PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରଙ୍ଗେଇଲୁଣ୍ଡା: ହଳଦିଆପଦର ନିକଟରେ ଟ୍ରାକ୍ଟର ସହ ଅଟୋ ଦୁର୍ଘଟଣା, ୩ ମହିଳା ମତ୍ସ୍ୟଜୀବୀ ଗୁରୁତର
  • ||
  • ସୋର: ହାଇଦର୍ ଏନ୍‌କାଉଣ୍ଟର ସ୍ଥଳରୁ ୨ଟି ଗୁଳି ଜବତ କଲା ପୋଲିସ ଓ ସାଇଣ୍ଟିଫିକ୍‌ ଟିମ୍‌
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬୭ଜଣଙ୍କ ଜୀବନ ନେଲା କରୋନା, ସାଢ଼େ ୫ ହଜାର ଟପିଲା ମୃତ୍ୟୁସଂଖ୍ୟା
  • ||
  • ଭୁବନେଶ୍ୱର: ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଭୁବନେଶ୍ୱର : ରାଜଧାନୀରେ କାୟା ମେଲାଉଛି ଡେଙ୍ଗୁ, ୧୨ ଦିନରେ ଆକ୍ରାନ୍ତଙ୍କ ସଂଖ୍ୟା ୨୫୦ ପାର୍
  • ||
  • ପାରଳାଖେମୁଣ୍ଡି : ଏସିଏଫ୍‌ ସୌମ୍ୟରଞ୍ଜନ ଡେଥ୍ ମିଷ୍ଟ୍ରି, ବଲାଙ୍ଗୀରରେ ପାରଳା ପୁଲିସର ୫ଜଣିଆ ଟିମ୍‌, ବିଦ୍ୟାଙ୍କ ପାର୍ଟି ସହ ସୌମ୍ୟ ମୃତ୍ୟୁର ଲିଙ୍କ୍‌ ଖୋଜିବ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟା ଭିତରେ ଚିହ୍ନଟ ହେଲେ ଆଉ ୧୮୩୩ ଜଣ କରୋନା ପଜିଟିଭ୍
  • ||
  • ଜଳେଶ୍ଵର : ମନ୍ଦାର ଫୁଲ ଗଛ କଟାକୁ ନେଇ ଶଳାକୁ ଭିଣୋଇର ସଙ୍ଘବଦ୍ଧ ଆକ୍ରମଣ, ସଜ୍ଞାହୀନ ଅବସ୍ଥାରେ ନଦୀ କୂଳରୁ ଉଦ୍ଧାର
  • ||
  • ଭୁବନେଶ୍ୱର : ୨୮ରେ ପୁଣି ଏକ ଲଘୁଚାପ, ୨୭ରୁ ବଢ଼ିବ ବର୍ଷା
  • ||

ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲା: ସିବିଆଇ ଅଧିକାରୀଙ୍କୁ କ୍ୱାରେଣ୍ଟାଇନ୍‌ରେ ରଖିବ ବିଏମ୍‌ସି, ଆଜି ଇଡି ଅଫିସରେ ପୁଣି ହାଜର ହେବେ ରିୟା

ମୁମ୍ବାଇ ୧୦/୦୯: ସୁଶାନ୍ତ ସିଂ ରାଜପୁତ ଆତ୍ମହତ୍ୟା ମାମଲାର ତଦନ୍ତ ଦାୟିତ୍ୱ ସିବିଆଇ ନେଇସାରିଥିଲାବେଳେ ବ୍ରିହନ୍ନମୁମ୍ବାଇ ମ୍ୟୁନିସିପାଲ କର୍ପୋରେସନ( ବିଏମସି) ଏଥିରେ ବାଧା ସୃଷ୍ଟି କରିବା ପାଇଁ ଏବେ ଏକ ନୂଆ ଉପାୟ ବାହାର କରିଛି । ବିଏମସି ପୂର୍ବରୁ ଯେପରି ବିହାର ଆଇପିଏସ ଅଧିକାରୀ ବିନୟ ତିୱାରୀଙ୍କୁ କ୍ୱାରେଣ୍ଟିନରେ ରଖିଥିଲା, ଏବେ ସିବିଆଇ ଅଧିକାରୀମାନଙ୍କୁ ବି ସେପରି କ୍ୱାରେଣ୍ଟିନରେ ରଖିବାକୁ ଯୋଜନା କରିଛି । ବିଏମସି ମେୟର କିଶୋରୀ ପେଡନେକର ଗଣମାଧ୍ୟମକୁ କହିଛନ୍ତି ଯେ ସିବିଆଇ ଅଧିକାରୀଙ୍କୁ ମୁମ୍ବାଇ ଆସିବା ପୂର୍ବରୁ ଏଠାକାର ପୁଲିସ ଠାରୁ ଆବଶ୍ୟକ ଅନୁମତି ନେବାକୁ ପଡିବ । ନଚେତସେମାନଙ୍କୁ ବି ବାଧ୍ୟତାମୂଳକ ଭାବେ ୧୪ ଦିନିଆ କ୍ୱାରେଣ୍ଟିନରେ ରଖାଯିବ ।

ସୂଚନାଯୋଗ୍ୟ ଯେ, କେନ୍ଦ୍ର ସରକାର ସୁଶାନ୍ତ ସିଂ ମାମଲାର ଯାଞ୍ଚ ସିବିଆଇ କରିବ ବୋଲି ବିଜ୍ଞପ୍ତି ଜାରି କରିବା ପରେ ପରେ ବିଏମସି ଏକ ନୂଆ ନିର୍ଦ୍ଦେଶ ଜାରି କରି ଅନ୍ୟ ରାଜ୍ୟମାନଙ୍କରୁ ମୁମ୍ବାଇକୁ ଆସୁଥିବା ଲୋକଙ୍କୁ ୧୪ ଦିନ ପାଇଁ କ୍ୱାରେଣ୍ଟିନରେ ରହିବାକୁ ପଡିବ ବୋଲି ପ୍ରକାଶ କରିଥିଲା ।

ସିବିଆଇ ଏପର୍ଯ୍ୟନ୍ତ ମାମଲା ହାତକୁ ନେଇନାହିଁ: ଦେଶମୁଖ

ମହାରାଷ୍ଟ୍ରର ଗୃହମନ୍ତ୍ରୀ ଅନୀଲ ଦେଶମୁଖ କହିଛନ୍ତି ଯେ ସିବିଆଇ ଏପର୍ଯ୍ୟନ୍ତ ସୁଶାନ୍ତ ସିଂ ମାମଲାର ତଦନ୍ତ ଦାୟିତ୍ୱ ହାତକୁ ନେଇନାହିଁ । ଏହି ମାମଲାର ଯାଞ୍ଚ ସିବିଆଇ କରିବ କି ନାହିଁ, ସେସମ୍ପର୍କରେ ସୁପ୍ରିମକୋର୍ଟ ଚଳିତ ମାସ ୧୧ ତାରିଖରେ ଶୁଣାଣି କରିବେ । ମୁମ୍ବାଇ ପୁଲିସ ଏହି ଘଟଣାର ଠିକ୍‌ ଭାବେ ଯାଞ୍ଚ କରୁଛି । ତେଣୁ ସିବିଆଇକୁ ଏହା ହସ୍ତାନ୍ତର କରିବାର କିଛି ଆବଶ୍ୟକତା ନାହିଁ । ରବିବାର ନାଗପୁରରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେବା ଅବସରରେ ଦେଶମୁଖ ଏହା ପ୍ରକାଶ କରିଛନ୍ତି ।

ମହାରାଷ୍ଟ୍ର ସରକାରଙ୍କ ପକ୍ଷରୁ ସିଂଘଭି ମାମଲା ଲଢ଼ିବେ

ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ସମ୍ପର୍କିତ ମାମଲାରେ ମହାରାଷ୍ଟ୍ର ସରକାରଙ୍କ ପକ୍ଷରୁ ସୁପ୍ରିମକୋର୍ଟରେ କଂଗ୍ରେସ ନେତା ତଥା ବରିଷ୍ଠ ଓକିଲ ଅଭିଷେକ ମନୁ ସିଂଘଭି କେସ ପରିଚାଳନା କରିବେ । ମହାରାଷ୍ଟ୍ର ସରକାର ଏପର୍ଯ୍ୟନ୍ତ ଉକ୍ତ ମାମଲାର ତଦନ୍ତରେ ହୋଇଥିବା ଅଗ୍ରଗତି ସମ୍ପର୍କରେ ସୁପ୍ରିମକୋର୍ଟରେଏକ ରିପୋର୍ଟ ଦାଖଲ କରିବା ସହିତ ଏହାର ସିବିଆଇ ତଦନ୍ତ ଦାବିକୁ ବିରୋଧ କରିଛନ୍ତି । ରାଜ୍ୟ ସରକାର ଯୁକ୍ତି ବାଢିଛନ୍ତି ଯେ ସୁଶାନ୍ତଙ୍କ ଆତ୍ମହତ୍ୟାକୁ ନେଇ ତାଙ୍କ ପରିବାର ଲୋକଙ୍କର ପୂର୍ବରୁ କୌଣସି ପ୍ରକାର ସନ୍ଦେହ ନଥିଲା । ମାତ୍ର ପରେ ସେମାନେ ଏହାକୁ ନେଇ ବିଭିନ୍ନ ଅଭିଯୋଗ ଆଣୁଛନ୍ତି ।

ବିଜୟ ମାଲ୍ୟା ମାମଲାର ଯାଞ୍ଚ କରିଥିବା ସିବିଆଇ ଅଧିକାରୀଙ୍କୁ ଦାୟିତ୍ୱ

ସୁଶାନ୍ତ ସିଂ ରାଜପୁତ ଆତ୍ମହତ୍ୟା ଘଟଣାରେ ତଦନ୍ତ ଦାୟିତ୍ୱ ସିବିଆଇ ଏସପି ନୁପୂର ପ୍ରସାଦଙ୍କ ନେତୃତ୍ୱାଧୀନ ଏକ ଟିମ୍‌ ଉପରେ ନ୍ୟସ୍ତ କରାଯାଇଛି । ଡିଆଇଜି ଗଗନଦୀପ ଗମ୍ଭୀର ଏବଂ ଯୁଗ୍ମ ନିର୍ଦ୍ଦେଶକ ମନୋଜ ଶଶୀଧର ଏହି ତଦନ୍ତର ତତ୍ତ୍ୱାବଧାନ କରିବେ । ଏହି ଦୁଇ ବରିଷ୍ଠ ଅଧିକାରୀ ଗୁଜରାଟ କ୍ୟାଡରର ଅଟନ୍ତି । ତାହାଛଡା ସେମାନେ ପୂର୍ବରୁ ବିଜୟ ମାଲ୍ୟା ଠକେଇ ମାମଲାର ତଦନ୍ତ ସହିତ ବି ସଂପୃକ୍ତ ଥିଲେ । ବିହାର ସରକାରଙ୍କ ଦ୍ୱାରା ଏହି ମାମଲାର ତଦନ୍ତ ପାଇଁ ପୂର୍ବରୁ ମୁମ୍ବାଇ ପଠାଯାଇଥିବା ଆଇପିଏସ୍‌ ଅଧିକାରୀ ବିନୟ ତିୱାରୀ ଡେପୁଟେସନରେ ସିବିଆଇକୁ ଆସିବା ସହ ଉକ୍ତ ମାମଲାର ତଦନ୍ତରେ ସାମିଲ ହେବେ ବୋଲି ସୂଚନା ଦିଆଯାଇଛି ।

ଆଜି ପୁଣି ହାଜର ହେବେ ରିୟା

ଏହି ମାମଲାରେ ବିବାଦୀୟ ହୋଇ ପଡିଥିବା ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ଥରେ ଜେରା କରିସାରିଥିଲାବେଳେ ସୋମବାର ପୁଣି ଥରେ ଜେରା କରିବାର ସମ୍ଭାବନା ରହିଛି । ତାଙ୍କୁ ସୋମବାର ଇଡି ଅଫିସରେ ହାଜର ହେବାକୁ ନିର୍ଦ୍ଦେଶ ଦିଆଯାଇଛି । ଶନିବାର ରିୟାଙ୍କ ଭାଇ ସୌଭିକଙ୍କୁ ଇଡି ଅଫିସରେ ୧୮ ଘଣ୍ଟା ଯାଏଁ ଜେରା କରାଯାଇଥିଲା । ରବିବାର ସକାଳ ୬ଟା ୪୦ରେ ସେ ଇଡି ଅଫିସରୁ ବାହାରିଥିଲେ। ଇଡ଼ି ଅଧିକାରୀମାନେ ଇତିମଧ୍ୟରେ ରିୟା ଏବଂ ତାଙ୍କ ବାପାଙ୍କ ଫୋନରୁ କିଛି ତଥ୍ୟ ଓ ପ୍ରମାଣ ସଂଗ୍ରହ କରିଛନ୍ତି ।

ଇଡି ସୂତ୍ରରୁ ଜଣାପଡିଛି କି ରିୟା ଓ ତାଙ୍କ ଭାଇଙ୍କୁ ସେମାନଙ୍କ ବ୍ୟାଙ୍କ ଆକାଉଣ୍ଟ ଏବଂ ଗତ କିଛି ବର୍ଷ ଭିତରେ କରାଯାଇଥିବା ନିବେଶ ସମ୍ପର୍କରେ ପ୍ରଶ୍ନ କରାଯାଉଛି । ସୁଶାନ୍ତଙ୍କ ଠାରୁ ନେଇଥିବା ଅର୍ଥରେ କଂପାନି ପ୍ରତିଷ୍ଠା କରି ରିୟା ସେଥିରେ ନିଜ ଭାଇଙ୍କୁ ନିର୍ଦ୍ଦେଶକ ପଦବିରେ ଅବସ୍ଥାପିତ କରାଇଥିଲେ ବୋଲି ଅଭିଯୋଗ ହୋଇଥିଲା । ସେହିପରି ସୁଶାନ୍ତଙ୍କ ଆକାଉଣ୍ଟରୁ ରିୟା ୧୫ କୋଟି ଟଙ୍କା ନେଇଥିବାର ବି ଅଭିଯୋଗ ହୋଇଛି । ଇଡି ଏସବୁ ଅଭିଯୋଗର ଯାଞ୍ଚ କରୁଛି । ରିୟାଙ୍କର ଗୋଟିଏ କଂପାନି ପ୍ରତିଷ୍ଠା କରାଯିବାର କିଛି ମାସ ପରେ ଉଭାନ ହୋଇଯିବା ସମ୍ପର୍କରେ ବି ସେମାନଙ୍କୁ ପ୍ରଶ୍ନ କରାଯାଉଛି ।

ସମ୍ବନ୍ଧିତ ଖବର