ନୂଆଦିଲ୍ଲୀ: ବିଶ୍ୱ ହିନ୍ଦୁ ପରିଷଦ (ଭିଏଚପି) ମୁଖ୍ୟ ଆଲୋକ କୁମାର ଶୁକ୍ରବାର ଦିନ ଜ୍ଞାନବ୍ୟାପୀ ମସଜିଦ ମାମଲାରେ ସୁପ୍ରିମକୋର୍ଟଙ୍କ ନିର୍ଦ୍ଦେଶରେ ସହମତି ପ୍ରକାଶ କରିଛନ୍ତି । ଏଠାରୁ ଉଦ୍ଧାର ହୋଇଥିବା ଶିବଲିଙ୍ଗ ୧୨ ଜ୍ୟୋତିର୍ଲିଙ୍ଗଙ୍କ ମଧ୍ୟରୁ ଗୋଟିଏ ବୋଲି ସେ କହିଛନ୍ତି । ଏଥିସହ ହିନ୍ଦୁ ପକ୍ଷ ଏହାକୁ ପ୍ରମାଣ କରିବାକୁ ସମର୍ଥ ହେବେ ବୋଲି ସେ ଦାବି କରିଛନ୍ତି । ଜିଲ୍ଲା କୋର୍ଟ ଏହା ଉପରେ ଦୃଷ୍ଟି ଦେବେ ବୋଲି କୋର୍ଟ କହିଛନ୍ତି । ଆମେ ସୁପ୍ରିମକୋର୍ଟଙ୍କ ସହ ସହମତ । ଭିଏଚପି ମୁଖ୍ୟ କହିଛନ୍ତି ଯେ ଜ୍ଞାନବ୍ୟାପୀ ମସଜିଦ ଭିତରୁ ମିଳିଥିବା 'ଶିବଲିଙ୍ଗ' ଜ୍ୟୋତିର୍ଲିଙ୍ଗମାନଙ୍କ ମଧ୍ୟରୁ ଗୋଟିଏ ବୋଲି ସେମାନେ ପ୍ରମାଣ କରିବାକୁ ସମର୍ଥ ହେବେ ।

ସେ କହିଛନ୍ତି, "ଆମେ ବିଶ୍ୱାସ କରୁଛୁ ଯେ, ଏହା ଏକ ଶିବଲିଙ୍ଗ ଅଟେ କାରଣ ନନ୍ଦୀ ଏହା ଉପରେ ଦୃଷ୍ଟି ରଖିଛନ୍ତି ଏବଂ ସ୍ଥାନଟି ଏହା ଦର୍ଶାଉଛି ଯେ ଏହା ମୂଳ ଜ୍ୟୋତିର୍ଲିଙ୍ଗ ଅଟେ । ମୋଗଲ ମାନେ ମନ୍ଦିର ଉପରେ ଆକ୍ରମଣ କରିଥିଲେ । ଆମେ ଏହାକୁ କୋର୍ଟ ଏବଂ ସୁପ୍ରିମକୋର୍ଟରେ ପ୍ରମାଣ କରିବାକୁ ସମର୍ଥ ହେବୁ ।" କୋର୍ଟ ସ୍ଥାନୀୟ କମିଶନରଙ୍କ ରିପୋର୍ଟ ନେବାକୁ ବିଚାରପତିଙ୍କୁ ଅନୁମତି ଦିଆଯାଇଛି ଏବଂ ଆମେ ଏହା ପ୍ରମାଣ କରିବୁ ଯେ ଏହା ହେଉଛି ପ୍ରକୃତ ଜ୍ୟୋତିର୍ଲିଙ୍ଗ । ଭିଏଚପି ନେତା ଆହୁରି ମଧ୍ୟ ଦାବି କରିଛନ୍ତି ଯେ ଜ୍ଞାନବ୍ୟାପୀ ମସଜିଦ ମାମଲାରେ ୧୯୯୧ ଅଧିନିୟମ ଲାଗୁ ହେବ ନାହିଁ ।