PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ରାଜ୍ୟସଭା ଆସନ ପାଇଁ ବିଜେଡିର ପ୍ରାର୍ଥୀ ଘୋଷଣା : ପୁଣି ରାଜ୍ୟସଭା ଯିବେ ସସ୍ମିତ ପାତ୍ର, ୩ ନୂଆ ମୁହଁଙ୍କୁ ସୁଯୋଗ
  • ||
  • ଭୁବନେଶ୍ଵର : କେରଳ ଛୁଇଁଲା ମୌସୁମୀ ବାୟୁ
  • ||
  • ନେପାଳରେ ଯାତ୍ରୀବାହୀ ବିମାନ ତାରା ଏୟାର ୯ NAET ର ମିଳୁନି ପତ୍ତା , ୪ ଭାରତୀୟଙ୍କ ସମେତ ୧୯ ଯାତ୍ରୀ ଥିବା ସୂଚନା
  • ||
  • ବ୍ରହ୍ମପୁର : ସନ୍ଧ୍ୟାବେଳେ ବେଳାଭୂମିରେ ବସିଥିବା ବେଳେ ମୁଣ୍ଡ ଉପରେ ପଡ଼ିଲା ଚଡ଼କ, ଛାତ୍ର ମୃତ ଛାତ୍ରୀ ଗୁରୁତର
  • ||
  • ବିଶ୍ୱର ସବୁଠୁ ବଡ଼ କ୍ରିକେଟ ଷ୍ଟାଡ଼ିୟମ୍‌ରେ ଖେଳା ଯିବ ଆଇପିଏଲ ୨୦୨୨ ଫାଇନାଲ
  • ||
  • ଆନନ୍ଦପୁର : ଝରକା ଗ୍ରୀଲ୍ ଭାଙ୍ଗି ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଦୁର୍ବୃତ୍ତ, ୧୫ ଭରି ସୁନାଅଳଙ୍କାର ସହ ନଗଦ ୫୨ ହଜାର ଟଙ୍କା ଲୁଟ୍
  • ||
  • ସୋର : ଗୋରୁ ବୋଝେଇ କଣ୍ଟେନର ଜବତ, ୪୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର, ୧୧ ଗିରଫ
  • ||
  • ସମାନ ନାଗରିକ ସଂହିତା ଲାଗୁ କରିବା ପ୍ରସ୍ତୁତିରେ ମୋଦି ସରକାର , ପ୍ରଥମେ ଉତ୍ତରାଖଣ୍ଡରେ ଏହି ଆଇନ୍‌ ଲାଗୁ କରାଯିବାର ଅଭ୍ୟାସ ଆରମ୍ଭ କରାଯାଇଛି
  • ||
  • ଗୁଜରାଟରେ ବଡ଼ ବିଜୟର ପ୍ରସ୍ତୁତିରେ ବିଜେପି , କଂଗ୍ରେସ ଦୁର୍ବଳତାର ବି ମିଳିବ ଫାଇଦା
  • ||

‘ସ୍ଥଳ,ଆକାଶ କିମ୍ବା ମହାକାଶ ସବୁଠି ସର୍ଜିକାଲ ଷ୍ଟ୍ରାଇକ୍ କରିବାର ସାହାସ ଏ ଚୌକିଦାରର ଅଛି’

source:https://www.hindustantimes.com

ମୀରଟ,୨୮,୩: ଲୋକସଭା ନିର୍ବାଚନ ୨୦୧୯କୁ ନେଇ ଭାରତୀୟ ଜନତା ପାର୍ଟି(ବିଜେପି) ଆରମ୍ଭ କରିଛି ନିର୍ବାଚନୀ ପ୍ରଚାର। ଉତ୍ତର ପ୍ରଦେଶର ମୀରଟରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ନିର୍ବାଚନୀ ପ୍ରଚାର ଆରମ୍ଭ କରି ବିରୋଧୀଙ୍କୁ ଘେରିଛନ୍ତି। ଏହି ଅବସରରେ ଆୟୋଜିତ ଏକ ରାଲିରେ ଦଳୀୟ କର୍ମୀଙ୍କୁ ଉତ୍ସାହିତ କରିବା ସହ ମୋଦି ବିରୋଧୀଙ୍କ ବିରୋଧରେ ରଣହୁଙ୍କାର ଦେଇଛନ୍ତି। ସେ କହିଛନ୍ତି, ମୁଁ ଜଣେ ଚୌକିଦାର ଏବଂ ଚୌକିଦାର ଅନ୍ୟାୟକୁ କେବେ ପ୍ରଶ୍ରୟ ଦେବ ନାହିଁ। ମୁଁ ମଧ୍ୟ ମୋର ହିସାବ ଦେବି କିନ୍ତୁ ସମସ୍ତଙ୍କର ହିସାବ ନେବି। ହିସାବ ତ ହେବ…ସମସ୍ତଙ୍କର ହେବ କିନ୍ତୁ ଅଲଗା ଅଲଗା ଭାବରେ ହେବ।  ସ୍ଥଳ ହେଉ କି ବାୟୁ କିମ୍ବା ମହାକାଶ ସବୁଠି ସର୍ଜିକାଲ ଷ୍ଟ୍ରାଇକ୍ କରିବାର ସାହାସ ଏହି ଚୌକିଦାର ଦେଖାଇଛି। ବାଲାକୋଟରେ ଭାରତର ବିମାନ ଆକ୍ରମଣ ଉପରେ ବିରୋଧୀ ପ୍ରମାଣ ମାଗୁଛନ୍ତି। ଏଭଳି କରି ବିରୋଧୀମାନେ ପାକିସ୍ତାନର ପୋଷ୍ଟର ବୟ ପାଲଟିଛନ୍ତି। ସେହିପରି ମହାକାଶରେ ଆମର ସଫଳତାକୁ ବିରୋଧୀମାନେ ଅଣଦେଖା କରୁଛନ୍ତି। ଦେଶବାସୀଙ୍କୁ କ’ଣ ଦରକାର ସବୁତ (ପ୍ରମାଣ) ନା ସପୁତ(ସୁପୁତ୍ର)?

ମିଶନ୍ ଶକ୍ତିକୁ ନେଇ ରାହୁଲଙ୍କ ଟ୍ବିଟ ବାହାନାରେ ମୋଦି ତାଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି ’କେହି ଥିଏଟରରେ ନାଟକ ଦେଖିବାକୁ ଗଲେ, ସେଠାରେ କ’ଣ ଦେଖିବାକୁ ମିଳେ? ସେଠାରେ ସେଟ୍ ଶବ୍ଦର ବ୍ୟବହାର ସାଧାରଣ ହୋଇଥାଏ। ତେଣୁ ଏହି ଶବ୍ଦ ବାରମ୍ବାର ବ୍ୟବହାର ହୋଇଥାଏ। ଯେତେବେଳେ ମୁଁ ଏ-ସାଟ୍ (ASAT) ଆଣ୍ଟି ସାଟେଲାଇଟ୍ ମିଶାଇଲ ସିଷ୍ଟମ କଥା କହୁଛି,  କିଛି ବୁଦ୍ଦିମାନ ଲୋକ  ବୁଝିନପାରି ସେଟ୍ କରୁଛନ୍ତି। ସେମାନେ ଭାବୁଛନ୍ତି ମୁଁ ଥିଏଟର ସେଟ୍ କଥା କହୁଛି। ଏବେ ଏଭଳି ବୁଦ୍ଧିମାନ ଲୋକଙ୍କୁ ଦେଖି ହସିବୁ ନା କାନ୍ଦିବୁ ବୋଲି କହିଛନ୍ତି ମୋଦି।

ଏହି ସମୟରେ ମୋଦି ତାଙ୍କର ସରକାରଙ୍କ ଉପଲବ୍ଧି ସମ୍ପର୍କରେ କହି ବିରୋଧୀଙ୍କୁ ସମାଲୋଚନା କରିଥିଲେ। କଂଗ୍ରେସର ‘ନ୍ୟାୟ ଯୋଜନା’କୁ କଟାକ୍ଷ କରି ମୋଦି କହିଛନ୍ତି ଯେଉଁ ଦଳ ୭୦ ବର୍ଷ ହେବ ଦେଶରୁ ଦ୍ରାରିଦ୍ର୍ୟ ଦୂର କରିପାରିଲାନି, ବ୍ୟାଙ୍କରେ ଲୋକଙ୍କର  ଖାତା ଖୋଲିପାରିଲାନି, ସେ ଲୋକଙ୍କ ଖାତାକୁ ଟଙ୍କା କେମିତି ଦେବେ? କଂଗ୍ରେସର ‘ଗରିବି ହଟାଅ’  କେବଳ ମାତ୍ର ଏକ ସ୍ଲୋଗାନ। ଗୋଟିଏ ପରିବାରରୁ ୪-୪ ଜଣ ଲୋକ ସରକାରରେ ରହିଲେ। କିନ୍ତୁ ଦେଶରୁ ଦ୍ରାରିଦ୍ୟତା ହଟାଇ ପାରିଲେନି, ତେଣୁ ଏହା କେବଳ ମାତ୍ର ଏକ ସ୍ଲୋଗାନ। ଗୋଟିଏ ପଟେ ‘ଚୌକିଦାର’ ଆଉ ଗୋଟେ ପଟେ ‘ଦାଗଦାର’, ଏହି ଚୌକିଦାର ଆପଣଙ୍କ ପାଇଁ କାମ କରୁଥିବ। ଆମ ସରକାର ଏଭଳି ଏକ ନୂତନ ଭାରତ ଗଠନ କରିବେ ଯାହା ନିଜର ଗୌରବଶାଳୀ ଅତୀତର ଅନୁରୂପ ବୈଭବଶାଳୀ ହେବ। ଏଭଳି ଏକ ଭାରତ ଯେଉଁଠି ସୁରକ୍ଷା, ସମୃଦ୍ଧି, ସମ୍ମାନ ଓ ସଂସ୍କାର ରହିଥିବ ବୋଲି ମୋଦି ତାଙ୍କ ଭାଷଣରେ କହିଛନ୍ତି।

ମୋଦୀ କହିଛନ୍ତି ଯେ, ବିରୋଧୀମାନେ ଅପମିଶ୍ରଣ ସହିତ ଏକାଠି ହୋଇ ଆସୁଛନ୍ତି। ଯଦି ସେମାନଙ୍କୁ ଆଉ ସୁଯୋଗ ଦିଆଯାଏ, ତା’ହେଲେ ଦେଶ ବହୁ ବର୍ଷ ପଛକୁ ଚାଲିଯିବ। ଏଭଳି ସରକାର ଯେତେବେଳେ କ୍ଷମତାରେ ଥିଲେ ଦେଶ ଭିତରେ ପ୍ରତିଦିନ ବୋମା ବିସ୍ଫୋରଣ ହେଉଥିଲା।  ଏଭଳି ଲୋକ ଆତଙ୍କବାଦୀଙ୍କୁ ସଂରକ୍ଷଣ  ଦେଉଥିଲେ। ଏହି ଅପମିଶ୍ରଣ ପାକିସ୍ତାନରେ ହିରୋ ହେବାକୁ ଚାହୁଁଛନ୍ତି। ଏହି ସମୟରେ ମୋଦି ସମାଜବାଦୀ ପାର୍ଟି- ବହୁଜନ ସମାଜବାଦୀ ଏବଂ ଆରଏଲଡିର ମେଣ୍ଟ ନେଇ କଟାକ୍ଷ କରି କହିଥିଲେ ଏସପିର ଶ, ଆରଏଲଡିର ରା ଏବଂ ବିଏସପିର ବ ଅର୍ଥ ହେଉଛି ‘ଶରାବ’, ଯାହାକି ଆପଣଙ୍କୁ ବରବାଦ୍ କରିଦେବ। ୨୦୧୯ ନିର୍ବାଚନରେ ଲୋକେ କାହାକୁ ଭୋଟ ଦେବେ ତାହା ସେମାନେ ସ୍ଥିର କରିସାରିଛନ୍ତି। ଆମ ସହିତ ୧୩୦ କୋଟି ଦେଶବାସୀ ରହିଛନ୍ତି, ତେଣୁ ଆମର ବିଜୟ ସୁନିଶ୍ଚିତ ବୋଲି ମୋଦି କହିବା ସହ  ‘ମେଁ ଭି ଚୌକିଦାର’ସ୍ଲୋଗାନ ଦେଇ ତାଙ୍କ ସଭା ଶେ​‌ଷ କରିଥିଲେ।

ସମ୍ବନ୍ଧିତ ଖବର