ନିଜ ବ୍ୟାଗ୍‌ ନିଜେ ବୋହିଲେ ସ୍ୱିଡେନ୍‌ ରାଜା,ସୋସିଆଲ ମିଡିଆରେ ଫଟୋ ଭାଇରାଲ

ନୂଆଦିଲ୍ଲୀ ୩/୧୨: ପାଞ୍ଚ ଦିନିଆ ଭାରତ ଭ୍ରମଣରେ ଥିବା ସ୍ୱିଡେନ୍‌ ରାଜା କାର୍ଲ-୧୬ ଗୁସ୍ତାଫ ଓ ରାଣୀ ସିଲଭିୟା ଦିଲ୍ଲୀରେ ପହଞ୍ଚିଛନ୍ତି । ଏହି ଦମ୍ପତି ଷ୍ଟକହୋମ୍‌ଠାରୁ ଏୟାର ଇଣ୍ଡିଆ ବିମାନରେ ଭାରତ ଅଭିମୁଖେ ଉଡ଼ାଣ ଭରିଥିଲେ । ଦିଲ୍ଲୀ ଏୟାରପୋର୍ଟରେ ପହଞ୍ଚିବା ମାତ୍ରେ ଉଭୟଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି ।

କାରଣ ରାଜା କାର୍ଲ ନିଜ ବ୍ୟାଗ୍‌ ନିଜେ ଧରି ବିମାନବନ୍ଦରରେ ଏଣ୍ଟ୍ରି କରିଛନ୍ତି । ଏହି ନିରାଡ଼ମ୍ବର ଜୀବନଶୈଳୀ ପାଇଁ ସୋସିଆଲ ମିଡିଆରେ ସେ ସମସ୍ତଙ୍କ ହୃଦୟ ଜିତିଛନ୍ତି । ଲୋକେ ତାଙ୍କୁ ଖୁବ୍‌ ପ୍ରଶଂସା କରୁଛନ୍ତି ।

ଦିଲ୍ଲୀ ବିମାନବନ୍ଦରରେ ପହଞ୍ଚିବା ପରେ ଏହି ରାଜକୀୟ ଦମ୍ପତିଙ୍କୁ ସ୍ୱାଗତ ବେଳର ଫଟୋ ଏୟାର ଇଣ୍ଡିଆ ଟ୍ୱିଟରରେ ପୋଷ୍ଟ କରିଛି । ରାଜା କାର୍ଲଙ୍କର ଏଭଳି କାର୍ଯ୍ୟକଳାପକୁ ଅଧିକାଂଶ ସୋସିଆଲ ମିଡିଆ ୟୁଜର ପ୍ରେରଣାଦାୟକ ଓ ସରଳତାର ଜୀବନ୍ତ ଉଦାହରଣ ବୋଲି କହୁଛନ୍ତି । ଭାରତ ଗସ୍ତରେ ଥିବା ରାଜା କାର୍ଲ ଓ ରାଣୀ ଜାମା ମସଜିଦ, ଲାଲ ଦୁର୍ଗ ଓ ଗାନ୍ଧି ସ୍ମୃତି ପରିଦର୍ଶନ କରିଛନ୍ତି । ଭାରତ ସହ ସ୍ୱିଡେନ୍‌ର ସମ୍ପର୍କ ଆହୁରି ମଜବୁତ କରିବା ନିମିତ୍ତ ରାଷ୍ଟ୍ରପତି ରାମନାଥ କୋବିନ୍ଦଙ୍କ ସହ ମଧ୍ୟ ସାକ୍ଷାତ କରିଛନ୍ତି ।

   ସମ୍ବନ୍ଧିତ ଖବର


ପୋକସୋ ଆକ୍ଟ ନେଇ ରାଷ୍ଟ୍ରପତିଙ୍କ ଗୁରୁତ୍ବପୂର୍ଣ୍ଣ ମନ୍ତବ୍ୟ, ଶିଶୁ ଦୁଷ୍କର୍ମକାରୀଙ୍କୁ ରାଜକ୍ଷମା ଆବେଦନରୁ ବାଦ୍ ଦିଆଯାଉ

ଏଣିକି ପୋଷ୍ଟମ୍ୟାନ୍ ଓ ଗ୍ରାମୀଣ ଡାକ ସେବକ ବିକ୍ରି କରିବେ ଇନସ୍ୟୁରାନ୍ସ ପଲିସି, ଗାଇଡଲାଇନ୍ ଜାରି

ହାଇଦ୍ରାବାଦ ଦୁଷ୍କର୍ମକାରୀଙ୍କ ମୃତଦେହ ନେବାକୁ ମନାକଲେ ପରିବାର ଲୋକ, ପୋଲିସ କରିପାରେ ଅନ୍ତିମ ସଂସ୍କାର

ପିସ୍ତଲ ଛଡାଇ…ଫାୟରିଂ କଲେ… ସାମ୍ବାଦିକ ସମ୍ମିଳନୀରେ ସମ୍ପୂର୍ଣ୍ଣ ଏନକାଉଣ୍ଟର ଘଟଣାକ୍ରମ ସମ୍ପର୍କରେ ସୂଚନା ଦେଲେ କମିଶନର