ନୂଆଦିଲ୍ଲୀ : ଶୁକ୍ରବାର ସନ୍ଧ୍ୟାରେ ଦିଲ୍ଲୀ ଏୟାରପୋର୍ଟରେ ବିମାନରେ ନିଆଁ ଲାଗିବା ପରେ ଏମର୍ଜେନ୍ସି ଘୋଷିତ କରି ଦିଆ ଯାଇଛି। ମିଳିଥିବା ସୂଚନା ଆଧାରରେ, ଦିଲ୍ଲୀରୁ ବେଙ୍ଗାଲୁରୁ ଯାଉଥିବା ବିମାନର ଏସି ୟୁନିଟ୍ରେ ନିଆଁ ଲାଗିବାର ସୂଚନା ମିଳିଥିଲା। କୁହାଯାଉଛି କି , ଏହି ସମୟରେ ବିମାନରେ ୧୭୫ ଜଣ ଯାତ୍ରୀ ବସି ଥିଲେ। ଏୟାରପୋର୍ଟରୁ ମିଳିଥିବା ଅପଡେଟ୍ରେ କୁହାଯାଇଛି କି, ବିମାନଟି ସୁରକ୍ଷିତ ଭାବେ ଅବତରଣ କରିଛି। ସବୁ ଯାତ୍ରୀ ସୁରକ୍ଷିତ ଅଛନ୍ତି।
ଅଫିସିଆଲି ସୂଚନା ଅନୁସାରେ , ଏୟାର ଇଣ୍ଡିଆର ୮୦୭ ବିମାନ ବେଙ୍ଗାଲୁରୁରୁ ଦିଲ୍ଲୀ ଆସୁଥିଲା। ଉଡ଼ାଣ ବେଳେ ହିଁ ବିମାନର ଏସି ୟୁନିଟ୍ରେ ନିଆଁ ଲାଗିବାର ସୂଚନା ମିଳିଥିଲା। ଏଥିରେ ବିମାନ ସହ ଦିଲ୍ଲୀ ଏୟାରପୋର୍ଟରେ ମଧ୍ୟ ସତର୍କତା ଜାରି କରାଯାଇଛି।
ଅଧିକାରୀମାନେ କହିଛନ୍ତି କି ଦିଲ୍ଲୀ ଏୟାରପୋର୍ଟରେ ୫.୫୨ ମିନିଟ୍ରେ ବିମାନରେ ନିଆଁ ଲାଗିବାର ସୂଚନା ମିଳିଥିଲା। ଏହାପରେ ବିମାନକୁ ସୁରକ୍ଷିତ ଲ୍ୟାଣ୍ଡ କରାଇବା ପାଇଁ ଦିଲ୍ଲୀ ଏୟାରପୋର୍ଟରେ ସଂପୂର୍ଣ୍ଣ ରୂପେ ଏମର୍ଜେନ୍ସି ଘୋଷିତ କରିଦିଆ ଯାଇଥିଲା। ହେଲେ ୬.୫୨ ମିନିଟରେ ବିମାନକୁ ସୁରକ୍ଷିତ ଲ୍ୟାଣ୍ଡ କରାଯାଇ ଥିଲା। ଏହି ସମୟରେ ସବୁ ଯାତ୍ରୀ ସୁରକ୍ଷିତ ଭାବେ ବାହାରକୁ ଆସି ଥିଲେ।