ହୋଲି ପାଇଁ କମିସନରେଟ୍ ପୋଲିସର ସ୍ୱତନ୍ତ୍ର ବ୍ଯବସ୍ଥା, କଟକରେ ୧୦ ପ୍ଲାଟୁନ୍ ଓ ରାଜଧାନୀରେ ୧୫ ପ୍ଲାଟୁନ୍ ପୋଲିସ

ଭୁବନେଶ୍ୱର ୨୦/୩: ହୋଲି ପାଇଁ କମିସନରେଟ୍ ପୋଲିସର ସ୍ୱତନ୍ତ୍ର ବ୍ୟବସ୍ଥା । ଶୃଙ୍ଖଳିତଭାବେ ରଙ୍ଗର ପର୍ବ ହୋଲି ପାଳନ ପାଇଁ କମିଶନରେଟ୍ ପୋଲିସ ପକ୍ଷରୁ ସ୍ୱତନ୍ତ୍ର ବ୍ଯବସ୍ଥା କରାଯାଇଛି । କଟକରେ ୧୦ ପ୍ଲାଟୁନ୍ ଓ ଭୁବନେଶ୍ୱରରେ ୧୫ ପ୍ଲାଟୁନ୍ ପୋଲିସ ମୁତୟନ ହେବେ। କେମିକାଲ୍ ରଙ୍ଗ ବିକ୍ରି ଉପରେ ମଧ୍ଯ ନଜର ରହିବ । ଗାଧୋଇବାବେଳେ ନଦୀ ଘାଟରେ ଓଡ୍ରାଫ୍ ଓ ପୋଲିସ୍ ଟିମ୍ ମଧ୍ଯ ଉପସ୍ଥିତ ରହିବେ । ଏନେଇ ସୂଚନା ଦେଇଛନ୍ତି ପୋଲିସ କମିଶନର ସତ୍ୟଜିତ୍ ମହାନ୍ତି ।

ଆଉ ଦିନକ ପରେ ରଙ୍ଗର ପର୍ବ ହୋଲି । ବଜାରରେ ଖୋଲିଗଲାଣି ରଙ୍ଗର ପସରା । ଭଳିକି ଭଳିକି ରଙ୍ଗ ଓ ଅବିରର ପସରା ଦେଖିବାକୁ ମିଳିଲାଣି । ଗ୍ରାହକମାନଙ୍କୁ ଆକୃଷ୍ଟ କରିବା ପାଇଁ ଏସବୁ ଦୋକାନରେ ରଙ୍ଗବେରଙ୍ଗର ଅବିର ସହ ପିଚକାରୀ, ମୁଖା, ଟୋପି ଆଦି ବିଭିନ୍ନ ପ୍ରକାରର ସାମଗ୍ରୀ ମଧ୍ୟ ବିକ୍ରି ହେଉଛି । ତେବେ ଏହିସବୁ ଦୋକାନମାନଙ୍କରେ ଯେମିତି କେମିକାଲ୍ ରଙ୍ଗ ବିକ୍ରିନହୁଏ ତାହା ଉପରେ ନଜର ରଖିବ ପୋଲିସ ।

କେମିକାଲ୍‌ ରଙ୍ଗ ଦେହ ପାଇଁ କ୍ଷତିକାରକ ହୋଇଥିବାରୁ ଦୋକାନୀମାନେ ହର୍ବାଲ ରଙ୍ଗ ବିକ୍ରି କରୁଛନ୍ତି । ତଥାପି ଦୋକାନଗୁଡିକ ପୋଲିସ ନଜରରେ ରହିବ । କଟକରେ ୧୦ ପ୍ଲାଟୁନ୍ ଓ ରାଜଧାନୀ ଭୁବନେଶ୍ୱରରେ ୧୫ ପ୍ଲାଟୁନ୍ ପୋଲିସ ମୁତୟନ ହେବ । ରଙ୍ଗ ଖେଳ ପରେ ନଦୀରେ ଗାଧୋଇବା ସମୟରେ ଆସନ୍ନ ବିପଦର ମୁକାବିଲା ପାଇଁ ନଦୀ ଘାଟରେ ଓଡ୍ରାଫ ଓ ପୋଲିସ ଟିମ୍ ମୁତୟନ ହେବେ । ଏନେଇ ଆଜି ପୋଲିସ କମିଶନର ସତ୍ୟଜିତ୍ ମହାନ୍ତି ସୂଚନା ଦେଇଛନ୍ତି ।

   ସମ୍ବନ୍ଧିତ ଖବର


ଭିଜିଲାନ୍ସ ଜାଲରେ ମେଡିକାଲ କର୍ମଚାରୀ, ଲାଞ୍ଚ ନେଇ ଧରା ପଡ଼ିଲେ

ରାଇରଙ୍ଗପୁରରୁ ବାଘ ଛାଲ ଜବତ, ୫ ଗିରଫ

ସମ୍‌ କୋଭିଡ ହସ୍ପିଟାଲ୍‌ରେ କରୋନାରୁ ସୁସ୍ଥ ହେଲେ ୯୦ ବର୍ଷୀୟ କ୍ୟାନ୍ସର ପୀଡିତ

ସମ୍‌ରେ ନୂତନ ରେନାଲ୍‌ ପାଥୋଲୋଜି ବିଭାଗର ମାଇକ୍ରୋସ୍କୋପ୍‌ ଯନ୍ତ୍ର ଉଦ୍‌ଘାଟିତ

ରାଜ୍ୟବାସୀଙ୍କ ଉଦ୍ଦେଶ୍ୟରେ ମୁଖ୍ୟମନ୍ତ୍ରୀଙ୍କର ବାର୍ତ୍ତା, ପାର୍ବଣ ସମୟରେ କରୋନା କଟକଣା ମାନିବା ପାଇଁ ଦେଲେ ପରାମର୍ଶ

ହେଲପ୍‌ ଲାଇନ୍‌ ନମ୍ବର ଜାରି, ଦାଦା ବଟି ମାଗିଲେ କଲ୍‌ କରନ୍ତୁ : ଡିଜିପି