PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର: ଆଜିଠୁ ଖୋଲିଲା ମା’ ସମଲେଶ୍ବରୀଙ୍କ ମନ୍ଦିର, କଟକଣା ମଧ୍ୟରେ ଦର୍ଶନ କଲେ ଶ୍ରଦ୍ଧାଳୁ
  • ||
  • ଭୁବନେଶ୍ୱର : ଅଗଷ୍ଟରେ ବି ନିଅଣ୍ଟିଆ ବର୍ଷା, ପୁଣି ଘନେଇଲା ମରୁଡ଼ି ଆଶଙ୍କା, ୧୫ ଦିନରେ ଉପକୂଳ ଜିଲ୍ଲାରେ ଉଭେଇ ଯିବ ବର୍ଷା
  • ||
  • ପଟ୍ଟାଙ୍ଗି : ବାଇକ୍‌ର କିସ୍ତି ଟଙ୍କା ବାନ୍ଧି ଘରକୁ ଫେରୁଥିଲେ ଧକ୍କା ଦେଲା ୧୦ ଚକିଆ ଟ୍ରକ୍, ଆଖି ବୁଜିଲେ ମାମୁଁ-ଭଣଜା
  • ||
  • ରାଉରକେଲା : ରାଉରକେଲା ପ୍ଲାଣ୍ଟସାଇଡ୍ ଥାନା ଗୋପବନ୍ଧୁ ପଲ୍ଲୀ ଅଞ୍ଚଳରେ ୧୩ ବର୍ଷର ଝିଅକୁ ବିକ୍ରି କରୁଥିଲା ଜନ୍ମକଲା ମାଆ, ବାପାଙ୍କ ଅଭିଯୋଗ ପରେ ଉଦ୍ଧାର ହେଲା ନାବାଳିକା
  • ||
  • ପଦ୍ମପୁର : ଗାଇସିଲେଟ ବ୍ଲକ ଅଧୀନ ଚାରିଛକଠାରୁ ମଲମଣ୍ଡା ବୌଦ୍ଧବିହାର ଗନିଆଁପାଲି ରାସ୍ତା ମରାମତି ପାଇଁ ଶୁଣିଲାନି ପ୍ରଶାସନ, ଧାନ ରୋଇ ପ୍ରତିବାଦ କଲେ ଗ୍ରାମବାସୀ
  • ||
  • କୋରାପୁଟ : ଆଜିଠୁ ଖୋଲିବ ଶାବର ଶ୍ରୀକ୍ଷେତ୍ର, ବାହାର ଭୋଗ ମନା, କଟକଣାରେ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର : ଓଡ଼ିଶାରେ ସାମାନ୍ୟ ବଢ଼ିଲା କରୋନା ଗ୍ରାଫ୍, ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୧୨୯ ଜଣ କୋଭିଡ ପଜିଟିଭ୍
  • ||
  • ବ୍ରହ୍ମପୁର : ଦୀର୍ଘ ଦିନ ପରେ ଖୋଲିଲା ବ୍ରହ୍ମପୁରର ସବୁ ମନ୍ଦିର, ଦିଅଁଙ୍କ ନିକଟରେ ଭୋଗ କରିପାରିବେନି ଭକ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୬୧୦୨କୁ ବୃଦ୍ଧି
  • ||

ସୁଶାନ୍ତ ସିଂ ମୃତ୍ୟୁ ମାମଲା,ଯୌନ ଉତ୍ପୀଡ଼ନର ଶିକାର ହୋଇଥିଲେ ଦୀଶା- ମୃତ୍ୟୁର ୨ ଦିନ ପରେ ହୋଇଥିଲା ଦିଶାଙ୍କର ପୋଷ୍ଟମର୍ଟମ

ମୁମ୍ବାଇ – ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାରେ ତାଙ୍କର ପୂର୍ବତନ ମ୍ୟାନେଜର ଦିଶା ସାଲିୟାନଙ୍କର ପୋଷ୍ଟମର୍ଟମ ରିପୋର୍ଟ ନେଇ ବଡ଼ ଖୁଲାସା ହୋଇଛି । ସେ ଛାତରୁ ଡେଇଁ ଆତ୍ମହତ୍ୟା କରିଥିବା ଖବର ପ୍ରସାରିତ ହୋଇଥିଲା । ତାଙ୍କ ମୃତ୍ୟୁର ୨ ଦିନ ପରେ ହୋଇଥିଲା ଦିଶାଙ୍କର ପୋଷ୍ଟମର୍ଟମ ହୋଇଥିଲା । ଦିଶାଙ୍କ ଶରୀରରେ ବିଭିନ୍ନ କ୍ଷତ ଚିହ୍ନ ରହିଥିଲା । ଯୌନ ଉତ୍ପୀଡ଼ନର ଶିକାର ହୋଇଥିଲେ ଦୀଶା ବୋଲି ରିପୋର୍ଟ ଆସିଛି ।

ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ମାମଲାର ତଦନ୍ତ କରିବ ସିବିଆଇ । ଏନେଇ କେନ୍ଦ୍ର ସରକାର ସିବିଆଇକୁ ନିର୍ଦ୍ଦେଶ ଦେଇଛନ୍ତି । ସଲିସିଟର ଜେନେରାଲ ତୁଷାର ମେହେଟ୍ଟା ଏ ସମ୍ପର୍କରେ ସୁପ୍ରିମକୋର୍ଟଙ୍କୁ ଅବଗତ କରିଛନ୍ତି। ସେପଟେ ବିହାର ପୋଲିସକୁ କଡ଼ା ଭାଷାରେ ଶୁଣାଇଛନ୍ତି ସର୍ବୋଚ୍ଚ ନ୍ୟାୟାଳୟ । ସିବିଆଇ ତଦନ୍ତ ଭାର ନେବା ପରେ ସୁଶାନ୍ତଙ୍କ ଭଉଣୀ ଏନେଇ ଖୁସି ବ୍ୟକ୍ତି କରିଥିବା ବେଳେ ସୁଶାନ୍ତଙ୍କ ପୂର୍ବତନ ଗାର୍ଲଫ୍ରେଣ୍ଡ ଅଙ୍କିତା ଲୋଖଣ୍ଡେୱାଲ୍ ଲେଖିଛନ୍ତି ସେହି ସମୟ ଏବେ ଆସିଯାଇଛି ।

ବହୁ ବାଦ ବିବାଦର ଅନ୍ତ ଘଟିଛି । ଶେଷରେ ଅଭିନେତା ସୁଶାନ୍ତ ସିଂ ମୃତ୍ୟୁ ମାମଲାର ହେବ ସିବିଆଇ ତଦନ୍ତ ପାଇଁ ଅନୁମତି ଦେଇଛନ୍ତି କେନ୍ଦ୍ର ସରକାର । ବିହାର ସରକାରଙ୍କ ସୁପାରିଶ ଆଧାରରେ ଏହିମାମଲାର ସିବିଆଇ ତଦନ୍ତ ପାଇଁ କେନ୍ଦ୍ର ସରକାର ନିର୍ଦ୍ଦେଶ ଦେଇଛନ୍ତି । ସୁଶାନ୍ତ ସିଂହ ରାଜପୁତଙ୍କ ବାପାଙ୍କ ଅନୁରୋଧ ପରେ ବିହାର ସରକାର ସୁଶାନ୍ତଙ୍କ ମୃତ୍ୟୁର ତଦନ୍ତ ସିବିଆଇ ଦ୍ବାରା କରିବାକୁ କେନ୍ଦ୍ର ସରକାରଙ୍କ ଅନୁରୋଧ କରିଥିଲେ । ସୁଶାନ୍ତ ମୃତ୍ୟୁ ମାମଲାର ତଦନ୍ତ ପ୍ରକ୍ରିୟାକୁ ନେଇ ବିହାର ଓ ମହାରାଷ୍ଟ୍ର ପୋଲିସ ମଧ୍ୟରେ ମୁହାଁମୁହିଁ ହୋଇଥିଲେ । ବିହାର ପୋଲିସକୁ ତଦନ୍ତ ପାଇଁ ମହାରାଷ୍ଟ୍ର ପୋଲିସ ସହଯୋଗ କରୁନଥିବା ଅଭିଯୋଗ ଉଠିଥିଲା । ଏପିରିକି ବିହାରର ଜଣେ ଆଇପିଏସ୍ ଅଧିକାରୀଙ୍କୁ ମୁମ୍ବାଇ ପୋଲିସ କ୍ବାରାଣ୍ଟାଇନ୍ରେ ପୁରାଇ ଦିଆଯାଇଥିଲା । ଯାହାକୁ ନେଇ ବେଶ ସମାଲୋଚନାର ଶିକାର ହୋଇଥିଲା ମୁମ୍ବାଇ ପୋଲିସ । ଏବେ ସିବିଆଇ ତଦନ୍ତ ନିର୍ଦ୍ଦେଶ ପରେ ଖୁସି ବ୍ୟକ୍ତ କରିଛନ୍ତି ସୁଶାନ୍ତଙ୍କ ପରିବାର. ସଂପର୍କୀୟ ଓ ଫ୍ୟାନ୍ ।

ସେପଟେ ମାମଲା ବିହାରରୁ ମୁମ୍ବାଇ ଆଣିବାକୁ ରିୟା ଚକ୍ରବର୍ତ୍ତି କରିଥିବା ଆବେଦନର ଶୁଣାଣି ସୁପ୍ରିମ୍କୋର୍ଟରେ ହୋଇଛି । ମାମଲା ବିହାରରୁ ମୁମ୍ବାଇକୁ ଆଣିବାକୁ କୋର୍ଟ କୌଣସି ରାୟ ଶୁଣାଇନଥିଲେ ବି ବିହାର, ମୁମ୍ବାଇ ପୋଲିସ ଓ କେନ୍ଦ୍ର ସରକାରଙ୍କୁ ନୋଟିସ୍ ଜାରିକରିଛନ୍ତି । ସେହିପରି ସୁଶାନ୍ତଙ୍କ ବାପାଙ୍କୁ ୩ ଦିନ ମଧ୍ୟରେ ରିୟାଙ୍କ ଆବେଦନ ଉପରେ କରିଥିବା କ୍ୟାଭେଟ୍ ର ଜବାବ ରଖିବାକୁ କହିଛନ୍ତି । କେନ୍ଦ୍ର ସରକାର ତାଙ୍କ ଜବାବରେ କହିଛନ୍ତି ମାମଲା ସିବିଆଇକୁ ଦିଆଯାଇଛି । ମହାରାଷ୍ଟ୍ର ସରକାର କହିଛନ୍ତି ବିହାର ପୋଲିସ ରାଜନୈତିକ ଅଭିସନ୍ଧ ରଖି ଏସବୁ କରୁଛି । ମାମଲାରେ ବିହାର ପୋଲିସ ତଦନ୍ତର କୌଣସି ଆବଶ୍ୟକତା ୱାହିଁ ।ଅନ୍ୟପଟେ ବିହାର ଆଇପିଏସ୍ ମୁମ୍ବାଇରେ ବାଧ୍ୟତାମୂଳକ କ୍ବାରାଣ୍ଟାଇନ୍କୁ ନାପସନ୍ଦ କରିଛନ୍ତି ସୁପ୍ରିମ୍କୋର୍ଟ । ଏହାଭଲ ବାର୍ତ୍ତାଦେଉନାହିଁ ବୋଲି ମହାରାଷ୍ଟ୍ର ପୋଲିସକୁ ଭର୍ସନା କରିଛନ୍ତି କୋର୍ଟ । ସୁଶାନ୍ତଙ୍କ ମୃତ୍ୟୁର ସ୍ଥିତାବସ୍ଥା ଜଣାଇବାକୁ କୋର୍ଟ ମମୁମ୍ବାଇ ପୋଲିସକୁ ନିର୍ଦ୍ଦେଶ ଦେଇଛନ୍ତି ।

ସିବିଆଇ ତଦନ୍ତ ନିର୍ଦ୍ଦେଶ ପରେ ସୁଶାନ୍ତଙ୍କ ଭଉଣୀ ଶ୍ବେତା ସିଂ ଟ୍ବିଟ୍ କରି ଖୁସି ବ୍ୟକ୍ତି କରିଛନ୍ତି । ଲେଖିଛନ୍ତି ଏବେ ସୁଶାନ୍ତଙ୍କୁ ନ୍ୟାୟ ମିଳିବା ଆଶା ଉଦ୍ଜୀପିତ ହୋଇଛି । ସେହିଭଳି ସୁଶାନ୍ତଙ୍କ ପୂର୍ବତନ ଗାର୍ଲଫ୍ରେଣ୍ଡ ତଥା ଅଭିନେତ୍ରୀ ଅଙ୍କିତା ଲୋଖଣ୍ଡେୱାଲ୍ ଟ୍ବିଟ୍ କରି ଲେଖିଛନ୍ତି ଅପେକ୍ଷା କରିଥିବା ସେହି ସମୟ ଏବେ ଆସିଯାଇଛି ।ସେପଟେ ଏହି ମାମଲାରେ ଅନେକ ଟ୍ବିଷ୍ଟ ସାମ୍ନାକୁ ଆସୁଛି । ସୁଶାନ୍ତଙ୍କ ମୃତ୍ୟୁକୁ ଦିଶା ସାଲିୟାନ୍ଙ୍କ ମୃତ୍ୟୁ ସହ ଯୋଡି ଦେଖାଯାଉଛି । ଏନେଇ ସୁପ୍ରିମ୍ କୋର୍ଟରେ ଏକ ଜନହିତକର ମାମଲା ଦାଏର ହୋଇଛି । ଯେଉଁଥିରେ କୁହାଯାଇଛି ସୁଶାନ୍ତଙ୍କ ପୂର୍ବତନ ମ୍ୟାନେଜର ଦିଶା ସାଲିୟାନଙ୍କ ମୃତ୍ୟୁର ରହସ୍ୟ ବି ସୁଶାନ୍ତଙ୍କ ମୃତ୍ୟୁ ସହ ଯୋଡି ହୋଇ ଥିବାରୁ ଏହାର ମଧ୍ୟ ତଦନ୍ତ ହେଉ । ମୁମ୍ବାଇ ପୋଲିସ ଏହା ଉପରେ ଏକ ପ୍ରେସନୋଟ୍ ଜାରି କରି କହିଛି ଯଦି ଏସଂପର୍କିତ କିଛି ତଥ୍ୟ ପ୍ରମାଣ କାହା ପାଖରେ ରହିଛି ତେବେ ପୋଲିସକୁ ଏହା ପ୍ରଦାନ କରନ୍ତୁ । ଏବେ ମାମଲାର ତଦନ୍ତ ସିବିଆଇ ନେବା ପରେ ସୁଶାନ୍ତଙ୍କ ମୃତ୍ୟୁ ରହସ୍ୟ ଉପରୁ ପରଦା ଉଠିବ ବୋଲି ଆଶା କରାଯାଉଛି ।