଳି ୧ ଲକ୍ଷ ଟଙ୍କାରୁ ଅଧିକ ଲୋନରେ ରେପୋ ରେଟ୍ ୨.୨୫ ପ୍ରତିଶତ ଅଧିକ ସୁଦ୍ଧ ରଖାଯିବ।
  • ଏହା ପ୍ରଥମ ସୁଯୋଗ ଯେବେ କୌଣସି ବ୍ୟାଙ୍କ ସେଭିଂ, ଛୋଟ ଲୋନ୍ ଓ ଡିପୋଜିଟ୍ ରେଟ୍କୁ ସିଧାସଳଖ ରେପୋ ରେଟ୍ ସହିତ ଲିଙ୍କ କରୁଛି।

   ସମ୍ବନ୍ଧିତ ଖବର


PNB ଗ୍ରାହକଙ୍କ ପାଇଁ ଜରୁରୀ ସୂଚନା : ୧ ଡିସେମ୍ୱରରୁ ବଦଳିବ ଟଙ୍କା ଉଠାଇବାର ନିୟମ

ଓଲା, ଉବର ପାଇଁ ନୂଆ ଗାଇଡ୍‌ଲାଇନ ଜାରି: କ୍ୟାବ୍‌ ଡ୍ରାଇଭର ପାଇବେ ୮୦% ଭଡ଼ା, ମୋଟ ଭଡ଼ାର ୨୦% ରଖିପାରିବେ ଆଗ୍ରିଗେଟର

ଅଷ୍ଟ୍ରେଲିଆରେ ଆଦାନୀଙ୍କୁ ବିରୋଧ, ସିଡନୀ ଓ୍ବାନଣ୍ଡେରେ ଧଷେଇ ପଶି ଆସିଲେ ପଡ଼ିଆକୁ ଆନ୍ଦୋଳନକାରୀ , କ୍ୟାମେରାକୁ ଦେଖାଇଲେ ପ୍ଲାକାର୍ଡ

ଏହି ୨୫ଟି ଫିଲ୍ମ ଦେଖିଲେ ମିଳିବ ୨ ଲକ୍ଷ ଟଙ୍କା, ଆପଣ ରାଜି ତ ?

ବାଣିଜ୍ୟିକ ବେପାରକୁ ନେଇ ଚୀନ୍‌ର ରାଜନୀତି – ଅଷ୍ଟ୍ରେଲିଆ ବିରୋଧରେ ନେଲା ଦୃଢ଼଼ ପଦକ୍ଷେପ !

ଦେଶରେ ପୁଣି ବଢ଼ିଲା ବେକାରି ହାର, କମୁଛି ଶ୍ରମ ଯୋଗଦାନ ରେଟ୍