PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ ପୋଲିସ ପକ୍ଷରୁ ଖଜୁରୀପଡା ଛକ ନିକଟରୁ ପିକପ ଭ୍ୟାନ ସହ ଚାରି କୁଣ୍ଟାଲ ଗଞ୍ଜେଇ ଜବତ ୨ ଗିରଫ
  • ||
  • ଭୁବନେଶ୍ଵର : ଛୋଟ ଛୁଆଙ୍କୁ କୋଭିଡ୍ ସଂକ୍ରମଣ ଆଶଙ୍କା କମ୍, ଛୋଟ ପିଲାଙ୍କ ମଧ୍ୟରେ ରହିଛି ୫୦ରୁ ୬୦ % ଆଣ୍ଟିବଡି – ନିରୋଜ ମିଶ୍ର
  • ||
  • ସୁନ୍ଦରଗଡ଼: ୧୫ ଗ୍ରାମର ବ୍ରାଉନସୁଗାର ଜବତ, ୫ ଗିରଫ
  • ||
  • ବାଲେଶ୍ୱର: ବାଲେଶ୍ୱର ମୁଖ୍ୟ ଚିକିତ୍ସାଳୟରେ ଆରମ୍ଭ ହେଲା ହାଇଦରର ପୋଷ୍ଟମର୍ଟମ, ମାଜିଷ୍ଟେ୍ରଟ୍‌ଙ୍କ ଉପସ୍ଥିତିରେ ​ପୋଷ୍ଟମର୍ଟମ କରିବେ​‌ ୩ ଜଣିଆ ଡାକ୍ତରୀ ଟିମ୍
  • ||
  • ରଙ୍ଗେଇଲୁଣ୍ଡା: ହଳଦିଆପଦର ନିକଟରେ ଟ୍ରାକ୍ଟର ସହ ଅଟୋ ଦୁର୍ଘଟଣା, ୩ ମହିଳା ମତ୍ସ୍ୟଜୀବୀ ଗୁରୁତର
  • ||
  • ସୋର: ହାଇଦର୍ ଏନ୍‌କାଉଣ୍ଟର ସ୍ଥଳରୁ ୨ଟି ଗୁଳି ଜବତ କଲା ପୋଲିସ ଓ ସାଇଣ୍ଟିଫିକ୍‌ ଟିମ୍‌
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬୭ଜଣଙ୍କ ଜୀବନ ନେଲା କରୋନା, ସାଢ଼େ ୫ ହଜାର ଟପିଲା ମୃତ୍ୟୁସଂଖ୍ୟା
  • ||
  • ଭୁବନେଶ୍ୱର: ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

ରାଜ୍ୟରେ ଦ୍ୱିତୀୟ: କରୋନାରେ ଆଖିବୁଜିଲେ ଆଉ ଜଣେ ଡାକ୍ତର

ପୁରୁଷୋତ୍ତମପୁର, ୧୭/୦୮: ରାଜ୍ୟରେ ଦ୍ୱିତୀୟ କରୋନା ଆକ୍ରାନ୍ତ ଡାକ୍ତରଙ୍କ ମୃତ୍ୟୁ । ମୃତକ କୋଭିଡ୍‌ ଯୋଦ୍ଧା ହେଉଛନ୍ତି ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ବ୍ଲକ ଭାଟକୁମରଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଇନ୍‌ଚାର୍ଜ ଡାକ୍ତର ବି.କ୍ରିଷ୍ଣା (୪୩)। ଭୁବନେଶ୍ୱରସ୍ଥିତ କୋଭିଡ୍‌ ହସ୍‌ପିଟାଲ୍‌ରେ ତାଙ୍କର ରବିବାର ଭୋର୍‌ ୩ଟାରେ ମୃତ୍ୟୁ ଘଟିଛି । ଗତ ୪ ତାରିଖରେ ଅସୁସ୍ଥତା ଅନୁଭବ କରିବାରୁ ତାଙ୍କର କୋଭିଡ୍‌ ଟେଷ୍ଟ କରାଯାଇଥିଲା । ରିପୋର୍ଟ ପଜିଟିଭ୍‌ ଆସିବା ପରେ ଅଗଷ୍ଟ ୫ରେ ତାଙ୍କୁ ଭୁବନେଶ୍ୱର ହସ୍‌ପିଟାଲରେ ଭର୍ତ୍ତି କରାଯାଇଥିଲା । ତେବେ ତାଙ୍କ ଜୀବନ ରକ୍ଷା କରିବା ସମ୍ଭବପର ହୋଇପାରିନି ବୋଲି ସୂଚନା ଦେଇଛନ୍ତି ଓମ୍‌ସା ପୂର୍ବତନ ରାଜ୍ୟ ସଭାପତି ଡା. ନିରାକାର ଭଟ୍ଟ ।

ଫାଇଲ୍

ଗଞ୍ଜାମ ଜିଲ୍ଲା ହିଞ୍ଜିଳିକାଟୁ ବ୍ଲକ୍‌ ଭାବନ୍ଧ ପଞ୍ଚାୟତର ନାଇଡୁପଲ୍ଲୀ ଗ୍ରାମରେ ୧୯୭୭ ଅକ୍ଟୋବର ୩ରେ ଜନ୍ମଗ୍ରହଣ କରିଥିଲେ ବି.କ୍ରିଷ୍ଣା । ୨୦୦୬ ମସିହାରେ ଡାକ୍ତର ଭାବେ କର୍ମମୟ ଜୀବନ ଆରମ୍ଭ କରିଥିଲେ । ପୂର୍ବରୁ ସେ କୋରାପୁଟ ଜିଲ୍ଲା ମୁଖ୍ୟ ଚିକିତ୍ସାଳୟରେ କାର୍ଯ୍ୟ କରୁଥିଲେ । ଗଞ୍ଜାମ ଜିଲ୍ଲାକୁ ବଦଳି ସହ ୨୦୧୮ ମସିହାରେ ସେ ଭାଟକୁମରଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଅଧିକ୍ଷକ ଭାବେ ଦାୟିିତ୍ୱ ଗ୍ରହଣ କରିଥିଲେ । ଜଣେ ଡାକ୍ତର ଭାବେ କର୍ତ୍ତବ୍ୟନିଷ୍ଠା ସେବା ପ୍ରଦାନ କରି ଅଞ୍ଚଳବାସୀଙ୍କ ନିକଟରେ ସୁପରିଚିତ ହୋଇପାରିଥିଲେ ସେ । ଅଧିକ୍ଷକ ଭାବେ ସଫଳ ନେତୃତ୍ୱ ନେବା ସାଙ୍ଗକୁ ଅନ୍ୟ ସହକର୍ମୀ ଓ ସ୍ୱାସ୍ଥ୍ୟ ବିଭାଗ କର୍ମଚାରୀଙ୍କୁ ରୋଗୀ ସେବା ହିଁ ପ୍ରଥମ ବୋଲି ପରାମର୍ଶ ଦେଇ ଆସୁଥିଲେ ।

ତାଙ୍କ ମୃତ୍ୟୁ ଖବରପାଇ ଗଞ୍ଜାମ ଜିଲ୍ଲାର ସମସ୍ତ କୋଭିଡ୍‌ ଯୋଦ୍ଧା, ଡାକ୍ତର ଓ ସାଧାରଣ ପ୍ରଶାସନ ମହଲରେ ଶୋକର ଛାୟା ଖେଳି ଯାଇଛି । ଡା. କ୍ରିଷ୍ଣାଙ୍କ ବିୟୋଗରେ ପ୍ରଶାସନ ପକ୍ଷରୁ ରବିବାର ପୂର୍ବାହ୍ନ ୧୧ଟାରେ ଭାଟକୁମରଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିସରରେ ଏକ ଶୋକସଭା ହୋଇଥିଲା । ସ୍ୱର୍ଗତ ଡାକ୍ତରଙ୍କ ଅମର ଆତ୍ମାର ସଦ୍‌ଗତି ନିମନ୍ତେ ଫଟୋଚିତ୍ରରେ ମାଲ୍ୟାର୍ପଣ କରି ୨ ମିନିଟ ନିରବ ପ୍ରାର୍ଥନା କରିଥିଲେ । ଜଣେ ସଚ୍ଚୋଟ, କର୍ତ୍ତବ୍ୟନିଷ୍ଠ, ସମୟାନୁବର୍ତ୍ତୀ, କରୋନା ଯୋଦ୍ଧାଙ୍କୁ ହରାଇଲୁ ବୋଲି ମତ ପ୍ରକାଶ ପାଇବା ସହ ତାଙ୍କ ପରିବାରକୁ ଭଗବାନ ଅସୀମ ସାହାସ ପ୍ରଦାନ କରନ୍ତୁ ବୋଲି କାମନ କରାଯାଇଥିଲା । ପରେ ଉପରିସ୍ଥ ଅଧିକାରୀଗଣ ସ୍ୱର୍ଗତ ଡାକ୍ତରଙ୍କ ନାଇଡୁପଲ୍ଲୀସ୍ଥିତ ବାସଭବନକୁ ଯାଇ ପରିବାରକୁ ସମବେଦନା ଜ୍ଞାପନ କରିଥିଲେ ।

ଏହି କାଠିକର ସମୟ ପାର କରିବାକୁ ଭଗବାନ ତାଙ୍କ ପରିବାରକୁ ଧୈର୍ଯ୍ୟ ପ୍ରଦାନ କରନ୍ତୁ ବୋଲି ଶୋକବ୍ୟକ୍ତ କରିଛନ୍ତି ଡା. ନିରାକାର ଭଟ୍ଟ । ଡା. କ୍ରିଷ୍ଣା ଜଣେ ନିଷ୍ଠାପର ଓ ଉତ୍ସର୍ଗୀକୃତ ଚିକିତ୍ସକ ଥିଲେ । ତାଙ୍କ ବିୟୋଗ ଖବର ଶୁଣି ମର୍ମାହତ। ସମାଜ ଓ ଚିକିତ୍ସକ ମହଲ ପାଇଁ ଏହା ଏକ ବଡ କ୍ଷତି ବୋଲି ଟ୍ୱିଟ୍‌ ବାର୍ତ୍ତା ଦେଇଛନ୍ତି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ନିର୍ଦ୍ଦେଶକ ତଥା ପୂର୍ବତନ ଗଞ୍ଜାମ ଜିଲ୍ଲା ମୁଖ୍ୟ ଚିକିତ୍ସାଧିକାରୀ (ସିଡିଏମ୍‌ଓ) ଡା. ବିଜୟ କୁମାର ପାଣିଗ୍ରାହୀ । ସେହିପରି କୋରାପୁଟ ପୂର୍ବତନ ସିଡିଏମ୍‌ଓ ଡା. ଲଳିତ କୁମାର ରଥ ଉଲ୍ଲେଖ କରିଛନ୍ତି ଯେ ସେ ପ୍ରଥମେ କୋରାପୁଟ ଜିଲ୍ଲା ମୁଖ୍ୟ ଚିକିତ୍ସାଳୟରେ ଥିଲେ ଓ ପରେ ଭାଟକୁମରଡାରେ ଯୋଗଦାନ କରିଥିଲେ । ସେ ନିଜର କର୍ତ୍ତବ୍ୟ ପ୍ରତି ନିଷ୍ଠାବାନ ଥିଲେ । ଏହି ଦୁଃଖଦ ଖବର ଶୁଣି ବ୍ୟକ୍ତିଗତ ଭାବେ ଅତ୍ୟନ୍ତ ଦୁଃଖିତ ।