ବେସାହାରା ପିତା ! ପିଲାମାନେ ଘରୁ ବାହାର କରିଦେଲେ , ୮୦ ବର୍ଷ ବୟସରେ ପେଣ୍ଟିଂ ବିକ୍ରି କରି ଚଳୁଛନ୍ତି

ନୂଆଦିଲ୍ଲୀ – ଏହା ଏମିତି ଏକ ଖବର , ଯାହାକୁ ଜାଣିଲେ ଆପଣଙ୍କର ଆଖିରେ ଲୁହ ଆସିଯିବ । ହୃଦୟ ଦୁଃଖରେ ଭରି ଯିବ । ଆଜିର ମଣିଷ ପଣିଆକୁ ଧିକ୍କାର କରିବେ । କୁହାଯାଏ ବାପା କେବେ ନିର୍ଦ୍ଦୟ ହୋଇପାରନ୍ତି ନାହିଁ କି ମାଆ କେବେ ନିଷ୍ଠୁର ହୋଇ ପାରେ ନାହିଁ । ନିଜ ଔରସର ସନ୍ତାନ ପାଇଁ ଲହୁ ଲୁହକୁ ଏକ କରିଦେଇଥାନ୍ତି ଏହି ଦୁଇ ମଣିଷ । ଏହି ଦୁଇଜଣ ହିଁ ସାକ୍ଷାତ୍‌ ଦେବତା ।  

କିନ୍ତୁ ଯେତେବେଳେ ଏହି ଦୁଇ ଦେବତାଙ୍କର ମୂଲ ସେହି ପିଲା ବୁଝିପାରନ୍ତି ନାହିଁ । ଯାହାକୁ ସେମାନେ ପାଳିପୋଷି ଛୋଟରୁ ବଡ଼ କରିଥାନ୍ତି । ସେତେବେଳେ ସେମାନଙ୍କ ହୃଦୟ ତ କାନ୍ଦୁଥିବ କିନ୍ତୁ କେବେ ସେ ଅଭିଯୋଗ କରିନଥାନ୍ତି କି ନିଜ ପିଲାର ଅମଙ୍ଗଳ ପାଞ୍ଚି ନଥାନ୍ତି । ସେମାନଙ୍କୁ ସେମାନଙ୍କ ଖୁସିରେ ଛାଡ଼ି ଅବଶିଷ୍ଟ ଜୀବନ ନିଜେ ବଞ୍ଚିବାକୁ ନିଜର ବାଟ ବାଛି ନିଅନ୍ତି । ଏମିତି ଏକ ଦୃଶ୍ୟ ସାମନାକୁ ଆସିଛି । ଯେଉଁଥିରେ ଆଖି ଲୁହରେ ଭରି ଯିବା ସହ ମାଆ-ବାପା ଓ ପିଲାଙ୍କ ସଂପର୍କରେ ଅନେକ ପ୍ରକାରର ପ୍ରଶ୍ନ ଉଠିବ। ପିଲାମାନେ  ନିଜର ବୃଦ୍ଧ ପିତାଙ୍କୁ ଏହି ପରିଣତ ବୟସରେ ଘରୁ ବାହାର କରିଦେଇଛନ୍ତି , ଯେଉଁ ବୟସରେ ସେ ଘରେ ରହି ପିଲାଙ୍କର ଆୟରେ ଟିକେ ଚଳିବାକୁ ଭାବି ଥାନ୍ତି  ।

ଉଲ୍ଲେଖନୀୟ ଯେ , ସୋସିଆଲ ମିଡ଼ିଆରେ ଏକ ପୋଷ୍ଟ ଭାଇରାଲ ହେଉଛି, ଯେଉଁଥିରେ ଜଣେ ବୃଦ୍ଧ ବ୍ୟକ୍ତି ହାତରେ   ପେଣ୍ଟିଂ  ଧରି ଠିଆ ହେଇଛନ୍ତି । ଏହି ପୋଷ୍ଟକୁ ଜଣେ ୟୁଜର ସେୟାର କରିଛନ୍ତି  ଏବଂ ଏହାକୁ ସେୟାର କରି ଏହି ଫଟୋ ପଛର କଥା କହିଛନ୍ତି ।

ପୋଷ୍ଟରେ ଥିବା ବୃଦ୍ଧ ବ୍ୟକ୍ତି ଜଣଙ୍କ ହେଉଛନ୍ତି ଜଣେ ଆର୍ଟିଷ୍ଟ । ଯାହାଙ୍କ ନାଁ ସୁନୀଲ ପାଳ । ତାଙ୍କର ବୟସ ୮୦ ବର୍ଷ ।  ସେ କୋଲକତାର ଗୋଲପାର୍କର ଗରିଆହଟ ରୋଡ୍‌ର ଏକ୍ସିସ୍‌ ବ୍ୟାଙ୍କ୍‌ ସାମନାରେ ପେଣ୍ଟିଂ ସହ ବସିଥାନ୍ତି। ଏତେ ସୁନ୍ଦର ପେଟିଂ  ସତ୍ତ୍ୱେ ଗୋଟିଏ  ପେଣ୍ଟିଂ ରୁ ତାଙ୍କର ଆୟ ୫୦-୧୦୦ଟଙ୍କା ହୋଇଥାଏ ।

ପୋଷ୍ଟର କ୍ୟାପସନ୍‌ରେ ଏହା ମଧ୍ୟ ଲେଖା ଯାଇଛି , ତାଙ୍କୁ ଘରୁ ବାହାର କରିଦିଆଯାଇଛି ଏବଂ ପିଲାମାନେ ତାଙ୍କୁ ଘରୁ ବାହାର କରିଦେବା ପରେ ଏବେ ସେ ଚାରା ବଗିଚାରେ ରହି ନିଜର ପେଣ୍ଟିଂ ଓ ଆର୍ଟୱାର୍କ ବିକ୍ରି କରି ଜୀବନ ବିତାଉଛନ୍ତି । ଏହି ପୋଷ୍ଟରେ ଏହା ମଧ୍ୟ ଲେଖାଯାଇଛି କି ,  ଯଦି କିଏ  ତାଙ୍କର ସାହାଯ୍ୟ କରିବାକୁ ଚାହାନ୍ତି , ତ ସେ ଶନିବାର ଓ ବୁଧବାରକୁ ଗୋଲ ପାର୍କ ଯାଇ ତାଙ୍କୁ ସାହାଯ୍ୟ କରିପାରିବେ।

ଉକ୍ତ ପୋଷ୍ଟଟି  ସୋସିଆଲ ମିଡ଼ିଆରେ ଭାଇରାଲ ହେବା ପରେ ବହୁତ ଲୋକ ସାହାଯ୍ୟ କରିବାକୁ ଆଗକୁ ବାହାରିଛନ୍ତି ।

   ସମ୍ବନ୍ଧିତ ଖବର


ନକଲି ରେଳ ଟିକେଟକୁ ସାବଧାନ- ମାତିଛନ୍ତି ଏ ପ୍ରକାରର ଦଲାଲ

ରବିବାର ଦ୍ବିତୀୟ ଦିନିକିଆ, ପ୍ଲେଇଙ୍ଗ୍‌ ଇଲେଭେନରୁ ବାଦ ପଡ଼ିପାରନ୍ତି ଏହି ଦୁଇ ଖେଳାଳି!

କାର୍ତ୍ତିକ ବୈକୁଣ୍ଠ ଚତୁର୍ଦ୍ଦଶୀ- ଜାଣନ୍ତୁ ଏହାର ପର ଚାରି ମାସ କାହିଁକି କରାଯାଇ ନଥାଏ ଶୁଭ କାର୍ଯ୍ୟ

ନିଖୋଜ ନେଭି କମାଣ୍ଡରଙ୍କର ଚିଠି ଭାଇରାଲ : କାହିଁକି ସେ ଲେଖିଲେ – ମୁଁ ବୋମା ପକାଇବାକୁ ଚାହୁଁଛି

ଧର୍ମ ପରିବର୍ତ୍ତନ କରିବାକୁ ସ୍ତ୍ରୀଙ୍କୁ ସ୍ୱାମୀଙ୍କ ନିର୍ଯାତନା – ଥାନାରେ ଏତଲା ଦେଲେ ମହିଳା

ହାଡ଼ ପାଇଁ ଘାତକ ଓଜନ କମାଇବାର ଏହି ଫର୍ମୂଲା – ଭବିଷ୍ୟତରେ ପରିଣାମ ଭୟଙ୍କର ହୋଇପାରେ