PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ: ବାଇକ୍‌କୁ ଧକ୍କା ଦେଲା ଅଜଣା ଗାଡି, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ପାଟଣା: ଜମିବାଡ଼ି ବିବାଦକୁ କେନ୍ଦ୍ରକରି ଦୁଇ ପରିବାର ଭିତରେ ଗଣ୍ଡଗୋଳ, ବଡ଼ ଭାଇ ମୁଣ୍ଡରେ ପଥର ଛେଚିଦେଲେ ସାନ ଭାଇର ପରିବାର
  • ||
  • ଭୁବନେଶ୍ଵର: ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ ଗାନ୍ଧୀ ମାର୍ଗରେ ହେଉଛି ଫୁଲଡ୍ରେସ୍ ରିହର୍ସଲ, ସୁରକ୍ଷା ବ୍ୟବସ୍ଥା ପାଇଁ ଟ୍ରାଫିକ୍ କଟକଣା
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ସଂକ୍ରମଣ ଗ୍ରାଫ୍ : ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୭୨୯୧ ଜଣ କରୋନା ପଜିଟିଭ
  • ||
  • ଭୁବନେଶ୍ଵର: ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ଖଲ୍ଲିକୋଟ: ପରିବା ବୋଝେଇ ଅଟୋକୁ ଧକ୍କା ଦେଲା ବାଲି ବୋଝେଇ ଟ୍ରକ୍, ଜଣେ ମୃତ ୨ ଗୁରୁତର
  • ||
  • ପୁରୀ: ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ କୋଭିଡ୍ ପଜିଟିଭ୍‌, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ୱର : ମାସେ ଚିକିତ୍ସା ପରେ ଜଙ୍ଗଲକୁ ଫେରିଲା ୧୨ ଫୁଟର ଅହିରାଜ, ଢ଼େଲାମାଡ଼ରେ ଭାଙ୍ଗିଥିଲା ପିଞ୍ଜରା ହାଡ଼
  • ||
  • ଭୁବନେଶ୍ଵର : ଆଉ ଦୁଇ ଦିନ ଭିଜିବ ଓଡ଼ିଶା, ଉପକୂଳ ସମେତ ୭ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଆଶଙ୍କା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୨ କୁଇଣ୍ଟାଲ ଗଞ୍ଜେଇ ଜବତ, ୨ ମାଫିଆ ଗିରଫ
  • ||

ଟଙ୍କା ଫେରସ୍ତ କଥା ବିଚାର କରିବାକୁ ‘ସେବି’କୁ ନିର୍ଦ୍ଦେଶ

କଟକ,୯ା୨(ବ୍ୟୁରୋ): ଓଡିଶାର ଅନେକ ଜମାକାରୀଙ୍କଠାରୁ କୋଟି କୋଟି ଟଙ୍କା ଠକି ନେଇଥିବା ପାନ୍‌ କାର୍ଡ କ୍ଲବ୍‌ ପ୍ରାଇଭେଟ୍‌ ଲିମିଟେଡ୍‌ର ସମ୍ପତ୍ତି ବାଜ୍ୟାପ୍ତି ପ୍ରକ୍ରିୟା ‘ସେବି’ ଏବେ ଆରମ୍ଭ କରିଛି । ଏହି ପରିପ୍ରେକ୍ଷୀରେ ଓଡିଶାର ଜମାକାରୀଙ୍କ ଅର୍ଥ କିପରି ଫେରସ୍ତ ହୋଇପାରିବ ସେ ସଂକ୍ରାନ୍ତରେ ଷ୍ଟକ୍‌ ଏକ୍ସଚେଞ୍ଜ ବୋର୍ଡ ଅଫ ଇଣ୍ଡିଆ(ସେବି) ବିଚାର କରିବାକୁ ଓଡିଶା ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ଆବେଦନକାରୀମାନେ ରିପ୍ରେଜେଣ୍ଟେସନ୍‌ ଦେବାର ଦୁଇ ମାସ ମଧ୍ୟରେ ସେବି ଏ ଦିଗରେ ପଦକ୍ଷେପ ନେବାକୁ ହାଇକୋର୍ଟ କହିଛନ୍ତି । ଏଥିସହ ହାଇକୋର୍ଟ ମାର୍କେଟର୍ସ ୱେଲ୍‌ଫେୟାର୍‌ ଆସୋସିଏସନ୍‌କୁ ଅନ୍ତରୀଣ ସୁରକ୍ଷା ପ୍ରଦାନ କରିଛନ୍ତି । ଆସୋସିଏସନ୍‌ କିମ୍ବା ଏହାର କୌଣସି କର୍ମକର୍ତ୍ତାଙ୍କ ବିରୋଧରେ କୌଣସି କଠୋର କାର୍ଯ୍ୟାନୁଷ୍ଠାନ ଗ୍ରହଣ ନକରିବାକୁ ହାଇକୋର୍ଟର ବିଚାରପତି ଜଷ୍ଟିସ୍‌ ସି.ଆର. ଦାଶ ନିଜ ଆଦେଶରେ ସ୍ପଷ୍ଟ କରିଛନ୍ତି ।
ପାନ୍‌ କାର୍ଡ କ୍ଲବ୍‌ ପକ୍ଷରୁ ଓଡିଶା ସମେତ ଦେଶର ବିଭିନ୍ନ ପ୍ରାନ୍ତରେ ଶାଖା କାର୍ଯ୍ୟାଳୟ ଖୋଲାଯାଇ ଜମାକାରୀଙ୍କଠାରୁ ଜମାରାଶି ନିଆଯାଉଥିଲା । ଓଡିଶାରେ ମାର୍କେଟର୍ସ ୱେଲ୍‌ଫେୟାର ଆସୋସିଏସନ ଜରିଆରେ ଜମାକାରୀମାନେ ସେମାନଙ୍କ ଅର୍ଥ ପାନ୍‌ କାର୍ଡରେ ଜମା ରଖୁଥିଲେ । ଦେଶରେ ପ୍ରାୟ ୭ ହଜାର କୋଟି ଟଙ୍କା ପାନ୍‌ କାର୍ଡରେ ଜମା ହୋଇଥିଲା ବେଳେ ଓଡିଶାରେ ବି ଏଥିରେ କୋଟି କୋଟି ଟଙ୍କା ଜମା ହୋଇଛି । କିଛି ଜମାକାରୀଙ୍କ ଜମାରାଶି ଅବଧି ପୂରଣ (ମାଚୁରିଟି) ହୋଇଯିବାରୁ ସେମାନେ ତାଙ୍କ ଜମା ଅର୍ଥ ଫେରି ଚାହିଁଲେ । କିନ୍ତୁ ସେମାନଙ୍କୁ ମାଚ୍ୟୁରିଟି ଅର୍ଥ ଫେରସ୍ତ କରାଗଲା ନାହିଁ । ପରେ ସେବିର ଅନୁମତି ନନେଇ ପାନ୍‌ କାର୍ଡ ସଂସ୍ଥା ଜମାକାରୀଙ୍କଠାରୁ ଜମା ଅର୍ଥ ନେଉଥିବା ଜଣାପଡିଥିଲା । ଏଭଳି ବେଆଇନ ଭାବେ ପାନ୍‌ କାର୍ଡ ସଂସ୍ଥା ପକ୍ଷରୁ ଜମା ଅର୍ଥ ଆଦାୟ କରାଯାଉଥିବାରୁ ସେବି ପକ୍ଷରୁ ଏହି ସଂସ୍ଥା ନାମରେ ମାମଲା ରୁଜୁ କରାଯାଇ ଏହାର ସମ୍ପତ୍ତିକୁ ବାଜ୍ୟାପ୍ତି କରାଯିବା ଲାଗି ପ୍ରକ୍ରିୟା ଆରମ୍ଭ ହୋଇଥିଲା । ଏପଟେ ଓଡିଶାର ଲୋକେ ସେମାନଙ୍କ ଜମା ଅର୍ଥ କିପରି ଫେରସ୍ତ ପାଇପାରିବେ ସେ ନେଇ ମାର୍କେଟର୍ସ ୱେଲ୍‌ଫେୟାର ଆସୋସିଏସନ ଓଡିଶା ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲା । ହାଇକୋର୍ଟ ମାମଲାର ଶୁଣାଣି କରି ଉପରୋକ୍ତ ନିର୍ଦ୍ଦେଶ ଦେଇଛନ୍ତି । ଆବେଦନକାରୀଙ୍କ ପକ୍ଷରୁ ଆଇନଜୀବୀ ପ୍ରବୋଧ ଚନ୍ଦ୍ର ନାୟକ ଏହି ମାମଲା ପରିଚାଳନା କରୁଥିଲେ ।

ସମ୍ବନ୍ଧିତ ଖବର