PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କ୍ରୁଜ୍ ଡ୍ରଗ୍ସ ପାର୍ଟି ମାମଲା –ଅକ୍ଟୋବର ୩୦ ତାରିଖ ଯାଏ ଜେଲରେ ରହିବେ ଆର୍ୟନ ଖାନ୍ , ଆର୍ୟନଙ୍କ ହାଜତ ମିଆଦ ବୃଦ୍ଧ କଲେ ସ୍ୱତନ୍ତ୍ର ଏନ୍ସିବି କୋର୍ଟ
  • ||
  • ନଵମ ଓ ଦଶମ ଶ୍ରେଣୀ ପରୀକ୍ଷା ପଦ୍ଧତିରେ ପରିଵର୍ତ୍ତନ : ଵର୍ଷକୁ ୪ଟି ଫରମେଟିଭ୍ ଆସେସମେଣ୍ଟ ହେଵ
  • ||
  • କଳାହାଣ୍ଡି ମମିତା ମେହେର ହତ୍ୟା ମାମଲା – କେ ଗାଁ ଥାନା ଆଇଆଇସି ଡମୁ ପରଜା ନିଲମ୍ୱିତ , କର୍ତ୍ତବ୍ୟରେ ଅବହେଳା ପାଇଁ କାର୍ଯ୍ୟାନୁଷ୍ଠାନ ନେଲେ କଳାହାଣ୍ଡି ଏସ୍‌ପି
  • ||
  • ୩ ପ୍ରତିଶତ ବଢ଼ିଲା କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା, ବୃଦ୍ଧି ପ୍ରସ୍ତାବକୁ କ୍ୟାବିନେଟର ମଞ୍ଜୁରୀ
  • ||
  • ପାଡ଼ୁଆ: ଜଙ୍ଗଲରୁ ପାଡ଼ୁଆ: ୮୦ ଲକ୍ଷ ଟଙ୍କାର ଗଞ୍ଜେଇ ଜବତ କଲା ପାଡୁଆ ଥାନା ପୋଲିସ, ଗଞ୍ଜେଇ ମାଫିଆଙ୍କୁ ଧରିବା ପାଇଁ ତଦନ୍ତ ଜାରି
  • ||
  • ବଲାଙ୍ଗୀର: ମମିତା ମେହେର ମର୍ଡର ମିଷ୍ଟ୍ରି, ଅଟକ ଜେସିବି ଡ୍ରାଇଭର ଗିରଫ କରିପାରେ ପୋଲିସ
  • ||
  • ରାୟଗଡ଼​‌: ଗୁଣି ଗାରେଡି ସନ୍ଦେହରେ ଟ୍ରିପଲ ମର୍ଡର ଘଟଣା, ୯ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କଲେ ଜିଲ୍ଲା ଓ ଦୌରା ଜଜ ଅଦାଲତ
  • ||
  • ଭବାନୀପାଟଣା: ମମିତା ମେହର ହତ୍ୟା ଘଟଣାରେ ସିବିଆଇ ତଦନ୍ତ କରାଯାଉ : ସ୍ମୃତିରାଣୀ ପଟ୍ଟନାୟକ
  • ||
  • ଭୁବନେଶ୍ୱର: ଆଜିଠୁ ଯୁକ୍ତ ଦୁଇ ପ୍ରଥମ ବର୍ଷ ଛାତ୍ରଛାତ୍ରୀଙ୍କ କ୍ଲାସରୁମ ପାଠପଢ଼ା, ନଭେମ୍ୱର ପହିଲାରୁ ୟୁନିଫର୍ମ ବାଧ୍ୟତାମୂଳକ
  • ||
  • ପୁରୀ: ଆଜିଠୁ ସେବାୟତଙ୍କ ଡ୍ରେସ୍‌କୋଡ୍, ଶ୍ରୀମନ୍ଦିରରେ ପାରମ୍ପରିକ ବସ୍ତ୍ର ପରିଧାନ କରି ପ୍ରବେଶ କରିବେ ସେବକ
  • ||
  • ବଲାଙ୍ଗୀର: ଆଜି ବିଜେପି ପକ୍ଷରୁ ବଲାଙ୍ଗୀର ବନ୍ଦ ପାଳନ, ସକାଳ ୬ରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଯାତାୟତ ଠପ୍
  • ||
  • ଭୁବନେଶ୍ୱର: ଆଜି ଯୁକ୍ତ ୩ ସ୍ପଟ୍‌ ନାମଲେଖା ଆବେଦନ କପି ଦାଖଲ ଶେଷ, ୨୭ରୁ ନାମଲେଖା
  • ||
  • ଭୁବନେଶ୍ୱର: ଆଜିଠୁ ଶୁଖିଲା ପାଗ, ୨୩ ସୁଦ୍ଧା ସମ୍ପୂର୍ଣ୍ଣ ରୂପେ ଫେରିଯିବ ମୌସୁମୀ ବାୟୁ
  • ||

ଶ୍ରୀସନ୍ତଙ୍କ ଉପରୁ ବାସନ୍ଦ ଉଠାଇଲେ ସୁପ୍ରିମକୋର୍ଟ

source:www.asianetnews.com

ନୂଆଦିଲ୍ଲୀ, ୧୫ ।୩ (ଏଜେନ୍ସି): ପୂର୍ବତନ କ୍ରିକେଟର ଏସ୍‌. ଶ୍ରୀସନ୍ତଙ୍କୁ ଆଜି ବଡ଼ ଆଶ୍ୱସ୍ତି ମିଳିଛି । ଆଇପିଏଲ୍‌ ସ୍ପଟ୍‌ ଫିକ୍ସିଂ ମାମଲାରେ ବିସିସିଆଇ ତାଙ୍କୁ ଆଜୀବନ ବାସନ୍ଦ କରିଥିଲା । ବିସିସିଆଇର ଏହି ବାସନ୍ଦାଦେଶ ବିରୋଧରେ ଶ୍ରୀସନ୍ତ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ । ଆଜି ସୁପ୍ରିମକୋର୍ଟ ଏହି ମାମଲାର ଶୁଣାଣି କରି ତାଙ୍କ ଉପରୁ ଆଜୀବନ ବାସନ୍ଦାଦେଶ ଉଠାଇ ଦେଇଛନ୍ତି । ଜଷ୍ଟିସ ଅଶୋକ ଭୂଷଣ ଓ କେଏମ୍‌ ଯୋଶେଫଙ୍କୁ ନେଇ ଗଠିତ ଖଣ୍ଡପୀଠ ଶ୍ରୀସନ୍ତଙ୍କ ମାମଲାର ଶୁଣାଣି କରିଥିଲେ । ଖଣ୍ଡପୀଠ ବିସିସିଆଇର ଶୃଙ୍ଖଳା କମିଟିକୁ ନିର୍ଦ୍ଦେଶ ଦେଇ କହିଛନ୍ତି, ଶ୍ରୀସନ୍ତଙ୍କ ଦଣ୍ଡାଦେଶ ବିଷୟରେ ପୁନର୍ବିଚାର କରି ୩ ମାସ ମଧ୍ୟରେ ନିଷ୍ପତ୍ତି ନିଅ ।’ ଏହି ରାୟ ଶ୍ରୀସନ୍ତଙ୍କ ବିରୋଧରେ କୋର୍ଟରେ ଚାଲିଥିବା ଅପରାଧିକ ମାମଲାକୁ ପ୍ରଭାବିତ କରିବ ନାହିଁ ବୋଲି କୋର୍ଟ କହିଛନ୍ତି । ସୁପ୍ରିମକୋର୍ଟଙ୍କ ରାୟରେ ଶ୍ରୀସନ୍ତ ଖୁସି ପ୍ରକାଶ କରିଛନ୍ତି । ସେ କହିଛନ୍ତି, ମୁଁ ପୁଣି କ୍ରିକେଟକୁ ଫେରିବି । ଯଦି କିମ୍ବଦନ୍ତୀ ଲିଆଣ୍ଡର ପେସ୍‌ ୪୨ ବର୍ଷ ବୟସରେ ଗ୍ରାଣ୍ଡ ସ୍ଲାମ ଜିତି ପାରୁଛନ୍ତି, ତେବେ ମୁଁ କାହିଁକି ଖେଳି ପାରିବି ନାହିଁ । ମୁଁ ପୁଣି ଅଭ୍ୟାସ ଆରମ୍ଭ କରିବି । କ୍ରିକେଟକୁ ଫେରିବା ନେଇ ଦୀର୍ଘ ୬ ବର୍ଷ ଧରି ଅପେକ୍ଷା କରିଛି । କ୍ଲବ କ୍ରିକେଟ୍‌ ଖେଳିବା ଆରମ୍ଭ କରିବି । ସ୍କଟିସ ଲିଗ୍‌ ଖେଳିବା ନେଇ ଆଶା ରଖିଛି ।’ ୨୦୧୩ରେ ସେ ଦିଲ୍ଲୀ ପୁଲିସ ଦ୍ୱାରା ଗିରଫ ହେବା ପରେ ବିସିସିଆଇ ତାଙ୍କୁ ବାସନ୍ଦ କରିଥିଲା । ବୋର୍ଡର ଏହି ନିଷ୍ପତ୍ତି ବିରୋଧରେ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ ଶ୍ରୀସନ୍ତ । କୋର୍ଟରେ ତାଙ୍କ ପକ୍ଷ ରଖି ବରିଷ୍ଠ ଆଇନଜୀବୀ ସଲମାନ ଖୁର୍ସିଦ କହିଥିଲେ, ମହମ୍ମଦ ଆଝାରୁଦ୍ଦିନ, ଅଜୟ ଶର୍ମା ଓ ପାକିସ୍ତାନୀ କ୍ରିକେଟର ସଲିମ ମଲିକ, ଆତା -ଉର- ରେହମାନଙ୍କ ଭଳି କ୍ରିକେଟର ମ୍ୟାଚ୍‌ ଫିକ୍ସିଂ ପାଇଁ କ୍ରିକେଟରୁ ଆଜୀବନ ବାସନ୍ଦ ହୋଇଥିଲେ । ମାତ୍ର ପରବର୍ତ୍ତୀ ସମୟରେ ସେମାନଙ୍କ ଉପରୁ ବାସନ୍ଦାଦେଶ ପ୍ରତ୍ୟାହୃତ କରି ନିଆଯାଇଥିଲା । ମନୋଜ ପ୍ରଭାକର ଓ ଅଜୟ ଜାଡେଜାଙ୍କୁ ମାତ୍ର ୫ ବର୍ଷ ପାଇଁ ବାସନ୍ଦ କରାଯାଇଥିଲା । କିନ୍ତୁ ଶ୍ରୀସନ୍ତ ଉପରେ ଏଭଳି ଦଣ୍ଡ କାହିଁକି ଲଦି ଦିଆଯାଇଛି । ଏମିତି ବି ସେ ୫ ବର୍ଷ ହେଲା କ୍ରିକେଟରୁ ଦୂରେଇ ରହିଛନ୍ତି । ଶ୍ରୀସନ୍ତ ପୁଣି କ୍ରିକେଟକୁ ପ୍ରତ୍ୟାବର୍ତ୍ତନ କରି ବିସିସିଆଇ ସହ ଯୋଡ଼ି ହେବାକୁ ଚାହୁଁଛନ୍ତି । ବୋର୍ଡ ପ୍ରତି ତାଙ୍କର ଆନୁଗତ୍ୟ ରହିଛି ।’ ଆଇପିଏଲର ୨୦୧୩ ସଂସ୍କରଣରେ ଶ୍ରୀସନ୍ତ ସ୍ପଟ୍‌ ଫିକ୍ସିଂ କରିଥିବା ଅଭିଯୋଗରେ ଦିଲ୍ଲୀ ପୁଲିସ ଦ୍ୱାରା ଗିରଫ ହୋଇଥିଲେ । ତାଙ୍କ ସହ ଅଜିତ ଚାଣ୍ଡିଲା ଓ ଅଙ୍କିତ ଚଭନଙ୍କୁ ମଧ୍ୟ ଗିରଫ କରାଯାଇଥିଲା । ପରେ ଏହି ମାମଲାରେ ଆଉ ୩୬ ଜଣଙ୍କୁ ଗିରଫ କରିଥିଲା ପୁଲିସ । ବିସିସିଆଇର ଆଜୀବନ ବାସନ୍ଦାଦେଶ ବିରୋଧରେ ପ୍ରଥମେ ଗତ ବର୍ଷ ଶ୍ରୀସନ୍ତ କେରଳ ହାଇକୋର୍ଟରେ ଅପିଲ କରିଥିଲେ । ଅଗଷ୍ଟ ୭ ତାରିଖରେ ହାଇକୋର୍ଟ ତାଙ୍କ ଉପରୁ ବାସନ୍ଦାଦେଶ ପ୍ରତ୍ୟାହୃତ କରିବା ନେଇ ରାୟ ଦେଇଥିଲେ । ମାତ୍ର ପରେ ବିସିସିଆଇ କରିଥିବା ଆବେଦନର ଶୁଣାଣି କରି କୋର୍ଟ ପୂର୍ବ ବାସନ୍ଦାଦେଶ ବଳବତ୍ତର ରଖିବା ନେଇ ରାୟ ଶୁଣାଇ ଥିଲେ । ଏହାପରେ ପୁଣି ସେ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲେ ।

ସମ୍ବନ୍ଧିତ ଖବର