PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୋକସରା: ଶୌଚ ପାଇଁ ଯାଇ ଘରକୁ ଫେରିନଥିଲେ, ପୋଖରୀରୁ ଉଦ୍ଧାର ହେଲା ମୃତଦେହ
  • ||
  • କଳାହାଣ୍ଡି : ହିମାଚଳ ପ୍ରଦେଶରୁ କରୋନା ସଂପର୍କିତ ନକଲି ଔଷଧ ଆଣି ବିତରଣ ଅଭିଯୋଗରେ କେସିଙ୍ଗା ସ୍ଥିତ ବିଜୟ ଫାର୍ମାସିଟିକାଲ ଓ ଧର୍ମଗଡ ସ୍ଥିତ ଜୟହୀନ୍ଦ ଟ୍ରେଡର୍ସ ଉପରେ ଚଢ଼ାଉ
  • ||
  • ନବରଙ୍ଗପୁର: ଭାରସାମ୍ୟ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇଚାଲିଗଲା ଡ୍ରାଇଭରଙ୍କ ଜୀବନ
  • ||
  • ଭୁବନେଶ୍ୱର: ଜୁନ୍ ଶେଷ ସୁଦ୍ଧା ପ୍ରକାଶ ପାଇବ ମାଟ୍ରିକ୍ ରେଜଲ୍ଟ : ଗଣଶିକ୍ଷା ମନ୍ତ୍ରୀ
  • ||
  • ସମ୍ବଲପୁର: ପୁଣି ଚର୍ଚ୍ଚାରେ ସମ୍ବଲପୁର ଜେଲ, କଏଦୀକୁ ଗଞ୍ଜେଇ ବିକି ଧରାପଡିଲେ ଜେଲ୍ ଓ୍ବାର୍ଡର୍, ବଣେଇଗଡ ଜେଲକୁ ହେଲେ ବଦଳି
  • ||
  • ରାଜସୁନାଖଳା: ଜାଗା ବାଡ଼ି ମଧ୍ୟସ୍ଥତାକୁ ନେଇ ରକ୍ତାକ୍ତ ସଂଘର୍ଷ, ଜଣେ ଗୁରୁତର
  • ||
  • କଣ୍ଟାବାଞ୍ଜି : ବର୍ଷା ଦାଉରୁ ଆଶ୍ରୟ ପାଇଁ ଦୋକାନ ପିଣ୍ଡାକୁ ଯାଇ ଷଣ୍ଢକୁ ଲାଗିଲା ବିଜୁଳି ଝଟକା, ଘଟଣାସ୍ଥଳରେ ଟଳିପଡିଲା…
  • ||
  • ନୀଳଗିରି: ଯୁବକର ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ସନ୍ଦେହ, ପୁଲିସ ତଦନ୍ତ ଆରମ୍ଭ
  • ||
  • ପୁରୀ : ମହାପ୍ରଭୁଙ୍କ ସ୍ନାନପୂର୍ଣ୍ଣିମା ପ୍ରସ୍ତୁତି, ଭୋର ୪ଟା ସୁଦ୍ଧା ପହଣ୍ଡ ବିଜେ ନୀତି, ସାମାଜିକ ଦୂରତାକୁ ଗୁରୁତ୍ୱ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟାରେ ମଧ୍ୟରେ ୪୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୩୩ଶହ ଟପିଲା
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟାରେ ଚିହ୍ନଟ ହେଲେ ଆଉ ୪ ହଜାର ୪୬୯ କରୋନା ପଜିଟିଭ, ସଂକ୍ରମିତଙ୍କ ସଂଖ୍ୟା ୮ ଲକ୍ଷ ୫୧ ହଜାର ପାର୍
  • ||
  • ପୁରୀ : ରଥଖଳା ହାଲ୍‌ଚାଲ, ୨୧ ଅଖରେ ଲାଗିଲା ୪୨ ଚକ, ପ୍ରଭା ଅପସରା କାମ ଆରମ୍ଭ
  • ||
  • ଭୁବନେଶ୍ୱର : ବର୍ଷାରେ ଧୋଇଯିବ ରଜ ମଉଜ, ୪୮ ଘଣ୍ଟା ଭିତରେ ଲଘୁଚାପ ଘନୀଭୂତ ହୋଇ ଅବପାତ ରୂପ ନେଇପାରେ, ଉପକୂଳରେ ବର୍ଷା ଜାରି-ଆଭ୍ୟନ୍ତରୀଣରେ ବଢ଼ିବ
  • ||
  • ବାମରା : ପରିବାରର ୬ ଜଣଙ୍କୁ ହାଣି ଆତ୍ମହତ୍ୟା କଲା ସଂକ୍ରମିତ ବାପା, ଝିଅ ମୃତ, ପୁଅ- ୩ ଝିଅ ଓ ମା’ ଆହତ
  • ||
  • କଟକ : ଲକ୍‌ଡାଉନ୍‌ ବେଳେ କଟକରେ ବେଧଡ଼କ ଚାଲିଛି ଦେହ ବ୍ୟବସାୟ, ଦୁଇଟି ସ୍ଥାନରେ ଚଢ଼ଉ ବେଳେ ୫ ଯୁବତୀ ଉଦ୍ଧାର, ର‌୍ୟାକେଟ୍‌ର ମୁଖ୍ୟ ଓ ଜଣେ ଗ୍ରାହକ ଗିରଫ
  • ||
  • ଭୁବନେଶ୍ୱର : ଓଡ଼ିଶାରେ ସୁଧୁରୁଛି ସ୍ଥିତି, ୨୬ ଜିଲ୍ଲାରେ ହୋଇପାରେ ଅନଲକ, ୪ ଜିଲ୍ଲା ପାଇଁ ସ୍ୱତନ୍ତ୍ର ଷ୍ଟ୍ରାଟେଜି
  • ||

ନୃତ୍ୟଗୁରୁ ଶାଶ୍ୱତ ଯୋଶୀଙ୍କ ବିରୋଧରେ ଅଭିଯୋଗ ଆଣିଲେ ଛାତ୍ରୀ, କହିଲେ- ସେ ସବୁଠୁ ଶସ୍ତା ଓ ନିମ୍ନ ମାନସିକତାର ବ୍ୟକ୍ତି

ଭୁବନେଶ୍ୱର ୭।୯: ଓଡ଼ିଶୀ ନୃତ୍ୟଗୁରୁ ଶାଶ୍ୱତ ଯୋଶୀଙ୍କ ବିରୋଧରେ ସାଙ୍ଘାତିକ ଅଭିଯୋଗ ଆଣିଛନ୍ତି ତାଙ୍କର ଜଣେ ଛାତ୍ରୀ। ଆକାଂକ୍ଷା କୁମାରୀ ନାମକ ଜଣେ ଛାତ୍ରୀ ଫେସ୍‌ବୁକ୍‌ ପୋଷ୍ଟ କରି ଶାଶ୍ୱତ ଯୋଶୀଙ୍କ ବିରୋଧରେ ନାନା କଥା କହିଛନ୍ତି। ଆକାଂକ୍ଷା କଟକରେ ରୁହନ୍ତି। ସେ ଉତ୍କଳ ବିଶ୍ୱବିଦ୍ୟାଳୟରେ ସାମ୍ବାଦିକତା ଏବଂ ଗଣମାଧ୍ୟମରେ ଏମ୍‌ଏ କରୁଥିବା ଜଣାପଡିଛି।

ଆକାଂକ୍ଷା ଫେସବୁକ୍ ପୋଷ୍ଟରେ ଲେଖିଛନ୍ତି, ‘ସବୁଠୁ ବଡ଼ ଶସ୍ତା ଓ ନିମ୍ନ ମାନସିକତାର ବ୍ୟକ୍ତି ହେଉଛନ୍ତି ଶାଶ୍ୱତ ଯୋଶୀ। ୨୦୧୧ ମସିହାରେ ଗୋଟିଏ ଏନ୍‌ସିସି କ୍ୟାମ୍ପରେ ତାଙ୍କ ସହ ମୋର ଦେଖା ହୋଇଥିଲା। ଗୋଟିଏ ସାଂସ୍କୃତିକ କାର୍ଯ୍ୟକ୍ରମ ପାଇଁ ନାଚ କୋରିଓଗ୍ରାଫ୍‌ କରିବାକୁ ସେ ଆସିଥିଲେ। ତାଙ୍କ ଉତ୍ତମ ବ୍ୟକ୍ତିତ୍ୱ ଓ ଦକ୍ଷତା ଦେଖି ପ୍ରଥମେ ତ ମୁଁ ତାଙ୍କ ପ୍ରତି ଆକୃଷ୍ଟ ହୋଇଯାଇଥିଲି। ମୋର ନୃତ୍ୟ ପ୍ରତି ଆଗ୍ରହ ଥିଲା। ଦ୍ୱାଦଶ ଶ୍ରେଣୀ ପଢ଼ିବା ପରେ ମୁଁ ତାଙ୍କ ଡ୍ୟାନ୍ସ ଏକାଡେମୀରେ ଯୋଗଦେଇଥିଲି।’

ସେ ଆହୁରି ଲେଖିଛନ୍ତି- ‘ଏହାପରେ ଧୀରେ ଧୀରେ ତାଙ୍କର ପ୍ରକୃତ ଚେହେରା ସାମ୍ନାକୁ ଆସିଲା। ତାଙ୍କ ସହ ମୁଁ ଅନେକ ଡ୍ୟାନ୍ସ ଶୋ’ କରିଛି। ବିଭିନ୍ନ ଦେଶ ଯାଇ ଓଡ଼ିଶୀ ନୃତ୍ୟ ପ୍ରଦର୍ଶନ କରିଛି। କିନ୍ତୁ ସେସବୁର କି ଲାଭ ଯଦି ଜଣେ ଗୁରୁ ତା’ର ଶିଷ୍ୟର ଉନ୍ନତି ଦେଖିପାରିବନି? ଶାଶ୍ୱତ ଯୋଶୀ ନାଚ ଶିଖାଉଥିବା ତାଙ୍କର ଶିଷ୍ୟମାନଙ୍କୁ କିଣି ନେଲା ପରି ବ୍ୟବହାର କରନ୍ତି। ସେ କାହାର ସମ୍ମାନ କରନ୍ତି ନାହଁ। ଝିଅମାନଙ୍କୁ ‘ବଜାରୀ’ ଏବଂ ‘ସ୍ଲଟ୍‌’ କହି ଡାକନ୍ତି। ଏମିତି କି ସେ ଝିଅ ହେଉ କି ପୁଅ କାହା ଉପରକୁ ହାତ ଉଠାଇବାକୁ ମଧ୍ୟ ପଛଘୁଞ୍ଚା ଦିଅନ୍ତି ନାହିଁ। ତାଙ୍କ ଅବସର ସମୟର କାମ ହେଉଛି ଅନ୍ୟମାନଙ୍କ ବିରୋଧରେ ଖରାପ କଥା ଗପିବା। ଏ ଏମିତି ଜଣେ ବ୍ୟକ୍ତି ଯେ ମୋର ବ୍ୟକ୍ତିଗତ ମାମଲାରେ ମଧ୍ୟ ମୁଣ୍ଡ ପୂରାଉଥିଲେ। ମୁଁ କଣ କଲି। ମୋ ପରିବାରରେ କ’ଣ ହେଲା ଏମିତି କି ମୁଁ ସୋଶାଲ୍‌ ମିଡିଆ କ’ଣ ପୋଷ୍ଟ କଲି ସେସବୁ ଉପରେ ମଧ୍ୟ ସେ ପ୍ରଶ୍ନ କରୁଥିଲେ।’

‘ମୋର ପୂର୍ବ ପ୍ରେମ ସମ୍ପର୍କ ବିଷୟରେ ସେ ଜାଣିଥିଲେ। ନାଚ ଶିଖିବା ସମୟରେ ଯଦି କିଛି ଭୁଲ୍‌ ହୋଇଯାଉଥିଲା ତେବେ ସେ ମୋତେ ଅଶ୍ଲୀଳ ଭାଷାରେ ଗାଳି କରୁଥିଲେ ଏବଂ ମୋ ପାର୍ଟନର କଥା ଉଠାଇ ମୋତେ କଡା କଥା କହୁଥିଲେ।  ମୋ ବିଷୟରେ ଅନ୍ୟମାନଙ୍କ ସହ ଅନେକ ଖରାପ କଥା ଗପିଛନ୍ତି। ମୁଁ ପୁରୁଷମାନଙ୍କ ସହ ଶୋଇଚି ଆଉ ଏଇଟା ମୋ ଚରିତ୍ର ବୋଲି ସେ ଅନ୍ୟମାନଙ୍କ ଆଗରେ କହିଛନ୍ତି। ତାଙ୍କୁ ଯଦି ଏ ସମ୍ପର୍କରେ କିଛି ପଚରାଯାଏ ତେବେ ସେ କୁମ୍ଭୀର କାନ୍ଦଣା କାନ୍ଦି ସେସବୁ ଚପେଇଦବାକୁ ଚେଷ୍ଟା କରନ୍ତି।’

‘ସେ ଯେଉଁ ସବୁ ବଲିଉଡ୍‌ କଳାକାର ଯେମିତିକି ପ୍ରିୟଙ୍କା ଚୋପ୍ରା ଦୀପିକା ପାଦୁକୋନ୍‌ଙ୍କ ସହ କାମ କରିଛନ୍ତି ବୋଲି କହୁଛନ୍ତି ସେସବୁ ମିଛ।’

ଆକାଂକ୍ଷାଙ୍କ କହିଛନ୍ତି, ଗୁରୁ ଦିବସରେ ଶାଶ୍ୱତ ଯୋଶୀଙ୍କୁ ଧନ୍ୟବାଦ। କାରଣ ସେ ତାଙ୍କଠୁଁ ଅନେକ କିଛି ଶିଖିଛନ୍ତି। କିନ୍ତୁ ଭଲ ହୋଇଥାନ୍ତା ଯଦି ସେ ଏମିତି ଗୁରୁଙ୍କ ସହ କେବେ ଭେଟ ହୋଇ ନଥାନ୍ତେ।

ଆକାଂକ୍ଷାଙ୍କ ଏହି ଫେସ୍‌ବୁକ୍‌ ପୋଷ୍ଟକୁ ପାଖାପାଖି ୭୦ ଜଣ ଲୋକ ଶେଆର କରିଛନ୍ତି।  ସତ୍ୟତା ସାମ୍ନାକୁ ଆଣିଥିବାରୁ କିଛି ଲୋକ ଆକାଂକ୍ଷାଙ୍କୁ ସାବାସୀ ଦେଇଥିବା ବେଳେ କିଛି ଲୋକ ଏ ସମ୍ପର୍କରେ ଶାଶ୍ୱତ ନିଜ ପ୍ରତିକ୍ରିୟା ରଖନ୍ତୁ ବୋଲି କହିଛନ୍ତି। କିନ୍ତୁ ଆକାଂକ୍ଷାଙ୍କ ଅଭିଯୋଗ ସଂପର୍କରେ ଶାଶ୍ୱତଙ୍କଠାରୁ କିଛି ପ୍ରତିକ୍ରିୟା ମିଳି ନାହିଁ।