PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟୋକିଓ ଅଲିମ୍ପିକ୍ସ: ଭାରତୀୟ ମହିଳା ହକି ଟିମ୍‌ ଜର୍ମାନୀ ଠାରୁ ୨-୦ରେ ହାରିଲା
  • ||
  • ଆନନ୍ଦପୁର : ଗାଧୋଇବା ବେଳେ ଅଘଟଣ, କେନାଲରେ ବୁଡ଼ି ଯୁବକ ମୃତ
  • ||
  • ଭୁବନେଶ୍ଵର : ରାଜଧାନୀରେ ପୁଣି ଆତଙ୍କରାଜ, ୨ ଯୁବକଙ୍କୁ ବିଚ୍ ରାସ୍ତାରେ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
  • ||
  • ନୂଆଦିଲ୍ଲୀ: ମୀରାବାଈ ଚାନୁଙ୍କୁ ମିଳିପାରେ ସ୍ବର୍ଣ୍ଣ ପଦକ, ଝିହୁଇ ହୋଙ୍କର ହେବ ଆଣ୍ଟି ଡୋପିଂ ଟେଷ୍ଟ
  • ||
  • କୋରାପୁଟ: ଭ୍ୟାନରୁ ୧.୮ଲକ୍ଷ ଟଙ୍କା ସହ କୋଟିଏ ଟଙ୍କାର ଗଞ୍ଜେଇ ଜବତ କଲା ଜୟପୁର ସଦର ପୋଲିସ, ଜଣେ ଗିରଫ
  • ||
  • ସମ୍ବଲପୁର: ବଲାଙ୍ଗୀର ଏନ୍‌ଏଚ୍‌ ଲୁଟ ଘଟଣା, ୬ କୁଖ୍ୟାତ୍ ଟ୍ରକ୍ ଲୁଟେରାଙ୍କୁ ଗିରଫ କଲା ପୋଲିସର ସ୍ବତନ୍ତ୍ର ସ୍କ୍ବାର୍ଡ
  • ||
  • ସମ୍ବଲପୁର: ପୁଣି ଖୋଲିଲା ହୀରାକୁଦ ଡ୍ୟାମ୍‌ର ୨ ଗେଟ୍‌, ମୋଟ ୮ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ବେଙ୍ଗାଲୁରୁ : କର୍ଣ୍ଣାଟକ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ୟେଦିୟୁରପ୍ପା
  • ||
  • ଭୁବନେଶ୍ୱର : ତୃତୀୟ ଲହରୀ ଆସିବାର ଏପର୍ଯ୍ୟନ୍ତ କୌଣସି ଲକ୍ଷଣ ନାହିଁ, ସ୍ଥିତି ଦେଖି ଅନ୍‌ଲକ୍‌ ନିଷ୍ପତ୍ତି : ଡିଏମ୍‌ଇଟି
  • ||
  • ନୂଆଦିଲ୍ଲୀ: ମହାରାଷ୍ଟ୍ର ସଦନରେ ଅଗ୍ନିକାଣ୍ଡ, ନିଆଁଲିଭା କାର୍ଯ୍ୟରେ ୪ଟି ଦମକଳ ଗାଡ଼ ନିୟୋଜିତ
  • ||
  • ସାଲେପୁର: ବାଇକ୍‌କୁ ଧକ୍କା ଦେଲା ଟ୍ରକ୍, ସ୍ଵାମୀ-ସ୍ତ୍ରୀ ଗୁରୁତର
  • ||
  • ଭୁବନେଶ୍ୱର: ଓଡ଼ିଶାରେ କମୁଛି ସଂକ୍ରମଣ, ୨୪ ଘଣ୍ଟା ମଧ୍ୟରେ ୧୬୩୭ ଜଣ କରୋନା ପଜିଟିଭ ଚିହ୍ନଟ
  • ||
  • ଭୁବନେଶ୍ୱର: ଖୋଲିଲା ସ୍କୁଲ, ପାଠପଢ଼ା ଆରମ୍ଭ କଲେ ଦଶମ ଓ ଦ୍ବାଦଶ ଛାତ୍ରଛାତ୍ରୀ
  • ||
  • ଭୋଗରାଇ : ନଦୀ ଘାଟକୁ ପାଣି ଆଣିବାକୁ ଯାଇ ଭାସିଗଲା ନାବାଳକ, ଉଦ୍ଧାର କାର୍ଯ୍ୟ ଜାରି
  • ||
  • କାର୍ଗିଲ ବିଜୟ ଦିବସ : ପାକିସ୍ତାନକୁ ଧୂଳି ଚଟାଇ କାର୍ଗିଲ ଶିଖରରେ ତ୍ରିରଙ୍ଗା ଉଡ଼ାଇଥିଲେ ଭାରତର ବୀର ଯବାନ
  • ||
  • ଭୁବନେଶ୍ୱର : ଆଜି ବାଲେଶ୍ୱରକୁ ଛାଡ଼ି ସବୁଠି ଟିକାକରଣ, ରାଜ୍ୟର ୧୩୦୨ କେନ୍ଦ୍ରରେ ଦିଆଯିବ ଟିକା
  • ||
  • ଆଠଗଡ଼ : ଶ୍ରାବଣ ମାସର ପ୍ରଥମ ସୋମବାର, ଭକ୍ତଶୂନ୍ୟ ବାବା ଧବଳେଶ୍ଵରଙ୍କ ପୀଠ
  • ||
  • ଅନଗୁଳ : ବିଳମ୍ବିତ ରାତିରେ ଘର ପୋଡ଼ିଦେଲେ ଦୁର୍ବୃତ୍ତ, ଲକ୍ଷାଧିକ ଟଙ୍କାର ସମ୍ପତ୍ତି ପୋଡ଼ି ପାଉଁଶ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୫୭୪କୁ ବୃଦ୍ଧି
  • ||
  • ଭୁବନେଶ୍ୱର : ଓଡ଼ିଶାରେ କମୁଛି ସଂକ୍ରମଣ, ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୬୩୭ ଜଣ କରୋନା ପଜିଟିଭ୍
  • ||

୨୦୨୦ ଟି-ଟ୍ୱେଣ୍ଟି ବିଶ୍ୱକପ କ୍ରୀଡ଼ାସୂଚୀ ଘୋଷିତ, ଲିଗ୍‌ରେ ଭେଟିବେନି ଭାରତ-ପାକିସ୍ତାନ

ମେଲବୋର୍ଣ୍ଣ,୨୯ା୧(ଏଜେନ୍ସିା): ୨୦୨୦ରେ ଆୟୋଜିତ ହେବାକୁ ଯାଉଥିବା ଆଇସିସି ଟି-ଟ୍ୱେଣ୍ଟି ବିଶ୍ୱକପ୍‌ର କ୍ରୀଡ଼ାସୂଚୀ ଘୋଷଣା କରାଯାଉଛି । ଏଥର ଅଷ୍ଟ୍ରେଲିଆ ଉଭୟ ମହିଳା ଓ ପୁରୁଷ ଟି-ଟ୍ୱେଣ୍ଟି ବିଶ୍ୱକପ୍‌ ଆୟୋଜନ କରିବ । କ୍ରିକେଟ୍‌ ଇତିହାସରେ ପ୍ରଥମ ଥର ପାଇଁ ଗୋଟିଏ ବର୍ଷରେ ଉଭୟ ପୁରୁଷ ଓ ମହିଳା ଟି-ଟ୍ୱେଣ୍ଟି ବିଶ୍ୱମପ୍‌ ଆୟୋଜିତ ହେବାକୁ ଯାଉଛି । ଫେବୃଆରୀ ୨୧ରୁ ମହିଳା ବିଶ୍ୱକପ୍‌ ଆରମ୍ଭ ହୋଇ ମାର୍ଚ୍ଚ ମାସ ୮ ତାରିଖରେ ଶେଷ ହେବ । ସେହିପରି ପୁରୁଷ ବିଶ୍ୱକପ୍‌ ଅକ୍ଟୋବର ମାସ ୧୮ ତାରିଖରୁ ପୁରୁଷ ବିଶ୍ୱକପ୍‌ ଆରମ୍ଭ ହୋଇ ନଭେମ୍ବର ମାସ ୧୫ତାରିଖରେ ଫାଇନାଲ୍‌ ଖେଳାଯିବ । ଏଥର ବିଶ୍ୱକପ୍‌ରେ ଦୁଇ ପ୍ରତିଦ୍ୱନ୍ଦ୍ୱୀ ଭାରତ ଓ ପାକିସ୍ତାନ ପରସ୍ପରକୁ ଲିଗ୍‌ ରାଉଣ୍ଡ୍‌ରେ ଭେଟିବେ ନାହିଁ । ଉଭୟ ଭିନ୍ନ ଗ୍ରୁପ୍‌ରେ ସ୍ଥାନ ପାଇଛନ୍ତି
ଯୋଗ୍ୟତା ପର୍ଯ୍ୟାୟ ମୁକାବିଲାରୁ ପୁରୁଷ ଟି-ଟ୍ୱେଣ୍ଟି ବିଶ୍ୱକପ୍‌ ଆରମ୍ଭ ହେବ । ପ୍ରଥମେ ୮ଟି ଦଳକୁ ନେଇ ଯୋଗ୍ୟତା ରାଉଣ୍ଡ ଖେଳାଯିବ । ଅକ୍ଟୋବର ମାସ ୧୮ ତାରିଖରୁ ଯୋଗ୍ୟତା ରାଉଣ୍ଡ ଆରମ୍ଭ ହୋଇ ୨୩ ତାରିଖରେ ଶେଷ ହେବ । ଏଥିରୁ ୪ଟି ଶ୍ରେଷ୍ଠ ଦଳ ମୁଖ୍ୟ ଗ୍ରୁପ୍‌(ସୁପର-୧୨)କୁ ଯୋଗ୍ୟତା ଅର୍ଜନ କରିବେ । ୨୪ତାରିଖରୁ ମୁଖ୍ୟ ଗ୍ରୁପ୍‌ର ଲିଗ୍‌ ପର୍ଯ୍ୟାୟ ଆରମ୍ଭ ହେବ ।
ମାନ୍ୟତା ତାଲିକା ଆଧାରରେ ଶ୍ରେଷ୍ଠ ୮ଟି ମାନ୍ୟତା ପ୍ରାପ୍ତ ଦଳ ପୂର୍ବରୁ ମୁଖ୍ୟ ଡ୍ର’କୁ ସିଧା ସଳଖ ଯୋଗ୍ୟତା ଅର୍ଜନ କରିଛନ୍ତି । ଯୋଗ୍ୟତା ପର୍ଯ୍ୟାୟ ମୁକାବିଲା ପରେ ଅନ୍ୟ ୪ ଦଳ ଏମାନଙ୍କ ସହ ସୁପର-୧୨ ରାଉଣ୍ଡରେ ଯୋଗ ଦେବେ । ଗ୍ରୁପ୍‌-୧ରେ ଅଷ୍ଟ୍ରେଲିଆ, ପାକିସ୍ତାନ, ୱେଷ୍ଟଇଣ୍ଡିଜ୍‌ ଓ ନ୍ୟୁଜିଲାଣ୍ଡ ସ୍ଥାନ ପାଇଛନ୍ତି । ସେହିପରି ଗ୍ରୁପ୍‌-୨ରେ ରହିଛନ୍ତି ଭାରତ, ଇଂଲଣ୍ଡ, ଦକ୍ଷିଣ ଆଫ୍ରିକା ଓ ଆଫଗାନିସ୍ତାନ ।
ଲିଗ୍‌ ରାଉଣ୍ଡ୍‌ରେ ଦୁଇ ପାରମ୍ପରିକ ପ୍ରତିଦ୍ୱନ୍ଦ୍ୱୀ ଭାରତ ଓ ପାକିସ୍ତାନ ଗୋଟିଏ ଗ୍ରୁପ୍‌ରେ ସ୍ଥାନ ପାଇ ନାହାନ୍ତି । ଫଳରେ ଉଭୟ ଦେଶ ଏଥର ଲିଗ୍‌ ରାଉ ପରସ୍ପରକୁ ଭେଟୁ ନାହାନ୍ତି । ୨୦୧୧ ଦିନିକିଆ ବିଶ୍ୱକପ୍‌ ଠାରୁ ସମସ୍ତ ଆଇସିସି ଟୁର୍ଣ୍ଣାମେଣ୍ଟ ଗୁଡ଼ିକର ଲିଗ୍‌ ରାଉଣ୍ଡ୍‌ରେ ଭାରତ ଓ ପାକିସ୍ତାନ ମଧ୍ୟରେ ମୁକାବିଲା ହୋଇ ଆସିଛି । ଚଳିତ ବର୍ଷ ଇଂଲଣ୍ଡରେ ହେବାକୁ ଥିବା ଦିନିକିଆ ବିଶ୍ୱକପ୍‌ରେ ମଧ୍ୟ ଉଭୟ ଦଳ ଲିଗ୍‌ ରାଉଣ୍ଡ୍‌ରେ ପରସ୍ପରକୁ ଭେଟିବେ । ଟି-ଟ୍ୱେଣ୍ଟି ମାନ୍ୟତା ଯୋଗୁଁ ଉଭୟ ଦଳ ଗୋଟିଏ ଗ୍ରୁପ୍‌ରେ ସ୍ଥାନ ପାଇପାରି ନାହାନ୍ତି । ତେଣୁ ଲିଗ୍‌ ରାଉଣ୍ଡରେ ଉଭୟ ଦଳ ପରସ୍ପରକୁ ଭେଟୁ ନାହାନ୍ତି । ପାକିସ୍ତାନ ଟି-ଟ୍ୱେଣ୍ଟି ମାନ୍ୟତାର ଶୀର୍ଷ ସ୍ଥାନ ହାସଲ କରିଥିବାବେଳେ ଭାରତ ଦ୍ୱିତୀୟ ସ୍ଥାନରେ ରହିଛି । ଫଳରେ ଉଭୟ ଭିନ୍ନ ଗ୍ରୁପ୍‌ରେ ସ୍ଥାନ ପାଇଛନ୍ତି ।
ଟି-ଟ୍ୱେଣ୍ଟି ମାନ୍ୟତା ତାଲିକାର ନବମ ଓ ଦଶମ ସ୍ଥାନରେ ରହିଥିବା ଶ୍ରୀଲଙ୍କା ଓ ବାଂଲାଦେଶ ସିଧା ସଳଖ ବିଶ୍ୱକପ୍‌କୁ ଯୋଗ୍ୟତା ଅର୍ଜନ କରିପାରି ନାହାନ୍ତି । ଉଭୟ ଦଳ ଅନ୍ୟ ୬ଟି ଦଳ ସହ ଯୋଗ୍ୟତା ରାଉଣ୍ଡ ଖେଳିବେ ।
ସୁପର-୧୨ ରାଉଣ୍ଡ୍‌ ଅକ୍ଟୋବର ମାସ ୨୪ ତାରିଖରୁ ଆରମ୍ଭ ହେବ । ଉଦ୍‌ଘାଟନୀ ଦିବସରେ ୨ଟି ମ୍ୟାଚ୍‌ ରହିଛି । ପ୍ରଥମ ମ୍ୟାଚ୍‌ରେ ଅଷ୍ଟ୍ରେଲିଆ ଓ ପାକିସ୍ତାନ ପରସ୍ପରକୁ ଭେଟିବେ । ସିଡନୀ କ୍ରିକେଟ୍‌ ଗ୍ରାଉଣ୍ଡ୍‌ରେ ଏହି ମ୍ୟାଚ୍‌ ଖେଳାଯିବ । ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଦ୍ୱିତୀୟ ମ୍ୟାଚ୍‌ ଅନୁଷ୍ଠିତ ହେବ । ପର୍ଥରେ ଏହି ମ୍ୟାଚ୍‌ ଖେଳାଯିବ । ଡିଫେଣ୍ଡିଂ ଚାମ୍ପିଅନ୍‌ ୱେଷ୍ଟଇଣ୍ଡିଜ୍‌ ୨୫ତାରିଖରେ ଅଭିଯାନ ଆରମ୍ଭ କରିବ । ଇଣ୍ଡିଜ୍‌ ଦଳ ପ୍ରଥମ ମ୍ୟାଚ୍‌ରେ ନ୍ୟୁଜିଲାଣ୍ଡକୁ ଭେଟିବ ।
ସିଡନୀ ଓ ଆଡିଲେଡ୍‌ ଉଭୟ ସେମି ଫାଇନାଲ୍‌ ଆୟୋଜନ କରିବ । ନଭେମ୍ବର ମାସ ୧୧ ଓ ୧୨ ତାରିଖରେ ଏହି ମ୍ୟାଚ ଦ୍ୱୟ ଆୟୋଜିତ ହେବ । ୧୫ ତାରିଖରେ ମେଲବୋର୍ଣ୍ଣ ଗ୍ରାଉଣ୍ଡ ଫାଇନାଲ୍‌ ଆୟୋଜନ କରିବ ।
ମହିଳା ବିଶ୍ୱକପ: ମହିଳା ଟି-ଟ୍ୱେଣ୍ଟି ବିଶ୍ୱକପ୍‌ର ଉଦ୍‌ଘାଟନୀ ମୁକାବିଲାରେ ଡିଫେଣ୍ଡିଂ ଚାମ୍ପିଅନ୍‌ ଅଷ୍ଟ୍ରେଲିଆ ଓ ଭାରତ ପରସ୍ପରକୁ ଭେଟିବେ । ସିଡ୍‌ନୀ କ୍ରିକେଟ୍‌ ଗ୍ରାଉଣ୍ଡ୍‌ରେ ଏହି ମ୍ୟାଚ୍‌ ଖେଳାଯିବ । ମହିଳା ବିଶ୍ୱକପ୍‌ରେ ୧୦ଟି ଦଳ ଭାଗ ନେବେ । ଟୁର୍ଣ୍ଣାମେଣ୍ଟରେ ମୋଟ୍‌ ୨୩ଟି ଖେଳାଯିବ । ମେଲ୍‌ବୋର୍ଣ୍ଣ କ୍ରକେଟ୍‌ ଗ୍ରାଉଣ୍ଡ ଫାଇନାଲ୍‌ ମ୍ୟାଚ୍‌ ଆୟୋଜନ କରିବ । ଅନ୍ତର୍ଜାତୀୟ ମହିଳା ଦିବରେ ମହିଳା ବିଶ୍ୱକପ୍‌ର ଫାଇନାଲ୍‌ ମ୍ୟାଚ୍‌ ଖେଳାଯିବ ।
ମହିଳା ବର୍ଗରେ ୧୦ଟି ଦଳକୁ ୨ଟି ଗ୍ରୁପ୍‌ରେ ଭାଗ କରାଯାଇଛି । ଉଭୟ ଗ୍ରୁପ୍‌ରେ ୫ଟି ଲେଖାଏଁ ଦଳ ସ୍ଥାନ ପାଇଛନ୍ତି । ଗ୍ରୁପ୍‌-ଏ ରେ ଅଷ୍ଟ୍ରେଲିଆ, ନ୍ୟୁଜିଲାଣ୍ଡ, ଭାରତ, ଶ୍ରୀଲଙ୍କା ଓ ଗୋଟିଏ ଯୋଗ୍ୟତା ପ୍ରାପ୍ତ ଦଳ ରହିଛନ୍ତି । ସେହିପରି ଗ୍ରୁପ୍‌ ବି’ରେ ଇଂଲଣ୍ଡ, ୱେଷ୍ଟଇଣ୍ଡିଜ୍‌, ଦକ୍ଷିଣ ଆଫ୍ରିକା, ପାକିସ୍ତାନ ସହ ଅନ୍ୟ ଏକ ଯୋଗ୍ୟତା ପ୍ରାପ୍ତ ଦଳକୁ ସ୍ଥାନ ଦିଆ ଯାଇଛି । ଉଭୟ ବର୍ଗର ବିଶ୍ୱକପ ପାଇଁ ଅଷ୍ଟ୍ରେଲିଆର ୮ଟି ସହରରୁ ୧୩ଟି ଷ୍ଟାଡିୟମ୍‌କୁ ଚୟନ କରାଯାଇଛି ।

ସମ୍ବନ୍ଧିତ ଖବର