PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜଳେଶ୍ୱର: ମହିଳାଙ୍କ ଅର୍ଦ୍ଧଦଗ୍ଧ ମୃତ ଦେହ ଠାବ
  • ||
  • ନୟାଗଡ଼: କଟକ ଅବକାରୀ ଗୋଇନ୍ଦା ବିଭାଗ ଦ୍ବାରା ୨କିଲୋ ୩୦୦ଗ୍ରାମ ଅଫିମ ଜବତ, ଜଣେ ଗିରଫ
  • ||
  • ପୁରୀ: ଶ୍ରୀମନ୍ଦିର ସହ ଜଡ଼ିତ ୨୩ଜଣ କରୋନା ପଜିଟିଭ୍ ଚିହ୍ନଟ : ସେବାୟତଙ୍କ ସମେତ ଏକାଧିକ କର୍ମଚାରୀ ସଂକ୍ରମିତ
  • ||
  • ଗଞ୍ଜାମ: ୭ ଦିନ ପାଇଁ ସମସ୍ତ ଧର୍ମାନୁଷ୍ଠାନ, ସର୍ବସାଧାରଣ ସ୍ଥାନ ଯଥା- ପାର୍କ ସମୁଦ୍ରକୂଳ ବନ୍ଦ ନିର୍ଦ୍ଦେଶ, ମେରୁ ଯାତ୍ରା ଓ ପଣା ସଂକ୍ରାନ୍ତି ସର୍ବସାଧାରଣରେ ମନା
  • ||
  • ମାଲକାନଗିରି: ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳ ପାପରମେଟଲା ଥାନା ଅନ୍ତର୍ଗତ ଜାମୁଝାଡୀ ଜଙ୍ଗଲରୁ ଅଚିହ୍ନା ଯୁବକର ମୃତଦେହ ଉଦ୍ଧାର
  • ||
  • କଳାହାଣ୍ଡି: ଜାଲ୍ ସାର୍ଟିଫିକେଟ୍ ଦେଇ ୨୫ ଶିକ୍ଷକ ବହିଷ୍କୃତ
  • ||
  • ଯାଜପୁର: ଡଙ୍କାରୀରେ ବଡ ଧରଣର ଚଢ଼ାଉ, କଳାପଥର ଗାଡି ଜବତ, ଏକାଧିକ ଲୁଟେରା ଗିରଫ
  • ||
  • ବୋଲଗଡ଼: ବାଇକ୍- ବୁଲେଟ ମୁଁହା ମୁଁହି ଧକ୍କା, ୨ ଗୁରୁତର
  • ||
  • ଆଇପିଏଲ୍‌ର-୧୪: ଆଜି ମୁହାଁମୁହିଁ ହେବେ ମୁମ୍ବାଇ ଇଣ୍ଡିଆନ୍ସ ଓ କୋଲକାତା ନାଇଟ ରାଇଡର୍ସ
  • ||
  • କରଞ୍ଜିଆର ଥାନା ବୁଢୀଗାଁରର ଘଟଣା- ସ୍ତ୍ରୀ ଓ ସ୍ତ୍ରୀର ପ୍ରେମିକକୁ କଟୁରିରେ ହାଣିଲା ସ୍ୱାମୀ , ଅଭିଯୁକ୍ତ ସ୍ୱାମୀ ଗିରଫ
  • ||
  • ବାଲେଶ୍ୱରରେ ମୁଖ୍ୟ ଶାସନ ସଚିବ ଓ ୫ଟି ସଚିବ, ବିଭିନ୍ନ ଉନ୍ନୟନମୂଳକ କାର୍ଯ୍ୟର କରିବେ ସମୀକ୍ଷା
  • ||
  • ରାଜ୍ୟ: ପୁଣି ୨ ଜୀବନ ନେଲା କରୋନା, ମୃତ୍ୟୁସଂଖ୍ୟା ୧୯୩୦କୁ ଛୁଇଁଲା
  • ||
  • ଓଡ଼ିଶାରେ ଆଜି ୧୭୮୪ କରୋନା ପଜିଟିଭ୍‌ ଚିହ୍ନଟ, କ୍ୱାରାଣ୍ଟାଇନ୍‌ରୁ ୧୦୩୫ , ଲୋକାଲ କଣ୍ଟାକ୍ଟରୁ ୭୪୯ ଚିହ୍ନଟ
  • ||
  • ଆଜି ଭୁବନେଶ୍ୱରରୁ ୧୯୦ କରୋନା ପଜିଟିଭ ଟିହ୍ନଟ, କ୍ୱାରେଣ୍ଟାଇନ୍‌ରୁ ୩୮ ଓ ଲୋକାଲ କଣ୍ଟାକ୍ଟରୁ ୧୫୨ସଂକ୍ରମିତ
  • ||

ଫିଲ୍ମ ‘ଫେରିଆ’ର ପୋଷ୍ଟର୍, ଟିଜର୍ ରିଲିଜ୍

ଭୁବନେଶ୍ବର,12।1(ବୁୟରୋ): ପୂରଣ ହେଲା 5ବର୍ଷ ତଳର ସ୍ବପ୍ନ। ଯାହା ଫେରିବନି ବୋଲି ଆଶା ଥିଲା, ତାହା ଫେରିଲା ଫିଲ୍ମ ‘ଫେରିଆ’ ମାଧ୍ୟମରେ। ପ୍ରଫେସର ମନୋଜ ରଞ୍ଜନ ନାୟକଙ୍କ ନିବେଦିତ ସୁମା ରିୟଲ ମିଡିଆର ପ୍ରଥମ ଫିଲ୍ମ ‘ଫେରିଆ’ର ପୋଷ୍ଟର୍, ଟିଜର୍ ଏବଂ ଅଡିଓ ଓ ଭିଡିଓ ସିଡି ରିଲିଜ୍ ହୋଇଛି। ‘ସୋଆ’ ହୋଟେଲ ମ୍ୟାନେଜ୍ମେଣ୍ଟ ସଭାଗୃହରେ ଅନୁଷ୍ଠିତ ସଭାରେ ସୁମା ରିୟଲ ମିଡିଆର ସିଇଓ ତଥା ଫିଲ୍ମର ପ୍ରଯୋଜକ ସୁନୀଲ ଦାସ, ‘ନୁୟଜ୍-7’ ସମ୍ପାଦକ ଅର୍ଦ୍ଧନ୍ଦେ ଦାସ ଏବଂ ‘ପ୍ରମେୟ’ ଓ ‘ନୁୟଜ୍-7’ ଗ୍ରୁପ୍ ଏଡିଟର୍ ଗୋପାଳକୃଷ୍ଣ ମହାପାତ୍ର ଯୋଗଦେଇ 5ବର୍ଷ ତଳେ ହୋଇଥିବା ଫିଲ୍ମ ଡିଭିଜନ୍ ୟୁନିଟର କଳ୍ପନା ସମ୍ପର୍କରେ କହିଥିଲେ। ଅର୍ଦ୍ଧନ୍ଦେ ଦାସ ବିସ୍ତୃତ ଭାବେ ଅତୀତର କଥାକୁ ବଖାଣିଥିଲେ। ଆଗକୁ କ୍ଷୁଦ୍ର ପ୍ରାମାଣିକ ଚଳଚ୍ଚିତ୍ର ନିର୍ମ।ଣ ସାଙ୍ଗକୁ ଫିଲ୍ମ ଡିଭିଜନ୍ ୟୁନିଟ କରିବାକୁ ସ୍ଥିର ହୋଇଥିବା କହିଥିଲେ। ସମସ୍ତେ ପୂରା ଟିମ୍କୁ ଶୁଭେଚ୍ଛା ଜଣାଇବା ସହ ସାମ୍ପ୍ରତିକ ପରିସ୍ଥିତି ଉପରେ ଏଭଳି ଏକ ନିଚ୍ଛକ ଓଡ଼ିଆ ଫିଲ୍ମ ପ୍ରସ୍ତୁତ ହୋଇଥିବାରୁ ପ୍ରଶଂସା କରିଥିଲେ। ଏଥିସହ ଫିଲ୍ମରେ ଅଭିନୟ କରିଥିବା ଅଭିନେତା ପ୍ରୀତିରାଜ, ଅଭିନେତ୍ରୀ ଜିନା, ସଂଳାପ ତଥା ଗୀତିକାର ଡ. ନିର୍ମଳ ନାୟକ ଏବଂ ସଙ୍ଗୀତ ନିର୍ଦ୍ଦଶେକ ଶାନ୍ତିରାଜ ଖୋସଲା ପୂରା ଟିମ୍ର ପ୍ରଶଂସା କରିବା ସହ ଏଭଳି ଏକ ସିନେମାରେ କାମ କରି ନିଜକୁ ଧନ୍ୟ ମଣିଛନ୍ତି। କହିଛନ୍ତି, ଯେଉଭଳି ଫିଲ୍ମ କରିବାକୁ ଆମେ ଖୋଜୁଥିଲୁ ତାହା ‘ଫେରିଆ’ ପୂରା କଲା। କାର୍ଯ୍ୟକ୍ରମରେ ନିର୍ଦ୍ଦଶେକ ମିହିର ରଞ୍ଜନ ଆଚାର୍ଯ୍ୟ ନିଜ ଅନୁଭୂତିକୁ ବ୍ୟାଖ୍ୟା କରିଥିଲେ।
ଫିଲ୍ମର କାହାଣୀ ଉପାନ୍ତ ଅଞ୍ଚଳର ପରମ୍ପରା ଏବଂ ସମସ୍ୟା ଉପରେ ଆଧାରିତ, ଯାହା ସତ୍ୟ, ବାସ୍ତବିକ ଏବଂ ପ୍ରସଙ୍ଗଭିତ୍ତିକ। ସମ୍ପୂର୍ଣ୍ଣ ରୂପେ ମୌଳିକଧର୍ମୀ। ଯାହାକୁ ଦେଖିଲେ ହିଁ ଦର୍ଶକ ଜାଣିପାରିବେ। ଆଗରୁ କାହାଣୀ କହିବା ହୁଏତ ଠିକ୍ ହେବନି। ଫିଲ୍ମର ମୁଖ୍ୟ ଭୂମିକାରେ ଅଛନ୍ତି ପ୍ରୀତିରାଜ ଓ ଜିନା। ସେହିପରି ଲୋକଗୀତ ଗାୟକ ସର୍ବଶ୍ବେର ଭୋଇ ଏକ ଭିନ୍ନ ଭୂମିକାରେ ଅବତୀର୍ଣ୍ଣ ହୋଇଛନ୍ତି। ଯେହେତୁ ଫିଲ୍ମଟି କୋରାପୁଟରେ ଶୁଟିଂ ହୋଇଛି, ତେଣୁ ଏଥିରେ କୋରାପୁଟର ନାଟ୍ୟ କଳାକାର ଜୟନ୍ତ ସାନ୍ତରା ଅଭିନୟ କରିଛନ୍ତି। ସେ କୋରାପୁଟିଆ ଭାଷାରେ ସଂଳାପ ବି ଲେଖିଛନ୍ତି। ଜୟନ୍ତ ଦୁର୍ଯ। ଚରିତ୍ରରେ ଥିବାବେଳେ ମୀନାକୁମାରୀ ତାଙ୍କ ପତ୍ନୀ ଭୂମିକାରେ ନଜର ଆସିବେ। କୋରାପୁଟର ଝିଅ ଶିବାନୀ ଖରା ମଧ୍ୟ ଅଭିନୟ କରିଛନ୍ତି। ଦେବଦତ୍ତ ପ୍ରଧାନ ଏକ ପ୍ରମୁଖ ଚରିତ୍ରରେ ଅଭିନୟ କରିଛନ୍ତି। କ୍ୟାମେରା ପଛରେ ରହି ଅନେକ କିଛି କରିଛନ୍ତି ଦେବଦତ୍ତ। ଫିଲ୍ମରେ ତିନୋଟି ଗୀତ ରହିଛି। ନିର୍ମଳ ନାୟକ ଗୀତ ଲେଖିଥିବା ବେଳେ ଶାନ୍ତିରାଜ ଖୋସଲା ସଙ୍ଗୀତ ନିର୍ଦ୍ଦଶେନା ଦେଇଛନ୍ତି। କୋରାପୁଟିଆ ଗୀତଟି ନିଜେ ଶାନ୍ତିରାଜ ଲେଖିଛନ୍ତି। ଫିଲ୍ମର କାହାଣୀ, ଚିତ୍ରନାଟ୍ୟ ସାଙ୍ଗକୁ ନିର୍ଦ୍ଦଶେନା ଭାର ସମ୍ଭାଳିଛନ୍ତି ମିହିର ରଞ୍ଜନ ଆଚାର୍ଯ୍ୟ। ତାଙ୍କୁ ସହଯୋଗ କରିଛନ୍ତି, ଏମ୍ ଟୁନା, ଡିଓପିରେ ଅମରଜିତ୍ ମହାନ୍ତି, ସମ୍ପାଦନାରେ ଅମରେନ୍ଦ୍ର ମହାପାତ୍ର, କଳା ନିର୍ଦ୍ଦଶେନାରେ ସଂଗ୍ରାମ ମହାରଣା, କଷ୍ଟୁୟମ୍ରେ ପ୍ରସନ୍ନ ଶତପଥୀ ପ୍ରମୁଖ ବିଶେଷ ସହଯୋଗ କରିଛନ୍ତି।