‘ପଦ୍ମାବତ’ ପରେ ସଞ୍ଜୟ ଲୀଲା ଭଂସାଲୀଙ୍କ ବଡ ଧମାକା, ଏକାଠି ନଜର ଆସିବେ କିଙ୍ଗଖାନ୍ ଓ ଭାଇଜାନ୍

ମୁ୍ମ୍ବାଇ, ୧/୨: ପୁଣି ଏକାଠି ନଜର ଆସିବେ କିଙ୍ଗଖାନ୍ ଓ ଭାଇଜାନ୍ । ଶାହାରୁଖଙ୍କ ଫିଲ୍ମ ଜିରୋ ରିଲିଜ  ହେବା ସମୟରେ ଏହି ଖବର ସୋସିଆଲ ମିଡିଆରେ ବ୍ୟାପୁଥିଲା ଯେ ଶାହାରୁଖ ଓ ସଲମାନଙ୍କ ଫିଲ୍ମ ‘ଇଂଶା ଅଲ୍ଲାହ’ର ଖୁବ୍ ଶୀଘ୍ର ସୁଟିଂ ଆରମ୍ଭ ହେବ । ଏହା ଏକ ମଲ୍ଟି ଷ୍ଟାରର ଫିଲ୍ମ  ଏବଂ ଏହାର ନିର୍ଦ୍ଦେଶନା ଦେବେ ସଞ୍ଜୟ ଲୀଲା ବଂସାଲୀ । କିନ୍ତୁ ସେହି ସମୟରେ ଏହି ଖବର କନଫର୍ମ ହୋଇନଥିଲା । ତେବେ ଏହି ଖବର ପୁଣି ସାମ୍ନାକୁ ଆସିଛି ଯେ ସଞ୍ଜୟ ଏହି ୨ ଖାନଙ୍କ ସହିତ ଫିଲ୍ମ କରିବା ପାଇଁ ବହୁତ ଆଗ୍ରହୀ ଅଛନ୍ତି । ଫିଲ୍ମଫେୟାରଙ୍କ ସୂଚନା ଅନୁସାରେ ଭଂସାଲୀ ଉଭୟଙ୍କ ସହିତ ଖୁବ୍ ଶୀଘ୍ର ଫିଲ୍ମ କାଷ୍ଟ କରିବେ ।

ଆପଣଙ୍କୁ କହିରଖୁଛୁ ସଲମାନ୍ ଖାନ୍ ଭଂସାଲୀଙ୍କ ସହିତ ଖାମୋଶୀ, ହମ୍ ଦିଲ୍ ଦେ ଚୁକେ ହେ ସନମ୍ ଭଳି ସଫଳ ଫିଲ୍ମରେ କାମ କରିସାରିଛନ୍ତି । ଅନ୍ୟପଟେ ଶାହାରୁଖ ଭଂସାଲୀଙ୍କ ସହିତ ଫିଲ୍ମ ଦେବଦାସରେ କାମ କରିସାରିଛନ୍ତି । ଏହି ଫିଲ୍ମଟି ଦର୍ଶକଙ୍କୁ କାଫି ପସନ୍ଦ ଆସିଥିଲା । ତେବେ ଯେତେବେଳେ ଉଭୟ ଖାନ୍ ଏକାଠି ନଜର ଆସିବେ ତେବେ ଏହା ଫ୍ୟାନ୍ସଙ୍କ ପାଇଁ କୌଣସି ଉତ୍ସବଠୁ କମ୍ ହେବନି । କହିରଖୁଛୁ ଯେତେବେଳେ ୨ ଖାନଙ୍କ ଝଗଡା ଶେଷ ହେଲା ଏବଂ ଉଭୟ ପୁଣି ଏକାଠି ହେଲେ ସେବେଠାରୁ ଉଭୟ ପରସ୍ପର ଫିଲ୍ମରେ କେମିଓ ରୋଲରେ ନଜର ଆସୁଛନ୍ତି । ତେବେ ଯଦି ଉଭୟ ଗୋଟିଏ ଫିଲ୍ମରେ ନଜର ଆସିବେ ଦର୍ଶକଙ୍କ ଭରପୁର ମନୋରଞ୍ଜନ ମିଳିବା ସହିତ ବକ୍ସ ଅଫିସରେ ମଧ୍ୟ ଭଲ ଆୟ କରିବ ।