PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ଭିଜିଲାନ୍ସ ପଞ୍ଝାରେ OCCL ସିନିୟର ମ୍ୟାନେଜର, ଆୟ ବର୍ହିଭୁକ୍ତ ସମ୍ପତ୍ତି ଠୁଳ ଅଭିଯୋଗ
  • ||
  • ଗଞ୍ଜାମ: ରାତି ଅଧରେ ବିଭତ୍ସ ହତ୍ୟା, ଶୋଇଥିବା ବେଳେ ଯୁବକଙ୍କୁ ହାଣିବା ପରେ ମୁହଁକୁ ପଥରରେ ଛେଚି ହତ୍ୟା
  • ||
  • ଖୋର୍ଦ୍ଧା: ସଦର ଥାନା ତାପଙ୍ଗ ଗ୍ରାମରେ ଖୁଦୁରୁକୁଣୀକୁ ନେଇ ଗଣ୍ଡଗୋଳ ଜଣକୁ ହତ୍ୟା
  • ||
  • ଭୁବନେଶ୍ୱର: ୨୪ ଘଣ୍ଟା ମଧ୍ୟରେ ଆଉ ୫୧୦ ଜଣ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୨୦ ହଜାର ପାର୍
  • ||
  • ଭୁବନେଶ୍ୱର: ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୪୧କୁ ବୃଦ୍ଧି
  • ||
  • ଭୁବନେଶ୍ୱର: ଖୋଲା ଡ୍ରେନ୍‌ରେ ଛାତ୍ର ଭାସିଯିବା ଘଟଣା, ୧୮ ଘଣ୍ଟା ପରେ ଠାବ ହେଲା ରାଜାଙ୍କ ମୃତଦେହ
  • ||
  • ବୁର୍ଲା : ଭିସୁଟ୍‌ରେ ପଶିଲା କରୋନା, କୁଳପତିଙ୍କ ସମେତ ୨ ଛାତ୍ର ଆକ୍ରାନ୍ତ ଚିହ୍ନଟ
  • ||
  • ଭୁବନେଶ୍ୱର : ଆଗାମୀ ୧୦ ଦିନ ମଧ୍ୟରେ ବଙ୍ଗୋପସାଗରରେ ଏକାଧିକ ଘୁର୍ଣ୍ଣିବଳୟର ସୃଷ୍ଟି, ଓଡିଶାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା
  • ||
  • ଅନୁଗୁଳ : ବନ୍ଦ କ୍ୱାର୍ଟର୍ସରେ ଲୁଚାଇ ରଖିଥିଲେ, ଏକ୍ସପାରି ହେବା ପରେ ରାତାରାତି ଗାଡ଼ି ଗାଡ଼ି ଔଷଧ ଫିଙ୍ଗି ଦେଲେ…
  • ||
  • ପୁରୀ : ଆଜି ଶ୍ରୀମନ୍ଦିରରେ ଇନ୍ଦ୍ର ଗୋବିନ୍ଦ ବନ୍ଦାପନା
  • ||
  • ପିପିଲି : ଆଜିଠୁ ଜମିବ ଉପନିର୍ବାଚନ ପ୍ରଚାର, ମଇଦାନକୁ ଓହ୍ଲାଇବେ ତିନି ଦଳର ଷ୍ଟାର ପ୍ରଚାରକ
  • ||

ଜଂଘ ଭିତରେ ପଶିଗଲା ସ୍କୁଟି ଷ୍ଟାଣ୍ଡ, ଏସସିବିରେ ଦୀର୍ଘ ଘଣ୍ଟାର ଅସ୍ତ୍ରୋପଚାର ପରେ ମକରନ୍ଦ ହେଲେ ସୁସ୍ଥ

କଟକ ୨୨।୪: କାନପୁର ଥାନା ଶୋଲବନ୍ଧ ଗ୍ରାମର ମକରନ୍ଦ ମଲ୍ଲିକଙ୍କ ଡାହାଣ ଗୋଡ଼ରେ ସ୍କୁଟି ଷ୍ଟାଣ୍ଡ ପଶିଯାଇଥିଲା। ଜଘଂ ପାଖରେ ଷ୍ଟାଣ୍ଡର ପ୍ରାୟ ୧୫ଇଞ୍ଚ ଲମ୍ବର ରଡ୍ ପଶିଯାଇ ଅଣ୍ଟା ପର୍ଯ୍ୟନ୍ତ ଚାଲିଯାଇଥିଲା। ଫଳରେ ପ୍ରଚୁର ରକ୍ତଶ୍ରାବ ହୋଇଥିଲା। ଗୁରୁତର ଅବସ୍ଥାରେ ତାଙ୍କୁ ହସ୍ପିଟାଲ ନିଆଯାଇଥିଲା।

ଏସସିବି ମେଡିକାଲ୍ ଜରୁରୀକାଳୀନ ଓଟିରେ ତାଙ୍କର ଅସ୍ତେ୍ରାପଚାର କରାଯାଇ ରଡ୍କୁ ବାହାର କରାଯାଇଥିବାବେଳେ ଏବେ ମକରନ୍ଦ ସୁସ୍ଥ ଥିବା ଡାକ୍ତର ଓ ପରିବାର ଲୋକେ କହିଛନ୍ତି। ମକରନ୍ଦଙ୍କ ପୁଅ ରମେଶଙ୍କଠୁ ମିଳିଥିବା ସୂଚନା ଅନୁଯାୟୀ, ଡ୍ୟୁଟି ସାରି ଅପରାହ୍ନରେ ମକରନ୍ଦ ଘରକୁ ଫେରୁଥିଲେ। ମୋରମ ରାସ୍ତାରେ ଆସୁଥିବାବେଳେ ଅଧାବାଟରେ ପଛରୁ ଜଣେ ବନ୍ଧୁ ତାଙ୍କୁ ଡାକିଥିଲେ। ସ୍କୁଟି ଧିରେ କରି ପଛକୁ ଦେଖିବାବେଳକୁ ଚକ ଖସିଯାଇଥିଲା। ଆଗଚକ ଖାଲରେ ପଡ଼ିଯିବାରୁ ଗାଡିରୁ ଭାରସାମ୍ୟ ହରାଇ ପଡ଼ିଯାଇଥିଲେ। ସେ ସମୟ​‌ରେ ସ୍କୁଟି ଷ୍ଟାଣ୍ଡର ବାହାରକୁ ବାହାରିଥିବା ରଡ୍ ତାଙ୍କ ଡାହାଣପଟ ଜଘଂ ଭିତରେ ପଶିଯାଇଥିଲା। ଯନ୍ତ୍ରଣା ହେବାରୁ ସେ ଚିତ୍କାର କରିଥିଲେ।

ସଙ୍ଗେ ସଙ୍ଗେ ପାଖ ଲୋକମାନେ ସେଠାରେ ଏକାଠି ହୋଇ ଷ୍ଟାଣ୍ଡ କାଟିବାକୁ ଚେଷ୍ଟା କରିଥିଲେ। କିନ୍ତୁ ବିଫଳ ହେବାରୁ ଦମକଳ ବାହିନୀକୁ ଖବର ଦିଆଯାଇଥିଲା। ମିସ୍ତ୍ରୀ ଡକାଇ ପ୍ରଥମେ ସ୍କୁଟିରୁ ଷ୍ଟାଣ୍ଡକୁ ଅଲଗା କରାଗଲା। ଦମକଳ ବାହିନୀ ସହାୟତାରେ ମକରନ୍ଦଙ୍କୁ ତୂରନ୍ତ ବଡମ୍ବା ହସ୍ପିଟାଲକୁ ନିଆଯାଇଥିଲା। ସେଠାରେ ରଡ୍ ବାହାର କରାଯାଇନଥିଲେ ମଧ୍ୟ ପ୍ରାଥମିକ ଚିକିତ୍ସା କରାଯାଇ କଟକ ବଡ଼ ମେଡିକାଲ ଅଣାଯାଇଥିଲା।

ସର୍ଜରୀ ବିଭାଗରେ ଡାକ୍ତର ଶ୍ରୀକାନ୍ତ ପଣ୍ଡାଙ୍କ ୟୁନିଟରେ ମକରନ୍ଦଙ୍କୁ ଭର୍ତ୍ତି କରାଯାଇଥିବାବେଳେ ଶନିବାର ଜରୁରୀକାଳୀନ ଓଟିରେ ଡାକ୍ତର ରାଜେଶ ଦୋରାଙ୍କ ନେତୃତ୍ବରେ ଅସ୍ତେ୍ରାପଚାର କରାଯାଇ ରଡ୍କୁ ବାହାର କରାଯାଇଥିଲା। ଏହି ଅସ୍ତେ୍ରାପଚାରରେ ଡାକ୍ତର ଶଶିକାନ୍ତ ବେହେରା, ଡାକ୍ତର ସନତ ପାତ୍ର, ଡାକ୍ତର ହିମାଂଶୁ କାନ୍, ଡାକ୍ତର ଚନ୍ଦ୍ରକାନ୍ତ, ଡାକ୍ତର ମୈାସମ ରାଏ. ଡାକ୍ତର ମନୋଜ ବାରିକ, ଡାକ୍ତର ଜସ୍ମିନ ପାଣିଗ୍ରାହୀ ଓ ଡାକ୍ତର ନିତ୍ୟ ମିଶ୍ର ସହ​ଯୋଗ କରିଥିଲେ। ଏବେ ମକରନ୍ଦ ସୁସ୍ଥ ଥିବା ଡାକ୍ତର ସୂଚନା ଦେଇଛନ୍ତି।

ସମ୍ବନ୍ଧିତ ଖବର