ଭୁବନେଶ୍ୱର - ଓଡ଼ିଶାରେ କରୋନା ଆକ୍ରାନ୍ତଙ୍କ ସଂଖ୍ୟା ୨୦ରେ ପହଞ୍ଚିଛି । ଦିଲ୍ଲୀ ନିଜାମୁଦ୍ଦିନ ସମ୍ମିଳନୀରୁ ଫେରିଥିବା ଅନେକ ଲୋକଙ୍କ ଠାରେ କରୋନା ପଜେଟିଭ୍ ମିଳିଛି । ଏବେ ସେହି ସମ୍ମଳନୀରୁ ଫେରିଥିବା ବ୍ୟକ୍ତିମାନେ ନିଜର ତଥ୍ୟ ପ୍ରଦାନ କରନ୍ତୁ ବୋଲି ସୁବ୍ରତ ବାଗଚୀ ପରାମର୍ଶ ଦେଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ନିଜାମୁଦ୍ଦୀନ ତବଲିଗ୍ ସମ୍ମିଳନୀରୁ ଫେରିଥିବା ଲୋକଙ୍କୁ ସ୍ୱତ୍ତପ୍ରବୃତ୍ତ ଭାବେ ନିଜର ତଥ୍ୟ ପ୍ରଦାନ କରିବାପାଇଁ ଅପିଲ୍ କରିଛନ୍ତି । ଲୋକ ସ୍ୱତ୍ତପ୍ରବୃତ୍ତ ଭାବେ ନିଜର ସୂଚନା ପ୍ରଦାନ ନ କଲେ ଆକ୍ରାନ୍ତଙ୍କ ସଂଖ୍ୟା ଆଶାତୀତ ଭାବେ ବୃଦ୍ଧି ପାଇବ । ଏଥିପାଇଁ ଅତ୍ୟଧିକ ସାଧନର ଆବଶ୍ୟକତା ରହିଛି ବୋଲି କରୋନା ପାଇଁ ରାଜ୍ୟ ସରକାରଙ୍କ ଦ୍ୱାରା ନିଯୁକ୍ତ ମୁଖପାତ୍ର ସୁବ୍ରତ ବାଗଚୀ ପ୍ରକାଶ କରିଛନ୍ତି । କଣ୍ଟାକ୍ଟ ଲିଷ୍ଟ ବଢିଯିବ । ଏଥିପାଇଁ ଲୋକ ସଚେତନ ହେବା ଦରକାର ।କେବଳ ନିର୍ଦ୍ଦିଷ୍ଟ ଗୋଷ୍ଠୀର ବ୍ୟକ୍ତି ନୁହନ୍ତି ସମସ୍ତେ ଏଥିପାଇଁ ସଚେତନ ହେବା ଦରକାର ବୋଲି ସେ ସୂଚନା ଦେଇଛନ୍ତି ।
ଏଥିପାଇଁ ସମସ୍ତେ ସଚେତନ ହୁଅନ୍ତୁ । ଲକ୍ଡାଉନ୍କୁ କଡାକଡି ଭାବେ ପାଳନ କରନ୍ତୁ ବୋଲି ସେ ସୂଚନା ଦେଇଛନ୍ତି । ପ୍ରଶାସନ ଓ ପୁଲିସକୁ ତା କାମ କରିବା ପାଇଁ ଦିଅନ୍ତୁ