PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ତାରିଖ ସକାଳେ ସ୍ଥଳଭାଗ ବାତ୍ୟା ଛୁଇଁବ ବୋଲି ଏସଆରସିଙ୍କ ସୂଚନା।
  • ||
  • ଓମିକ୍ରନ୍ ଭୟ : ତାମିଲନାଡୁର ଏକ ସ୍କୁଲ୍‌ରେ କରୋନା ଆତଙ୍କ , ୨୫ ପିଲାଙ୍କୁ କୋଭିଡ୍‌ ପଜିଟିଭ୍
  • ||
  • ୨୯ ଦେଶକୁ ମାଡ଼ି ଗଲାଣି ଓମିକ୍ରନ୍ – ପ୍ରେସମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ଭାରତରେ ଓମିକ୍ରନ ,କର୍ଣ୍ଣାଟକରୁ ଚିହ୍ନଟ ହେଲେ ୨ ଓମିକ୍ରନ ଆକ୍ରାନ୍ତ , ପ୍ରେସ୍‌ମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ତେଲେଙ୍ଗାନାରେ ଚିହ୍ନଟ ହୋଇନି ଓମିକ୍ରନ , ଏ ନେଇ ଖବରକୁ ଖଣ୍ଡନ କଲା ତେଲେଙ୍ଗାନା ସ୍ୱାସ୍ଥ୍ୟ ବିଭାଗ । ବ୍ରିଟେନ୍‌ ଫେରନ୍ତା ମହିଳା କୋଭିଡ୍‌ ପଜିଟିଭ ଚିହ୍ନଟ
  • ||
  • ଭାରତରେ ପ୍ରଥମ ଓମିକ୍ରନ ଭାରିଆଣ୍ଟ ଚିହ୍ନଟ , ତେଲେଙ୍ଗାନାରୁ ଓମିକ୍ରନ୍‌ ଭାରିଆଣ୍ଟ ଆକ୍ରାନ୍ତ ଚିହ୍ନଟ , ଆକ୍ରାନ୍ତ ମହିଳାଙ୍କର ବୟସ ୩୫ ବର୍ଷ , ଇଂଲଣ୍ଡରୁ ଫେରିଥିଲେ ସଂପୃକ୍ତ ମହିଳା
  • ||
  • କଟକ: ଗାଡ଼ି ଟଣା ବେଳେ ଫାଇନାନ୍ସ କମ୍ପାନି କର୍ମଚାରୀ ଉପରକୁ ବ୍ଲାଙ୍କ ଫାଇରିଙ୍ଗ୍ ଘଟଣା, ଦୁଇ ଅଭିଯୁକ୍ତକୁ ଧରିବା ପାଇଁ କଟକ ପୋଲିସ ଟିମ୍ ଗଞ୍ଜାମରେ
  • ||
  • ଅମ୍ବାଦଳା: ୮ ଲକ୍ଷରୁ ଉର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ, ବାଇକ ସହ ୩ ଗିରଫ
  • ||
  • ବ୍ରହ୍ମପୁର: ବିଶିଷ୍ଟ ସିପିଏମ୍ ନେତା ବସନ୍ତ ନନ୍ଦଙ୍କ ହୃଦଘାତରେ ବିୟୋଗ
  • ||
  • ରାୟଗଡା: ୩ ବର୍ଷ ଅଙ୍ଗନବାଡି ଚାକିରି କରିବା ପରେ ଚାକିରିରୁ ବାହାର କରାଯାଇଥିବା ଅଭିଯୋଗ
  • ||
  • କାଶୀପୁର: ହାତଗୁଞ୍ଜା ବିନା ଘୁଞ୍ଚୁନି ଫାଇଲ, ପ୍ରାପ୍ୟ ପାଇବାରେ ହଇରାଣ ଅବସର ଶିକ୍ଷକ
  • ||
  • ପାପଡାହାଣ୍ଡି: ମହୁ ମାଛି ଆକ୍ରମଣରେ ବୃଦ୍ଧ ଗୁରୁତର!
  • ||
  • ସୁନ୍ଦରଗଡ଼: କୋଇଡାରେ ଥମୁନି ହାତୀ ଉପଦ୍ରବ, ଘରେ ଶୋଇଥିବା ବେଳେ ଟାଣି ଦଳି ଦେଲା ଦନ୍ତା, ଘଟଣା ସ୍ଥଳରେ ବୃଦ୍ଧଙ୍କ ଉଡିଗଲା ପ୍ରାଣ ବାୟୁ
  • ||
  • ଭୁବନେଶ୍ୱର: ବିଧାନସଭାର ଶୀତକାଳୀନ ଅଧିବେଶର ଦ୍ବିତୀୟ ଦିନ, ଆରମ୍ଭରୁ ବିରୋଧୀଙ୍କ ହୋହଲ୍ଲା ଓ ହଟ୍ଟଗୋଳ, ୪ ଯାଏଁ ଗୃହ ମୁଲତବୀ
  • ||
  • ଭୁବନେଶ୍ୱର: ୧୨ ଘଣ୍ଟାରେ ଅବପାତ, ୨୪ ଘଣ୍ଟା ମଧ୍ୟରେ ବାତ୍ୟା ରପୂ ନେବ ସମ୍ଭାବନା
  • ||
  • ଭୁବନେଶ୍ୱର: ରାଜ୍ୟରେ ଆଉ ୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୧୫କୁ ବୃଦ୍ଧି
  • ||
  • ଭୁବନେଶ୍ଵର: ୨୪ ଘଣ୍ଟାରେ ୨୫୨ କୋଭିଡ୍ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦୪୯୫୯୭ ଜଣକୁ ବୃଦ୍ଧି
  • ||
  • ନୂଆଦିଲ୍ଲୀ:୨୩ ରାଷ୍ଟ୍ରକୁ ବ୍ୟାପିଲା ଓମ୍ରିକନ୍, ଆନ୍ତର୍ଜାତିକ ବିମାନ ଉଡାଣ ସ୍ଥଗିତ
  • ||
  • ସୋର: ମନ୍ଦିରରୁ ଲକ୍ଷାଧିକ ଟଙ୍କାର ସୁନା ଓ ରୂପା ଗହଣା ଚୋରି
  • ||
  • କୋକସରା: ବିଦ୍ୟୁତ ସଂଯୋଗ ପାଇଁ ରାସ୍ତା ଅବରୋଧ କଲେ ଗ୍ରାମବାସୀ
  • ||

ମହାକାଶ ବିଜ୍ଞାନ ପାଠ ପଢ଼ିବେ ସ୍କୁଲ ପିଲା, ଇସ୍ରୋ ଆରମ୍ଭ କରିବ ‘ଯୁବିକା’ କାର୍ଯ୍ୟକ୍ରମ

source:www.indiatoday.in

ଭୁବନେଶ୍ୱର, ୧୩ା୩(ବ୍ୟୁରୋ): ସ୍କୁଲରେ ପଢୁଥିବା ପିଲାମାନେ ମହାକାଶ ବିଷୟରେ ଅଧିକ ଜ୍ଞାନ ଆହରଣ କରିବେ । ମହାକାଶ ବିଜ୍ଞାନ, କୌଶଳ ଓ ଏହାର ଆପ୍ଲିକେସନ୍‌ ବିଷୟରେ ସେମାନଙ୍କ ମୌଳିକ ଜ୍ଞାନର ବିକାଶ କରାଯିବ । ଏହାର ମୂଳଦୁଆ ସମ୍ପର୍କରେ ଛାତ୍ରଛାତ୍ରୀଙ୍କୁ ଶିକ୍ଷା ଦିଆଯିବ । ମହାକାଶ ବିଜ୍ଞାନରେ ଛାତ୍ରଛାତ୍ରୀଙ୍କ ଆଗ୍ରହକୁ ବୃଦ୍ଧି କରିବା ଲକ୍ଷ୍ୟ ନେଇ ଇଣ୍ଡିଆନ୍‌ ସ୍ପେସ୍‌ ରିସର୍ଚ୍ଚ ଅର୍ଗାନାଇଜେସନ୍‌(ଇସ୍ରୋ) ପକ୍ଷରୁ ଚଳିତ ବର୍ଷରୁ ‘ଯୁବ ବିଜ୍ଞାନ କାର୍ଯ୍ୟକ୍ରମ-ଯୁବିକା’ ଆରମ୍ଭ ହେବାକୁ ଯାଉଛି ।
ଯୁବ ବିଜ୍ଞାନ କାର୍ଯ୍ୟକ୍ରମ-ଯୁବିକା ଗ୍ରୀଷ୍ମ ଛୁଟି ଅର୍ଥାତ୍‌ ଏପ୍ରିଲ୍‌ ଓ ମେ ମାସ ଭିତରେ ହେବ । ଦୁଇ ସପ୍ତାହ ଧରି ଏହି କାର୍ଯ୍ୟକ୍ରମ ଚାଲିବ । ଏହା ପାଠ୍ୟକ୍ରମ ପାଇଁ ଅଷ୍ଟମ ଶେଷ ଓ ନବମ ଶ୍ରେଣୀ ପଢ଼ିବାକୁ ଥିବା ଛାତ୍ରଛାତ୍ରୀମାନେ ଅଂଶଗ୍ରହଣ କରିପାରିବେ । ସିବିଏସ୍‌ଇ, ଆଇସିଏସ୍‌ଇ ଓ ରାଜ୍ୟ ସରକାରଙ୍କ ପାଠ୍ୟକ୍ରମରେ ପଢୁଥିବା ଛାତ୍ରଛାତ୍ରୀ ଏଥିରେ ଭାଗ ନେବେ । ପ୍ରତି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳରୁ ୩ ଜଣ ଛାତ୍ରଛାତ୍ରୀଙ୍କୁ ବଛାଯାଇ ଇସ୍ରୋକୁ ପଠାଯିବ ।
ଛାତ୍ରଛାତ୍ରୀ ଚୟନ କରିବା ନେଇ ଇସ୍ରୋ ପକ୍ଷରୁ ଏକ କ୍ରାଇଟେରିଆ ପ୍ରସ୍ତୁତ କରାଯାଇଛି । ସମୁଦାୟ ୧୦୦ ପ୍ରତିଶତ ନମ୍ବର ରଖାଯାଇଛି । ଏହି କ୍ରାଇଟେରିଆ ଅନୁସାରେ ଅଷ୍ଟମ ଶ୍ରେଣୀରେ ପ୍ରଦର୍ଶନ ପାଇଁ ୫୦ ପ୍ରତିଶତ ନମ୍ବର ମିଳିବ । ସେହିପରି ସାଇନ୍ସ୍‌ କ୍ଲବ୍‌ ତଥା ସ୍ପେସ୍‌ କ୍ଲବ୍‌ର ସଦସ୍ୟ ଭାବେ ୫ ପ୍ରତିଶତ, ଜିଲ୍ଲା/ରାଜ୍ୟ/ଜାତୀୟ/ ଅନ୍ତର୍ଜାତୀୟ ସ୍ତରରେ ବିଭିନ୍ନ ପ୍ରତିଯୋଗିତାରେ ବିଜେତା ହୋଇଥିଲେ ୨/୪/୬/୧୦ ପ୍ରତିଶତ, ଖେଳ ପ୍ରତିଯୋଗିତାରେ ବିଜେତା ହୋଇଥିଲେ ୨/୪/୬/୧୦ ପ୍ରତିଶତ, ସ୍କାଉଟ/ଗାଇଡ୍‌/ଏନ୍‌ସିସି/ ଏନ୍‌ଏସ୍‌ଏସ୍‌ରେ ସଦସ୍ୟ ଥିଲେ ୫ ପ୍ରତିଶତ, ଗ୍ରାମାଞ୍ଚଳ ସ୍କୁଲରେ ପଢୁଥିଲେ ୨୦ ପ୍ରତିଶତ ମାର୍କ ମିଳିବ । ଏସବୁକୁ ମିଶାଇ ସମୁଦାୟ ୧୦୦ ପ୍ରତିଶତ ମାର୍କ ରଖାଯାଇଛି । ଏହି କ୍ରାଇଟେରିଆକୁ ଭିତ୍ତି କରି ରାଜ୍ୟ ସରକାର ନିଜ ରାଜ୍ୟରୁ ୩ ଜଣ ଛାତ୍ରଛାତ୍ରୀଙ୍କୁ ଚୟନ କରିବେ । ଆସନ୍ତା ୨୫ ତାରିଖ ସୁଦ୍ଧା ଚୟନ ପ୍ରକ୍ରିୟା ଶେଷ କରି ଶ୍ରେଷ୍ଠ ୩ ଜଣ ଛାତ୍ରଛାତ୍ରୀଙ୍କ ନାମ ଇସ୍ରୋକୁ ପଠାଇବେ । ଯେଉଁ ଛାତ୍ରଛାତ୍ରୀମାନେ ଏହି କାର୍ଯ୍ୟକ୍ରମରେ ଯୋଗ ଦେବେ ସେମାନଙ୍କର ସମସ୍ତ ଖର୍ଚ୍ଚ ଇସ୍ରୋ ବହନ କରିବ ।
ଦୁଇ ସପ୍ତାହ ଧରି ହେବାକୁ ଥିବା ଏହି କାର୍ଯ୍ୟକ୍ରମରେ ବିଶିଷ୍ଟ ବୈଜ୍ଞାନିକମାନେ ଛାତ୍ରଛାତ୍ରୀଙ୍କୁ ନିଜ ଅଭିଜ୍ଞତା କହିବେ । ଛାତ୍ରଛାତ୍ରୀମାନେ ଲ୍ୟାବ୍‌ ପରିଦର୍ଶନ କରିବେ । ବିଶେଷଜ୍ଞମାନଙ୍କ ସହ ଆଲୋଚନା କରିବେ । ଏହା ପରେ ବିଭିନ୍ନ ପ୍ରାକ୍ଟିକାଲ୍‌ କାର୍ଯ୍ୟକ୍ରମ ହେବ ବୋଲି ଇସ୍ରୋ ପକ୍ଷରୁ ବିଜ୍ଞପ୍ତିରେ କୁହାଯାଇଛି । ଯୁବଗୋଷ୍ଠୀଙ୍କ ମଧ୍ୟରେ ବିଜ୍ଞାନ ଓ ଜ୍ଞାନକୌଶଳ କ୍ଷେତ୍ରରେ ସଚେତନ କରିବା ‘ଯୁବିକା’ କାର୍ଯ୍ୟକ୍ରମର ମୂଳ ଲକ୍ଷ୍ୟ । ଏହା ସହ ଛାତ୍ରଛାତ୍ରୀଙ୍କୁ ବିଜ୍ଞାନ, ବୈଷୟିକ, ଇଞ୍ଜିନିୟରିଂ ଓ ଗଣିତ ଆଦି କ୍ଷେତ୍ରରେ ଗବେଷଣା କରିବାକୁ ଏହି କାର୍ଯ୍ୟକ୍ରମ ମାଧ୍ୟମରେ ପ୍ରୋତ୍ସାହିତ କରାଯିବ ।