ବିବାହର ପ୍ରଥମ ରାତିକୁ ନେଇ ଶାହାରୁଖଙ୍କ ମନରେ ଏବେ ବି ରହିଛି ଏହି ଦୁଃଖ, ଗୌରିଙ୍କ ସମ୍ପର୍କରେ କହିଲେ ଏହା…

ମୁମ୍ବାଇ,୧୬।୪: ବଲିଉଡର କିଙ୍ଗ ଖାନ୍ ଅର୍ଥାତ ଶାହାରୁଖ ଖାନ୍ ଫିଲ୍ମରେ ନିଜର ଯୋରଦାର ରୋମାନ୍ସକୁ ନେଇ ବେଶ୍ ଚର୍ଚ୍ଚିତ। ତେବେ ନିକଟରେ ଏକ ଇଣ୍ଟରଭ୍ୟୁରେ ଶାହାରୁଖ ନିଜ ଜୀବନ ବିଷୟରେ ଏଭଳି ଏକ କଥା କହିଥିଲେ, ଯାହାକି ଏପଯ୍ୟନ୍ତ କେବେ ସେ କହିନଥିଲେ। ଏଥର ଶାହାରୁଖ ତାଙ୍କର ଡାର୍କ ସାଇଡ୍ ସମ୍ପର୍କରେ କଥା ହୋଇଥିଲେ। ଏବେ ଯଦିଓ ଶାହାରୁଖ ସଫଳତାର ଶୀର୍ଷରେ ପହଁଞ୍ଚିସାରିଛନ୍ତି, କିନ୍ତୁ ବଲିଉଡର ବାଦଶାହା ହେବା ପୂର୍ବରୁ ତାଙ୍କୁ କରିବାକୁ ପଡିଛି ଖୁବ୍ ସଂଘର୍ଷ। ଏହି କଠିନ ପରିସ୍ଥିତିରେ ଶାହାରୁଖଙ୍କ ଜୀବନରେ ଢାଲ ଭଳି ସବୁବେଳେ ତାଙ୍କ ସ୍ତ୍ରୀ ଗୌରି ଖାନ୍ ରହିଆସିଛନ୍ତି।

source: https://www.deccanchronicle.com

ଶାହାରୁଖ କହିଛନ୍ତି, ‘ଯେଉଁ ଦିନ ଆମର ବାହାଘର ହୋଇଥିଲା ସେ ଦିନ ଆମେ ମୁମ୍ବାଇ ପଳାଇ ଆସିଥିଲୁ। ଆମେ ଦୁହେଁ ନିଜର ସହର ଛାଡି ନୂଆ ଜାଗାକୁ ଆସିଥିଲୁ। ବାହାଘରର ପ୍ରଥମ ରାତି ଆମେ ଫିଲ୍ମ ସେଟ୍ ରେ ବିତାଇଥିଲୁ।  ଏତେ କଷ୍ଟ ଓ ସମସ୍ୟା ପରେ ମଧ୍ୟ ଗୌରିଙ୍କର କେବେ ଅଭିଯୋଗ ନଥିଲା। ମୁଁ ଗୌରିଙ୍କ ସହ ଏଭଳି କଥା ହେଉଥିଲି, ଯାହାକି ମୁଁ ମଧ୍ୟ ବୁଝିପାରୁନଥିଲି। କିନ୍ତୁ ଗୌରି ସବୁବେଳେ ମୋର ସାଥ୍ ଦେଇଥିଲେ। ୨-୩ ବର୍ଷ ପର୍ଯ୍ୟନ୍ତ ଆମକୁ ଏଭଳି ପରିସ୍ଥିତି ଦେଇ ଗତି କରିବାକୁ ପଡିଥିଲା।’

source: https://www.bollywoodshaadis.com

ଶାହାରୁଖ ଆହୁରି କହିଛନ୍ତି , ଆମେ ଖୁସିରେ ଜୀବନ ବିତାଇବାକୁ ଚାହୁଁଥିଲୁ। କିନ୍ତୁ  କେବେ ମୁଁ ଭାବିନଥିଲି ଷ୍ଟାର ହୋଇଯିବି। ମୋତେ ଷ୍ଟାରଡମର କୌଣସି ଆଶା ନଥିଲା। ମୋ ଆଗରେ ଗୌରି କୌଣସି ସର୍ତ୍ତ ରଖିନଥିଲେ। ମୁଁ କେବଳ ଗୌରିଙ୍କୁ କହୁଥିଲି  ମୁଁ ଫିଲ୍ମ କରିବି ଓ ପରେ ଦେଖିବ ମୁଁ କେଉଁଠି ପହଁଞ୍ଚୁଛି। ମୋତେ ହିଟ୍ ଓ ଫ୍ଳପ ଫିଲ୍ମ ବିଷୟରେ କୌଣସି ଜ୍ଞାନ ନଥିଲା। ମୁଁ ବାସ୍ କାମ କଲି ଓ ସବୁଠାରୁ ପ୍ରଥମେ ଘର କିଣିଲି। ‘ଦିଲଓ୍ବାଲେ ଦୁଲହନିୟା ଲେ ଜାଏଙ୍ଗେ’ ଫିଲ୍ମ ଯେତେବେଳେ ଆମେ ଦେଖିଥିଲୁ ସେତେବେଳେ ଗୌରିଙ୍କ ଜନ୍ମଦିନ ଥିଲା। ଆମେ ‘ମନ୍ନତ’(ଶାହାରୁଖଙ୍କ ଘର)ରେ ଏକ ସୁନ୍ଦର ପାର୍ଟି ରଖିଥିଲୁ। କିନ୍ତୁ ପାର୍ଟି ଦିନ ଘରେ ବିଜୁଳି ନଥିଲା, କାରଣ ଆମେ ପୁରାପୁରି ଘରକୁ ସିଫ୍ଟ ହୋଇନଥିଲୁ। ଆଦି ଓ କରନ୍ ଦୁହେଁ ଘରେ କ୍ୟାଣ୍ଡେଲ ଲଗାଇଥିଲେ। ଏହି ମୁହୁର୍ତ୍ତ ଆମ ଜୀବନର ଖୁବ୍ ସୁନ୍ଦର ସମୟ ଥିଲା ବୋଲି କହିଛନ୍ତି କିଙ୍ଗ ଖାନ୍।

source: https://www.dnaindia.com

ନିଜ ଜୀବନର ବହୁ ଖରାପ ସମୟ ସମ୍ପର୍କରେ ମଧ୍ୟ ଶାହାରୁଖ କହିବାକୁ ପଛାଇ ନାହାଁନ୍ତି ଏହି ସାକ୍ଷାତକାରରେ। ଶାହାରୁଖ କହିଛନ୍ତି ତାଙ୍କ ଜୀବନରେ କେବେ ଖରାପ ସମୟ ତ ଆଉ କେବେ ଭୟଙ୍କର ସମୟ ଆସିଛି। ବଡ ପୁଅ ଆର୍ୟାନଙ୍କ ପୂର୍ବରୁ ଗୌରିଙ୍କର କିଛି ମିସକ୍ୟାରେଜ୍(ଗର୍ଭପାତ) ହୋଇଥିଲା। ତେବେ ସେ ସବୁ ଖରାପ ସମୟ ବିତିଯିବା ପରେ ଆର୍ୟାନ ଜନ୍ମ ନେଇଥିଲେ। ଆମ ପଇଁ କିଛି ଦିନ କଠିନ ଥିଲା। ସୁହାନାଙ୍କ ଆସିବା ନେଇ ଆମେ ଦୁହେଁ ଖୁବ୍ ଏକ୍ସାଇଟେଡ୍ ଥିଲୁ। ବହୁ ବର୍ଷ ପରେ ଆମ ଦୁହିଁଙ୍କୁ ଲାଗିଲା ଆମ ଜୀବନରେ ତୃତୀୟ ସନ୍ତାନ ଆସୁ। ଏହାପରେ ଆବରାମ ଆସିଥିଲେ ବୋଲି କହିଛନ୍ତି ଶାହାରୁଖ।

   ସମ୍ବନ୍ଧିତ ଖବର


ଗର୍ଭାବସ୍ଥାରେ ଅନୁଷ୍କାଙ୍କ ଶୀର୍ଷାସନ : ଫଟୋ ସେୟାର କରି ଲେଖିଲେ, ‘ଡାକ୍ତର କହିଥିଲେ…’

ବାପା ଉଦିତ ନାରାୟଣଙ୍କ ଜନ୍ମଦିନରେ ଏମିତି ଉପହାର ଦେଲେ ପୁଅ ଆଦିତ୍ୟ, ଯାହା ସବୁଦିନ ପାଇଁ ସ୍ମରଣୀୟ ହୋଇ ରହିବ

Indian Idol: ଜଣେ ବ୍ୟକ୍ତି ଦୁଇଟି ସ୍ୱର, ଗୀତ ଶୁଣି ଆଶ୍ଚର୍ଯ୍ୟ ହୋଇଗଲେ ଜଜ୍, ଆପଣ ବି ଶୁଣିଲେ କହିବେ ଆରେ ବାଃ…

ନେହା କକ୍କରଙ୍କୁ କପିଲ୍‌ ଶର୍ମା ପଚାରିଲେ, ଏହି ଡ୍ରେସ୍‌ କେଉଁଠୁ ଆଣିଲ…

ବଦଳି ଯାଇଛି କି ହ୍ରିତିକ୍ ରୋଶନଙ୍କ ଚେହେରା ? ସେୟାର କଲେ ଫଟୋ

ଏବେ ବଡ଼ ପରଦାରେ ଏକ ଚର୍ଚ୍ଚିତ ନାଁ ପ୍ରଜ୍ଞା