ମାଡି ଆସୁଛି ‘ଡୋରିଆନ୍’: ୩୦୦ କିମି ବେଗରେ ବହିବ ପବନ

ନ୍ୟୁୟର୍କ ୨/୯: ଅତି ଭୀଷଣ ସାମୁଦ୍ରିକ ଝଡ(ହରିକେନ୍‌) ଡୋରିଆନ୍‌ ଏବେ ଆମେରିକା ଉପକୂଳ ଆଡକୁ ମାଡି ଆସୁଛି । ଏହା ଏକ କାଟେଗୋରୀ ୫ ଶ୍ରେଣୀର ଅତି ଭୀଷଣ ସାମୁଦ୍ରିକ ଝଡ । ସୋମବାର(ଆମେରିକାର ସମୟାନୁସାରେ) ରାତି ସୁଦ୍ଧା ଏହା ଆମେରିକାର ଫ୍ଲୋରିଡା ଉପକୂଳ ଅତିକ୍ରମ କରିବ ବୋଲି ଆମେରିକାର ଜାତୀୟ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ପୂର୍ବାନୁମାନ କରାଯାଇଛି ।

ସୋମବାରରେ ଏହା ବାହାମାସର ଉପକୂଳରେ ରହିଥିଲା । ମହାସାଗର ମଧ୍ୟରେ ଏହା ଅତି ଶକ୍ତିଶାଳୀ ରୂପ ଧାରଣ କରିଛି । ଏହା ଉପକୂଳ ସ୍ପର୍ଶ କରିବା ସମୟରେ ଘଣ୍ଟାପ୍ରତି ୨୮୧ରୁ ୨୯୮ କିଲୋମିଟର ବେଗରେ ପବନ ବହିବାର ଆଶଙ୍କା କରାଯାଉଛି । ବେଳେ ବେଳେ ଏହା ୩୦୦ କିଲୋମିଟର ଅତିକ୍ରମ କରିପାରେ ।

ଏଥିପାଇଁ ଫ୍ଲୋରିଡା ଉପକୂଳରେ ସତର୍କ ସୂଚନା ଜାରି କରାଯାଇଛି । ସାମୁଦ୍ରିକ ଝଡ ସ୍ଥଳଭାଗ ଅତିକ୍ରମ କରିବା ସମୟରେ ୨ରୁ ୪ ଫୁଟ୍‌ ଓ ସମୟରେ ସମୟରେ ୪ରୁ ୭ ଫୁଟ୍‌ ଉଚ୍ଚା ଜୁଆର ଉଠିପାରେ ବୋଲି ଆଶଙ୍କା କରାଯାଉଛି ।

ଏଥିପାଇଁ ଫ୍ଲୋରିଡା ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି । ଏହି ସମୟରେ ବିଦ୍ୟୁତ ସରୋବରାହ ବ୍ୟାଘାତ ହେବା ସହ ବିଭିନ୍ନ ବସ୍ତୁ ଉଡି ଯିବା ଓ ଭାଙ୍ଗି ଯିବାର ଆଶଙ୍କା ଥିବାରୁ ଝଡ ସମୟରେ କିମ୍ବା ଅତି ଜୋରର ପବନ ବହିବା ସମୟରେ ଘରୁ ନ ବାହାରିବା ପାଇଁ ଲୋକଙ୍କୁ ପରାମର୍ଶ ଦିଆଯାଇଛି ।

ତେବେ ଏହି ଝଡର ନାଁ ଏମିତି ହେବା ପଛରେ କିଛି କାରଣ ରହିଥାଇପାରେ । ଡୋରିଆନ୍ ଶବ୍ଦଟି ଗ୍ରୀକ୍ ଶବ୍ଦ ‘ଡୋରିୟସ’ରୁ ଆସିଛି, ଯାହାର ଅର୍ଥ ‘ସମୁଦ୍ରର ଶିଶୁ’ । ହୁଏତ ଏହି ସାମୁଦ୍ରିକ ଝଡର ନାଁ ଏମିତି ରହିବା ପଛରେ ଏହି କାରଣ ରହିଥାଇପାରେ ବୋଲି ଅନୁମାନ କରାଯାଉଛି ।

   ସମ୍ବନ୍ଧିତ ଖବର


ପୋଲାଣ୍ଡର ଏହି ଚୌକ୍ ଅମିତାଭ ବଚ୍ଚନଙ୍କ ପିତାଙ୍କ ନାଁରେ ନାମିତ ହେବ, ଇଷ୍ଟାଗ୍ରାମରେ ସୂଚନା ଦେଲେ ଅଭିନେତା

ପାତାଳର ପ୍ରବେଶ ଦ୍ୱାର ପାତାଲକୋଟ୍‌, ଜାଣନ୍ତୁ କେଉଁଠି ରହିଛି ଏହି ରହସ୍ୟମୟ ସ୍ଥାନ

ମେହବୁବା ମୁଫତିଙ୍କ ମନ୍ତବ୍ୟକୁ ନେଇ ବିଜେପି କର୍ମୀଙ୍କ ହଙ୍ଗାମା, ଜମ୍ମୁରେ ପିଡିପି କାର୍ଯ୍ୟାଳୟରେ ଉଡାଇଲେ ତିରଙ୍ଗା

ଫେରୁଛି କରୋନାର ଦ୍ବିତୀୟ ଲହର: ସ୍ପେନରେ ମଇ ପର୍ଯ୍ୟନ୍ତ ଜରୁରୀକାଳୀନ ପରିସ୍ଥିତି ଲାଗୁ, ଶ୍ରୀଲଙ୍କାରେ ପାସେଞ୍ଜର ଟ୍ରେନ୍ ବନ୍ଦ

ଦିଲ୍ଲୀପ ରାୟଙ୍କୁ ମିଳିଲା ଜାମିନ୍, ସିବିଆଇ କୋର୍ଟ ଦେଇଥିଲେ ୩ ବର୍ଷର ଜେଲ ଦଣ୍ଡାଦେଶ

ଦୋହା ବିମାନ ବନ୍ଦରରେ ହଙ୍ଗାମା: ମହିଳାଙ୍କ କପଡା ଖୋଲି ଯାଞ୍ଚ କଲେ ଅଧିକାରୀ, ଜାଣନ୍ତୁ କ’ଣ ଥିଲା ପୁରା ଘଟଣା