PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ନାକଟିଦେଉଳରେ ଭାଲୁ ଆକ୍ରମଣରେ ୨ ଚାଷୀ ଗୁରୁତର
  • ||
  • Tokyo Olympics : ଭାରତକୁ ପ୍ରଥମ ପଦକ, ଭାରତ୍ତୋଳନରେ ମୀରାବାଈ ଚାନୁ ଜିତିଲେ ରୌପ୍ୟ ପଦକ
  • ||
  • ସମ୍ବଲପୁର : ହୀରାକୁଦ ଉପରମୁଣ୍ଡରେ ପ୍ରବଳ ବର୍ଷା, ଜଳଭଣ୍ଡାରକୁ ପ୍ରବେଶ କରୁଛି ୭୭ ହଜାର କ୍ୟୁସେକ ଜଳ, ପୁଣି ଗେଟ୍ ଖୋଲିବା ନେଇ ବାଜିଲା ସାଇରନ୍
  • ||
  • ଆନନ୍ଦପୁର : ଶାଳନ୍ଦୀ ନଦୀର ହଦଗଡ ଡ୍ୟାମରୁ ହୋମିଓପାଥି ଡାକ୍ତରୀ ଛାତ୍ରଙ୍କ ମୃତଦେହ ଉଦ୍ଧାର, ଦୁଇ ଦିନ ତଳୁ ଥିଲେ ନିଖୋଜ
  • ||
  • ଯାଜପୁର : ଘର ଭିତରୁ ଦମ୍ପତିଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ଝିଅ ଘର ଲୋକେ
  • ||
  • ତେଲକୋଇ : ନାଳରେ ଭାସିଗଲେ ଓରିଆ ପଞ୍ଚାୟତ ପୁରୁଣାପାଣି ପାଣି ଗାଁର ଗୁରଦେବ ନାୟକ
  • ||
  • ବାନ୍ଦୀପୋରା : ଆତଙ୍କବାଦୀ-ସୁରକ୍ଷାବାହିନୀ ମୁହାଁମୁହିଁ, ସେନା ଗୁଳିରେ ୨ ଆତଙ୍କବାଦୀ ସଫା
  • ||
  • ଟୋକିଓ ଟକ୍କର: ଭାରତୀୟ ପୁରୁଷ ହକି ଦଳର ଦମଦାର ବିଜୟ, ନ୍ୟୁଜିଲାଣ୍ଡକୁ ୩-୨ରେ ଦେଲା ମାତ୍‌
  • ||
  • ଚଣ୍ଡିଖୋଲ : କେନାଲରୁ ଯୁବକଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୪୪୫କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୬୪ ଜଣ କରୋନା ପଜିଟିଭ୍
  • ||
  • ପୁରୀ : ୨୯ ଦିନ ପରେ ରତ୍ନବେଦିକୁ ଫେରିଲେ ମହାବାହୁ, ଆଜି ମିଳିବ ନୀଳାଚଳ ଅବଢ଼ା
  • ||

ସୋଆରେ ସରିଲା ସ୍ମାର୍ଟ ଇଣ୍ଡିଆ ହାକାଥନ

ଭୁବନେଶ୍ୱର,୩ ।୩(ବ୍ୟୁରୋ): ସୋଆରେ ଚାଲିଥିବା ସ୍ମାର୍ଟ ଇଣ୍ଡିଆ ହାକାଥନ୍‌-୨୦୧୯ ଆଜି ଉଦ୍‌ଯାପିତ ହୋଇଛି । ୩୬ ଟିମ୍‌ ମଧ୍ୟରୁ ୯ଟି ଟିମ୍‌ ସମ୍ମାନିତ ହୋଇଛନ୍ତି । ବିଭିନ୍ନ ସହରରୁ ଆସି ସୋଆରେ ଭାଗ ନେଇଥିବା ଏହି ଟିମ୍‌ଗୁଡିକୁ ମାନପତ୍ର, ଉପଢୌକନ ଓ ୫୦ ହଜାର ଟଙ୍କାର ଚେକ୍‌ ଦେଇ ସମ୍ମାନିତ କରାଯାଇଥିଲା । ଭୁବନେଶ୍ୱର ଆଇଆଇଟିର ନିର୍ଦ୍ଦେଶକ ପ୍ରଫେସର ରତ୍ନମ୍‌ ବରଦା ରାଜକୁମାର ମୁଖ୍ୟ ଅତିଥି ଭାବେ ଯୋଗ ଦେଇ ଟିମ୍‌ଗୁଡିକୁ ସମ୍ମାନିତ କରିଥିଲେ ।
ପ୍ରତିଯୋଗିତାରେ ଯୋଗ ଦେଇଥିବା ଟିମ୍‌ଗୁଡିକୁ କମ୍ପ୍ୟୁଟର୍‌ ମାଧ୍ୟମରେ ସଡ଼କ ପରିବହନ ମନ୍ତ୍ରଣାଳୟର ବିଭିନ୍ନ ସମସ୍ୟା ସମାଧାନ କରିବାକୁ ଦିଆଯାଇଥିଲା । ବିଭିନ୍ନ ଆପ୍ଲିକେଶନ୍‌ ବ୍ୟବହାର କରି ଡ୍ରୋନ୍‌ ଟେକ୍ନୋଲୋଜିର ବ୍ୟବହାର ଦ୍ୱାରା ନିର୍ମାଣ କାର୍ଯ୍ୟରେ ପ୍ରଗତି, ଆର୍ଟିଫିସିଆଲ୍‌ ଇଣ୍ଟେଲିଜେନ୍ସର ବ୍ୟବହାର, ଟୋଲ୍‌ ପ୍ଲାଜାରେ ଇଲେକ୍ଟ୍ରୋନିକ୍‌ ପେମେଣ୍ଟ୍‌ ଆଦି ବାବଦରେ ସମାଧାନ କରିବାକୁ କୁହାଯାଇଥିଲା ।
ସମଗ୍ର ଦେଶରେ ବିଭିନ୍ନ ବୈଷୟିକ ଶିକ୍ଷାନୁଷ୍ଠାନରୁ ୧୪ ହଜାରରୁ ଅଧିକ ଛାତ୍ରଛାତ୍ରୀ ଏହି ପ୍ରତିଯୋଗିତାରେ ଭାଗ ନେଇଥିବା ବେଳେ ଗ୍ରାଣ୍ଡ ଫିନାଲେ ୪୮ଟି ନୋଡାଲ୍‌ ସେଣ୍ଟରରେ ଅନୁଷ୍ଠିତ ହୋଇଥିଲା । ଯାହା ଶନିବାର ଆରମ୍ଭ ହୋଇଥିବା ବେଳେ ଆଜି ଉଦ୍‌ଯାପିତ ହୋଇଛି । କେନ୍ଦ୍ର ମାନବ ସମ୍ବଳ ମନ୍ତ୍ରଣାଳୟ, ନିଖିଳ ଭାରତ ବୈଷୟିକ ଶିକ୍ଷା ପରିଷଦ (ଏଆଇସିଟିଇ), ଇଣ୍ଟର ଇନଷ୍ଟିଚ୍ୟୁସନାଲ୍‌ ଇନକ୍ଲୁସିଭ୍‌ ଇନୋଭେସନ୍‌ ସେଣ୍ଟର୍‌(ଆଇଫରୟୁ) ଓ ପରସିଷ୍ଟେଣ୍ଟ୍‌ ସିଷ୍ଟମ୍‌ ଆଦି ଏହାକୁ ପରିଚାଳନା କରିଥିଲେ । ଏଥିରେ ପ୍ରାଥମିକ ଭାବେ ସମଗ୍ର ଦେଶରୁ ୨ ଲକ୍ଷ ପ୍ରତିଯୋଗୀ ଭାଗ ନେଇଥିଲେ ।

ଏହି ଅବସରରେ ମୁଖ୍ୟଅତିଥି ପ୍ରଫେସର ରାଜକୁମାର କହିଥିଲେ, ଏହି କାର୍ଯ୍ୟକ୍ରମ ବୈଷୟିକ ଛାତ୍ରଛାତ୍ରୀଙ୍କୁ ଉତ୍ସାହିତ କରିଛି । ଯାହା ସେମାନଙ୍କୁ ବିଭିନ୍ନ ସମସ୍ୟାର ସମାଧାନ ବାବଦରେ ଆବିଷ୍କାର କରିବାକୁ ସୁଯୋଗ ଦେଇଛି । ସେହିପରି ସଡକ ପରିବହନ ମନ୍ତ୍ରଣାଳୟର ଉପସଚିବ ରମଣଦୀପ ଚୌଧୁରୀ କହିଥିଲେ, ଗାଡି ସଂଖ୍ୟା ହୁ ହୁ ହୋଇ ବଢୁଥିବାରୁ ତାଙ୍କ ମନ୍ତ୍ରଣାଳୟ ହାଇୱେ ନେଟୱାର୍କ ବୃଦ୍ଧି କରିବା ସମୟରେ ବିଭିନ୍ନ ସମସ୍ୟାର ମୁକାବିଲା କରୁଛି । ତେବେ ଏହି ସ୍ମାର୍ଟ ଇଣ୍ଡିଆ ହାକାଥନ୍‌ରୁ ସମସ୍ୟାଗୁଡିକ ସମାଧାନର ସୁନ୍ଦର ରାସ୍ତାମାନ ବାହାରିଛି ବୋଲି ଶ୍ରୀ ଚୌଧୁରୀ କହିଥିଲେ ।
ସୋଆ ଉପଦେଷ୍ଟା ମଣ୍ଡଳୀ ଅଧ୍ୟକ୍ଷ ପ୍ରଫେସର ଦାମୋଦର ଆଚାର୍ଯ୍ୟ, ସୋଆ କୁଳପତି ପ୍ରଫେସର ଅମିତ୍‌ ବାନାର୍ଜୀ ପ୍ରମୁଖ ବକ୍ତବ୍ୟ ରଖିଥିବା ବେଳେ ଆଇଟିଇଆର୍‌ ନିର୍ଦ୍ଦେଶକ ପ୍ରଫେସର ମାନସ କୁମାର ମଲ୍ଲିକ ଧନ୍ୟବାଦ ଦେଇଥିଲେ । ଅପରପକ୍ଷେ ସୋଆ ଛାତ୍ରଛାତ୍ରୀମାନେ ଖଡଗପୁର ଆଇଆଇଟିରେ ଅନୁଷ୍ଠିତ ହୋଇଥିବା ସ୍ମାର୍ଟ ଇଣ୍ଡିଆ ହାକାଥନ୍‌ରେ ଭାଗ ନେଇ ତୃତୀୟ ସ୍ଥାନ ଅଧିକାର କରି ପୁରସ୍କୃତ ହୋଇଛନ୍ତି । ସୋଆ ଟିମକୁ ମାନପତ୍ର, ଉପଢୌକନ ଓ ୫୦ ହଜାର ଟଙ୍କାର ଚେକ୍‌ ଦେଇ ସମ୍ମାନିତ କରାଯାଇଛି ।