ଘାସ ଖାଇବି ପଛେ, କିନ୍ତୁ ପାକିସ୍ତାନର ସେନା ବଜେଟ୍ ବଢାଇବି: ଶୋଏବ ଅଖତର

ନୂଆଦିଲ୍ଲୀ,୭।୮: ବିଶ୍ବର ପ୍ରସିଦ୍ଧ ଦ୍ରୁତ ବୋଲରଙ୍କ ମଧ୍ୟରେ ପରିଗଣିତ  ପାକିସ୍ତାନର ପୂର୍ବତନ କ୍ରିକେଟର ଶୋଏବ୍ ଅଖତର ନିଜ ଦେଶର ସେନା ବଜେଟକୁ ନେଇ ବଡ ଧରଣର ମନ୍ତବ୍ୟ ଦେଇଛନ୍ତି। ସେ ପାକିସ୍ତାନର ଏକ ନ୍ୟୁଜ ଚ୍ୟାନେଲକୁ କହିଛନ୍ତି, ପାକିସ୍ତାନ ସେନାର ବଜେଟ୍ ବଢାଇବ ପାଇଁ ଘାସ ମଧ୍ୟ ଖାଇ ପାରିବେ।

୪୪ ବର୍ଷୀୟ ଅଖତର ଏଆରଓ୍ବାର ନ୍ୟୁଜକୁ ଦେଇଥିବା ଇଣ୍ଟରଭ୍ୟୁରେ କହିଛନ୍ତି, ଯଦି ଆହ୍ଲା କେବେ ମୋତେ ଅଧିକାର ଦିଅନ୍ତି, ତେବେ ମୁଁ ନିଜେ ଘାସ ଖାଇବି କିନ୍ତୁ ସେନାର ବଜେଟ୍ ବଢାଇ ଦେବି।’ ଏହା ସହିତ ସେ ଆହୁରି କହିଛନ୍ତି, ନାଗରିକଙ୍କୁ ସୁରକ୍ଷାବାହିନୀ ସହିତ ଏକାଠି ମିଶି କାମ କରିବା ଦରକାର।

ଏହି ପୂର୍ବତନ ପେସ୍ ବୋଲରଙ୍କ କହିବା ଅନୁସାରେ, ମୁଁ ନିଜର ସେନା ମୁଖ୍ୟଙ୍କୁ ନିଜ ସହିତ ବସି ଓ ନିଷ୍ପତ୍ତି ନେବାକୁ କହିବି। ଯଦି ବଜେଟ୍ ୨୦ ପ୍ରତିଶତ ରହିଛି ତେବେ ମୁଁ ତାକୁ ୬୦ ପ୍ରତିଶତ କରିଦେବି। ଯଦି ଆମେ ପରସ୍ପରକୁ ଅପମାନ କରୁ ​‌ତେବେ କ୍ଷତି ଆମର। ଏହା ପୂର୍ବରୁ ସେ ଦାବି କରିଥିଲେ ଯେ, ନଟିଂଧାମଶାୟର ପାଇଁ କାଉଣ୍ଟ୍ରୀ ଖେଳିବା ପାଇଁ ୧୭୫,୦୦୦  ଚୁକ୍ତିନାମା ପ୍ରତ୍ୟାଖ୍ୟାନ କରିଦେଇଥିଲେ, ଯାହାଫଳରେ କାର୍ଗିଲ ଯୁଦ୍ଧରେ ଲଢିପାରିବେ। ଭାରତ ଓ ପାକିସ୍ତନାର ସେନା ଭିତରେ ୧୯୯୯ରେ କାର୍ଗିଲ ଯୁଦ୍ଧ ହୋଇଥିଲା।