PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମବିଭୂଷଣ ରଘୁନାଥ ମହାପାତ୍ରଙ୍କର କରୋନାରେ ପରଲୋକ
  • ||
  • ହିମନ୍ତ ବିଶ୍ବା ଶର୍ମା ହେବେ ଆସାମର ନୂତନ ମୁଖ୍ୟମନ୍ତ୍ରୀ, ସୋମବାର ନେବେ ଶପଥ
  • ||
  • ଖପ୍ରାଖୋଲ: ଜାମଚୁଆଁ ଗାଁରେ ବିଦ୍ୟୁତ ସଟସର୍କିଟରେ ଜଳିଗଲା ଘର , ଲକ୍ଷାଧିକ ଟଙ୍କା ସମ୍ପତ୍ତି ନଷ୍ଟ
  • ||
  • ଆସାମ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୱାଲଙ୍କ ଇସ୍ତଫା, ରାଜ୍ୟପାଳ ଜଗଦୀଶ ମୁଖୀଙ୍କୁ ଇସ୍ତଫାପତ୍ର ଦେଲେସର୍ବାନନ୍ଦ ସୋନୱାଲ
  • ||
  • କୋଭିଡ ମୁକାବିଲା ପାଇଁ ଓଡିଶାକୁ ୩୩୩.୮ କୋଟି ଅନୁଦାନ, କେନ୍ଦ୍ର ଅର୍ଥ ମନ୍ତ୍ରାଳୟ ପକ୍ଷରୁ ସୂଚନା
  • ||
  • ରାଉରକେଲା : ସଟଡାଉନରେ ଦୋକାନ ଖୋଲିବା ପଡିଲା ମହଙ୍ଗା, ୪ଟି ଦୋକାନ ସିଲ୍, ଦୁଇ କୁଇଣ୍ଟାଲ ମାଛ ଓ ଦଶ କେଜି ମାଂସ ଜବତ
  • ||
  • ଭୁବନେଶ୍ୱର : ସୁନ୍ଦରଗଡ଼ ଓ ଅନୁଗୁଳରେ ପ୍ରତିଷ୍ଠା ହେବ ନୂଆ କେନ୍ଦ୍ରୀୟ ବିଦ୍ୟାଳୟ, ଏମସିଏଲ୍‌ ବୋର୍ଡର ଅନୁମୋଦନ ପାଇଁ କେନ୍ଦ୍ର କୋଇଲା ଓ ଖଣି ମନ୍ତ୍ରୀଙ୍କୁ ଧନ୍ୟବାଦ ଦେଲେ ଧର୍ମେନ୍ଦ୍ର
  • ||
  • ଭୁବନେଶ୍ଵର : ସପ୍ତାହାନ୍ତ ସଟଡାଉନର ଦ୍ଵିତୀୟ ଦିନ, ଆଉ ଚଳିବନି ‘ଆଇ- କାର୍ଡ’, ବେସରକାରୀ ସଂସ୍ଥାର କର୍ମଚାରୀଙ୍କ ତାଲିକା ମାଗିଲା ପୁଲିସ୍‌
  • ||
  • ଭୁବନେଶ୍ୱର : ବରିଷ୍ଠ ସାମ୍ବାଦିକ ତଥା ‘ପ୍ରମେୟ’ର ଖଣ୍ଡପଡ଼ା ପ୍ରତିନିଧି ସୋମନାଥ ମହାନ୍ତିଙ୍କ ପରଲୋକ
  • ||
  • ଘଟଗାଁ : ମାଲବାହୀ ଟ୍ରେନ ଧକ୍କାରେ ହାତୀ ଗୁରୁତର
  • ||
  • କୋଲକାତା : ପଶ୍ଚିମବଙ୍ଗରେ ଥମୁନି ହିଂସା, ପୁଣି ଥରେ ଟିଏମସି ଓ ବିଜେପି କର୍ମୀ ହାତାହାତି, ଜଣେ ମୃତ ୬ ଆହତ
  • ||
  • ଭୁବନେଶ୍ଵର : ଓଡ଼ିଶାରେ ଆଉ ୧୯ ଜଣଙ୍କ ମୁଣ୍ଡ ନେଲା କରୋନା, ମୃତ୍ୟୁ ସଂଖ୍ୟା ୨୧୮୦କୁ ବୃଦ୍ଧି
  • ||
  • ଭୁବନେଶ୍ୱର : ଓଡ଼ିଶାରେ କରୋନା ବିସ୍ଫୋରଣ, ୨୪ଘଣ୍ଟାରେ ଚିହ୍ନଟ ହେଲେ ୧୦ ହଜାର ୬୩୫ ପଜିଟିଭ୍, ସଂକ୍ରମିତଙ୍କ ସଂଖ୍ୟା ୫ଲକ୍ଷ ୩୪ ହଜାର ପାର୍
  • ||
  • ନୂଆଦିଲ୍ଲୀ : ଭାରତକୁ ଡବ୍ଲ୍ୟୁଏଚଓର ସତର୍କ ବାଣୀ, ଘାତକ ହେଉଛି କରୋନାର ନୂଆ ମ୍ୟୁଟାଣ୍ଟ, ଭାରତକୁ ତୀବ୍ର କରିବାକୁ ପଡିବ ଟିକାକରଣ
  • ||
  • ଭୁବନେଶ୍ୱର : ଏବେ ମିଳିଛି ସାମାନ୍ୟ ଆଶ୍ୱସ୍ତି, ଦୁଇଦିନ ପରେ ରାଜ୍ୟରେ ପୁଣି ବଢ଼ିବ ତାତି, ୨୦ ଜିଲ୍ଲାରେ ଘଡ଼ଘଡ଼ି ସହ ଧୂଳିଝଡ଼ ବର୍ଷା ଆଶଙ୍କା
  • ||

ପାତ୍ରପଡ଼ାରେ ସିରିଜ ବୋମାମାଡ଼ ଘଟଣା: ମୁଖ୍ୟ ଅଭିଯୁକ୍ତ ଗିରଫ

ଭୁବନେଶ୍ୱର,୩ ।୨(ବ୍ୟୁରୋ): ଖଣ୍ଡଗିରି ଥାନା ଅନ୍ତର୍ଗତ ପାତ୍ରପଡ଼ାରେ ସିରିଜ୍‌ ବୋମାମାଡ଼ ଘଟଣାରେ ପୁଲିସ ମୁଖ୍ୟ ଅଭିଯୁକ୍ତକୁ ଗିରଫ କରିଛି । ତାଙ୍କ ନାମ ବାବୁ ନାଏକ(୩୫) । ଘର ପାତ୍ରପଡ଼ା । ଆଜି ସକାଳେ ବାବୁଙ୍କୁ ଏମ୍‌ସ ରାସ୍ତାରୁ ଖଣ୍ଡଗିରି ଥାନା ପୁଲିସ ଉଠାଇ ଆଣିଥିଲା । ଏହି ସରିଜ୍‌ ବୋମାମାଡ଼ରେ ସଂପୃକ୍ତ ବାବୁଙ୍କ ଅନ୍ୟ ଦୁଇ ସହଯୋଗୀ ଏବେ ଫେରାର୍‌ ଅଛନ୍ତି । ସେମାନଙ୍କୁ ଗିରଫ କରିବା ପାଇଁ ପୁଲିସ ବିଭିନ୍ନ ସ୍ଥାନରେ ଚଢ଼ଉ ଚଳାଇଛି ।
ପୁଲିସ ସୂଚନା ଅନୁଯାୟୀ, ଜାନୁଆରୀ ୧୦ ତାରିଖ ରାତିରେ ପାତ୍ରପଡ଼ାରେ ଘନଘନ ବୋମାମାଡ଼ ହୋଇଥିଲା । ରାତି ସାଢ଼େ ଗୋଟାଏ ବେଳେ ପ୍ରଥମେ ଗାଁର ମନୋଜ ରାଉତରାୟ ଓ ପୂର୍ବତନ ସରପଞ୍ଚ ସନ୍ତୋଷ ପାଇକରାୟଙ୍କ ଘର କାନ୍ଥକୁ ୩ ଟି ବୋମାମାଡ଼ ହୋଇଥିଲା । ଦୁଇଟି ବୋମା ଫୁଟିଥିବା ବେଳେ ଗୋଟିଏ ବୋମା ଫୁଟି ନଥିଲା । ତା’ପରେ ଅତିଶ କୁମାର ମାର୍ଥାଙ୍କ ଘର ନିକଟରେ ୨ଟି ବୋମା ମାଡ଼ ହୋଇଥିଲା । ପାତ୍ରପଡ଼ାରୁ ସିଜୁଆ ଏମ୍ସ ହସ୍ପିଟାଲ୍‌ ରାସ୍ତାର ମାଣିବନ୍ଧ ନିକଟରେ ୨ଟି, ନମ୍ରକାନି ମନ୍ଦିର ନିକଟରେ ୨ଟି ଓ ଜାତୀୟ ରାଜପଥ କଡ଼ ପାତ୍ରପଡ଼ା ଛକରେ ଥିବା ମାମାଲି ଷ୍ଟୋର ନିକଟରେ ଗୋଟିଏ ବୋମା ମାଡ଼ ହୋଇଥିଲା । ରାତି ଅଧରେ ଘନଘନ ବୋମାମାଡ଼କୁ ନେଇ ପାତ୍ରପଡ଼ାରେ ଆତଙ୍କ ଖେଳି ଯାଇଥିଲା । ପରଦିନ ସକାଳେ ଖଣ୍ଡଗିରି ଥାନା ପୁଲିସ ପହଞ୍ଚି ଗୋଟିଏ ଅଫୁଟା ବୋମା ଓ କିଛି ସୁତୁଲି ଟୁକୁଡ଼ା ଜବତ କରି ଆଣିଥିଲା । ସନ୍ତୋଷ ପାଇକରାୟଙ୍କ ଘରେ ଲାଗିଥିବା ସିସିଟିଭି ଫୁଟେଜ୍‌ରେ ୩ ଯୁବକ ଏକ ବାଇକ୍‌ରେ ଆସି ଏଭଳି ବୋମାମାଡ଼ କରିଥିବାର ଦୃଶ୍ୟ କଏଦ୍‌ ହୋଇଥିଲା । ସିସିଟିଭି ଫୁଟେଜ୍‌କୁ ନେଇ ତଦନ୍ତ କରିବା ପରେ ପୁଲିସ ୩ ଅଭିଯୁକ୍ତଙ୍କୁ ଚିହ୍ନଟ କରିଥିଲା ।
ସୂଚନା ଥାଉକି, ବହୁ ଚର୍ଚ୍ଚିତ ପାତ୍ରପଡ଼ା ଦିଲ୍ଲୀପ ନାଏକ ହତ୍ୟାକାଣ୍ଡରେ ବାବୁ ସଂପୃକ୍ତ ଥାଇ ଗିରଫ ହୋଇ ଜେଲ୍‌ ଯାଇଥିଲେ । ସେ ଜାମିନ୍‌ରେ ଆସିବା ପରେ ମାମଲା ପ୍ରତ୍ୟାହାର ପାଇଁ ମୃତ ଦିଲ୍ଲୀପଙ୍କ ପରିବାର ଉପରେ ଚାପ ପକାଇବା ପାଇଁ ବିଭିନ୍ନ ସମୟରେ ଧମକଚମକ ଦେଉଥିଲେ । ଦିଲ୍ଲୀପଙ୍କ ଦାଦା କରୁଣାକରଙ୍କୁ ମାଡ଼ମାରି ପୁଣି ଥରେ ଜେଲ୍‌ ଯାଇଥିଲେ ବାବୁ । ଜେଲ୍‌ରୁ ଆସିବା ପରେ ସେ ଆତଙ୍କ ଜାରି ରଖିଥିଲେ । ଜାନୁଆରୀ ୧୦ରେ ଦୁଇ ସହଯୋଗୀଙ୍କ ସହ ପାତ୍ରପଡ଼ା ଗାଁରେ ଘନଘନ ବୋମାମାଡ଼ କରି ଫେରାର୍‌ ହୋଇ ଯାଇଥିଲେ । ଗିରଫ ବାବୁଙ୍କୁ ଆସନ୍ତାକାଲି କୋର୍ଟ ଚାଲାଣ କରାଯିବ ବୋଲି ପୁଲିସ କହିଛି ।