PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ସୋଆ କର୍ପୋରେଟ୍‌ କ୍ରିକେଟ୍‌ ଲିଗ୍‌: ସେମି ଫାଇନାଲରେ କିଟ୍‌

ଭୁବନେଶ୍ୱର, ୧୯ ।୩ (ବ୍ୟୁରୋ): ଶିକ୍ଷା ଓ’ଅନୁସନ୍ଧାନ (ଡିମ୍‌ଡ) ବିଶ୍ୱବିଦ୍ୟାଳୟ ଆନୁକୂଲ୍ୟରେ ଚାଲିଥିବା ପ୍ରଥମ ସୋଆ କର୍ପୋରେଟ୍‌ କ୍ରିକେଟ୍‌ ଲିଗ୍‌ ଗ୍ରୁପ୍‌ ବି’ରେ କିଟ୍‌ ବିଶ୍ୱବିଦ୍ୟାଳୟ ସେମି ଫାଇନାଲରେ ପ୍ରବେଶ କରିଛି । କିଟ୍‌ ଦ୍ୱିତୀୟ ମ୍ୟାଚ୍‌ ବୋର୍ଡ ଅଫ୍‌ ରେଭେନ୍ୟୁ ଦଳକୁ ୫ ୱିକେଟ୍‌ରେ ପରାଜିତ ହୋଇ ଗ୍ରୁପ୍‌ ଟପ୍ପର ହେବା ସହ ସେମିକୁ ଉନ୍ନୀତ ହୋଇଥିଲା ।

ପ୍ରଥମେ ବ୍ୟାଟିଂ କରି ବୋର୍ଡ ଅଫ୍‌ ରେଭେନ୍ୟୁ ୧୮ ଓଭରରେ ୪ ୱିକେଟ୍‌ ହରାଇ ୧୭୭ ରନ୍‌ ସଂଗ୍ରହ କରିଥିଲା । ସୁମନ୍ତ ନାୟକ ୨୪, ଗିରିଜା ଶଙ୍କର ମିଶ୍ର ୩୪ ଓ ଅନୀଶ ରାଉତ ୪୨ (ଅପରାଜିତ) ରନ କରିଥିଲେ । ୱାସିମ ଆକ୍ରମ ଖାନ ୩ଟି ୱିକେଟ୍‌ ହାସଲ କରିଥିଲେ । ଜବାବରେ କିଟ୍‌ ୧୭.୫ ଓଭରରେ ୫ ୱିକେଟ୍‌ ହରାଇ ବିଜୟୀ ହୋଇଥିଲା । ଦୁର୍ଗା ଚରଣ ମଲିକ ଓ ୱାସିମ ଆକ୍ରମ ଚମତ୍କାର ଅର୍ଦ୍ଧଶତକୀୟ ଇନିଂସ ଖେଳି ଦଳକୁ ବିଜୟୀ କରିବାରେ ମୁଖ୍ୟ ଭୂମିକା ଗ୍ରହଣ କରିଥିଲେ । ଦୁର୍ଗା ୮୩ ଓ ୱାସିମ ୫୨ ରନ୍‌ ସଂଗ୍ରହ କରିଥିଲେ । ଦୁର୍ଗା ପ୍ଲେୟର ଅଫ୍‌ ଦ ମ୍ୟାଚ୍‌ ବିବେଚିତ ହୋଇଥିଲେ ।

ଗ୍ରୁପ୍‌ ସି’ରେ ଖେଳାଯାଇଥିବା ମ୍ୟାଚ୍‌ରେ କର୍ପୋରେଟ୍‌ କ୍ରିକେଟ୍‌ କ୍ଲବ ବିଜୟୀ ହୋଇଛି । କର୍ପୋରେଟ୍‌ କ୍ରିକେଟ୍‌ କ୍ଲବ ଓ ଆଇଏମ୍‌ଏସ୍‌ ଏଣ୍ଡ ଆଇଡିଏସ୍‌ ମଧ୍ୟରେ ଖେଳାଯାଇଥିବା ମ୍ୟାଚ୍‌ରେ ପ୍ରଥମେ ବ୍ୟାଟିଂ କରି କର୍ପୋରେଟ୍‌ କ୍ଲବ୍‌ ୨୦ ଓଭରରେ ୬ ୱିକେଟ୍‌ ହରାଇ ୨୨୭ ରନ୍‌ ସଂଗ୍ରହ କରିଥିଲା । ଅଜୟ ନାୟକ ୮୧ ଓ ବିଶ୍ୱଜିତ ବାଦୁ ୬୬ ରନ୍‌ ସଂଗ୍ରହ କରିଥିଲେ । ଜବାବରେ ଆଇଏମ୍‌ଏସ୍‌ ଏଣ୍ଡ ଆଇଡିଏସ୍‌ ୧୭ ଓଭରରେ ସମସ୍ତ ୱିକେଟ୍‌ ହରାଇ ୧୨୮ ରନ୍‌ ସଂଗ୍ରହ କରିଥିଲା । ଅଜୟ ୩ଟି ୱିକେଟ୍‌ ହାସଲ କରିଥିଲେ । ଶ୍ରେଷ୍ଠ ଅଲ୍‌ରାଉଣ୍ଡ ପ୍ରଦର୍ଶନ ପାଇଁ ଅଜୟ ପ୍ଲେୟାର ଅଫ୍‌ ଦ ମ୍ୟାଚ୍‌ ବିବେଚିତ ହୋଇଥିଲେ ।