ଲକ୍ଷ୍ମୌ: ଉତ୍ତରପ୍ରଦେଶରେ ଆଗାମୀ ବିଧାନସଭା ନିର୍ବାଚନ ଉପଲକ୍ଷେ ସମାଜବାଦୀ ପାର୍ଟି ଓ ଆପ୍ ମଧ୍ୟରେ ମେଣ୍ଟ ହୋଇପାରେ । ଆପ୍ ନେତା ସଞ୍ଜୟ ସିଂହ ବୁଧବାର ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବଙ୍କୁ ଲକ୍ଷେ୍ନøରେ ସାକ୍ଷାତ କରିବା ପରେ ଏ ନେଇ ଚର୍ଚ୍ଚା ଜୋର୍ ଧରିଛି ।
ଦୁଇ ନେତାଙ୍କ ମଧ୍ୟରେ ବୈଠକ ପ୍ରାୟ ଘଣ୍ଟାଏ ଧରି ଚାଲିଥିଲା । ବୈଠକରେ ସେମାନେ ରାଜ୍ୟରୁ ବିଜେପିକୁ ମୂଳୋତ୍ପାଟନ କରିବା ନେଇ ଚର୍ଚ୍ଚା କରିଥିଲେ । ତେବେ ସେମାନଙ୍କ ମଧ୍ୟରେ ଆସନ ବୁଝାମଣା ସଂପର୍କରେ କିଛି ଆଲୋଚନା ହୋଇନଥିବା ଜଣାପଡ଼ିଛି । ସୂଚନାଥାଉକି, ଆଗାମୀ ବିଧାନସଭା ନିର୍ବାଚନ ଉପଲକ୍ଷେ ଅଖିଳେଶ ଆଞ୍ଚଳିକ ଦଳ ଓ ଛୋଟ ଦଳ ସହ ବୁଝାମଣା କରିବାକୁ ପ୍ରୟାସ କରୁଛନ୍ତି ।
ମଙ୍ଗଳବାର ସେ ଏ ନେଇ ରାଷ୍ଟ୍ରୀୟ ଲୋକଦଳ ମୁଖ୍ୟ ଜୟନ୍ତ ଚୌଧୁରୀଙ୍କୁ ସାକ୍ଷାତ କରିଥିଲେ । ଉଭୟଙ୍କ ମଧ୍ୟରେ ଆସନ ବୁଝାମଣା ନେଇ ଆଲୋଚନା ହୋଇଥିଲା ।
