PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାଲକାନଗିରି ଜିଲ୍ଲାପାଳଙ୍କ ନାମରେ ଟେଣ୍ଡର ଫିକସିଙ୍ଗ ଓ ଗ୍ରାନାଇଟ ପଥର ଖଣିଲିଜରେ ଦୁର୍ନୀତିର ଅଭିଯୋଗ ଆଣିଲେ ପୁର୍ବତନ ସାଂସଦ ତଥା ପିସିସି କାର୍ଯ୍ୟକାରୀ ସଭାପତି ପ୍ରଦୀପ ମାଝୀ
  • ||
  • କଟକ: ଦୁଷ୍କର୍ମ ମାମଲ, ୧୪ ବର୍ଷ ପରେ ଆଜୀବନ କାରାଦଣ୍ଡ ଆସାମୀ ନିର୍ଦୋଷରେ ଖଲାସ
  • ||
  • ବଲାଙ୍ଗୀର: ମୂଲ୍ୟବାନ ଖଇର ଗଣ୍ଡି ଓ ଗାଡି ଜବତ କଲା ବନ ବିଭାଗ, ଡ୍ରାଇଭର ଫେରାର
  • ||
  • କୋରାପୁଟ: ବାଇକ୍ ଚୋର ଗ୍ୟାଙ୍ଗକୁ ଧରିବା ସଫଳ ହେଲା କୋରାପୁଟ ଟାଉନ ଥାନା ପୋଲିସ, ୧୫ ବାଇକ୍‌ ଉଦ୍ଧାର, ୩ ଚୋର ଗିରଫ
  • ||
  • ଜଗତସିଂହପୁର: ଅଲିପିଙ୍ଗଳ ବାଲିଘାଟରେ ପୁଣି ଚଢ଼ଉ କଲେ ତହସିଲଦାର , ୭ରୁ ଅଧିକ ହାଇଓ୍ବା ଜବତ, ମାଲିକ ମହଲରୁ ତେଜୁଛି ଅସନ୍ତୋଷ
  • ||
  • ଭୁବନେଶ୍ୱର : ଓଡ଼ିଶାରେ ଚିନ୍ତା ବଢ଼ାଉଛି ମୃତ୍ୟୁ ସଂଖ୍ୟା, ୨୪ ଘଣ୍ଟାରେ ଆଉ ୩୮ ଜଣଙ୍କ ଜୀବନ ନେଲା କରୋନା
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୨୯୫୭ କରୋନା ପଜିଟିଭ୍
  • ||
  • ପୁରୀ : ସ୍ନାନ ପୂର୍ଣ୍ଣିମା ପାଇଁ ପୁରୀରେ ୧୪୪ ଧାରା, ୨୩ ତାରିଖ ରାତି ୧୦ଟାରୁ ୨୫ ତାରିଖ ଭୋର ୨ଟା ଯାଏଁ କଟକଣା
  • ||
  • ପୁରୀ : ଏବର୍ଷ ୩ ଦିନ ନବଯୌବନ ଦର୍ଶନ, ଆଜି ଶ୍ରୀମନ୍ଦିରରେ ଦଇତାପତି ସେବାୟତଙ୍କ ପ୍ରବେଶ, ୨୩ରେ ସେନାପଟା ଲାଗି ନୀତି
  • ||
  • ଭୁବନେଶ୍ୱର : ଓଡ଼ିଶାର ୭ ଜିଲ୍ଲାରେ ନିଅଣ୍ଟିଆ ବର୍ଷା, ଆଜି ୧୨ ଜିଲ୍ଲାରେ ଘଡ଼ଘଡ଼ି ସହ ବର୍ଷା ସମ୍ଭାବନା, ୟେଲୋ ୱାର୍ଣ୍ଣିଂ ଜାରି
  • ||

ଆଧାର ଆଇନରେ ସଂଶୋଧନ ମାମଲା:କେନ୍ଦ୍ର ସରକାରଙ୍କୁ ସୁପ୍ରିମକୋର୍ଟଙ୍କ ନୋଟିସ୍‌

ନୂଆଦିଲ୍ଲୀ ୨୩/୧୧: କେନ୍ଦ୍ର ସରକାର ଆଧାର ଆଇନରେ ସଂଶୋଧନ କରିଥିବାରୁ ତାର ବୈଧତାକୁ ଚାଲେଞ୍ଜ କରି ଆଗତ ଏକ ପିଟିସନ ଉପରେ ସୁପ୍ରିମକୋର୍ଟ ଶୁକ୍ରବାର ନୋଟିସ୍‌ ଜାରି କରିଛନ୍ତି । ଆଇନରେ ସଂଶୋଧନ କରି କେନ୍ଦ୍ର ସରକାର ଘରୋଇ ସଂସ୍ଥାମାନଙ୍କୁ ସ୍ୱେଚ୍ଛାକୃତ ଭାବେ ଗ୍ରାହକଙ୍କ ଆଧାର ତଥ୍ୟ ରଖିବାକୁ ଅନୁମତି ଦେଇଛନ୍ତି । ଏହାଦ୍ୱାରା ସରକାର ସୁପ୍ରିମକୋର୍ଟ ପୂର୍ବରୁ ଆଧାର ମାମଲାରେ ଦେଇଥିବା ରାୟର ଉଲ୍ଲଂଘନ କରିଛନ୍ତି ବୋଲି ଆବେଦନକାରୀ ଦର୍ଶାଇଛନ୍ତି । ପ୍ରଧାନ ବିଚାରପତି ଏସ୍‌.ଏ. ବୋବ୍‌ଡେ ଓ ବିଚାରପତି ଜି.ଆର. ଗବାଇଙ୍କୁ ନେଇ ଗଠିତ ଖଣ୍ଡପୀଠ ମାମଲାର ଶୁଣାଣି କରି କେନ୍ଦ୍ର ସରକାର ଓ ଭାରତର ଏକକ ପରିଚୟପତ୍ର କର୍ତ୍ତୃପକ୍ଷ (ୟୁଆଇଡିଏଆଇ)ଙ୍କୁ ନୋଟିସ ଜାରି କରିଛନ୍ତି । ଏଥିସହ ପୂର୍ବରୁ ଏ ସଂକ୍ରାନ୍ତରେ ଫେବ୍ରୁଆରୀରେ ଜାରି ଅଧ୍ୟାଦେଶକୁ ଚାଲେଞ୍ଜ କରି ଆଗତ ପିଟିସନ ସହ ଏହି ମାମଲାର ଶୁଣାଣି କରିବାକୁ ସୁପ୍ରିମକୋର୍ଟ କହିଛନ୍ତି ।

ଆଧାର ଆଇନରେ ସଂଶୋଧନକୁ ଏସ୍‌.ଜି ବମ୍ବାଟକେରେ ନାମକ ଜଣେ ଅବସରପ୍ରାପ୍ତ ସେନା ଅଧିକାରୀ ସୁପ୍ରିମକୋର୍ଟରେ ଚାଲେଞ୍ଜ କରିଛନ୍ତି । ସେଥିରେ ସେ ଦର୍ଶାଇଛନ୍ତି ଯେ ପୂର୍ବରୁ ସୁପ୍ରିମକୋର୍ଟର ୫ ଜଣିଆ ସାମ୍ବିଧାନିକ ଖଣ୍ଡପୀଠ ବିଭିନ୍ନ ସରକାରୀ ଯୋଜନାରେ ଲୋକମାନଙ୍କୁ ସାମିଲ କରିବା ଓ ତାର ଲାଭ ପ୍ରଦାନ କରିବା ଲାଗି ଆଧାର ତଥ୍ୟ ବ୍ୟବହାରକୁ ବାଧ୍ୟତାମୂଳକ କରିଥିଲେ । କିନ୍ତୁ ଘରୋଇ ସଂସ୍ଥାମାନେ ବାଧ୍ୟତାମୂଳକ ହେଉ କିମ୍ବା ସ୍ୱେଚ୍ଛାକୃତ ଭାବେ ହେଉ, ଗ୍ରାହକଙ୍କ ଆଧାର ତଥ୍ୟ ରଖିପାରିବେ ନାହିଁ ବୋଲି କହିଥିଲେ । ହେଲେ ସରକାର ଗତ ଜୁଲାଇରେ ଆଧାର ଆଇନରେ ସଂଶୋଧନ କରି ଧାରା ୬ରେ ଏକ ନୂଆ ଧାରା ୪(୭) ଯୋଡିଛନ୍ତି । ଯେଉଁଥିରେ କୁହାଯାଇଛି କି ସଂସଦ ଯେକୌଣସି କ୍ଷେତ୍ରରେ ଆଧାର ବ୍ୟବହାରକୁ ବାଧ୍ୟତାମୂଳକ କରିପାରିବ । ଏହାଦ୍ୱାରା ବ୍ୟାଙ୍କରେ ଆକାଉଣ୍ଟ ଖୋଲିବା ଏବଂ ନୂଆ ମୋବାଇଲ ସଂଯୋଗ ନେବା କ୍ଷେତ୍ରରେ ଘରୋଇ ସଂସ୍ଥାମାନେ ଗ୍ରାହକଙ୍କ ପରିଚୟପତ୍ର ଭାବେ ଆଧାର ତଥ୍ୟକୁ ବ୍ୟବହାର କରିବାର ବ୍ୟବସ୍ଥା କରିଛନ୍ତି । ସରକାରଙ୍କ ଏହି ସଂଶୋଧନ ପୂର୍ବରୁ ସୁପ୍ରିମକୋର୍ଟ ଦେଇଥିବା ରାୟର ବିରୁଦ୍ଧାଚରଣ କରୁଛି । ତେଣୁ ସଂଶୋଧନକୁ ରଦ୍ଦ କରିବାକୁ ଆବେଦନକାରୀ ସର୍ବୋଚ୍ଚ ଅଦାଲତକୁ ନିବେଦନ କରିଛନ୍ତି ।

ସମ୍ବନ୍ଧିତ ଖବର