PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ: ଜ୍ଞାନବ୍ୟାପୀ ମସଜିଦ୍‌ ବିବାଦ। ୩୦ରେ ଦୁଇ ପକ୍ଷଙ୍କୁ ମିଳିପାରେ ସର୍ଭେ ଭିଡିଓ। ଜ୍ଞାନବ୍ୟାପୀ ସର୍ଭେ ଭିଡିଓକୁ ନେଇ ଜିଲ୍ଲା କୋର୍ଟଙ୍କ ନିର୍ଦ୍ଦେଶ। ଆସନ୍ତା ୩୦ରୋ ଦୁଇ ପକ୍ଷଙ୍କୁ ମିଳିପାରେ ଭିଡିଓ।
  • ||
  • କଟକ : ଅନୁଭବ ଓ ବର୍ଷାଙ୍କୁ ହାଇକୋର୍ଟଙ୍କ କଡ଼ା ତାଗିଦ୍, ସୋସିଆଲ ମିଡିଆରେ ପରସ୍ପରକୁ ଆକ୍ଷେପ ନ କରିବାକୁ ନିର୍ଦ୍ଦେଶ
  • ||
  • ସୋର: ରାସ୍ତାରେ ହଟହଟା ହେଲେ ଖଇରା ବିଦ୍ୟୁତ୍ ବିଭାଗ ଏସଡିଓ, ଅସ୍ଥାୟୀ ମିଟର ରିଡର କର୍ମଚାରୀଙ୍କ ବହିଷ୍କାର ଆଶଙ୍କାରେ ଆକ୍ରୋଶର ଶିକାର…
  • ||
  • ଭୁବନେଶ୍ବର: ଟିଚିଂ ହସ୍ପିଟାଲ ଭାବେ ଘୋଷଣା ହେଲା କ୍ୟାପିଟାଲ ହସ୍ପିଟାଲ, ଆଗାମୀ ୫୦ ବର୍ଷକୁ ଦୃଷ୍ଟିରେ ରଖି ରାଜ୍ୟ ସରକାରଙ୍କ ମାଷ୍ଟର ପ୍ଲାନ୍, ୨୮୫ କୋଟି ଅନୁମୋଦନ…
  • ||
  • ଭୁବନେଶ୍ୱର: ପେଟ୍ରୋଲିୟମ ଡିଲର୍ସ ଆସୋସିଏସନର ପକ୍ଷରୁ ଦୁଇ ଦିନିଆ ଧର୍ମଘଟ, ସନ୍ଧ୍ୟା ୬ରୁ ସକାଳ ୬ ବନ୍ଦ ରହିବ ସମସ୍ତ ପେଟ୍ରୋଲ ଟାଙ୍କି
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ଆକ୍ଟିଭ କେସ୍, ୨୪ ଘଣ୍ଟା ମଧ୍ୟରେ ବାହାରିଲେ ୦୯ ଜଣ କରୋନା ପଜିଟିଭ
  • ||
  • ଭୁବନେଶ୍ୱର: ‘କୋକୋ’ ଆପ୍‌ରେ ଋଣ ଠକେଇ ମାମଲା : ଦିଲ୍ଲୀରୁ ଧରାପଡି଼ଲା ମୁଖ୍ୟ କାର୍ପଟଦାର ରାମ, ୧୦୫୮ ଭର୍ଚୁଆଲ୍‌ ବ୍ୟାଙ୍କ ଆକାଉଣ୍ଟ ଫ୍ରିଜ୍
  • ||
  • ଚିଲିକା : ଯାତ୍ରୀବାହୀ ଡଙ୍ଗାର ଭାଙ୍ଗିଲା ମେସିନ୍ ସ୍ଲାବ, ଚିଲିକା ମଝିରେ ଅଟକିଲେ ୪୦ରୁ ଅଧିକ ଯାତ୍ରୀ
  • ||
  • କଟକ: ଅନୁଭବ-ବର୍ଷା ବିବାହ ବିବାଦ: “ବର୍ଷା ନିଜେ ଚଲାଉଛନ୍ତି ଫ୍ୟାନ୍‌ କ୍ଲବ୍‌ ପେଜ୍‌’
  • ||
  • ଭୁବନେଶ୍ୱର: ଆସିବ ସ୍ୱଚ୍ଛତା, ଲୋକଙ୍କୁ ମିଳିବ ସୁବିଧା: ଆଜିଠୁ ଅନ୍‌ଲାଇନ୍‌ରେ ହୋଲ୍ଡିଂ ଟ୍ୟାକ୍ସ ଆଦାୟ କରିବ ବିଏମ୍‌ସି
  • ||
  • ସୁନ୍ଦରଗଡ : ଓସିଏଲ୍‌ ଆଇରନ କାରଖାନାରୁ ଲୁହା ଚୋରି କରୁଥିଲା ଚୋର, ଛାତରୁ ପଡି ଚାଲିଗଲା ଜୀବନ
  • ||
  • ଭୁବନେଶ୍ୱର: ଟ୍ରାଫିକ୍‌ ଯନ୍ତ୍ରଣାରୁ ମିିଳିବ ମୁକ୍ତି: ଜୟଦେବ ବିହାରରୁ ନନ୍ଦନକାନନ ମଧ୍ୟରେ ନିର୍ମାଣ ହେବ ସବୁଠାରୁ ଦୀର୍ଘତମ ଫ୍ଲାଏଓଭର
  • ||

ଆଚରଣ ବିଧି ଉଲ୍ଲଂଘନ ମାମଲାରେ ସୁପ୍ରିମ୍‌କୋର୍ଟଙ୍କ ଟିପ୍ପଣୀ; ନିର୍ବାଚନ କମିଶନ ଏବେ ଚେଇଁଲେ

ୂଆଦିଲ୍ଲୀ,୧୬ ।୪(ଏଜେନ୍ସି): ନିର୍ବାଚନ ପ୍ରଚାର ସମୟରେ ଆପତ୍ତିଜନକ କିମ୍ବା ଉତ୍ତେଜକ ବୟାନବାଜି କରି ଆଦର୍ଶ ଆଚରଣ ବିଧି ଉଲ୍ଲଂଘନ କରୁଥିବା ରାଜନେତାଙ୍କ ବିରୋଧରେ ନିର୍ବାଚନ କମିଶନ (ଇସି)ଙ୍କ କାର୍ଯ୍ୟାନୁଷ୍ଠାନକୁ ସୁପ୍ରିମକୋର୍ଟ ଆଜି ଦୃଢ଼ ସମର୍ଥନ କରିଛନ୍ତି । କହିଛନ୍ତି ବର୍ତ୍ତମାନ ଏହି ମାମଲାରେ ଆଉ କୌଣସି ଆଦେଶର ଆବଶ୍ୟକତା ନାହିଁ ।

ପ୍ରଧାନ ବିଚାରପତି ରଞ୍ଜନ ଗୋଗୋଇ ଓ ବିଚାରପତି ସଞ୍ଜୀବ ଖାନ୍ନାଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି ଯେ, କମିଶନ ଏବେ ଚେଇଁ ଉଠିଲେ ଏବଂ ତାଙ୍କ କ୍ଷମତା ବିଷୟରେ ଅବଗତ ହୋଇ ରାଜନେତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କଲେ । କମିଶନଙ୍କୁ ବର୍ତ୍ତମାନ ଶକ୍ତି ମିଳିଗଲା । ଗତକାଲି ମାମଲାର ଶୁଣାଣି ବେଳେ ପ୍ରଚାର ସମୟରେ ଉତ୍ତେଜକ ଭାଷଣ ଦେଇଥିବା ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ ବହୁଜନ ସମାଜ ପାର୍ଟି ମୁଖ୍ୟ ମାୟାବତୀଙ୍କ ବିରୋଧରେ କମିଶନ ତାଙ୍କ କ୍ଷମତାକୁ ଠିକ୍‌ ଭାବେ ବ୍ୟବହାର କରୁନଥିବାରୁ ସର୍ବୋଚ୍ଚ ଅଦାଲତ ଅସନ୍ତୋଷ ପ୍ରକାଶ କରିଥିଲେ । କମିଶନ ଦନ୍ତହୀନ ଓ କ୍ଷମତାହୀନ ହୋଇପଡିଥିବା ଦର୍ଶାଇ ଏହାର କ୍ଷମତା ପରିସର କ’ଣ ସେହି ବିଷୟରେ ସମୀକ୍ଷା କରିବା ଲାଗି କହିଥିଲେ । ତେବେ ସର୍ବୋଚ୍ଚ ଅଦାଲତଙ୍କ ଏଭଳି ମତାମତ ପରେ କମିଶନ ଉଭୟ ଯୋଗୀ ଓ ମାୟାବତୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ । ଯୋଗୀଙ୍କୁ ୭୨ ଘଣ୍ଟା ଓ ମାୟାବତୀଙ୍କୁ ୪୮ ଘଣ୍ଟା ପ୍ରଚାର ବ୍ୟାନ ଲଗାଇଥିଲେ । ଏଥିସହିତ କମିଶନ ମଧ୍ୟ ଉଭୟଙ୍କୁ କଡା ତାଗିଦ କରିଥିଲେ । ସେହିଭଳି ବିବାଦୀୟ ବୟାନ ପାଇଁ ସମାଜବାଦୀ ପାର୍ଟି ନେତା ଆଜମ ଖାନ୍‌ଙ୍କୁ ୭୨ ଘଣ୍ଟା ଓ କେନ୍ଦ୍ରମନ୍ତ୍ରୀ ମେନକା ଗାନ୍ଧୀଙ୍କୁ ୪୮ ଘଣ୍ଟା ପ୍ରଚାର ବ୍ୟାନ ମଧ୍ୟ ଲଗାଯାଇଥିଲା ।

କୋର୍ଟରେ ଶୁଣାଣି ସମୟରେ କମିଶନଙ୍କ ଓକିଲ ସି.ଏ. ସୁନ୍ଦରମ ଦର୍ଶାଇଥିଲେ ଯେ ଆଚରଣ ବିଧି ଉଲ୍ଲଂଘନ କରୁଥିବା ନେତାଙ୍କ ବିରୋଧରେ ଇସି କେବଳ ନୋଟିସ ଜାରି କରିବେ ଓ ତାହାର ଜବାବ ମାଗିପାରିବେ । ଏଥିସହ କମିଶନ କେବଳ ପରାମର୍ଶ ଜାରି କରିପାରିବେ ଓ ଅତିବେଶୀରେ ନେତାଙ୍କ ବିରୋଧରେ ଏଫଆଇଆର ରୁଜୁ କରିବାକୁ ପୁଲିସକୁ ନିର୍ଦ୍ଦେଶ ଦେଇପାରିବେ । କିନ୍ତୁ କୌଣସି ରାଜନୈତିକ ଦଳର ସ୍ୱୀକୃତି ରଦ୍ଦ କିମ୍ବା କୌଣସି ପ୍ରାର୍ଥୀଙ୍କୁ ଅଯୋଗ୍ୟ ଘୋଷଣା କରିପାରିବେ ନାହିଁ । ଏହା ଉପରେ କଡା ପ୍ରତିକ୍ରିୟା ପ୍ରକାଶ କରିଥିଲେ ସୁପ୍ରିମକୋର୍ଟ । କହିଥିଲେ ଆପଣଙ୍କ କହିବାନୁଯାୟୀ ଉତ୍ତେଜକ ଭାଷଣ ମାମଲାରେ କମିଶନଙ୍କ କୌଣସି କ୍ଷମତା ନାହିଁ ଓ କମିଶନ ଦନ୍ତହୀନ ଅଟନ୍ତି । ଏଥିସହିତ କୋର୍ଟ କମିଶନଙ୍କ ଓକିଲଙ୍କୁ ଆଜିର ଶୁଣାଣି ବେଳେ ଉପସ୍ଥିତ ରହିବାକୁ ମଧ୍ୟ ନୋଟିସ ଜାରି କରିବା ସହିତ କମିଶନଙ୍କ କ୍ଷମତା କ’ଣ ତାହା ଉପରେ ସମୀକ୍ଷା କରିବାକୁ କହିଥିଲେ । ହରପ୍ରିତ୍‌ ମନସୁଖାନୀ ନାମକ ସାର୍‌ଜାହରେ ରହୁଥିବା ଜଣେ ପ୍ରବାସୀ ଭାରତୀୟ (ଏନ୍‌ଆରଆଇ) ଯୋଗ ଶିକ୍ଷକଙ୍କ ପକ୍ଷରୁ ଆଗତ ଆବେଦନର ଶୁଣାଣି କରି ସୁପ୍ରିମକୋର୍ଟ ଏହି ରାୟ ଦେଇଛନ୍ତି । ନିର୍ବାଚନ ସମୟରେ ଜାତି ଓ ଧର୍ମ ନାମରେ ଯେଉଁ ନେତାମାନେ ଗଣମାଧ୍ୟମରେ ବିବାଦୀୟ ବୟାନବାଜି ଦେଉଛନ୍ତି ସେହି ରାଜନୈତିକ ଦଳ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ଲାଗି କମିଶନଙ୍କୁ ନିର୍ଦ୍ଦେଶ ଦେବାକୁ ସେ ଅନୁରୋଧ କରିଥିଲେ ।