PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ଅଗଷ୍ଟରେ ବି ନିଅଣ୍ଟିଆ ବର୍ଷା, ପୁଣି ଘନେଇଲା ମରୁଡ଼ି ଆଶଙ୍କା, ୧୫ ଦିନରେ ଉପକୂଳ ଜିଲ୍ଲାରେ ଉଭେଇ ଯିବ ବର୍ଷା
  • ||
  • ପଟ୍ଟାଙ୍ଗି : ବାଇକ୍‌ର କିସ୍ତି ଟଙ୍କା ବାନ୍ଧି ଘରକୁ ଫେରୁଥିଲେ ଧକ୍କା ଦେଲା ୧୦ ଚକିଆ ଟ୍ରକ୍, ଆଖି ବୁଜିଲେ ମାମୁଁ-ଭଣଜା
  • ||
  • ରାଉରକେଲା : ରାଉରକେଲା ପ୍ଲାଣ୍ଟସାଇଡ୍ ଥାନା ଗୋପବନ୍ଧୁ ପଲ୍ଲୀ ଅଞ୍ଚଳରେ ୧୩ ବର୍ଷର ଝିଅକୁ ବିକ୍ରି କରୁଥିଲା ଜନ୍ମକଲା ମାଆ, ବାପାଙ୍କ ଅଭିଯୋଗ ପରେ ଉଦ୍ଧାର ହେଲା ନାବାଳିକା
  • ||
  • ପଦ୍ମପୁର : ଗାଇସିଲେଟ ବ୍ଲକ ଅଧୀନ ଚାରିଛକଠାରୁ ମଲମଣ୍ଡା ବୌଦ୍ଧବିହାର ଗନିଆଁପାଲି ରାସ୍ତା ମରାମତି ପାଇଁ ଶୁଣିଲାନି ପ୍ରଶାସନ, ଧାନ ରୋଇ ପ୍ରତିବାଦ କଲେ ଗ୍ରାମବାସୀ
  • ||
  • କୋରାପୁଟ : ଆଜିଠୁ ଖୋଲିବ ଶାବର ଶ୍ରୀକ୍ଷେତ୍ର, ବାହାର ଭୋଗ ମନା, କଟକଣାରେ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର : ଓଡ଼ିଶାରେ ସାମାନ୍ୟ ବଢ଼ିଲା କରୋନା ଗ୍ରାଫ୍, ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୧୨୯ ଜଣ କୋଭିଡ ପଜିଟିଭ୍
  • ||
  • ବ୍ରହ୍ମପୁର : ଦୀର୍ଘ ଦିନ ପରେ ଖୋଲିଲା ବ୍ରହ୍ମପୁରର ସବୁ ମନ୍ଦିର, ଦିଅଁଙ୍କ ନିକଟରେ ଭୋଗ କରିପାରିବେନି ଭକ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୬୧୦୨କୁ ବୃଦ୍ଧି
  • ||

ସୁଶାନ୍ତ ଓ ରିୟାଙ୍କ ଭିତରେ ହୋଇଥିଲା ବଡ଼ଧରଣର ଝଗଡା, ସୁପ୍ରିମକୋର୍ଟଙ୍କ ନିକଟରେ ମୁମ୍ବାଇ ପୋଲିସର ଷ୍ଟାଟସ୍ ରିପୋର୍ଟ ଦାଖଲ

http://kalamtimes.com/

ନୂଆଦିଲ୍ଲୀ,୧୦।୮: ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାର ଯାଞ୍ଚ ଏବେ ସିବିଆଇ କରୁଛି। ଏହା ଭିତରେ ମୁମ୍ବାଇ ପୋଲିସ ସୁଶାନ୍ତଙ୍କ ମାମଲାର ଷ୍ଟାଟସ୍ ରିପୋର୍ଟ ସୁପ୍ରିମକୋର୍ଟଙ୍କ ନିକଟରେ ଦାଖଲ କରିଛି। ମୁମ୍ବାଇ ପୋଲିସର କହିବା ଅନୁସାରେ, ମୃତ୍ୟୁର କିଛି ଦିନ ପୂର୍ବରୁ ସୁଶାନ୍ତ ଓ ରିୟା ଚକ୍ରବର୍ତ୍ତୀଙ୍କ ଭିତରେ ଝଗଡା ହୋଇଥିଲା। ଦୁହିଁଙ୍କ ଭିତରେ ବିବାଦ ପରସ୍ପରର ପରିବାରକୁ ନେଇ ହୋଇଥିଲା। ଏହାପରେ ସୁଶାନ୍ତଙ୍କ ଘର ଛାଡି ରିୟା ଚାଲିଯାଇଥିଲେ। ଏପରିକି ସୁଶାନ୍ତଙ୍କ ମୋବାଇଲ ନମ୍ବରକୁ ରିୟା ବ୍ଲକ କରିଦେଇଥିଲେ। ଏହାପରେ ୧୪ ଜୁନରେ ସୁଶାନ୍ତଙ୍କ ମୃତଦେହ ତାଙ୍କର ଆପର୍ଟମେଣ୍ଟରୁ ବାହାରିଥିଲା।

ମୁମ୍ବାଇର ପୋଲିସର ସୂଚନା ଅନୁସାରେ, ରିୟା ଚକ୍ରବର୍ତ୍ତୀ ନିଜର ଷ୍ଟେଟମେଣ୍ଟରେ ଏହା ମଧ୍ୟ କହିଥିଲେ ଯେ, ଗୋଟେ ଦିନ ଘରେ ପାର୍ଟି ଥିଲା, ଯେଉଁଥିରେ ସୁଶାନ୍ତଙ୍କ ଭଉଣୀ ସାମିଲ ହୋଇଥିଲେ। ପୋଲିସର କହିବା ଅନୁସାରେ, ରିୟାଙ୍କ କହିବା ଅନୁସାରେ ପାର୍ଟି ଶେଷ ହେବାପରେ ସୁଶାନ୍ତଙ୍କ ଭଉଣୀ ଅଚାନକ ତାଙ୍କ ରୁମକୁ ଆସି ତାଙ୍କ ସହ ଫିଜିକାଲ ହେବାର ଚେଷ୍ଟା କରିଥିଲେ। ପୋଲିସର କହିବା ଅନୁସାରେ, ରିୟା ନିଜର ଷ୍ଟେଟମେଣ୍ଟରେ ଏହା ମଧ୍ୟ କହିଛନ୍ତି ଯେ, ସେ ସୁଶାନ୍ତଙ୍କୁ ତା ପରଦିନ ଏ ବିଷୟରେ କହିଥିଲେ, କିନ୍ତୁ ସୁଶାନ୍ତ ଏସବୁ କଥା ଗ୍ରହଣ କରିନତିଲେ।

ରିୟାଙ୍କ ଏହି ଷ୍ଟେଟମେଣ୍ଟ ପରେ ମୁମ୍ବାଇ ପୋଲିସ ସୁଶାନ୍ତ ସିଂଙ୍କ ଭଉଣୀଙ୍କୁ ତାଙ୍କର ପକ୍ଷର ରଖିବାକୁ ଡକାଇଥିଲେ, କିନ୍ତୁ ସୁଶାନ୍ତଙ୍କ ଭଉଣୀ ମୁମ୍ବାଇ ପୋଲିସ ସାମନାରେ କୌଣସି ଷ୍ଟେଟମେଣ୍ଟ ଦେଇନଥିଲେ। ସେ ପୋଲିସ ସାମନାକୁ ମଧ୍ୟ ଆସିନଥିଲେ। ଏହି ମାମଲାରେ ମଙ୍ଗଳବାର ସୁପ୍ରିମକୋର୍ଟଙ୍କ ନିକଟରେ ଗୁରୁତ୍ବପୂର୍ଣ୍ଣ ଶୁଣାଣି ରହିଛି। ମୁମ୍ବାଇ ପୋଲିସକୁ ଭରସା ରହିଛି, କୋର୍ଟଙ୍କ ନିର୍ଦେଶ ମୁମ୍ବାଇ ପୋଲିସର ପକ୍ଷରେ ରହିବ। ଅନ୍ୟପକ୍ଷେ ଆଜି ପ୍ରବର୍ତ୍ତନ ନିର୍ଦେଶାଳୟ ବା ଇଡି ଅଫିସରେ  ଦ୍ବିତୀୟ ଥର ପାଇଁ ରିୟା ଏବଂ ତାଙ୍କର ଭାଇ ପଚରାଉଚରା ପାଇଁ ଆସିଛନ୍ତି। ଆଜି ରିୟାଙ୍କୁ ସମସ୍ତ ଟ୍ରାଞ୍ଜାକସନ୍, ସେଭିଂ ଆକାଉଣ୍ଟ, ଇନଭେଷ୍ଟମେଣ୍ଟ ବିଷୟରେ ପ୍ରଶ୍ନ କରାଯାଇଛି।