ନ୍ୟୁୟର୍କ,୧୭/୦୫: ଟି-ଟ୍ୱେଣ୍ଟି ବିଶ୍ୱକପ୍କୁ ନେଇ ଆମେରିକାରେ ପ୍ରସ୍ତୁତି ଜୋରଦାର ଆଗେଇ ଚାଲିଛି । ଜୁନ ୧ ତାରିଖରୁ ଆରମ୍ଭ ହେବ ବିଶ୍ୱକପ୍ । ନ୍ୟୁୟର୍କରେ ୯ ତାରିଖରେ ଭାରତ- ପାକିସ୍ତାନ ମ୍ୟାଚ୍ ଖେଳାଯିବ । ଏନେଇ ନିର୍ମାଣ ହୋଇଛି ଏକ ନୂଆ ଷ୍ଟାଡିୟମ । ଯାହାର ନାମ ରଖାଯାଇଛି ନାସାଉ କାଉଣ୍ଟି ଇଣ୍ଟରନ୍ୟାସନାଲ କ୍ରିକେଟ୍ ଷ୍ଟାଡିୟମ । ଏହାର ଦର୍ଶକ ଧାରଣ କ୍ଷମତା ୩୪ ହଜାର ରହିଛି । ଷ୍ଟାଡିୟମରେ ଅସ୍ଥାୟୀ ଭାବେ ଫ୍ଲୋରିଡାରୁ ଆସିଥିବା ଉଠା କ୍ରିକେଟ୍ ପିଚ୍ ବ୍ୟବହାର ହୋଇଛି । ଠିକ୍ ସେମିତି ଗ୍ୟାଲେରୀ ଏବଂ ଅନ୍ୟାନ୍ୟ ନିର୍ମାଣ କାର୍ଯ୍ୟ ପାଇଁ ଲାସ୍ ଭେଗ୍ସର ଫର୍ମୁଲା-୧ ସର୍କିଟରେ ଥିବା ଭ୍ରାମ୍ୟମାଣ ଭିତ୍ତିଭୂମିକୁ ବ୍ୟବହାର କରାଯାଇଛି । ଆମେରିକାରେ ଯେଉଁ ୩ଟି ଷ୍ଟାଡିୟମରେ (ନ୍ୟୁୟର୍କ, ଫ୍ଲୋରିଡା, ଟେକ୍ସାସ) ୧୬ଟି ମ୍ୟାଚ୍ ଖେଳାଯିବ, ସବୁ ଷ୍ଟାଡିୟମରେ ଉଠା ପିଚ୍ ବିଛା ଯାଇଛି ।
ଇସ୍ତଫା ଦେବାକୁ ଅଡ଼ି ବସିଥିଲେ ଦେବେନ୍ଦ୍ର ଫଡନାବିସ୍...