ପାତ୍ରପଡ଼ାରେ ସିରିଜ ବୋମାମାଡ଼ ଘଟଣା: ମୁଖ୍ୟ ଅଭିଯୁକ୍ତ ଗିରଫ

ଭୁବନେଶ୍ୱର,୩ ।୨(ବ୍ୟୁରୋ): ଖଣ୍ଡଗିରି ଥାନା ଅନ୍ତର୍ଗତ ପାତ୍ରପଡ଼ାରେ ସିରିଜ୍‌ ବୋମାମାଡ଼ ଘଟଣାରେ ପୁଲିସ ମୁଖ୍ୟ ଅଭିଯୁକ୍ତକୁ ଗିରଫ କରିଛି । ତାଙ୍କ ନାମ ବାବୁ ନାଏକ(୩୫) । ଘର ପାତ୍ରପଡ଼ା । ଆଜି ସକାଳେ ବାବୁଙ୍କୁ ଏମ୍‌ସ ରାସ୍ତାରୁ ଖଣ୍ଡଗିରି ଥାନା ପୁଲିସ ଉଠାଇ ଆଣିଥିଲା । ଏହି ସରିଜ୍‌ ବୋମାମାଡ଼ରେ ସଂପୃକ୍ତ ବାବୁଙ୍କ ଅନ୍ୟ ଦୁଇ ସହଯୋଗୀ ଏବେ ଫେରାର୍‌ ଅଛନ୍ତି । ସେମାନଙ୍କୁ ଗିରଫ କରିବା ପାଇଁ ପୁଲିସ ବିଭିନ୍ନ ସ୍ଥାନରେ ଚଢ଼ଉ ଚଳାଇଛି ।
ପୁଲିସ ସୂଚନା ଅନୁଯାୟୀ, ଜାନୁଆରୀ ୧୦ ତାରିଖ ରାତିରେ ପାତ୍ରପଡ଼ାରେ ଘନଘନ ବୋମାମାଡ଼ ହୋଇଥିଲା । ରାତି ସାଢ଼େ ଗୋଟାଏ ବେଳେ ପ୍ରଥମେ ଗାଁର ମନୋଜ ରାଉତରାୟ ଓ ପୂର୍ବତନ ସରପଞ୍ଚ ସନ୍ତୋଷ ପାଇକରାୟଙ୍କ ଘର କାନ୍ଥକୁ ୩ ଟି ବୋମାମାଡ଼ ହୋଇଥିଲା । ଦୁଇଟି ବୋମା ଫୁଟିଥିବା ବେଳେ ଗୋଟିଏ ବୋମା ଫୁଟି ନଥିଲା । ତା’ପରେ ଅତିଶ କୁମାର ମାର୍ଥାଙ୍କ ଘର ନିକଟରେ ୨ଟି ବୋମା ମାଡ଼ ହୋଇଥିଲା । ପାତ୍ରପଡ଼ାରୁ ସିଜୁଆ ଏମ୍ସ ହସ୍ପିଟାଲ୍‌ ରାସ୍ତାର ମାଣିବନ୍ଧ ନିକଟରେ ୨ଟି, ନମ୍ରକାନି ମନ୍ଦିର ନିକଟରେ ୨ଟି ଓ ଜାତୀୟ ରାଜପଥ କଡ଼ ପାତ୍ରପଡ଼ା ଛକରେ ଥିବା ମାମାଲି ଷ୍ଟୋର ନିକଟରେ ଗୋଟିଏ ବୋମା ମାଡ଼ ହୋଇଥିଲା । ରାତି ଅଧରେ ଘନଘନ ବୋମାମାଡ଼କୁ ନେଇ ପାତ୍ରପଡ଼ାରେ ଆତଙ୍କ ଖେଳି ଯାଇଥିଲା । ପରଦିନ ସକାଳେ ଖଣ୍ଡଗିରି ଥାନା ପୁଲିସ ପହଞ୍ଚି ଗୋଟିଏ ଅଫୁଟା ବୋମା ଓ କିଛି ସୁତୁଲି ଟୁକୁଡ଼ା ଜବତ କରି ଆଣିଥିଲା । ସନ୍ତୋଷ ପାଇକରାୟଙ୍କ ଘରେ ଲାଗିଥିବା ସିସିଟିଭି ଫୁଟେଜ୍‌ରେ ୩ ଯୁବକ ଏକ ବାଇକ୍‌ରେ ଆସି ଏଭଳି ବୋମାମାଡ଼ କରିଥିବାର ଦୃଶ୍ୟ କଏଦ୍‌ ହୋଇଥିଲା । ସିସିଟିଭି ଫୁଟେଜ୍‌କୁ ନେଇ ତଦନ୍ତ କରିବା ପରେ ପୁଲିସ ୩ ଅଭିଯୁକ୍ତଙ୍କୁ ଚିହ୍ନଟ କରିଥିଲା ।
ସୂଚନା ଥାଉକି, ବହୁ ଚର୍ଚ୍ଚିତ ପାତ୍ରପଡ଼ା ଦିଲ୍ଲୀପ ନାଏକ ହତ୍ୟାକାଣ୍ଡରେ ବାବୁ ସଂପୃକ୍ତ ଥାଇ ଗିରଫ ହୋଇ ଜେଲ୍‌ ଯାଇଥିଲେ । ସେ ଜାମିନ୍‌ରେ ଆସିବା ପରେ ମାମଲା ପ୍ରତ୍ୟାହାର ପାଇଁ ମୃତ ଦିଲ୍ଲୀପଙ୍କ ପରିବାର ଉପରେ ଚାପ ପକାଇବା ପାଇଁ ବିଭିନ୍ନ ସମୟରେ ଧମକଚମକ ଦେଉଥିଲେ । ଦିଲ୍ଲୀପଙ୍କ ଦାଦା କରୁଣାକରଙ୍କୁ ମାଡ଼ମାରି ପୁଣି ଥରେ ଜେଲ୍‌ ଯାଇଥିଲେ ବାବୁ । ଜେଲ୍‌ରୁ ଆସିବା ପରେ ସେ ଆତଙ୍କ ଜାରି ରଖିଥିଲେ । ଜାନୁଆରୀ ୧୦ରେ ଦୁଇ ସହଯୋଗୀଙ୍କ ସହ ପାତ୍ରପଡ଼ା ଗାଁରେ ଘନଘନ ବୋମାମାଡ଼ କରି ଫେରାର୍‌ ହୋଇ ଯାଇଥିଲେ । ଗିରଫ ବାବୁଙ୍କୁ ଆସନ୍ତାକାଲି କୋର୍ଟ ଚାଲାଣ କରାଯିବ ବୋଲି ପୁଲିସ କହିଛି ।

   ସମ୍ବନ୍ଧିତ ଖବର


ମୋବାଇଲ୍‌ ଲୁଟି ଛେଚା ଖାଇଲେ ଯୁବକ

ବିଧାନସଭା କୋଭିଡ୍ ଟେଷ୍ଟ – ୧୩୬ ପଜିଟିଭ୍

ଆଦିତ୍ୟ ମୃତ୍ୟୁ ଘଟଣା- କ୍ରାଇମ୍ ବ୍ରାଂଚରେ ହାଜର ହେଲେ ଏକ୍ସ ଗର୍ଲ ଫ୍ରେଣ୍ଡ କୁହାଯାଉଥିବା ଚିନ୍ମୟୀ

ଚଳନ୍ତା ବସ୍‌ରେ ଗଣଦୁଷ୍କର୍ମ…ଡ୍ରାଇଭର ଓ କଣ୍ଡକ୍ଟର ରାତି ସାରା କଲେ ଏମିତି କାଣ୍ଡ

ଡ୍ରଗ୍ସ ଚାଟ୍‌ ଓ ହ୍ୱାଟ୍‌ସଆପ୍‌ ଗ୍ରୁପ୍‌ ଆଡମିନ୍‌ ଥିବା ମାନିଲେ ଦୀପିକା ପାଦୁକନ୍‌-କରନ ଜୋହରଙ୍କ କମ୍ପାନିର କ୍ଷୀତିଜ ରବିପ୍ରସାଦ ଗିରଫ

ସ୍ତ୍ରୀର ଜୀବନ ନେଲା ସ୍ୱାମୀ ! ନୃଶଂସ ଭାବେ କଲା ହତ୍ୟା