PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ : ବକ୍ସିଂ ପ୍ରି-କ୍ୱାର୍ଟରରେ ହାରିଲେ ମେରିକମ୍
  • ||
  • କନ୍ଧମାଳ ଗସ୍ତରେ ପଞାୟତିରାଜ, ନଗର ଉନ୍ନୟନ ଓ ଆଇନ ମନ୍ତ୍ରୀ ପ୍ରତାପ ଜେନା । ଜଗାକୁ ଭେଟିଲେ, ବିଭିନ୍ନ ସରକାରୀ ଯୋଜନାର ସମୀକ୍ଷା କଲେ ।
  • ||
  • ମାଲକାନଗିରି ଜିଲ୍ଲା ଖଇରପୁଟ ରାସ୍ତାରେ ବଲେରୋ ଗାଡ଼ି ସହ ୭କ୍ୱିଣ୍ଟାଲ ଗଞ୍ଜେଇ ଜବତ- ଜଣେଗିରଫ
  • ||
  • ନାକଟିଦେଉଳ: ବରଗଛରୁ ଝୁଲନ୍ତା ଅବସ୍ଥାରେ ଯୁବକର ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକେ
  • ||
  • ଭୁବନେଶ୍ୱର: ବରିଷ୍ଠ ଆଇଏଏସ୍ ସ୍ତରରେ ଅଦଳବଦଳ, IAS ଅଶୋକ ମୀନା ହେଲେ ପଞ୍ଚାୟତିରାଜ ଓ ପାନୀୟ ଜଳ ବିଭାଗର ପ୍ରମୁଖ ସଚିବ
  • ||
  • ନୀଳଗିରି: ଆଇନଜୀବୀଙ୍କୁ ମାଡ଼ ପ୍ରତିବାଦରେ ନୀଳଗିରି କୋର୍ଟ ବନ୍ଦ କଲେ ଓକିଲ ସଙ୍ଘ
  • ||
  • କଟକ: ଆସନ୍ତାକାଲି ଅଫ୍‌ଲାଇନ୍ ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଟୋକିଓ ଟକ୍କର: ପଦକ ପାଇବା ଦିଗରେ ଆଉ ପାଦେ ବଢିଲେ ସିନ୍ଧୁ, କ୍ୱାର୍ଟର ଫାଇନାଲରେ ପହଁଚିଲେ
  • ||
  • ବକ୍ସିଂ କ୍ବାର୍ଟରରେ ପହଞ୍ଚିଲେ ଭାରତର ସତୀଶ କୁମାର
  • ||
  • ଭୁବନେଶ୍ୱର: ମାଷ୍ଟରକ୍ୟାଣ୍ଟିନ୍ ଉଦ୍ଧାର ହେଲା ଅଜଣା ଯୁବକଙ୍କ ମୃତଦେହ, ଜବତ କଲା ପୁଲିସ
  • ||
  • ଭୁବନେଶ୍ୱର: ଥାମୁନି କରୋନ ମୃତ୍ୟୁ,ରାଜ୍ୟରୁ ଆଉ ୬୫ ଜଣଙ୍କ ଜୀବନ ନେଲା କରୋନା
  • ||
  • ଭୁବନେଶ୍ୱର: ଓଡ଼ିଶାରେ କମୁଛି ସଂକ୍ରମଣ, ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୧୬୧୫ଜଣ କୋଭିଡ୍ ପଜିଟିଭ
  • ||
  • କେନ୍ଦୁଝର: ଘାତକ ସାଜିଲା ଫ୍ରି-ଫାୟାର୍ ଗେମ୍, ଚାଲିଗଲା ଦଶମ ଶ୍ରେଣୀ ଛାତ୍ରଙ୍କ ଜୀବନ
  • ||
  • ଭୁବନେଶ୍ୱର: ଆଜି ୨ ଜିଲ୍ଲାରେ ହେବନି ଟିକାଦାନ
  • ||
  • ସମ୍ବଲପୁର: ହୀରାକୁଦ ଜଳଭଣ୍ଡାରର ବନ୍ଦ ହେଲା ୨ଟି ସୁଇଜ ଗେଟ୍, ୧୨ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||

ଜାପାନ୍‌ ଯିବେ ଆଦିବାସୀ ଛାତ୍ରୀ ରଜନୀ

ରାସୋଳ,୨୬ା୨(ଆପ୍ର): ସପ୍ତମ ଜାତୀୟ ବିଜ୍ଞାନ ପ୍ରକଳ୍ପ ପ୍ରତିଯୋଗିତାରେ ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଲକ୍‌ ସ୍ଥିତ ଉତ୍କଳ ଭାରତୀ ବିଦ୍ୟାପୀଠ ଖଲିବୋରେଇର ଦଶମ ଶ୍ରେଣୀ ଛାତ୍ରୀ ରଜନୀ ହେମ୍ବ୍ରମ୍‌ ସାକୁରା ବିଜ୍ଞାନ ପ୍ରଦର୍ଶନରେ ଅଂଶଗ୍ରହଣ କରିବାକୁ ଜାପାନ ଯିବେ । ଭାରତ ସରକାରଙ୍କ ବିଜ୍ଞାନ ଓ କାରିଗରି କୌଶଳ ବିଭାଗ ପକ୍ଷରୁ ରଜନୀଙ୍କ ବିଜ୍ଞାନ ପ୍ରକଳ୍ପ ‘ଆଧୁନିକ ଡାଲି ପେଷଣା ଯନ୍ତ୍ର’ ସାକୁରା ବିଜ୍ଞାନ ପ୍ରଦର୍ଶନୀରେ ପ୍ରଦର୍ଶିତ ହେବାକୁ ମନୋନୀତ ହୋଇଛି । ଅନୁଗୁଳ ଜିଲ୍ଲା ନାଲ୍‌କୋ ଡୋକା ହାଟିଂର ବାସିନ୍ଦା ଛୋଟରାୟ ହେମ୍ବ୍ରମ୍‌ଙ୍କ ଝିଅ ରଜନୀ ଖଲିବୋରେଇ ସ୍ଥିତ ଉତ୍କଳ ଭାରତୀ ବିଦ୍ୟାପୀଠର ଛାତ୍ରୀ ଅଟନ୍ତି । ସେଠାରେ ସେ ଛାତ୍ରୀନିବାସରେ ରହି ପାଠ ପଢୁଥିବାବେଳେ ଏବେ ମାଟ୍ରିକ୍‌ ପରୀକ୍ଷା ଦେଉଛନ୍ତି । ଆସନ୍ତା ଅପ୍ରେଲ୍‌ ୨୧ରୁ ୨୭ ତାରିଖ ପର୍ଯ୍ୟନ୍ତ ହେବାକୁ ଥିବା ଜାପାନ ବିଜ୍ଞାନ ଓ କାରିଗରି କୌଶଳ ଏଜେନ୍ସି(ଜେଏସ୍‌ଟି) ଦ୍ୱାରା ଆୟୋଜିତ ‘ସାକୁରା’ ଜାପାନ-ଏସିଆ ୟୁଥ୍‌ ଏକ୍ସଚେଞ୍ଜ୍‌ ପ୍ରୋଗ୍ରାମ୍‌ ଇନ୍‌ ସାଇନ୍ସ ତଥା ‘ସାକୁରା’ ସାଇନ୍ସ ପ୍ଲାନ୍‌ରେ ସେ ଅଂଶଗ୍ରହଣ କରିବେ । ତାଙ୍କ ସହ ସହାୟକ ଶିକ୍ଷକ ତଥା ଉତ୍କଳ ଭାରତୀ ବିଦ୍ୟାପୀଠର ବିଜ୍ଞାନ ଶିକ୍ଷକ ପ୍ରଭାସ କୁମାର ଘଡ଼େଇ ମଧ୍ୟ ଜାପାନ ଯାତ୍ରା କରିବେ ବୋଲି ଜଣାଯାଇଛି । ଭୁବନେଶ୍ୱର ବକ୍ସି ଜଗବନ୍ଧୁ ଇଂରାଜୀ ମାଧ୍ୟମ ବିଦ୍ୟାଳୟର ଜଣେ ଛାତ୍ରୀ ମଧ୍ୟ ଜାପାନ୍‌ ଯିବାକୁ ମନୋନୀତ ହୋଇଛନ୍ତି ।


ଗତ ବର୍ଷ ରଜନୀଙ୍କ ଏହି ପ୍ରକଳ୍ପ ଜିଲ୍ଲାସ୍ତରରୁ ମନୋନୀତ ହୋଇ ରାଜ୍ୟସ୍ତରକୁ ଯାଇଥିଲା । ଭୁବନେଶ୍ୱର କ୍ୟାପିଟାଲ୍‌ ହାଇସ୍କୁଲ୍‌ରେ ଆୟୋଜିତ ରାଜ୍ୟସ୍ତରୀୟ ବିଜ୍ଞାନ ପ୍ରଦର୍ଶନୀରେ ସେ ମନୋନୀତ ହୋଇ ଜାତୀୟସ୍ତରକୁ ଯାଇଥିଲେ । ଜାତୀୟସ୍ତରକୁ ଓଡ଼ିଶାରୁ ମୋଟ୍‌ ୧୪ଟି ପ୍ରକଳ୍ପ ଯାଇଥିବା ବେଳେ ସେମାନଙ୍କ ମଧ୍ୟରେ ରଜନୀ ରହିଥିଲେ । ତେବେ ଗତ ବର୍ଷ ଜାତୀୟ ବିଜ୍ଞାନ ପ୍ରଦର୍ଶନ ହୋଇପାରିନଥିଲା । ଗତ ଫେବ୍ରୁଆରୀ ୧୪-୧୫ ତାରିଖରେ ନୂଆଦିଲ୍ଲୀର ଆଇଆଇଟି କ୍ୟାମ୍ପସ୍‌ରେ ଜାତୀୟ ବିଜ୍ଞାନ ପ୍ରଦର୍ଶନୀ ଅନୁଷ୍ଠିତ ହୋଇଥିବା ବେଳେ ଏହା ପୂର୍ବରୁ ରଜନୀଙ୍କ ପ୍ରକଳ୍ପ ବିଚାରକଙ୍କ ଦ୍ୱାରା ମନୋନୀତ ହୋଇ ଜାପାନ୍‌ ଯିବାକୁ ନିଷ୍ପତ୍ତି ହୋଇଥିଲା ।