PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶଦ୍ରୋହୀ ୟାସିନ ମଲିକକୁ ଆଜୀବନ ଜେଲ, ଆତଙ୍କବାଦୀଙ୍କୁ ପାଣ୍ଠି ଯୋଗାଇବା ମାମଲାରେ କୋର୍ଟ ଶୁଣାଇଲେ ଦଣ୍ଡାଦେଶ
  • ||
  • ସମ୍ୱଲପୁର : ଭବାନୀପାଲି ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା , ଟ୍ରକ୍ ଧକ୍କାରେ ୩ ବାଇକ୍ ଆରୋହୀଙ୍କ ମୃତ୍ୟୁ , ମୃତକଙ୍କ ପରିଚୟ ମିଳନାହିଁ
  • ||
  • କଳିଙ୍ଗା ଘାଟିରେ ଟୁରିଷ୍ଟ ବସ୍ ଦୁର୍ଘଟଣାରେ ୬ ମୃତ୍ୟୁ ଘଟଣା, ଏଣିକି କଳିଙ୍ଗା ଘାଟି ଦେଇ ଯାଇପାରିବ ନାହିଁ ଟୁରିଷ୍ଟ ବସ୍ , ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କ ସୂଚନା
  • ||
  • ଝାରସୁଗୁଡ଼ା : ଝାରସୁଗୁଡ଼ାରୁ ପ୍ରାୟ ୧୭ ଗ୍ରାମ୍‌ର ବ୍ରାଉନସୁଗର ଜବତ, ୩ ଗିରଫ
  • ||
  • ଜଳେଶ୍ଵର : ପାର୍କିଂ କରୁଥିବା ବେଳେ ଚଢିଗଲା ଟ୍ରକ୍, ହେଲ୍‌ପର୍ ମୃତ
  • ||
  • କଂଗ୍ରେସକୁ ଝଟକା, ସମାଜବାଦୀ ପାର୍ଟି ଟିକେଟରୁ ନାମାଙ୍କନ ପତ୍ର ଦାଖଲ କଲେ କପିଲ ସିବଲ
  • ||
  • ସମ୍ବଲପୁର : ହୀରାକୁଦରୁ ଛଡ଼ାଯିବ ପ୍ରଥମ ବନ୍ୟାଜଳ, ତଳ ମୁଣ୍ଡର ୧୨ ଜିଲ୍ଲାକୁ ସତର୍କ ସୂଚନା ଜାରି
  • ||
  • ଭୁବନେଶ୍ଵର : ରାଜ୍ୟରେ ହାରୁଛି କରୋନା, ୨୪ ଘଣ୍ଟା ମଧ୍ୟରେ ୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ୱର : ୧୦ ଜିଲ୍ଲାରେ ପ୍ରବଳ ବର୍ଷିଲା, ଆଜିଠୁ ବଢ଼ିବ ତାପମାତ୍ରା
  • ||
  • ଭଞ୍ଜନଗର : ଭାରସାମ୍ୟ ହରାଇ ଓଲଟିଲା ଟୁରିଷ୍ଟ ବସ୍, ୬ ମୃତ ୩୦ରୁ ଉର୍ଦ୍ଧ୍ଵ ଆହତ
  • ||
  • ରାଇରଙ୍ଗପୁର : ସାପ୍ତାହିକ ହାଟରେ ଗୁଳିକାଣ୍ଡ, ଗୋରୁ ବେପାରୀଙ୍କୁ ଗୁଳି କରି ୨୦ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ
  • ||

ଝାରସୁଗୁଡ଼ାରୁ ଉଡ଼ିବ ସ୍ପାଇସ୍‌ଜେଟ୍‌

source:http://www.orissapost.com

ଭୁବନେଶ୍ୱର,୨୭ା୨(ବ୍ୟୁରୋ): ଉଡ଼ାନ୍‌-୩ ଯୋଜନାରେ ସ୍ପାଇସ୍‌ ଜେଟ୍‌ ବିମାନ ଝାରସୁଗୁଡ଼ାରୁ ବିମାନ ସେବା ଆରମ୍ଭ କରିବ । ଆସନ୍ତା ମାର୍ଚ୍ଚ ୩୧ରୁ ଝାରସୁଗୁଡ଼ାରୁ ଦିଲ୍ଲୀ, କୋଲକାତା, ହାଇଦ୍ରାବାଦକୁ ଉଡ଼ିବ ସ୍ପାଇସ୍‌ ଜେଟ୍‌ ବିମାନ । ଏଥିପାଇଁ ଆଜିଠୁ ଟିକେଟ ବିକ୍ରିର ଶୁଭାରମ୍ଭ କରାଯାଇଛି । ନୂଆଦିଲ୍ଲୀରୁ ଝାରସୁଗୁଡ଼ା ବିମାନବନ୍ଦର ପାଇଁ ସ୍ପାଇସ୍‌ ଜେଟ୍‌ ବିମାନର ଟିକେଟ ବିକ୍ରି କାର୍ଯ୍ୟକ୍ରମର ଶୁଭାରମ୍ଭ କରିଛନ୍ତି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ବିମାନ ଟିକେଟ ବିକ୍ରିର ଶୁଭାରମ୍ଭ ଅବସରରେ ଧର୍ମେନ୍ଦ୍ର କହିଥିଲେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଝାରସୁଗୁଡ଼ା ବିମାନବନ୍ଦରକୁ ଲୋକାର୍ପିତ କରିଥିଲେ । ଖୁବ୍‌ଶୀଘ୍ର ଝାରସୁଗୁଡ଼ାରୁ ଦିଲ୍ଲୀ, କୋଲକାତା, ହାଇଦ୍ରାବାଦକୁ ବିମାନ ଉଡ଼ିବ । ଆଗାମୀଦିନରେ ଏହି ବିମାନବନ୍ଦର ମୁମ୍ବାଇ, ଭୁବନେଶ୍ୱର ଓ ରାୟପୁର ସହ ମଧ୍ୟ ଯୋଡ଼ି ହେବ । ଝାରସୁଗୁଡ଼ା ବିମାନବନ୍ଦର ଦ୍ୱାରା ନୂଆ ଅର୍ଥନୀତି ଯୋଡ଼ା ହେବା ସହ ନୂଆ ଉଦ୍ୟୋଗ ମଧ୍ୟ ଯୋଡ଼ି ହେବ ।
ଧର୍ମେନ୍ଦ୍ର କହିଲେ, ଆଜି ଓଡ଼ିଶା ତଥା ପଶ୍ଚିମ ଓଡ଼ିଶା ପାଇଁ ବଡ଼ ଭାବନାତ୍ମକ ଦିନ । ଏହି ବ୍ୟବସ୍ଥା ପଶ୍ଚିମ ଓଡ଼ିଶାକୁ ବ୍ୟାପକ ସୁବିଧା ଯୋଗାଇବ । ସ୍ପାଇସ୍‌ ଜେଟ୍‌ ବିମାନ ଝାରସୁଗୁଡ଼ା-ଦିଲ୍ଲୀ-ଝାରସୁଗୁଡ଼ା, ଝାରସୁଗୁଡ଼ା-ହାଇଦ୍ରାବାଦ-ଝାରସୁଗୁଡ଼ା, ଝାରସୁଗୁଡ଼ା-କୋଲକାତା-ଝାରସୁଗୁଡ଼ା ରୁଟ୍‌ରେ ଚଳାଚଳ କରିବ । ପ୍ରତିଦିନ ଅପରାହ୍ନ ୧ଟା ୧୫ରେ ବିମାନ ଦିଲ୍ଲୀରୁ ବାହାରି ଦିନ ୩ଟା ୧୦ରେ ଝାରସୁଗୁଡ଼ାରେ ପହଞ୍ଚିବ । ଝାରସୁଗୁଡ଼ାରୁ ଅପରାହ୍ନ ୩ଟା ୪୦ରେ ବାହାରି ଅପରାହ୍ନ ୫ଟା ୩୫ରେ ଦିଲ୍ଲୀରେ ଅବତରଣ କରିବ । ସେହିପରି ଝାରସୁଗୁଡ଼ାରୁ ଅପରାହ୍ନ ୪ଟା ୧୦ରେ ବିମାନ ଉଡ଼ାଣ ଭରିବ । ସନ୍ଧ୍ୟା ୬ଟାରେ ହାଇଦ୍ରାବାଦରେ ଏହା ପହଞ୍ଚିବ । ସେଠାରୁ ସନ୍ଧ୍ୟା ସାଢ଼େ ୬ଟାରୁ ଉଡ଼ାଣ ଭରି ରାତି ୮ଟା ୨୦ରେ ଝାରସୁଗୁଡ଼ାରେ ପହଞ୍ଚିବ । କୋଲକାତାରୁ ଅପରାହ୍ନ ୨ଟା ୨୫ରେ ଉଡ଼ାଣ ଭରିବା ପରେ ଦିନ ୩ଟା ୫୦ରେ ଝାରସୁଗୁଡ଼ାରେ ପହଞ୍ଚିବ । ପୁଣି ଝାରସୁଗୁଡ଼ାରୁ ରାତି ୮ଟା ୪୦ରେ ବାହାରି ରାତି ୧୦ଟାରେ କୋଲକାତାରେ ଅବତରଣ କରିବ । ଓଡ଼ିଶାରେ ବିମାନବନ୍ଦରର ବିକାଶ ପାଇଁ କେନ୍ଦ୍ର ସରକାର ବିଭିନ୍ନ ପଦକ୍ଷେପ ନେଇଛନ୍ତି । ଭୁବନେଶ୍ୱର ବିମାନବନ୍ଦରରେ ୯ଶହ କୋଟି ଟଙ୍କା ବ୍ୟୟରେ ନୂଆ ଟର୍ମିନାଲ ନିର୍ମାଣ କରାଯିବ ।
ଏହି ଅବସରରେ କେନ୍ଦ୍ର ମନ୍ତ୍ରୀ ଭାରତୀୟ ବାୟୁସେନାର ଉଚ୍ଚ ପ୍ରଶଂସା କରିଥିଲେ । ଧର୍ମେନ୍ଦ୍ର କହିଲେ, ଦୁଇଦିନ ହେବ ଭାରତୀୟ ବାୟୁ ସେନାର ବହୁ ଚର୍ଚ୍ଚା ହେଉଛି । ଭାରତର ବାୟୁସେନା ଭାରତୀୟଙ୍କ ସମ୍ମାନ ଓ ମର୍ଯ୍ୟାଦା ବଢ଼ାଇଛି ।