ଦୁବାଇ,୧୭/୦୫: ଆଗାମୀ ଟି-ଟ୍ୱେଣ୍ଟି ବିଶ୍ୱକପ୍ ପାଇଁ ଆଇସିସି ଅଭ୍ୟାସ ମ୍ୟାଚ୍ର କ୍ରୀଡ଼ାସୂଚୀ ଘୋଷଣା କରିଛି । ମେ ୨୭ରୁ ଜୁନ୍ ୧ ତାରିଖ ମଧ୍ୟରେ ମୋଟ୍ ୧୬ଟି ଅଭ୍ୟାସ ମ୍ୟାଚ୍ ଖେଳାଯିବ । ଭାରତ ଜୁନ୍ ୧ ତାରିଖରେ ବାଂଲାଦେଶକୁ ଭେଟିବ । ଏହି ମ୍ୟାଚ୍ ପାଇଁ ଏପର୍ଯ୍ୟନ୍ତ ଷ୍ଟାଡ଼ିୟମ୍ ଚୂଡ଼ାନ୍ତ କରାଯାଇନାହିଁ ।
ପ୍ରତ୍ୟେକ ଅଭ୍ୟାସ ମ୍ୟାଚ୍ ୨୦ ଓଭର ବିଶିଷ୍ଟ ରହିବ । ପ୍ରତ୍ୟେକ ଦଳ ମ୍ୟାଚ୍ ମଧ୍ୟରେ ସମସ୍ତ ୧୫ଜଣ ଖେଳାଳିଙ୍କୁ ଖେଳାଇ ପାରିବେ । ଡିଫେଣ୍ଡିଂ ଚାମ୍ପିଅନ୍ ଇଂଲଣ୍ଡ ଓ ନ୍ୟୁଜିଲାଣ୍ଡ ଅଭ୍ୟାସ ମ୍ୟାଚ୍ ଖେଳିବେ ନାହିଁ । ଅନ୍ୟ ପଟରେ ଅଷ୍ଟ୍ରେଲିଆ ୨ଟି ଅଭ୍ୟାସ ମ୍ୟାଚ୍ ଖେଳିବ । ସେହିପରି ଦକ୍ଷିଣ ଆଫ୍ରିକା ଏକ ଇନ୍ଟ୍ରା ସ୍କ୍ୱାଡ୍ ମ୍ୟାଚ୍ ଖେଳିବାକୁ ନିଷ୍ପତ୍ତି ନେଇଛି ।
୩୦ତାରିଖରେ ଅଷ୍ଟ୍ରେଲିଆ ଓ ୱେଷ୍ଟ ଇଣ୍ଡିଜ୍ ମଧ୍ୟରେ ଏକ ଅଭ୍ୟାସ ମ୍ୟାଚ୍ ରହିଛି । ତ୍ରିନିଦାଦ ସ୍ଥିତ କୁଇନ୍ସ ପାର୍କ ଓଭାଲ ଏହି ଗ୍ରାଉଣ୍ଡ୍ରେ ଏହି ମ୍ୟାଚ୍ ଖେଳାଯିବ । ଦର୍ଶକଙ୍କ ପାଇଁ ଷ୍ଟାଡିୟମ ଖୋଲା ରହିବ।