ପୁନେ ୧୨।୯: ମହାରାଷ୍ଟ୍ରରେ ସତାରା ନିକଟସ୍ଥ ବେଙ୍ଗାଲୁରୁ-ପୁନେ ଜାତୀୟ ରାଜପଥରେ ବସ୍ ଓ ଟ୍ରକ୍ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଏହି ଦୁର୍ଘଟଣାରେ ୬ଜଣଙ୍କର ମୃତ୍ୟୁ ହୋଇଥିବାବେଳେ ୨୦ରୁ ଉର୍ଦ୍ଧ ଗୁରୁତର ଆହତ ହୋଇଛନ୍ତି। ଆହତ ବ୍ୟକ୍ତିଙ୍କୁ ସତାରା ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଛି।
ମିଳିଥିବା ସୂଚନାନୁସାରେ, ଏକ ପ୍ରାଇଭେଟ୍ ଟ୍ରାନ୍ସପୋର୍ଟ ବସ୍ ପାଖାପାଖି ୪୦ଜଣ ଯାତ୍ରୀଙ୍କୁ ନେଇ କୋହ୍ଲାପୁର ଯାଉଥିଲା। ସତାରା ପାଖରେ ଅଚାନକ ଟାୟର ଗାଡ଼ିର ପାଠିଗଲା। ଫଳରେ ଭାରସାମ୍ୟ ହରାଇ ରାସ୍ତାରେ ଠିଆ ହୋଇଥିବା ଟ୍ରକକୁ ପଛରୁ ଧକ୍କା ଦେଇଥିଲା। ଭୀଷଣ ମାତ୍ରାରେ ପରସ୍ପର ମଧ୍ୟରେ ଧକ୍କା ହୋଇଥିବାରୁ ଏଥିରେ ୬ଜଣଙ୍କର ମୃତ୍ୟୁ ଘଟିଛି ବୋଲି ସୂଚନା ମିଳିଛି।