PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କ୍ରୁଜ୍ ଡ୍ରଗ୍ସ ପାର୍ଟି ମାମଲା –ଅକ୍ଟୋବର ୩୦ ତାରିଖ ଯାଏ ଜେଲରେ ରହିବେ ଆର୍ୟନ ଖାନ୍ , ଆର୍ୟନଙ୍କ ହାଜତ ମିଆଦ ବୃଦ୍ଧ କଲେ ସ୍ୱତନ୍ତ୍ର ଏନ୍ସିବି କୋର୍ଟ
  • ||
  • ନଵମ ଓ ଦଶମ ଶ୍ରେଣୀ ପରୀକ୍ଷା ପଦ୍ଧତିରେ ପରିଵର୍ତ୍ତନ : ଵର୍ଷକୁ ୪ଟି ଫରମେଟିଭ୍ ଆସେସମେଣ୍ଟ ହେଵ
  • ||
  • କଳାହାଣ୍ଡି ମମିତା ମେହେର ହତ୍ୟା ମାମଲା – କେ ଗାଁ ଥାନା ଆଇଆଇସି ଡମୁ ପରଜା ନିଲମ୍ୱିତ , କର୍ତ୍ତବ୍ୟରେ ଅବହେଳା ପାଇଁ କାର୍ଯ୍ୟାନୁଷ୍ଠାନ ନେଲେ କଳାହାଣ୍ଡି ଏସ୍‌ପି
  • ||
  • ୩ ପ୍ରତିଶତ ବଢ଼ିଲା କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା, ବୃଦ୍ଧି ପ୍ରସ୍ତାବକୁ କ୍ୟାବିନେଟର ମଞ୍ଜୁରୀ
  • ||
  • ପାଡ଼ୁଆ: ଜଙ୍ଗଲରୁ ପାଡ଼ୁଆ: ୮୦ ଲକ୍ଷ ଟଙ୍କାର ଗଞ୍ଜେଇ ଜବତ କଲା ପାଡୁଆ ଥାନା ପୋଲିସ, ଗଞ୍ଜେଇ ମାଫିଆଙ୍କୁ ଧରିବା ପାଇଁ ତଦନ୍ତ ଜାରି
  • ||
  • ବଲାଙ୍ଗୀର: ମମିତା ମେହେର ମର୍ଡର ମିଷ୍ଟ୍ରି, ଅଟକ ଜେସିବି ଡ୍ରାଇଭର ଗିରଫ କରିପାରେ ପୋଲିସ
  • ||
  • ରାୟଗଡ଼​‌: ଗୁଣି ଗାରେଡି ସନ୍ଦେହରେ ଟ୍ରିପଲ ମର୍ଡର ଘଟଣା, ୯ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କଲେ ଜିଲ୍ଲା ଓ ଦୌରା ଜଜ ଅଦାଲତ
  • ||
  • ଭବାନୀପାଟଣା: ମମିତା ମେହର ହତ୍ୟା ଘଟଣାରେ ସିବିଆଇ ତଦନ୍ତ କରାଯାଉ : ସ୍ମୃତିରାଣୀ ପଟ୍ଟନାୟକ
  • ||
  • ଭୁବନେଶ୍ୱର: ଆଜିଠୁ ଯୁକ୍ତ ଦୁଇ ପ୍ରଥମ ବର୍ଷ ଛାତ୍ରଛାତ୍ରୀଙ୍କ କ୍ଲାସରୁମ ପାଠପଢ଼ା, ନଭେମ୍ୱର ପହିଲାରୁ ୟୁନିଫର୍ମ ବାଧ୍ୟତାମୂଳକ
  • ||
  • ପୁରୀ: ଆଜିଠୁ ସେବାୟତଙ୍କ ଡ୍ରେସ୍‌କୋଡ୍, ଶ୍ରୀମନ୍ଦିରରେ ପାରମ୍ପରିକ ବସ୍ତ୍ର ପରିଧାନ କରି ପ୍ରବେଶ କରିବେ ସେବକ
  • ||
  • ବଲାଙ୍ଗୀର: ଆଜି ବିଜେପି ପକ୍ଷରୁ ବଲାଙ୍ଗୀର ବନ୍ଦ ପାଳନ, ସକାଳ ୬ରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଯାତାୟତ ଠପ୍
  • ||
  • ଭୁବନେଶ୍ୱର: ଆଜି ଯୁକ୍ତ ୩ ସ୍ପଟ୍‌ ନାମଲେଖା ଆବେଦନ କପି ଦାଖଲ ଶେଷ, ୨୭ରୁ ନାମଲେଖା
  • ||
  • ଭୁବନେଶ୍ୱର: ଆଜିଠୁ ଶୁଖିଲା ପାଗ, ୨୩ ସୁଦ୍ଧା ସମ୍ପୂର୍ଣ୍ଣ ରୂପେ ଫେରିଯିବ ମୌସୁମୀ ବାୟୁ
  • ||

ମାର୍ଚ୍ଚ ୩୧ରୁ ଉଡ଼ିବ ସ୍ପାଇସ୍‌ ଜେଟ୍‌ ବିମାନ: ଆଠ ଜଣିଆ ଦଳର ବିମାନବନ୍ଦର ନିରୀକ୍ଷଣ

ଝାରସୁଗୁଡ଼ା,୯ା୨(ଆପ୍ର): ଆସନ୍ତା ମାର୍ଚ୍ଚ ୩୧ ତାରିଖରୁ ଝାରସୁଗୁଡ଼ା ବୀର ସୁରେନ୍ଦ୍ର ସାଏ ବିମାନବନ୍ଦରରୁ ବିମାନ ଉଡ଼ିବ । ବିମାନସେବା ପ୍ରଦାନକାରୀ ସଂସ୍ଥା ସ୍ପାଇସ୍‌ ଜେଟ୍‌ ପକ୍ଷରୁ ନିୟମିତ ବିମାନ ସେବା ଆରମ୍ଭ ହେବ ବୋଲି ଆଜି ଝାରସୁଗୁଡ଼ା ବିମାନବନ୍ଦର ଗସ୍ତ ପରିପ୍ରେକ୍ଷୀରେ ସଂସ୍ଥାର ପ୍ରତିନିଧିମଣ୍ଡଳୀ ପ୍ରକାଶ କରିଛନ୍ତି । ବିମାନବନ୍ଦରରେ ସୁରକ୍ଷା ବ୍ୟବସ୍ଥା ଏବଂ ବିମାନ ଯାତ୍ରୀଙ୍କ ଲାଗି ରହିଥିବା ଆନୁଷଙ୍ଗିକ ସୁବିଧା ସୁଯୋଗ, ଭିତ୍ତିଭୂମିର ତଦାରଖ ଉଦ୍ଦେଶ୍ୟରେ ଦିଲ୍ଲୀ ଓ କୋଲକାତାରୁ ଆସିଥିବା ଏହି ବୈଷୟିକ ପ୍ରତିନିଧି ଦଳ ବିମାନବନ୍ଦର କର୍ତ୍ତୃପକ୍ଷଙ୍କ ସହ ବିସ୍ତୃତ ଆଲୋଚନା କରିଥିଲେ ।
ଆଜି ପୂର୍ବାହ୍ନରେ ସ୍ପାଇସ୍‌ ଜେଟ୍‌ର ବୈଷୟିକ ପ୍ରତିନିଧି ଦଳ ଝାରସୁଗୁଡ଼ା ବିମାନବନ୍ଦରରେ ପହଞ୍ଚିଥିଲେ । ବିମାନବନ୍ଦରର ନିର୍ଦ୍ଦେଶକ ଏସ୍‌ କେ ଚୌହାନଙ୍କ ସହ ରନ୍‌ୱେ, ରାଡାର୍‌ ଆଦି ସମସ୍ତ ସ୍ଥାନ ବୁଲି ଦେଖିବା ପରେ ସୁରକ୍ଷା ବ୍ୟବସ୍ଥା ସଂପର୍କରେ ପଚାରି ବୁଝିଥିଲେ । ଯାତ୍ରୀଙ୍କ ଲାଗି ଆବଶ୍ୟକ ସୁବିଧା ଓ ସେବା ସଂପର୍କରେ ଟିକିନିଖି ପଚାରିବା ପରେ ସୁରକ୍ଷା ବ୍ୟବସ୍ଥା, ଆପାତକାଳୀନ ସେବା ଆଦିକୁ ନେଇ ସବିଶେଷ ତଥ୍ୟ ପଚାରି ବୁଝିଥିଲେ । ସମସ୍ତ ବିଷୟର ଅନୁଧ୍ୟାନ ପରେ ଉପଲବ୍ଧ ସୁବିଧା ସୁଯୋଗ ଏବଂ ଭିତ୍ତିଭୂମିକୁ ନେଇ ସନ୍ତୋଷ ପ୍ରକାଶ କରିବା ସାଙ୍ଗକୁ ଖୁବ୍‌ଶୀଘ୍ର ସଂସ୍ଥା ମୁଖ୍ୟଙ୍କୁ ରିପୋର୍ଟ ପ୍ରଦାନ କରିବେ ବୋଲି ଗଣମାଧ୍ୟମକୁ କହିଥିଲେ । ସମର୍‌ ସିଡ୍ୟୁଲ୍‌ ୩୧ ମାର୍ଚ୍ଚରୁ ଆରମ୍ଭ ହେବା ସହ ଦିଲ୍ଲୀରୁ ଝାରସୁଗୁଡ଼ା ଏବଂ ଝାରସୁଗୁଡ଼ା-ଦିଲ୍ଲୀ ମଧ୍ୟରେ ବୋଇଂ ୭୩୭, କୋଲକାତାରୁ ଝାରସୁଗୁଡ଼ା ଏବଂ ଝାରସୁଗୁଡ଼ା-କୋଲାକାତାକୁ ୭୮ ସିଟ୍‌ ବିଶିଷ୍ଟ କ୍ୟୁ-୪୦୦ ବିମାନ, ହାଇଦ୍ରାବାଦରୁ ଝାରସୁଗୁଡ଼ା ଏବଂ ଝାରସୁଗୁଡ଼ା-ହାଇଦ୍ରାବାଦ ମଧ୍ୟରେ କ୍ୟୁ-୪୦୦ ବିମାନ ଚଳାଚଳ ନେଇ ସ୍ପାଇସ୍‌ ଜେଟ୍‌ ପକ୍ଷରୁ ଯୋଜନା ରହିଛି । ଅନ୍ୟ ରୁଟ୍‌ ଝାରସୁଗୁଡ଼ାରୁ ମୁମ୍ବାଇ, ଭୁବନେଶ୍ୱର ଏବଂ ରାୟପୁରକୁ ମଧ୍ୟ ଅନ୍ୟ ବିମାନସେବା ପ୍ରଦାନକାରୀ ସଂସ୍ଥା ଗୁଡ଼ିକ ମାର୍ଚ୍ଚ ଶେଷ ସୁଦ୍ଧା ସେବା ଆରମ୍ଭ କରିବାର ସମ୍ଭାବନା ରହିଛି ବୋଲି ଶ୍ରୀ ଚୌହାନ କହିଛନ୍ତି ।
ପ୍ରକାଶଯୋଗ୍ୟ, ଉଡ଼ାନ-୩ରେ ଝାରସୁଗୁଡ଼ା ବିମାନବନ୍ଦରରୁ ୬ଟି ରୁଟ୍‌ରେ ବିମାନସେବା ପାଇଁ ଜେଟ୍‌ ଏୟାରୱେଜ୍‌, ଏଲାୟନ୍ସ ଏୟାର, ଟର୍ବୋ ଏଭିଏସନ ଭଳି ସଂସ୍ଥାଗୁଡ଼ିକୁ ଦାୟିତ୍ୱ ପ୍ରଦାନ କରାଯାଇଛି । ଉଡ଼ାନ ୩.୧ ଅନୁଯାୟୀ ପୂର୍ବରୁ ବାଦ୍‌ ପଡ଼ିଥିବା ଝାରସୁଗୁଡ଼ାରୁ ରାଞ୍ଚିକୁ ବିମାନସେବା ଲାଗି ବିଡିଂ ପ୍ରକ୍ରିୟା ଜାରି ରହିଛି । ଇଂ. ଅବଧେଶ କୁମାରଙ୍କ ନେତୃତ୍ୱରେ ସ୍ପାଇସ୍‌ ଜେଟ୍‌ ସଂସ୍ଥାର ବୈଷୟିକ ଟିମ ପରିଦର୍ଶନ କରିଥିଲା ।