ଦେଡ଼ଶୁର ଟାଙ୍ଗିଆ ଚୋଟରେ ଭାଇବୋହୂ ମୃତ, ଅଭିଯୁକ୍ତ ଗିରଫ

ନୂଆପଡ଼ା ୨୭/୧୨: ଚାଷ ଜମିରେ ଗଛ କଟାକୁ କେନ୍ଦ୍ରକରି ନୂଆପଡ଼ା ଜିଲ୍ଲା ବେଲଟୁକୁରୀ ଥାନା ଧନୋରା ଗାଁରେ ଏକ ବିଭତ୍ସ ହତ୍ୟାକାଣ୍ଡ ଘଟିଛି । ନିଜ ଭାଇବୋହୂକୁ ଟାଙ୍ଗିଆରେ ହାଣି ହତ୍ୟା କରିଛି ଦେଡ଼଼ଶୁର । ମୃତକ ଜଣକ ହେଲେ ଧନୋର ଗାଁର ଜଗ୍‌ତିନ୍‌ ରଣା (୬୫) । ପୁଲିସ ଅଭିଯୁକ୍ତ ଦେଡ଼଼ଶୁର ପ୍ରତାପସିଂ ରଣା(୬୫)କୁ ଗିରଫ କରିଛି ।

ବେଲଟୁକୁରୀ ଥାନା ଧନୋରା ଗାଁର ପ୍ରତାପସିଂ ରଣା ଓ ସାନ ଭାଇ ପରସାଦୀ ରଣା ମଧ୍ୟରେ ଜମିବାଡ଼ିକୁ ନେଇ ଅନେକ ସମୟରେ ବିବାଦ ଲାଗି ରହୁଥିଲା । କିଛିଦିନ ତଳେ ଚାଷ ଜମିର ଏକ ଗଛକୁ ପ୍ରତାପ କାଟି ଦେଇଥିଲେ । ଏହାକୁ ନେଇ ପ୍ରତାପ ଓ ପରସାଦୀ ମଧ୍ୟରେ କଲି ଝଗଡ଼ା ହୋଇଥିଲା । ଝଗଡ଼ାକ୍ରମେ ପରସାଦୀଙ୍କ ସ୍ତ୍ରୀ ଜଗ୍‌ତିନ୍‌ ଦେଡ଼ଶୁର ପ୍ରତାପକୁ ଗାଳିଗୁଲଜ କରିଥିଲେ । ଗତକାଲି ଅପରାହ୍‌ଣରେ ପ୍ରତାପ ଉକ୍ତ ଗଛକୁ ଖଣ୍ଡଖଣ୍ଡ କରୁଥିବା ବେଳେ ଭାଇବୋହୂ ଜଗତନ୍‌ ଚାଷ ଜମିକୁ ଯାଇଥିଲେ । ସେଠାରେ ପୁଣି ଉଭୟ ଦେଡ଼ଶୁର ଓ ଭାଇବୋହୂଙ୍କ ମଧ୍ୟରେ ବଚସା ହୋଇଥିଲା । ପ୍ରତାପ ଉତ୍‌କ୍ଷିପ୍ତ ହୋଇ ଟାଙ୍ଗିଆରେ ଜଗତିନ୍‌ଙ୍କୁ ଆକ୍ରମଣ କରିଥିଲା । ଘଟଣା ସ୍ଥଳରେ ଗଜତିନ୍‌ଙ୍କ ମୃତ୍ୟୁ ହୋଇଥିଲା । ଏନେଇ ପରିବାର ଲୋକେ ସନ୍ଧ୍ୟାରେ ବେଲଟୁକୁରୀ ପୁଲିସକୁ ଖବର ଦେଇଥିଲେ । ରାତିରେ ପୁଲିସର ସାଇଣ୍ଟିଫିକ୍‌ ସାହାଯ୍ୟରେ ତଦନ୍ତ ଆରମ୍ଭ କରିଥିଲେ । ଆଜି ସକାଳେ ମୃତକଙ୍କ ସ୍ୱାମୀ ପରସାଦୀ ବେଲଟୁକୁରୀ ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗକୁ ଭିତ୍ତିକରି ବେଲଟୁକୁରୀ ପୁଲିସ ପ୍ରତାପଙ୍କୁ ଗିରଫ କରିଛି ।

   ସମ୍ବନ୍ଧିତ ଖବର


ସାଙ୍ଗ ମାନଙ୍କ ସହ ନିଜ ସ୍ତ୍ରୀଙ୍କର ଗଣଦୁଷ୍କର୍ମ କଲା ସ୍ୱାମୀ ! କାନ୍ଦୁଥିଲା ୫ ବର୍ଷିୟ ଶିଶୁ ପୁତ୍ର

ପୁଣି କଳା ପଲସର ଆତଙ୍କ : ଗୁଳି ଫୁଟାଇ ଭୁଜାଲିରେ ହାଣି ଲୁଟିନେଲେ ୯ ଲକ୍ଷ ଟଙ୍କା

ଉଗ୍ରରୂପ ନେଲା ପାରିବାରିକ କଳହ : ହତ୍ୟା ପରେ ଯୁବକଙ୍କୁ ସ୍ତ୍ରୀ ଏବଂ ପୁଅ-ଝିଅ ପୋଡି ଦେଇଥିବା ଅଭିଯୋଗ

ରାଜ୍ୟ ପାଇଁ ଆଶ୍ବସ୍ତି ଖବର: ସୁସ୍ଥ ହେଲେ ଆଉ ୧୧୨ ଜଣ କରୋନା ଆକ୍ରାନ୍ତ, କେନ୍ଦ୍ରାପଡ଼ା ଜିଲ୍ଲାରୁ ସର୍ବାଧିକ

ଅର୍ଜୁନ ପୁରସ୍କାର ପାଇଁ ଦୀପଗ୍ରେସଙ୍କ ନାମ ସୁପାରିସ !

କରୋନା ସମୟରେ ପ୍ରଥମ ରାଜ୍ୟ ଭାବେ ଖେଳ ଆୟୋଜନ କରିବ ଓଡ଼ିଶା, ଟି-୧୦ ପ୍ରିମିୟର ଲିଗ୍ ପାଇଁ‌ ଅନ୍‌ଲାଇନ୍‌ରେ ଆବେଦନ