ନୂଆଦିଲ୍ଲୀ୧୨/୫: ଦିନକୁ ଦିନ ଭାରତ ତଥା ବିଶ୍ୱରେ ବୃଦ୍ଧି ପାଉଛି ମଧୁମେହ । ଏହି ରୋଗୀମାନଙ୍କୁ ଖାଦ୍ୟପେୟରେ ବିଶେଷ ଭାବରେ ଏହି ରୋଗୀମାନଙ୍କୁ ଖାଦ୍ୟପେୟରେ ବିଶେଷ ଯତ୍ନ ନେବା ଆବଶ୍ୟକ ହୋଇଥାଏ । ବିଶେଷ କରି ସକାଳ ଜଳଖିଆ ରୋଗୀଙ୍କ ପାଇଁ ବେଶ ଗୁରୁତ୍ୱପୂର୍ଣ୍ଣ ବୋଲି ବିଶେଷଜ୍ଞମାନେ ମତ ଦେଇଥାନ୍ତି । ଏପରି ପରିସ୍ଥିତିରେ ଯଦି ଆପଣ ସଠିକ ଖାଦ୍ୟ ନ ଖାଇବେ ତେବେ ମଧୁମେହ ରୋଗୀଙ୍କ ବ୍ଲଡସୁଗାର ସ୍ତର ବଢିବା ସହ ସ୍ଥିତି ଗମ୍ଭୀର ହୋଇପାରେ । ତେଣୁ ମଧୁମେହ ରୋଗରେ ପୀଡ଼ିତ ଲୋକମାନେ ନିଜ ଖାଦ୍ୟପେୟ ଉପରେ ବିଶେଷ ଯତ୍ନ ଦେବା ସହ କ'ଣ ଖାଇବା ଉଚିତ, କ’ଣ ଖାଇବା ଉଚିତ୍ ନୁହେଁ ଆସନ୍ତୁ ଜାଣିବା
ମଧୁମେହ ରୋଗୀ ଜଳଖିଆରେ ଖାଆନ୍ତୁନି ଏହି ଖାଦ୍ୟ
ଫଳ ରସ: ବିଶେଷଜ୍ଞମାନେ ଚେତବନୀ ଦେଇଛନ୍ତି ଯେ ମଧୁମେହ ରୋଗୀମାନେ ଯଦି ଖାଲି ପେଟର ଫଳରସ ପିଉଛନ୍ତି , ତେବେ ତାହା ରକ୍ତରେ ଶର୍କରା ସ୍ତରର ଶୀଘ୍ର ବୃଦ୍ଧି ଘଟାଇପାରେ । କାରଣ ଫଳ ରସରେ ଫାଇବର କମ୍ ଏବଂ ଚିନି ଅଧିକ ମାତ୍ରାରେ ଥାଏ । ସେଥିପାଇଁ ସେମାନଙ୍କ ଠାରୁ ଦୂରରେ ରହିବାକୁ କୁହାଯାଏ । ୨୦୦୮ ମସିହାରେ "ଡାଇବେଟିସ୍ କେୟାର" ପତ୍ରିକାରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଅନୁସନ୍ଧାନକାରୀମାନେ ଜାଣିବାକୁ ପାଇଲେ ଯେ ମଧୁମେହ ରୋଗୀ ଯେଉଁମାନେ ସକାଳେ ଫଳ ରସ ପିଉଥିଲେ ସେମାନଙ୍କ ରକ୍ତରେ ଶର୍କରା ସ୍ତର ବଢିଯାଇଥିଲା ।
ବ୍ରେଡ: ବଜାରରେ ଉପଲବ୍ଧ ଅଧିକାଂଶ ପ୍ରକାରର ବ୍ରେଡରେ ଚିନି, ପ୍ରକ୍ରିୟାକୃତ କାର୍ବୋହାଇଡ୍ରେଟ୍ ଏବଂ ହାଇଡ୍ରୋଜେନେଟେଡ୍ ତେଲ ପରି ବିଭିନ୍ନ ଉପାଦାନ ଅଧିକ ଥାଏ । ତେବେ ବିଶେଷଜ୍ଞମାନେ କହିଛନ୍ତି ଯେ ମଧୁମେହ ରୋଗୀମାନେ ଜଳଖିଆ ପାଇଁ ବ୍ରେଡ ଖାଇଲେ ସେମାନଙ୍କ ସୁଗାର ସ୍ତର ବଢିପାରେ ।
ଚା' ଏବଂ କଫି ସେବନ କରନ୍ତୁ ନାହିଁ: ଅନେକ ଲୋକ ସକାଳୁ ଉଠିବା ମାତ୍ରେ କଫି କିମ୍ୱା ଚା' ପିଇବାକୁ ଭଲାପାଆନ୍ତି । କିନ୍ତୁ ଖାଲି ପେଟରେ କଫି କିମ୍ୱା ଚା' ପିଇବା ସ୍ୱାସ୍ଥ୍ୟ ପାଇଁ କ୍ଷତିକାରକ । ମଧୁମେହ ରୋଗୀମାନେ ସକାଳେ ଖାଲି ପେଟରେ ଏହା ସେବନ କରିବା ଉଚିତ୍ ନୁହେଁ । ଜଳଖିଆରେ ଚା’ ଖାଇବା ଦ୍ୱାରା ଅନେକ ସମସ୍ୟା ହୋଇପାରେ ।
ଜଳଖିଆରେ କ'ଣ ଖାଇବା ଉଚିତ
ମଧୁମେହ ରୋଗୀମାନେ ଜଳଖିଆରେ ଫାଇବର ଏବଂ ପ୍ରୋଟିନ ଭରପୂର ଖାଦ୍ୟ ଖାଇବା ଉଚିତ । ତେଣୁ ସକାଳ ଜଳଖିଆ ପାଇଁ ସିଝା ଅଣ୍ଡା କିମ୍ବା ଅମଲେଟ୍ ଖାଇବାକୁ ପରାମର୍ଶ ଦିଆଯାଇଛି । ସେହିପରି ଜଳଖିଆରେ ଶସ୍ୟ ଜାତୀୟ ପ୍ରସ୍ତୁତ ଖାଦ୍ୟ ଖାଇବା ଉଚିତ। ଦଲିଆ ଖାଇବା ଦ୍ୱାରା ସୁଗାର ସ୍ତର ନିୟନ୍ତ୍ରଣରେ ରହିଥାଏ ବୋଲି କୁହାଯାଏ ।